" طريقه تقلبين فيها البنت الي ببطنج لـ ولد !! "

[ملاك ^ الحب]

واااااي ياحلات البنات يهبلون ييننون

انا عندي بنت والحين حامل
والحمد الله مايهمني شنو فيني بنت او ولد بس الله يتمم علي ويطلع لي البيبي سليم الف حمد وشكر لك يارب

 

[ام حمد 85]

كلهم نعمه من رب العالمين بس ترى الولد شي اساسي في البيت عزوه لامه وخواته بس يعني ما اعترض على حكمت ربي ولا اسوي عزل وهالسوالف يعني استغفرالله جني اتحدى ربي انه يا رب قصب عطني الولد اما الغسول والتوقيت ما اشوف فيها شي لانه ما عزلنا الحيوانات المنويه ولقحنا البويضه اب ولد قصب لانه وايد ناس سوو هالطريقه واعرف وحده زوجها مطوع وعندها بنت وحده ومات وحيا على الولد وخلاها اطق ابر عشان الولد ويابت ولد ولد يعني ما استحرم الشغله

 

[ام حمد 85]

والله اعلم

 

[أم علي حبيبي]

والله علي راسي وكلامج درر يارب الله يهدي هالحريم واللي يجي من الله حياه الله
جزاااج الله خير وجعله في ميزان حسناتج

 

[ام ساره 4]

موضوعج حلو بس كل وحده وظروفها يمكن ريلها عالها ويحن عليها يبي ولد ومن الضغط اللي تواجهه يعني ما فيها شي إذا دعت ربها إن يرزقها بالولد الصالح هذا أنا الحمدلله عندي أربع بنات وحامده ربي وشاكرته بس هم أدعى ربي إن يرزقني بولد يكون سند لي ولبناتي والحمدلله كلهم خير ونعمه بنت والا الولد أهم شي الصحه والعافيه والذريه الصالحه

 

[the_stylista]

من خلف نثية و ذكر حمد ربه و شكر صراحة انا وحدة اتمنى ربي يعطيني الجنسين و مايحس بقيمة الشي الا اللي فاقدة بعني اللي عندها صبيان اكيد تبي بنت تصير رفيجتها و دلوعة الابو و حبيبة قلبه و اللي عندها بنات تبي ولد يصير سند و ذخر لها و لبناتها بس في شغلة ماتفق فيها معاج مافيها شي اذا الوحدة حاولت تبذل الاسباب قبل الحمل و دعت ربها و خلاص بمجرد ماتحمل تسلم امرها لربها انتي ماتدرين شنو الناس و شنو ضروفهم اما الشغلة اللي اتفق فيها معاج اللي اظل امصممة ان جنس اللي ابطنها بيتحول بيوم و ليلة بس هم مالوم احد لاني مادري شنو ظروفها و شنو تفكير الناس المحيطين فيها و شنو رغبات زوجها او الضغوط اللي تواجهها بحياتها بالنهاية ابن ادم طماع يبي كل شي و محد يقدر ينكر هالشي هذي صفة فينا كلنا نبي اللي ماعندنا اما صراحة اللي عندها اولاد و بس تبي اولاد ماتبي بنات هذي ربج باجر بيعاقبها لا انا و لا انتي نقدر نغير عقليتها لو كتبتي مليون موضوع بالمنتدى ​

 

[-فلانة-]

انا ما أقول غير ياااااربي يخليلي بنتي و يرزقني فوقها 3 بنات إن شاء الله..
ادعولي والله إني ميتة و تصير خلفتي بنات..أموووووووووووت فيهم وأحبهم و أدري مايشيلني في كبرتي إلا البنت..​

 

[@سيدة نفسي@]

الله سبحانه وتعالى يقول :

المال والبنــووووووووووون زينة الحياة الدنيا


ويقول سبحانه وتعالى:

زُيِّن للناس حب الشهوات من النساء و((البنين)) والقناطير المقنطرة من الذهب والفضة

بالنهاية سواء عجبنا ولا ما عجبنا هذي سنة الله في الكون

والحمدلله من قبل ومن بعد ..

 

[عيالي ذيابه]

بدويه كتبت رد شطوووله بس مدري وين راح ����������
اللي بقوله صح لسان امش

والله يخلي لنا عيالنا بنات او صبيان وحمدالله

 

[بدوية بملامح كشميرية 86]

صاجه بكل كلمه قلتيها بدويه

ولد بنت اهم شي الصحه والعافيه

مشكوره ويعطيج العااافيه

والله يسهل عليييج يااااارب وتقر عينج بشوفة ضناج

 

[Anestazya]

الحمدالله انا عندي بنتين وزوجي عمره مافتح لي مجال يقولي ابي ولد اصلا يقولي ان شالله الثالثه بنت بعد عشان تصيرلي حجاب من النار والحمدالله اهم شي العافيه وصحتهم كل شي من ربي حلوو

 

[a7la_7b]

ياحلوووووو البنات والله عندي بنوووته واحمد الله على النعمه
ومشكوووووره عالموضوووووع حبيبتي

 

[alooya]

الرجل في شبابه يسعد بذريته من الذكور
و لكنه يعرف قيمة البنات
اذا بلغ من العمرِ عتيا.....

محد بيجابل الام و الابو بالكبر الا البنات و يكونون 24 ساعه حوالهم انشالله
ولد بنت كل شي حلو المهم الصحه و الخلقه الكامله

 

[منورة الكويتية]

يااا حلو البنات بس :**

 

[miss swan]

انا الحمدلله الله رزقني ببنوتين
ومستانسه وطايره فيهم الله يحفظهم الله عطاني هديه غاليه اشكره واحمده
صحه وعافيه وخفة دم وحنان البنات يهبلون ولما يكبرون تحسون بهالشي
بس اللي يحز بالخاطر هالاوادم ماتترك احد بحاله كله يحسسونا بالنقص انا وزوجي جنه فينا شي ناقص
الحين زوجي قام يحن على الولد من حنة ربعه
وناحية تحديد الجنس لو ماافكر اسوي هالشي لو الله بيرقني ببنت ثالثه هم ابيها​

 

[مشتطـه]

واااي يا كلامج يبرد الجبد

اي والله صاااجه ببكل كلمة

انتي احسج مثل اسلوبي
واللي بقلبج بقلبي


صراحه شي يبط الجبد

خصوصا لما اقرا ابي توم صبيان


هالنوعية اغبيه اذا عبالها ريلها بيحبها عشان الولد


انا ما الوم اللي تييب كوكش بنات وتبي ولد اووكي معذوورة ودها بأخو لهم

بس سالفة ابي ولد وابي ولد

اصلا ماكو احلى من البنت وااي يا زين هدومهم ويا زين قعدتهم


بنت خالتي عندها 3 بنات
وتمنت الولد لان ريلها حنان

يابت عقبهم صبيين

والحين تقول واااي يا زين بناتي ويازين قعدتهم وتحب البنااات حيل



خليهم غالغسووول وعالاكل وعالامل الكاذب خخخخ ماكو ايمان بالله ! استغفر الله

 

[حبيبي مالكني]

البنات نعمه وعطيه من رب العالمين وماعندنا اعتراض على امر الله
بس مب عيب ولا حرام الوحده تتمنى اتيب اخو حق بناتها
الله يرزق الجميع بالبنات والاولاد

 

[نحوله عسوله]

كلامج عين العقل وفي حريم استغفر الله واجد جذي

هذي نعمه من الله يعني اذا جاتج بنت شنو بترفسين النعمه يعني


الحريم ناقصات عقل ودين واللي تخاف ع الرجال لايخونها او يتزوج عليهاا

والله اللي براسه انه يخوون بيخون واللي يبي يتزوج بيتزوج ماراح يهتم شنو جبتي له بنات او صبيان



وفي حريم ناقصين عقل يقولون لوحده اللي توها متزوجه وعندها بنوته وحامل انتي تبين ولد صح

شنو ابي ولد لعبه اهيا او عشان عندها بنت استغفر الله الناااس استخفوا واقعدوا كل شي ما يعجبهم


مااقووول الا عسى الله يرزق كل محرومه من الضنا وتفرح اقلوبهم بياهل ياارب

قولوا امين

 

[تبيني آرضى عليك]

صح لسانج

 

[Koka_alotaibi]

كلامج بمحله وعين العقل
فعلاً ملاحظه كثرة مواضيع البنات عن تحديد الجنس
وسالفة ممكن يغلط السونار
والله انا اخوي عنده 6 بنات ويحبهم بشكل جنوني ويحب امهم
ماعمر الولد مسك الريال وخلاااه يحب المرا
لكن الي تتمناه ولد الله يرزقها
والي تتمنا بنت هم الله يرزقها
ومن تجربه اعرف ناس متشفقه على الولد بشكل مو طبيعي بس انا لاني اعرف ظروفها مالومها
خاصتاً انه بمجتمع شرقي تتعب في المرا اذا كان الزوج بعقليه متحجره ودج تيب ولد واحد تصك عينه
ولا البنات مافي احسن منهم ولا احن منهم على اهلهم