" طريقه تقلبين فيها البنت الي ببطنج لـ ولد !! "

[enta 3omree]

صح كلامج

 

[شيخه عرب]

"زين للناس حب الشهوات من النساء والبنين والقناطير المقنطرة "
صدق الله العظيم

حب الذكور فطره بالناس وغريزه بس مو معناته ان احنا نرفض البنت استغفر الله لكن مافي مانع من ان الانسان يتمنى الولد

والله يرزقنا البنات والبنين المتعافين اميييين​

 

[M!Ss Smart]

والله اهم شي الصحه والعافييه ولا كلهم نفس الشي بس احيانا الزوج الا يبي ولد ولو تحمل زوجته بنت يحاول انها تحمل على طوووول مايخليها ترتاح عشان بس يبي ولد

 

[عيون ملكيه]

شوفي كل انسان وله ظروفه يعني في زوجه تكون جايبه 4 او 5 بنات و تبي الولد
تفكر بهالبنات باجر اذا كبروا منو بيداريهم و منو بيسندهم منو بيحافظ عليهم و يحميهم من بعد عينها وعين ابوهم

مهما كان في مجتمعنا الولد ذخر و حمايه و قوه و ظهر

و في ازواج الله يهداهم من اتييب مرته بنتين قام يتافف و يبين ان وده بولد و اذا يابت بنت بعد تلقينه يلمح انه بياخذ زوجه ثانيه عشان الولد يعني في ضغط على الام

يعني في مليون سبب وسبب يخلي المره تتمنى و تحلم ان اسونار غلط وممكن يكون اللي في بطنها ولد مو بنت

امي عندها 4 صبيان و كانت تدعي الليل و النهار ان الله يرزقها ببنت تقول البنت غير مهما كان اهي اللي تحرص على امها و تداري ابوها و مهما كان البنت بالبيت غير


مو عارفه اعبر لكن صدقيني هالبنات لمن يقولون نبي ولد اكيد في شي ضاغطها

ولا شنو الفرق بين الولد و البنت ياربي احساس الجنين و اهو يتحرك في البطن يخلي في رابط قوي بين الام و الجنين

مستحيل الام تكره ضناها

 

[أم زايد ويزن]

يزاتج الله خير
وانا خلفتي كلها بنات
وعسي ربي يرزقني باخ لهم ياااارب
لان نفسي فيه حييييل
واذا جات بنت فالحمد لله والشكر من قبل ومن بعد

 

[المشاعر تحبك]

{لِلَّهِ مُلْكُ السَّمَوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ (50) } [سورة الشورى]

لا أدوية ولا حمية ولا خرابيط تقدر تحدد جنس المولود .. وحدة رب العالمين اللي قادر على هالشي .. الوحدة المفروض مجرد ما اتحمل تسجد سجدة شكر لربها تحمده احنا شنو عشان نتشرط نبي بنت ولا ولد .. أهم شي تمام العافيه للأم وللجنين ورب العالمين ما يرزق بني آدم رزق إلا يكون فيه خيره له

 

[اريج الجوري]

يا حلو البنات سكر نبات والمثل يقول الولد ولدي لين يتزوج والبنت بنتي لين اموت

والحمد الله اهم شي الصحه والعافيه وانه يكون عطا صالح

 

[حآلية الذوق ~]

البنات شي غيييًر
انا اتمني بجري بنت والحمدلله

بس ترا الي عندهم بنات وماعندهم ولد لاتلومينهم ترا يبون ولد عشان يضمنون حق بناتهم لاسمح الله صار فيهم شي

لان الولد يضمن حق البنات بالورث ويكون سندهم بالدنيا

لان بالقانون عندنا اذا بس بنات يحجر عليهم عمهم وياخذ حلالهم او ان يكون وكيل لهم وماتضمنين الزمن

ياخذ حقهم ولايعطيهم اياه يحوله باسمه

فمن حقهم ان يضمنون حقهم مو عشان يقوم سوقها ولاشي
عشان جذي تحاول تييب ولد واذا طلعت بنت استانست ماضاق خلقها

اما الي خلفتها صبيان وماتبي بنات مااقول الا الله يكملها بعقلها
واذا قالولها بنت اعترضضت علي نعمه الله احمدي ربج غيرج يتمني الظفرر الياهل
شششحلات البنات وهم شحلات الصبيان كلهم نعمه من ربنا

 

[بيبي غيرل]

والله حبيبتي بدويه استغربت من ج لاموضوع بقرا واقولج شفيهم البنات لكن ما خاب ظني فيج الحمدلله
اعرف تفكيرج واعي وراقي ماشالله

انا قالت لي لي الشهر 6 ولد والسابع بنت والف الف الف الحمدلله تقبلت الفكره اصلا نطيت من السونار خخخخخخخخخخخخ
لان انا اعشق البنات والحمدلله الله رزقني حمل سليم وبنتي بصحه وعافيه والله ان بنت خالي مسكينه صارلها سنتين الا شوي من تزوجت وقبلي والمسكينه ما حملت عسى الله يرزقها عشان انا ماجربت الحمال اقعد اتشرط من الحين


طبيعة المجتع الشرقي بشكل عام يفصلون الذكور عالاناث لاسباب عديده ومحد ينكر لان الله قال سبحانه (المال والبنون زينة الحياه الدنيا) صدق الله العظيم وام مريم العذراء لمن عرفت انها بنت قالت ( ربي اني وضعتها انثى وليس الذكر كالانثى )
الذكور غير الاناث ولكن الف الحمدلله على الرزق وامي تقول البطن الي تيب بنت تيب ولد



بارك الله فيييييييييييييييج حبيبتي عالموضوع

 

[أأأميرة الورد]

الله يرزق كل وحده باللي تتمنى

 

[نوور]

صاجه محد يحس بقيمة الضنى الا المحروم
بنت ولا و ولد اهم شي السلامه

 

[نوور]

بسئلج ياقلبي ماولدتي للحين
تابعت مشاركتج عند ليلى اشكناني تراني معاج اراجع عندها انا اول مره عندها ان شاءالله الله يسهل علينا يارب

 

[قَلبڪْ صًخرْ]

اللله يرزقنا بالبنات وصبيان

 

[أم عزيـز]

لووووول العنوان يخوف خاصه ان اللي كاتبته بدوية

انا معاج بكل كرف كتبتيه

انا عندي 3 بنات وولد ولله الحمد انا وريلي نموت عليهم
اكيد الواحد بينه وبين نفسه يتمنى ويدعي الله يحقق رغبه
بس في النهايه اللي الله كاتبه يصير واحنا بنرضى فيه ونحمده ونشكره على النعمه

انا وحده من الناس كنت اتمنى يكون عندي ولدين وبنتين بما ان انا وزوجي متفقين على عدد العيال
بس ربي كتيب لي 3 بنات وولد الله يحفظهم ويخليهم لنا والف الحمدالله والشكر على النعمه
مازعلت يوم قالولي باخر حمل لي ان فيني بنت بالعكس حمدت ربي وبشرت بناتي باخت ثالثه لهم
وحتى زوجي مازعل فرح وايد بس قالي حطي في بالج في ياهل خامس لووووووول

انا ما الوم زوجي اذا يبي ذريه واولاد يشيلون اسمه ونسله يكون موجود بعياله الصبيان
بالعكس اكيد هالشي رغبه اغلب الرياييل لكن المهم انه ما يزعل ويعصب على قسمه الله
يدعي ويطلب من ربه ويتمنى وبالتالي يرضى بالمكتوب ويحمده ويشكره

بس للأسف في رياييل متخلفين اللي توصل فيه انه يتزوج على مرته بس عشان الولد !
واهو يدري ان اللي يحدد جنس البيبي الريال مو المره

 

[نجمة فجر]

والله كلامج عدل
مشكله الوحده ودها بولد
صج البنت هي اللي بتكون يمج بس الولد عزوة
انا وحده تمنيت حملتي الاولى ولد والحمدلله جاتني بنت
وتمنيت حملتي الثانية ولد والله يفعل اللي فيه الخير

كلامج مقنع جزاك الله خير

 

[غلا صلاح]

بالعكس بوقتنا هذا البيت اللي تنفع اهلهاا وترد لامهاا والعيال عيال الحريم

 

[بنت الثانوية]

يعطيج العافيه حبيبتي ,,

انا ترى والله مادشيت الموضوع علشان شي ..

بس انصدمت من الموضوع..

قلت الا اعرف شالسالفه..

شلون ينقلب الجنين بالله..

وصح الوحده المفروض تحمد ربها الاثنين حلوين

البنت حلوه بصغرها بشباصاتها وصبغ اظافرها ,,وبكبرها تضل الحنونه

والولد حلوه شطانته وسند لي اذا كبر وشيبت ,,

 

[PuPa^^SWeeT]

يسلموووووووووووو



موضوع لا يعلى عليه

 

[عبره]

ي حبيلك بدويه
تدرين المصيبه وين
المصيبه انها انثى بنت امراه وماتحب البنات
طيب انيت شايفه نفسك عاله ع المجتمع ! مغثه ! محد يحبك ! مسويه مصايب لاهلك !
علشان ماتبين تجيبين بنات ّ!
مابلانا الا الحريم نفسهم وتفكيرهم والا لو كل رجال امه وخواته وزوجته ماسكين السنتهم عن الولد والولد
الرجال ماجاب خبر
بس مازرع حب الذكور بالمجتمع الا الحريم
.

ي زين البنات وخلفه البنات
الله يجعل اللي فبطني بنت وتكون بكري بنت
ماتحلى الحياه الا بالبنات

 

[كويتية135]

فعلا كلامك صحيح بس شو تحكي للعالم الي ما تخاف ربها أنا هلا حامل ببنت وزوجي يموت على البنات وحرام ما حسسني بشيء غلط بس أهله من عرفوا معي بنت كلهم تغيروا معي بس من غير ما يحسسوه لان هو يعتبر الي يحكي بهيك بيكفر حتى أنا طلبت منه نروح نحدد بالاردن وحكالي مستحيل بس والله أهله الي بس شايليين هم الولد والبنت أكثر منها الي يسمعهم يقول شايلنهم على ظهرهم يعني أخوه أول ما عرف أني حامل قلي أن شاءالله تجيبي ولد مو ناقصنا بنات بدناولد طبعا لان كل خلفتهم بنات وهو الوحيد الي عنده أولاد وبصراحة الى الان مقهورة منه وبنفس الوقت ما أقدر أخبر زوجي لأجل ما اكون سبب في خلاف