طبيب بيطري كويتي

[Nawarkuw]

موفقين .. والله يعينكم

 

[emohema]

مشكور دكتور لردك ماقصرت انشاءالله يصير امر اليوم بعياده حديقه الحيوان اخد الدواء ) ريفليوشن(

 

[دكتور كويتي]

رد كويتيه سنفوره . حياج الله اختي . أنا بالمنتدى أشخص حالات وأوصف أدوية . عندي صيدلية بيطرية بالبيت وأبيع الأدوية بنص السعر قاعد أوفر على المربي . ثانيا إذا عندج أي حاله موجود انا بعيادة حديقة الحيوان وماراح انقصر معاج .

 

[دكتور كويتي]

رد شعريي . اذا شمخ لا تحاتين نظفي المكان بأي مطهر ديتول او عطر . ( اذا عض لازم تروحين المستشفى )

 

[دكتور كويتي]

أشكر اختي loloki مهتمه بالموضوع الله يعطيها العافيه . حتى لو طاف موعد التطعيم كم شهر تبقى فيها مناعه خفيفه بس المفروض الاهتمام بموعد التطعيم .

 

[دكتور كويتي]

رد emohema . انا حاليا اجازه لمدة اسبوعين بالمزرعه الوفره .

 

[Loloki]

مشكووور دكتور ع هالمعلومه صج ماربيت قطاوه ربيت جلاب عزك الله وطيور

اخذ الخبره منك

بس دكتور بحديقه الحيوان شنو. عندكم طيور الي قاعده تجني غير الي انتو حاطينها لان انا رحت من فتره حاشتني كهربا من حديقه كبيذه ع فاضيه

ولطيور الي حاطينها بس اورنج وينج امازون وكاسكو بس ماشاءالله حديقه كلها صخول ههههههههههههه

 

[Loloki]

في محميه قبل لا تطله كلها طيور صغار ودياي جنها محميه بجبد ههههههههه

ماشاءالله ع حديقه حيوان ماكو طير بالسوق مو ماخذينه وقايلين عنه نادر كككككككككككككك

سوري بس هذي ما تتسمى حديقه حيوان تتسمى محميه العميريه ولا تشبه حديقه الحيوان

ماعليه قررقت تحملني مبطوطه جبدي من الي شفته

 

[دكتور كويتي]

مو مقصرين الموظفين . خليها على الله في حيوانات زايده بالحديقة لازم يقل العدد .العوض بالحديقة الكبرى وافق عليها مجلس الامة وان شاء الله تعجبكم . لأنها كبيره وحاطين لها ميزانيه .

 

[Loloki]

اي والله دكتور ياريت تكبرونها وتسنعونها مو كبيره وكلها رمل وصخول ههههه

انزين سوال يالغالي

ليش ما تفتح حساب بالاستغرام عن استشارات طبيه حق حيوانات علشان تقدر تساعدهم

 

[Loloki]

ياريت تيبون اشياء نادره مو تيبون صخول وبقر وناقه شنو نبي حديقه حلوه واحد يستاهل يروحلولها

وين بتكون حديقه حيوان بتصير. وهل وافق عليها مجلس ولا بوافقون يعني انتو مقترحين. ولا شنو ومتى بتبلشون فيها

 

[Loloki]

up up up up

 

[دكتور كويتي]

ان شاء الله قريب افتح حساب . بالنسبه للحديقة الكبرى اقترحنا وارسلناها حق مجلس الامه وافق عليها بس باقي التنفيذ . مكانها عند فندق السليل بالجهراء مساحه كبيره انا من ضمن اللجنه وقريب التنفيذ .

 

[Loloki]

ان شاءالله متى بتنفذون ؟؟ على اي شهر

الله يوفقك يادكتور

 

[دكتور كويتي]

متى مادري بس وافقو عليه التنفيذ مادري يمكن على الميزانيه شهر ٤

 

[*مطبخ الذواقة*]

السلام عليكم دكتور عندي طيور حب واحد منهم رجله كانها مشلولة واظافرة من داخلها كان الدم مجلط يعني لونه اسود عكس الرجل الثانية ارجو الرد

 

[دكتور كويتي]

رد مطبخ الذواقه . لازم اشوفه وأفحصه . بالنسبه للدم المتجلط مو مشكله يروح . لو تحطين مرهم ادارين بالرجل يفضل ينشط الرجل

 

[بحيرةالبجع]

السلام عليكم دكتور

عندى استفسارين

الاول عندى قطوه حامل صار لها شهر والبارحه اشوف الذكر تزاوج معاها عادى ولا فى مضره لها

و لا لازم ما يقرب منها

والثانى عندى قطوه عمرها سنه نص الشهر اللى فات تزاوجت مع ذكر والحين طالبه تزاوج مره ثانيه

شسالفه اول مره تمر على قطوه جذى​

 

[دكتور كويتي]

رد بحيرة البجع . اذا حامل الأنثى مافي اي مشكلة اذا جاها الذكر . بالنسبة للقطوه الثانية ممكن تكون حمل كاذب تعطي علامات الحمل وأهيا مو حامل أساسا . فتطلب الذكر ثاني مره

 

[بحيرةالبجع]

الله يجزيك الجنه يادكتور ريحتى مشكور على الاجابه

كنت خايفه ان هالحركه تخليها تجهض

لان من فتره كانت عندى وحده حامل بشهر واسبوع

وكانت منعزله عن الباجى ماتبى تختلط معاهم

كنت اخليها بغرفتى بعيده عنهم

وسافرت عنها وبعد اسبوع اتصلت على اختى وقالت انها اجهضت

لان اختى كانت تخليها معاهم بغرفتهم

قلت يمكن جاها ذكر واجهضت

لهالسبب احاتى هالحامل الحين ​