طالبات زوجي يتحرشون فيه.. مادري شسوي

[دلع انثه]

خلج واثقه من نفسج
ودام يحبج مستحيل يطالع غيرج لاتخربين بيتج بيدج

 

[Pumpkin^Spice]

اول شي الله يعينج لان الصراحه اكيد كل وحده تغار بس لاتبينين له انج تفكرين فيهم وايد لان الريال يحب المره الي تكون واثقه من نفسها
ثاني شي انتي تقولين ان يعطونه هدايا وورود شكو ياخذ هدايا من البنات ؟؟؟؟؟؟؟؟؟؟؟ الصراحه هذي النقطه لازم تفصلينها شوي شكو ياخذ وشنو المناسبه اصلا ان بنت تعطي دكتور ؟؟؟؟؟؟؟ يقدر يقول لها مشكوره لو سمحتي انا ما اخذ هدايا
واهو يقدر يفرض نفسه عليهم لو شنو كانوا
الريال حبيبتي لو بشوف مليون وحده مو بس بالدوام شوفي الحين الى بالشوارع والمجمعات اللبس والتفصخ وال .............
ف لاتعورين قلبج انتي خليه دايما يفكر فيج حتى واهو هناك لاتعطينهم مجال نهائيا واذا كان يقدر ينزل مواد بس حق الشباب خل ينزل ويفتك عادي يضبطها مع الدكاتره الي معاه

حبيبتي انتي الظاهر مامر عليج من هالنماين.. دايماً إيبونلا هدايا بس أكيد ولا وحدة تتجرأ تكتب اسمها أو تعطيه الهدية بنفسها.. يلاقيهم على طاولته و إيقطهم برا المكتب علاطول.. أنا علشان أخرعه إنه حتى يمسك الهدية اقوله ديربالك يمكن حاطة فيه(....) .. صار يكره إذا شاف هدية إبمكتبه سيده يخلي العامل يقطها علشان مايبي يمسكها بيده

 

[Pumpkin^Spice]

اهوا ليش يقولج دام يدري انج تغارين
مو قصدي يخش عنج بس علشان يحافظ عالعلاقة
مو كل يوم ايي ويقولج شصار ماصار

وبعدين دام عارفة اخلاق ريلج خلاص عيشي اليوم واتهني
شكو تفكرين اذا كبرتي وراح جمالج ووووويه يحلها الف حلال

حبيبتي أنا معودته إنه مايخش شي عني.. صج اني أغار بس أحاول كثر ما أقدر اني ما أبين .. أو أبين غيرتي بطريقة حلوة علشان إذا قلتله شلون يتصرف معاهم يسمع كلامي.. يحس إن كلامي منطقي مو كلام وحدة الغيره عاميتها

 

[Pumpkin^Spice]

مشكورين على النصايح فديتكم

 

[ام الحلوااات]

اللــــــــــــه يــــــعـــــيــــنـــــج ويـــــصـــــــــــد عـــــنــــج بـــــنــــااات ابـــــــلـــــيــــــــس​

 

[سُوالفي حلوة]

جوفي حبيبتي الحين في كل مكان بنات الحلوة والجيكرة والمملوحه والي اتميلح والبيضه والسمرة في كل مكااااااان
عليج اتكونين مثل ماهو حبج اوكي وبعدها دايما ادعي استودعت قلب وبصر زوجي بالذي لاتضبع ودائعه سبحاااانه وتعالي ودايما ادعي ان ربج يبعد عنكم بنات وعيال الحرام دايما جد حاسه فيج حبيبتي وهمن طلعي صدقه

 

[| تفاصيل |]

حبيبتي اهو رده مقنع
وهو متغرب والبنات حوله ماخانج
شلون الحين

كل عمر له جماله لا اتحاتين
وصدقيي اهو تعود على البنات وانتي بعد تعودي
لا اتخربين حياتج
طنشي اشغلي نفسج

 

[Miss^NeozZ]

طنشيهم نصيحه وعيشي حياتج ويا زوجج ولاتخلين هالنوعيات يدشون بينكم وفهمج كافي

 

[شـيـوخـهـ]

ليش تحسسينه انج خايفه من هالنوعيه من البنات!!

انتي لا تصيرين نكديه ادري الغيره تذبح بس لا تبينين له انج تغارين او اذا صار موقف قولي اصلا انا ما في مثلي
عززي هالكلمه فيه خليه يدري انج انتي غير عن الكل ولي دريتي عن هالسوالف حاولي تضحكين خلي ثقتج عاليه جدامه
مدام يحبج لا تهدمين بيتك ودايما حسسيه ان ثقتج فيه كبيره

 

[om-3azo-83z]

بصراحه.......... ما عندج سالفه
دام ريلج يموت فيج ليش ما توثقين ببنفسج و تعطينه الثقه؟ بس مو لدرجه الثقه العميه
ليش مو واثقه بجمالج؟ راح جمالج بتضل معزتج و غلاتج مو ياهل بتيي تاخذها و انتي شفتي نظره ريلج لهم
اليي فيج مو غيره هذا شك
و صدقيني اذا تميتي جذي بتخربين بيتج بيدج
ولا تفكرين بالطلاق عشان ياهل دزتله رساله ولا عطته ورده و اهوا مسكين عينه بالارض ولا يفكر حتى يلتفت صوبهم !
لا خلج واثقه و ضحكي عليهم لما ريلج يسولف عنهم مو ياهل تاخذ ريلج و تخرب بيتج

 

[نجمة كويتية]

انتي ذكرتيني بوحده معاي بالجامعة هي خليجية مو كويتية بس عليها جماااااااااااال صاروخي ظلت ورا الدكتور تلف وتحووووم لين ما يابت راسه والحين متزوجها وهي في بيت وزوجته الاولية في بيت لااا وتقولي انها كل اسوبع بالشاليه ومو مخلي عليها قاصر فلووس وبيت وجنسية !!!!!! اووووووووف اووووووووف من هالاشكال
انا ما قولج هالكلام عشان احرج انا اقولج ان بنات الحرام وااايد فديري بالج وعليج بالدعاء ​

 

[miss_jamsheer]

امبيه حاسه فيج احسج نفس تفكيري لما اشوف دكاترتي بالكليه اقرل اشلون حيات حريمهم اشلون اكيد الغيره ذابحتهم الله يعينج لانه صج البنات يخرعون وانتي لاتقعديم تحققين بعدين مايقولج خلج كله معاه حسسيه انج واثقه فيه وخليه اهو يكون جامد معاهم والي تسوي شي كل بتقديرهم امبيه وقاحه

 

[نستيلا]

السلام عليكم ورحمه الله وبركاته


حبيبتي طنشي والله حرام تحرقين عمرج ع ولا شي خاصه إن ريلج مو ملتفت عليهم
وإذا جذي خليه يدرس شعب بس للشباب مو بنات

والله يوفقج حبيبتي

 

[OM BARAK]

الله يعينج بس حبيبتي لا تبينين حق ريلج هالغيره ودايما استودعيه الله بالدشه و الطلعه و ارقي نفسج وبيتج و ارقيه! ​

 

[فوفونه]

صاحبة الموضوع ليش الغلط ؟؟ انا سخيفه وماعرف اقرا ؟؟

عاد تدرين .. كنت مستحيه اقولج جذابه بوجهج .. لا انتي جذابه عاد ومفلمه فلم كبر وجهج
وفوق هذا مخ مافي بالحساب والرياضيات ههههههههههههههه


وان كان ان كااااااان صج .. هم ماعندج ثقه بنفسج .. حالتج تخوف !​

 

[فلنتينو]

مممممم
الله يعينج

 

[برد ابو الذهب]

ممكن سوؤال احس جنه الدكتور اللي تكلمين عنه دكتوري اذا اهوا م .ع . فعندي معلومات تفيدج

 

[Om_Ksha]

الللللللللللله يعيييينج البناااات صايرييين مايستحون اذا ريال عادي معععاااه مرته بالسوق شوفي شلون ياكلونه بالخز !! هالمره دكتور و حلو :\\\ صج مايستحوون و يسوون كل شي جييل هالوقققت بس يبون ريال @@

تعوذي من ابليييس و دام انتي واثقه فييه و اهو مأكدلج ان ولا وحده تيي ربعج لا تحااتيييين و الله يهدي بالج ...

 

[كتكوته متينه]

الله يهديه ان شاء الله

 

[senioreta n7oola]

ياكثرهن الله ياخذهن ويبلينهن
بزوج خااين !
شوفيهن بتويتر !!!
انا زوجي قلت له هذه بالذات طقها
بلووك .. وطقها بلوك مادريت
الا تدز رفيجتها تقول لزوجي
فلانه تسلم علييييك !!
قال منو ؟ وتحط له صورة حزينه
عشوقه " رهف " !!! قال اهاااا الله يسلمها من كل شر
مالت عليهن !! وطاقات الثقل وزوجي
كل شي يخره باذني !!!
بس صج شييي يبط الجبد !
كل صلاة تحط صلووووا يامسلمين
والتويتر كله شات مع الشباب !!
شهالتناقض