مشرفة القسم ضحكة الدنيا
تحياتي القلبية لكل الكويتيات
مبدئيا حبيت انزل لكم هالموضوع على اساس ان كثير من الكويتيات كانوا يسألوني عن الطريقة
سواء كان في المنتدى او عن طريق الخاص
لهالسبب اني اليوم جيت ومعاي الصور التوضيحة واتمنى من البارئ عز وجل ان يجعل مجهودي
هذا محط فائدة بالنسبة لكم
بس لي رجاء عندكم
هالله هالله في الدعاء لي بظاهر الغيب فانه مستجاب
ألحين نبدأ
الجهاز اسمه : جهاز تحضير الرز او الرايز كوكر rice coo ker
الماركة : اللي عندي ماركة هيتاشي
بس فيه ماركات كثيرة فيه الاصلي وفيه الدبليكيت
وكلهم يشتغلون بنفس الطريقة
المميزات : يحضر لج الرز في وقت قياسي حسب الكمية طبعا
يطلع لج الرز مفلل وحباته حلوه
يرفر عليج الوقت الكثير
سعره : حسب الحجم او سعته
فيه منه صغير وفيه من الكبير
ومو كثير غالي يعني تلاقونه بين 7 - 15 دينار
حسب الحجم والماركة
وين تلقونه : عاد أهني السموحة لآني ما شاريته من الكويت
فما بقدر اساعدكم في هالجواب بس الاخوات الي عندهم اياه
او عندهم خبرة في هالموضوع يتفضلوا بالجواب واكون لكم من الشاكرين
شلون تستخدمون :
طبعا الجهاز ما يحتاج تسخين ولا شي
مجرد كابس الكهرباء تثبتونه و تشيلوا الغطاء
وراح تشوفون القدر شلون هو فاضي وفيه تدرج بالجدار
بصراحة اني ما اهتم للتدرج كوني متعودة اطبخ وعارفة القياس
والقياس هو لكل كأس رز بتحتاجون لكاس ونص ماء
واللي يتعود عليه بالنظر يقدر يضبط الشغلة
مجرد انكم تحطون الكابس في الكهرباء راح يولع الليت الاحمر وراح تشوفون ان المؤشر على خانة التسخين
ألحين شنو بتسووون
تاخدوا الرز مع الملح اضافة لآي نكهة تحبونها اني في هالطبق استخدمت ورق الغار
وراح تحطون هالاشياء في القدر
ألحين تضيفوا الماي عليه واني افضل اضيف ماء ساخن علشان يوفر علي وقت بالطباخ
وراح يصير بهالشكل
كل اللي عليكم تسونه ان تغيرون كبسة الزر من التسخين الى الطباخ مثل ما هو واضح عندكم بالصورة
وتغطوا القدر بالغطاء وتتركونه
وخلاص القدر راح يقوم بالواجب بنفسه
بعد حوالي ربع ساعة راح ينشف الماي و يصير ليكم الرز بهالشكل تقريبا
بتحتاجون انكم تقلبون الرز مرة ومرتين بس مو اكثر علشان تتجانس النكهات وعلشان يطلع البخار
يتبع ,,,,,,
التعديل الأخير:
