طالبات زوجي يتحرشون فيه.. مادري شسوي

[أم حورية]

ريلج وانتي سويتوا المستحيل عشان بعض وبنات هالنوع كل مكان يصدافهم ماراح يفرقون معاه لانه ماراح يشوف غيرج لا تنكدين عيشتج

ودايما قبل مايطلع قولي له الله يحفظك من بنات ابليس وعين الحساد ويخليك لي ويدوم حبنا لبعض

ولا تخافين الريال اذا حب حتى لو يصير عمرج 100 سنه بتظلين بعيونه البنت الصغيره لي حبها

انا معاها بكل كلمة

وصدقيني حبه لج ماله شغل بالجمال حتا لو تكبرين راح يشوفج حلوة لان يحبج

 

[أعشقه]

شوفي لا تقللين من قيمه نفسك وتقولين كبرت ومدري ايش توك صغيره وفي عمر الشباب
وكثر التفكير هي الي بتقضي عليك وبتخرب حياتك ..
شوفي نصائح البنات وفي منهم مر بها المشكله نفسهااا وعرف شلون يحلها وشلون ينظر لهاا
حسسي زوجك باهميته وانك تغارين عليه بس برضو لا تهملين نفسك خليه يشوفك دايم ملكة جمااال ..
الحين الي مب جميله تقول انها حلوه وتثق في نفسها وتقنع الي حواليها بهالشي والجمال يا قلبي جمال الروح ..
المفروض تنبسطين انه يجي ويقولك عن كل شي .. هو يعرف من يختار ومن يبي ..
وهالنوعيه من الطالبات ماتدووووم .. انتي ان شاء الله الي بتدومين له .. شيلي ها الافكار والوساويس من راسك
ولا تفكرين ابد بالطلاق لاتخربين حياتك عشان غيرك وعشان هالبنات ..

 

[هذا مزاجي]

الله يخليه لج وان شاءالله
مايشوف غيرج ويكفيه شر
بنات ابليس

 

[احساااااس انثى]

اختي عليك بها الدعاء داومي عليه
{ اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يامن لاتضيع ودائعه اللهم اجعله لي قرة عيني الوحيده واجعلني له قرة عينه الوحيد اللهم حببه فيه وحببني فيه اللهم اطمس على قلب زوجي وسمعه وبصره ان لا يرى من نساء الدنيا غيري اللهم سخره لي في سمعه وبصره وقلبه وماله اللهم استر عيوبي عنه واقنعه فيه وجملني في عينيه واجعلني اجمل من الحور العين في عيني زوجي اللهم اره الحق حقا واره الباطل باطلا يارب العالمين ............}
ولايوسوس لك الشيطان تعوذي من ابليس

 

[yasmeen_q8]

اختي بالتربيه الاساسيه وبالتحديد اسلاميه تقول عندهم بنت بس تترز عند الدكتور وجايبه اقصاها بالزين واختي تقول اهي تهبل وبس تخز الدكتور بنظرات اعوذ بالله واهو متحطم وتقول بس يكلمها وجنه مافي احد غيرها بالقاعه ولا بعد اخر وحده تطلع من القاعه اهي حرتني الجلبه لو عندها قسم بالله فشلتها الحين رجال كبير اكيد عنده اسره هذي حركاتج يابنت الكلب تخربين حياته حسبي الله على كل بنت تكلم متزوج ووعساها ماتتوفق لادنيا ولااخره

امييين يا رب

 

[دلوعة صلوح]

الله يبعد عنة هالاشكال.

 

[دندونه@@@]

يا حياتي وين بتلقين دوام من غير بنات وبتهدين بيتج علشان شوية مراهقات طيب يعني هذا حل بنظرج
لا تعطين هالبنات اي اهتمام لا تحنين على زوجج بسبب هالموضوع وتسوين مشكله ما تستحق التفكير فيها زوجج شايف ومجرب هالاشكال من المتطفلات ومو هامينه فليش معوره قلبج هذا غير ان البنات اللي ما يستحون بكل مكان تروحيله بتلقينهم قدامج سواء زوجج وسيم او جيكر ما راح يسلم منهم لان هالنوعيه من البنات تعاني من مرض مزمن ولا يستحون عادي تعايشي مع الوضع

 

[اميرة زوجي]

حرام عليكي هي حكت انو بيعرفو بعض من 8 سنين والهم 3 سنين متزوجين يعني المجموع 11

 

[قــل مـا تـشـاء]

حبيبتي أفكارج هذي هي اللي بتعيشج في جحيم ,,
خلج واااثقة من نفسج ودامه زوجج مو ملقنهم ويه ويشوفهم بخفة العقل خليهم يولون ,,
التفتي لحياتج و بيتج اللي صبرتوا 8 سنوات اثنينكم عشان يتكون ,,

 

[بنوته كيكه]

حبيبتي لا تخلين الشيطان يلعب عليج اهو قالج انه ماخناج لا برا ولا اهنيه وحلف لج انتي
خلي ثقتج بالله قويه وفيه ريلج

 

[FDET NFSY]

الله يهل امووركم

 

[مشتطـه]

حتى لو خانج معاهم لا سمح الله بتظلين الشريفه العفيفه النظيفة بنظرة


انا ما الومج شي يحر القلب


انا مرات اقول نفسج لان ريلي له نيه يكمل

وانا حلوة بس مو جمييييييله وفي وايد اجمل مني بالجامعه
فـ لو تعين دكتور بيشوفهم اكيد بيفز لهم قلبه لانهم جميييييييلات حتى لو طبعه مو خوان


عسى الله يثبت حبه لج وعساه مايشوف غيرج

ادعي ربـج بكل صلاة

اهتمي فيه
لا تخلين ينقصه شي

حاولي تختبرين حبه لج
ومن هالشغلات

ولا تعورين راسج بالغيره

دامه زين الحمدلله

احسن من اللي عينه زايغه هذا المووووت

 

[بحر الرمال]

صج صج الله يعينج
اعرف وحده مثلج ريلها دكتور بس مو وسيم عادي و رسمت عليه وحده و و تزوجها بالسر و مرته طالحت عليه تطلقت منه
بس بعدين ردتله بس خلى الطالبه الطالبه ماطلقها

 

[" ام حمود "]

شوفيء انا اشوف قعد سنين عشانج وما خذه وحده غيرج بالعكس يبيج
وشاريج هذا اول شيء وبعدين ع كلام ريلج انه مايشوف وحده غيرج
ويحبج ويموت فيج وقاعد يتطنز ع اشكالهم خلاص لاتخربين الثقه بينج وبين
ريلج بالعكس تمسكي فيه وخليج معااه هذا شغله مايقدر يستغنى عنه
لاتفكرين بالطلاق حررام والله لاتخسرينه ...
الله يوفقكم ووخري ع تفكير هذاا

 

[ترانيم القصيم]

والله مدري وش أقول لك ياوخيتي حزّنتيني

لكن ما راح أقول لك إلا الحقيقة ..

ترى هذي عواقب العمل في مكان مختلط يا الحبيبة الطيبة ,, لأن الإختلاط حرام .. حرّمه رب العالمين جلّ جلاله

و سبحانه لا يحرّم شيئًا إلا و في التحريم مصلحةً للعباد ,,

الحل ,, يغيّر مجال عمله ,, من مجال مختلط إلى مجال منعزل عن العنصر النسائي ,,

لا يوجد إنسان بوسعه ضمان نفسه من الميل و الإنحراف ,, و يقول الشيخ عبد الرّحمن السحيم :

كَذَب مَن يزعم أنه يضمن نَفْسه مِن الانحراف والميل ؛ لأن الحيّ لا تُؤمَن عليه الفِتْنة .
ولذلك قال عليه الصلاة والسلام : مَن سَمِع بالدَّجال فَلْينأ عنه ، فو الله إن الرجل ليأتيه وهو يحسب أنه مُؤمن ، فيتبعه مما يَبعث بِه من الشُّبهات . رواه أحمد وأبو داود .

وحذّر النبي صلى الله عليه وسلم من فِتنة النساء ، ومِن افتتان الرجال بالنساء ، وافتتان النساء بالرجال .
والصحابة رضي الله عنهم كانوا يقولون : الحيّ لا تُؤمَن عليه الفِتنة .

قال ابن عباس رضي الله عنهما : خُلِق الرَّجُل مِن الأرض فَجُعِلَتْ نِهْمَته في الأرض ، وخُلِقَتْ المرأة مِن الرَّجُل ، فَجُعِلَتْ نِهْمَتها في الرَّجُل ، فاحبسوا نساءكم .
أي : عن الرجال .
وقال عطاء : لو ائتمنت على بيتِ مالٍ لكنت أمينًا ، ولا آمَن نفسي على أمَة شَوهاء !

كما أن الذي يقول إنه يضمن نفسه يُزكِّي نفسه ، والله تعالى يقول : (فَلا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى) .

قصتي اني كنت احب واحد 8 سنين و اهو يموت فيني لكن موضوع زواجنا اتعطل لانه مو من مواخيذنا.. عرفته و انا عمري 17و اهو عمره 21 .. اتقدملي اول مره عقب 3 سنين من علاقتنا واهلي تموا يرفضون .. سويت المستحيل و الله سهلها و وافقوا بعد 5 سنين من الرفض ..
الحين صارلنا 3 سنوات متزوجين و حياتنا كانت و لا تزال سعيدة و مستقرة و اهو يموووووت فيني..

شوفي حبيبة قلبي هالجزئية يا الحبيبة الطيبة ما لها أي علاقة بالمشكلة ,, فديتك حبيبتي ليتك ما ذكرتيها والله

أنتِ تقدرين يا قلبي إنك تشرحين المشكلة من دون التطرق إلى الجزئية آللي اقتبستها من كلامك ,,

كنـا نقدر نقول مثلاً :

أنـا وحدة علاقتها مع زوجها جدًا طيبة و أحبه و يحبني بس مشكلته يشتغل بمكان مختلط و فيه طالبات يتحرشن به .. إلخ

فقط من دون إضافات أخرى ,,

تدرين وشّوله يا عسل ؟ ^__^

شوفي هالرابط :

http://www.q8yat.com/t880775.html

الأمر خطير جدًا جدًا أخيتي الغاليــة ..

إني لكِ ناصحة و لقلبكِ مُحبّة ,, ^ ^

احترامي و تقديري

ترانيم القصيم

 

[w7shteeeny]

ماعليك منهم هذولي بنات رخيصات يقططون انفسهم على الرجاااااال

وزوجك ثقيل وعاقل وانتي تارسه عينه يعني اكيد ماراح يهمونه تلقينه لاطلع ضحك عليهم

واذ على الهدايا والرسايل ومدري ايش خليه يرفضهن او بالزباله بس اهم شي مايخليهن يتمادن عليه اكثر

وبكل صلاة ادعي الله يحفظه لك ويبعده عن هالاشكال


دايما قولي هالدعاء (( اللهم اني استودعك قلب زوجي وسمعه وبصره ولسانه وفرجه في ودائعك فاحفظها لي من لا تضيع ودائعه اللهم اجعله لي قرة عيني الوحيده واجعلني له قرة عينه))


وعيشي حياتك الحلوهـ مع رجلك مطمئنه ولا تهمك هالشكليه التافهه

وخليك واثقه من نفسك وارضيه قد المستطاع بكل اللي يبيه

وبس ان شاء الله اكون افدتك

 

[shai5at al3arab]

خل ينزل مواد بس حق الشباب

انا لما كنت بالشريعة الدكاترة ما يبون يدرسون بنات ، فشكثر عندنا دكاترة ما ينزلون مواد الا حق شباب

 

[لاكوستة]

حبيبتي حاسه فيج
كلنا دشينا الجامعه وشفنا هالنوعيه الوصخه من البنات اللي 24 ساعه مجابلين مكاتب الدكاترة في بعضهم عشان مصلحتهم و يبون الدرجات باي طريقه و في بعضهم يبون يضبطون الدكتور ما عندهم مشكله اذا متزوج و لا لأ

بس نصيحتي لج خلج واثقه بريلج و قوليله دايما انا اثق فيك و ادري انك قد الثقه و بعدين لا تييبن هالطاري وايد جدامه عشان لا يحس انج مو واثقه بعمرج
خلج ثقه انج جميله الجميلات بعيونه حسسيه بهالشي

و قوليله يكون رسمي مع البنات و جدي و لا يعطيهم وايد ويه عشان لا يمصخونها


انا اتذكر مر علي دكتور بالكليه كان يديد توه متخرج من امريكا و كان مزيون
تخيلي البنات ما خلوه بحاله
اتذكر مرة وحدة اشكره بالمحاضرة بصوت عاالي قالت وااااي فديته شحلاااته
جان يطردها هههههههه تستاهل عاد لانها ام الهلاقه
انا وايد كان يعجبني اسلوبه جدي جدي زياده عاللزوم يشرح و بس ما عنده سوالف و ضحك


و بعدين المفروض انتي الوحيده اللي تكونين حاسه بمعاناه ريلج و اهوا يدرس و يتغرب برا لازم تشجعينه لانه وصلل للي يبيه مو تحنين عليه كل شوي


و البنات كل مكان موجودين بالجامعه و برا الجامعه يعني ماكو فكه منهم قطيعه فحاولي ترييحين نفسج و تريحينه معاج
و موفقه

 

[G!RLooNa]

قطيعه جليلات حيا :|

خليهم يولون و اذا يقدر ريلج يسوي نفس ماقالت شيخه العرب ينزل مواد حق شباب بس شوفق اقترحي عليه بس ستل ترا بكرنون البنات جدامه

و بخصوص اللي تقول جذابه و فلم انشالله انقص ويهج بس :dddds:

بنات يبيلهم دروس محوو اميه عشان يعرفون يقرون عدل قبل لا يتكلمون

 

[مجنونه هواهـ]

حبيبتي لا تهدينه ابدا
والله شكله يحبج
وانا بعد مثل قصتج ريلي وايد حلو ووقت يروح لليامعه يطيحون علي البنات ورسايل غرام بس لان ريلي ماخذني عن حب فمستحيل يخونني تعوذي من ابليس