صور زوجي !!!!

[@أجمل سنيني @]

مساء الخير بنات
اشلونكم ؟؟؟
النك مال رفيجتي وحبيت اعرض مشكلتي بالمنتدي
كل ما في الامر اني بحيره وماني عارفه اشلون اتصرف ؟؟؟؟
بنات توني متزوجه ما صار لي سنه زوجي مو وسيم بس مملوح
عمري 28 سنه ولي اخت عمرها 20 سنه
المهم انه ساكنه بشقه بروحي وزوجي يحب الكشخه وزقرتي ويحب يحتفظ بصوره باللاب توب .......
المهم اختي فترات تمرني وتقعد معاي ومرات تقعد على لاب توب زوجي للحين الامور عاديه وما فيها شئ
هذاك اليوم زرت اهلي وسهرت عندهم بيومها اختي كانت رايحه عرس رفيجتها بس انه ما كان لي خلق اروح فقعدت بالبيت مع امي .......
من الملل رحت غرفتها ابقعد ع الاب توب شوي ولا القى فلاش ميموري بالدرج مال اختي " دايمن اشوفه معاها "
المهم حطيت الفلاش ابشوووووفه
ولا الصدمه كله صور زوجي !!!!!!وحاطه عبارات حب وغرام وشعر
وكاتبه ع بعض صوره احبك !!

من الصدمه ما قدرت اتكلم ولا اقول حق احد !!
اختي تحب زوجي !!
ع فكره بنات زوجي غريب وما يصير لنا كلش
واول مره شفته يوم الخطبه يعني ما كو مجال انها تحطه ببالها قبل الزواج .....
الحل شسوي ؟؟؟؟؟

 

[ام فوااز]

رد : صور زوجي !!!!

امبيييه
اختج الظاهر للحين عايشة مراهقتها والله مادري شقولج بس ديري بالج
انا اقول احسن شي قولي حق امج خل تتصرف او اذاعندج اخت اكبر منج بس لاتييبين هالموضوع عند ريلج كلش الحين دام مالاحظتي شي عليه

 

[حبيبتي إختي]

رد : صور زوجي !!!!

لا حول ولا قوة الا بالله .. مسكينة الظاهر مراهقة .. وانبهرت برجلج وتعرفين افكار المراهقين مو متزنة
الحين اهم شي لا تجيبين طاري حق رجلج ابدا ابدا .. وحاولي تحلين الموضوع بروحج
وبالنسبة لاختج اقطعي رجلها من البيت عندج يعني لا تخلينها تجيج خير شر.. ولا تمدحين زوجج بوجودها
وحاولي تشغلينها بسوالف ثانية واقعدي ذمي برجلج قدامها حتى لو بالجذب علشان انجذابها صوبه يقل

الله يعينج ويهونها عليج إن شاء الله.

 

[}{نرجسيهـ}{]

ياااااويسي 


ابج كلميها وقفيها عند حدها ..


لاسمح الله لو اختي جان علمتها ان الله حق ..

بس الحمدلله خواتي نفوسهن ماهي دنيه ..~

 

[ام فوااز]

رد : صور زوجي !!!!

امبيييه
اختج الظاهر للحين عايشة مراهقتها واله مادري شقولج بس ديري بالج
انا اقول احسن شي قولي حق امج خل تتصرف او اذاعندج اخت اكبر منج بس لاتييبين هالموضوع عند ريلج كلش الحين دام مالاحظتي شي عليه

 

[الجوريات]

رد : صور زوجي !!!!

الله يعينج حبيبتي

 

[ام زاكي]

كسري الفلاش
وبعدين قولي لها شنو قصتج انتي
ونصحيها تراها اختج مايصير تتركينها جذي اذا ماحبت زوجج تحب غيره نبهيها قبل لايطيح الفاس باراس

 

[Galaxyaah]

رد : صور زوجي !!!!

كلميها @@ شوفي شسالفتها؟؟؟ وبيني انج معصبه وخرعيها اب امج وابوج واهي صح موصغيره ! وعلى قوله الي قبلي كسري الفلاش احسن او اخذيه مسحي الصور ولاتيبين طاري حق ريلج ديري بالج
والله الدنيا صارت تخوف استغفر الله

 

[..um-7mny..]

امبيييه ماصدق!!!

حبيبتي واجهيها .. اختج موو صغيره وتعرف الصح من الغلط ..

وبعدين انتي عاارفه ان زووجج اكييد يحبج واختاارج من بد كل البنات

يعني مشكلتج مع اختج رويها الصوور وقولي لها من بد كل الريايل ماخترتي الا زوج اختج وشوفي شنوو عذرهاّّّ

 

[G!RLooNa]

امبيييه كلمي امج لازم احد يكلمها

و لا تكسرين الفلاش حرام يمكن في شغلها مال الجامعه بس اذا تبين مسحي صور ريلج!*

 

[كويتيه مذهله 87]

حبيبتي اختجاذا صغيره ومراهقه احس شي طبيعي عندها نقص وتفكيرها لي الحين ياهل

لا تشكين ان بيوم تحب ريلج قبل عرفتي

علي غشمره قوليلها مره بطلت لابتووبج ولقيت صور ريلي شلون وصلوا عندج بس علي غشمره وشووفي ردت فعلها

,,,

 

[هنـــــد]

رد : صور زوجي !!!!




يمكن تكشخ فيه عند ربعها في النت
ترا تصير واجد .. انا اختي مره قالت لي عطيني صورة زوجج
بكشخ جدام ربعي فيه .. لايروح فكرج لبعيييييد

 

[فاقده حنان ابوه]

واجههيهاا ساليها قوليلها شايب صور ريلي بفلاشج

لا تسكتين دام الموضوع توه فرش


الله يهوه عليج يا ربي

 

[ام شووووق]

رد : صور زوجي !!!!

ناديها وكلميها بينج وبينها

لا يصير عندج مسلسل زوارة خميس


قوليلها الللللللللللللللللللللله انتي مسويتلي ياهم مفاجأة علشان اسوي حق زوجي بروجكتر

استهبلي ولاتبينيلها انج شاكه فيها

 

[ملامح جنونيه]

رد : صور زوجي !!!!

لا حول و لا قوة الا بالله

حبيبتي انتي غلطتي لما تعطينها لاب توب زوجج باي حق تاخذه

المفروووض ماتعطينها لاب توب زوجج ابدا

و مره ثانيه اذا طلبته لاتعطينها

و صارحيها شوي شوي يعني اعزميها عندج و زوجج مو موجود طبعا

و عطيها نغزه مثلا رفيجتي اكتشفت مره صور زوجها بلاب اختها وحاطه كلام حب و شكلها تحبه وجذيه

و بعدها قوليلها وصارحيها بالهداوه و تناقشو بالموضوع بينكم و با سلوبج واسترو على بعض

و ان شاءالله بتفهم على طول وصدقيني باذن الله بهالطريقه ماراح تعيدها

 

[..الشيخه حلاها..]

رد : صور زوجي !!!!

لا تسير اختج نفس ناديه اللي بزوارة خميس يمااااااااااااااي الدنيا تخوف حتى الخوات انخاف على رياجيلنا منهم

 

[قمر قمر]

رد : صور زوجي !!!!

استغفرالله حتى الخوات ينخاف منهم

 

[قطووه حلووه]

رد : صور زوجي !!!!

اقووولج شي غيرر عن كلام البنااات ويمكن البعض راح يضحك من ردي
شوفي اقوولج شغله في بناات يحبوون سوالف الرسايل والغرام والاشعااار وهالخراابيط اعرف بنات جذي يمكن يمكن زوجج عاجبها ك شكل وكان هذا الشي اقرب لها انها تعبر عنه مثلاااا...مو شرط تكون تحبه عدل ولا لا؟؟؟؟ هذا خمسين بالميه
وال 50% الاحتماال الثااني انها تحبه حب مرااهقه لاينفع ولااايضرررر ابد خصوصا انج اختهاااااااااااااااا واذا كانت بسن المرااهقه شي طبيعي يمكن فتره وتعدي بس لااااااااااااتسكتيييييييين واجهيهااااا والله احسن حل صدقيني بس بهدوووء ولاتحرجينهااااا
واهمممممممم اهمممممممممم شي انسيييييييييييييييي تقولين حق زووووجج انسييييييييييييي جذي بيركز عليها ولو صج مافي شي ممكن تفتحين عينه وهذا خطر على علاقتكم كلكم انتي وزوجج واختج كلمي اختج بروووحها اما زوجج اهو مااله شغل وطبعااا مايدري خصوصا انج ماشفتي اثر علييييه والله يحفظه لج ويخليكم لبعض اميييييين ويبعد عنكم كل مكرووووووه يااااارب
وطمنينا شيصيررر معااج ياقلبووو

 

[شيخة الغراشيب]

لاحول ولاقوة الا بالله
اختي لاتسكتيين عن الموضوع وهالشي ماينسكت عليه خير شر الله
يعييينج

 

[BiiShOoO]

وااي دير بالج

اصلا شلون تخلينها تستخدم جهاز ريلج اكبر غلط

و اخذي الفلاش مسحي الصور منه و كلمبها على غشمرة