طالب الشمري,,, بحطلكم رجيماتي اول بأول

[ام شباصه]

سلام
قررت اني خلاص بلتزك مع طالب الشمري لان بس عاد لاعت جبدي من التخربط واشمتني من رمضان وانا ماني قادره امسك نفسي :lkmnkl:
المهم
انا اول مره رحتله شهر 12/2009 وكان وزني 80.7 وعطاني خوش رجيم بس حسافه ماكملت المهم لي قبل رمضان وانا تمام وزني كان 71.8 وهم رحتله مره ثانيه اول يوم رمضان وهم عطاني خوش رجيم بس هم خربطت وينيت ينون مو طبيعي برمضان
الممهم رحتله مره ثانيه يوم الخميس 25/11/2010 وكان وزني 76.6
عطاني رجيم بلشت من يوم اليمعه ويوم السبت خربطت (ما اتوب) بس عاد لا من اليوم مافي تخربط
وهذا اهو الرجيم:
1)الصبح :نسكافيه مع حليب او كوفي ميت +شكر عادي
2)صمونه الفيصل/او 3 توست + 1-2 جبن وخضره/ او باكيت كورن فلكس +حليب خالي الدسم
ومع هالوجبه اشرب دايت او شاي
3)شوربة كنور السريعه 1 /او 1-2 جبن ابيض مالح (حجم الكيري)+سلطه (ليمون+خل+ملح فقط بدون زيت)
4)كاكاو +قهوه او دايت(ساعات اكل فاكهه بدل الكاكاو) /او عكس رقم 3
5) 3 شابوره +شاي حليب/كوب لبن + 3 تمر/نفس رقم 2 /صحن تبوله او فتوش

وموعدي يوم السبت الياي قلتله مايخليه وايد بعيد عشان اتابع اول باول

 

[كيكه توفي]

مشكوره والله يوفقج وتضعفين بصحه وعافيه يارب

 

[صدى الأفراح]

يارب توصلي للوزن المثالي يارب وانا متابعتك وبنتظر ريجيماته كتير بحسها حلوه ريجيمات هالدكتور
بس كم حكالك ينزل بالاسبوع؟؟؟

 

[رهف المشاعر]

الله يوفقج حبيبتي
هذا الريجيم مشت عليه بنت خالتي و الحين جسمها يهبل ما شاء الله
كانت 115 كجم و الحين 85
الفال لج يارب

 

[سعودية عسل]

يسلموو حبوبه على الرجيم بجد روعه

وانا راح ابداء معك من بكرة ان شاء الله

بس ماقالك كم تنزلين بالاسبوع وهل مع رياضة او بدون

وما فهمت عليك يعني كيف 1 و 3 و 5 فطور غداء وعشاء
و2 و 4 سناك

ممكن توضيح اكثر

 

[ام شباصه]

هلا والله بنات ومشكورين عالتشجيع
وبالنسبه جم ينزل بالاسبوع ماسالته
بس انا قلتله عندي تحدي ولازم انزل 10 كيلو على بدايه السنه اليديده قالي راح تنزلين ان شاءالله
وبالنسبه للارقام هذي ارقام الوجبات وجبه 1 وجبه 2 وجبه 3 .... وجذي الترتيب

 

[توتو ستايل]

ان شاء الله كل اللي بتضعف تتحقق امنيتها وتصير سمبتيك
موفقين خير

 

[توتو ستايل]

ان شاء الله كل اللي بتضعف تتحقق امنيتها وتصير سمبتيك
موفقين خير

 

[كلك نظر!!]

الله يقويك

بس مافهمت لة وين الغداء والعشاء ماوضحتي

 

[ام شباصه]

توتو ستايل- امين يارب العالمين
كلك نظر - الله يسلمج ويقدنا ان شالله
وبالنسبه للوجبات اهو سالني انتي شنو اكثر فتره تيوعين فيها وتبين تاكلين قلتله بالدوام لان دوامي طويل وما اتغدى عادي
يعني اول ماروح الدوام اشرب قهوه
وبعدين اذا يعت يعني على الضحى جذي اكل وجبه رقم 2
وبعدها اذا حكني اليوع اكل رقم 3
وعلى المغربيات رقم 4
والعشا اهو رقم 5

وسلامتكم

 

[سعودية عسل]

يسلموووووو بس ياليت نعرف كم ينزل بالاسبوع

 

[um.zooza]

رد : طالب الشمري,,, بحطلكم رجيماتي اول بأول

واااااااااااااااااااااااااي انا من قريت اسمه باعلانج انخبصت مادري ليييييييش >>> لوووووول برييئه
الله يسلمج انا قبل لا اتزوج كان وزني 86 وراجعته وصلت ليييييين 72 >>>>>>>>ليييته يرجع هالرقم
والله يسلمكم عقب ما تزوجت يبت ولدي وعقب رحتله وعطاني رجييم ومااااااااالتزمت
وهم عقب ماا ولدت بنتي رحتله وعطاني رجيم هم حسييته قاسي فما التزمت وضااااق خلقي ليش هديته
والحيييييييييييين طبعا مالي ويهه ارد ارووحله .. مع اني ميته امشي مع دكتور احسن من التخبط بروحنا ..

بس والله نصيييحه استمري معاه لانه صج لي نزلتي ماتصعدينهم بسرعه
وعليييج بالف عافيه النزوووول مقدما

 

[al7nooona]

روووووووووعه هالدكتوووور

اذا التزمتي عدل ممكن تنزلين 3 او 4 كيلوات بالاسبووووع

وعلى حسب العمر كل ما كان العمر اصغر تنزلين اكثر


انا رحتله قبل فتره ونزلت بالاسبوع 3 كيلوات بس بالاسبوع الثاني خربطت عددددددل ومانزلت شي

واليوم عندي موعد ما رحت استحي اروحله ووزني زايد ورديت اللي نزلتهم وزياده لاني ماكملت


اراده ماكووو عندنييي كلش

 

[كيك بالكراميل]

رد : طالب الشمري,,, بحطلكم رجيماتي اول بأول

مرحا اختي ان شاء الله تنزلين بصحه وعافيه ابي اسال عيادة الدكتور وين مع رقم العياده اذا سمحتي

 

[زنوبة الحلوة]

امبيييه نفس حالتي بالضبط


الحين انا بعد رحتله بس قبلج تاريخ 20\11\2010

وليم الحين ما يه موعدي ان شااء الله على السبت موعدي 4\12

وبشوف شطثر نازله



بس ينزل طالب

انا انزل بسبوعين 4 كيلو

خواتي لانهم بطات ينزلهم حتى 7 كيلو بسبوعين



حبيبتي ان شاء الله تنزلين بصحة وعافية وانصحج تلتزمين عدل علشان الرشاقة

 

[ام شباصه]

مشكوووورين بنات نفر نفر
مع اني ازرق شوي ومو ملتزمه ذاك الاتزام بس ماراح افج عن الدكتور اوصل 60 يعني اوصل 60 باذن الله
انا قبل جذي لما اخربط استحي اردله بس لا بروح وبرح ليمن يعطيني الرجيم الي خلاص مامن مفر

كيك بالكراميل عياده الدكتور ورا مستشفى الاميري ورقمهم22455637 - 22455638

 

[LoOLoO-17]

رد : طالب الشمري,,, بحطلكم رجيماتي اول بأول

يبهل ريجيمه ان شاءالله تنزلين عليه بس جم كيلو ينزل بالاسبوع


وشنو الكاكاو اللي اقدر اكله؟؟ وحجمه او كميته؟

 

[ام شباصه]

لولو ماقالي جم ينزل بالاسبوع وحجم الكاكاو وسط واي نوع تبينه

 

[twinsmam]

حبيبتي الله يوقفج انشالله
صج رجيمات هالدكتور تنزل الوزن و ما ترد بسرعة عن تجربة و رجيماته تنزل 5 كيلو باسبوعين اذا التزمتي عدل مدل بدون اي تخربط

 

[غراااام]

خووووووووووووووووووش ررررررجيم