طريقه شرح الدكتور والبرزنتيشن والواجبات // حياج معاي // اقولج وقوليلي تجاربنا الخاصه

[~ طـــواري ليل ~]

حلوو الموضوع

كلية العلوم

كيمياء 110
الدكتورة : نجاة الشطي

الماده : يبيلها دراسه اول باول مو سهله و فيها صعوبه ، و اللي ساعدنا دورة الكيمياء ( انا م كنت احظر الدوره دايم و الحمدلله طلعت بقريد حلو )

الدكتوره : اهي نظامها كتابج بالبيت م تاخذينه المحاضرة و لا تفتحينه جدامها ، شديده بالغياب و تحاسب عليه و عادي اللي يغيب عندها تعطيه fa
تسأل فجأءه بحيث تشوفج منتبهه معاها و الا لا ، انا عندها ما خلتني اشارك الا مره وحده طول الكورس ، الموبايل لا ينفتح و لا يرن <<
نظام الشرح تكتب ع السبورة ( لان اكو دكاتره بالبوربوينت ) انا افهم معاها عدل
طبعا الشرح كله بالانجليزي << انسي تشرح عربي ( هالشي يساعدج بالمديتيرمات و الدراسه )
بس المديتيرمات يبيلها تحلين اسئله من برا الكتاب ( اسئله الدوره ) لان فيها افكار جديده

بس اقول لكم الماده يبيلها دراسه و الدكتورة اهي من شدتها الصراحه خلتني ادرس اول بأول
و الحمدلله طلعت منها : B


و بث

 

[اوطان 1]

موضوع راقي وطرح رائع
تشكر صاحبه هذا الموضوع


واتمنى التفاعل من خواتنا المستمرات لافادنتا احنا المستجدات&#55357;&#56397;

 

[~ miss NERD ~]

علوم اداريه,

106 انجليزي
عند شروق امين reading + writing : شرح اي كلام كله off ما تعطي الماده حقها حليوه بس نفسيه بالمكتب مادري ليش!

091 ماث تمهيدي
سجلت عند الدكتور احمد شفيع امدحوه لي و لا شفت رقعة ويها!
يابولنا بداله هندي اسمه شهريار كلش ما يفهم كلامه مو مفهوم و سريع
و بعدين غيروه و يابو لنا محمد حجاج او عبد العاطي نسيت اسمه يعني زين بس ما يعرف يسيطر على الكلاس كلش فما كنت احضر كلش!

و بس

 

[اخت خالتهم]

محمد الرميحي ( مجتمع الخليج )
آنـا حبيت الدكتور مع ان محد يحبـه
بس حبيته لان يحب البنت الشاطرة و تبين شطارتها بإسلوبها وكتاباتهـا .. خذيت A

اليوسفي ( كلاسيكية )
اهو بسط المادة بس يبي نكتب حجي حجي حجي طلعت من المادة B مع ان المفروض A- والله
الله يسامحها بس احسن من غيره بهالمادة فقطططططططططططططط لان ملخصها يمكن 30 ورقة بس

نضال الموسوي ( مدخل )
حطتلي B واهي قايلة اللي تحضر ارفعها و اللي تشارك ارفعها ما رفعتني ولا شي !!
والاغلب خذو B ما تفرق بين الشاطر والكسلان !!

مدوس الرشيدي ( حقوق انسـان )
محد يحبه بس انا حبيته ههههههههههه انا احب الدكاتره اللي عندهم فكر وخبره
وطلعت من المادة A

حسين الانصـاري ( مهارات معلوماتية )
الدكتور حبوب و زين بس حطلي C+ وانا المفروض اعلى بوايد والله بس الحق ينقال ما كنت اداوم فترة اسبوع لان كنت حامل و طاح البيبي الحمدلله على كل حال فـ أتوقع عشان غيابي مادري بس اهو يقول انا اراعي الطلبة ولا راعاني !

لبنى القاضي ( مرأة ومجتمع )
حبووووووووووبة اتينن كتبي أول بأول واللي تكتبينه معـاج بالامتحان و حضري كل محاضراتها وندواتها بتطلعين A

زكريـا ( مهارات اتصـال )
انا درجاتي عنده سنعه و اشارك بس لاني احضر بمحاضرة غير محاضرتي ما يعطيني بونس و هذا اللي ما خلاني اخذ A

الهدبان ( سياسه )
ايييييييييييييينن و حبوب و يرفع و كنت احضر على طول عشانه مو عشان الماده

بدر الحجي ( اعلام )
وييييييييييييح قلبي هههههههههههههههههههه هذا انسان كلمته "أنـاسه" يعني وناسة كل شي عنده أنـاسه ههههههههه
ويحب يتفلسف
بس حرام ساعدنا مع ان امتحاناته تخرررع .. بس حبيته والله احب غريبين الاطوار ههههههههههه



هذول اللي اذكرهم

 

[ترف بابا]

up

up

 

[غلا دنيتي جابر]

طيب مافيش اي حد اخذ تدريس1 عند يعقوب جعفر؟

 

[»؛sandrella؛«]

^

مآعرفش يختي

نظـآم دستوري . . بدر المطيري
أكرررررررم دكتور مر علي
حيل حييل حييييييل كريم ب الدرجآت
الي تبي ترفع معدلهآ تآخذ عنده بس لآ تغيب
لأن مآ يحب آلغيآب كلش ومستعد يعطيج a بس دآومي
اهوا أحسن دكتور مر علي

جمآليآت أدب . . صبآح السويفآن
ههههههههه هـ الدكتور فصصصصصصله
مودري والله شنو سآلفته ب الضبط مو عآرفه شنو فيه =/
ومودري شلون يقيم رفيجتي مززفته بالفآينل والميدتيرم عطآهآ a
وآنا كله أغيب بس مقدمه عدل عطآني a
يمكن على قولته إذا طق مطر يصير كريم ويعطي درجات
بس اهوا طيب وانصحكم فيه وللـ أمآنه آنا قريت انه مرآت يكون
زين ومرآت لا يعني انتو وحظكم !
< كلآم البنآت وآنا عن التجربة خوش وآحد

اقتصآد جزئي . . مسآعد بن عيد
يدددددددددددددلع بس روحيله وتحجي عدل
وحني عليه يسآعدج وإذا الكلآس كله طلب منه شي يسويه
احنا قلناله نبي الامتحآن من المذكره وسوالنا هـ الشي

والله في بعـآد زينين بس هذيل الأبرز

؛

 

[أم منيـرة]

بعـد نبـي تجـآرب

 

[هاجر**]

احم احم



بسم الله

بقول دكاتره يمكن قليل الي يقولون عنهم شي ..



الدكتوره فاطمه نذر .. علم اجتماع تربوي

دكتوره في قمة الاخلاق وراقيه في تعاملها جداجدا
حبيتها وحبيت مادتها
عندها 3 امتحانات اول امتحان من 10 والثاني من 20 والثالث من 50 الي هو الفاينيل
تطلب مننا بحث عباره عن مذكرات يوميه نكتبها ننتقد ظاهرات مجتمعنا من خلال تعايشنا فيها
ماتهتم بالحضور كثير احيانن تاخذه احيانن لا , تحب المشاركه , وغصب تخلج تشاركين لان مواضيعها تشدالانتباه
طلعت منها بـ a-


الدكتوره غاده... قياس وتقوسم

تهبل هالدكتوره اخلاااق اخلاااق اخلااق .. الله يسسعدها يارب حبيتها بجد
صح انها كرفتنا شوي بالبحث وامتحاناتها فيها صعوبه
بس انها تعطي كيرف وترفع وترااعي كثير
اخر شي تعطيج سؤال بالفاينيل تتوقعين فيها درجتج نفسها بالضبط عطتني اياها
ورفيجتي بعد
جبت عندها c+
لاني ماحب المسائل




الدكتور عبيد سرور العتيبي .. جغرافيا اقتصاديه


الله يسعده ويهنيه وين ماراح احبه كثيييير وماندمت لحظه اني اخذت الماده عنده
بسط الماده كثير كثير
يابخت الي ياخذ عنده
يشرح بالبوربوينت ولا تدرسين الاهو لان هو الامتحان
انا كنت ماخذتها صيفي ةهذي طريقته
طلعت من الماده بـb+



معصومه المطيري .. صحه نفسيه


ماحبيتها مو حقانيه كلش ... ظالمه تعطي الشباب درجات والبنات لا مع ان اجتهادنا اكثر
مو ملتزمه بالمحاضره كلش
الحلو فيها طرحها لمواضيع علم النفس ومناقشة حالات يعالجون عندها
وبعد الحلو فيها نظام المجموعات واختبار الاوبن بوك




حامد المطيري .. خدمه مدرسيه


دكتور محترم وراقي في تعامله .. يراعي الظروف
مادته سخيفه كثير وحلوه وتفيدج في حياتج المهنيه
امتحانته متوسطة الصعوبه وكميته قليله



احمد البسيوني .. تاريخ اوربا


حبوب وطيب .. يراعي الظروف والتاخير عنده عادي
امتحاناته يبيلها حفظ وكتابه
كميته شوي كبيره بس حلوه بالنسبه للدكاترة التاريخ الثانين
يساعد واتوقع يرفع .. في بنات يقولون كلموه يرفعج اكثر




مسعد الشلاش .. العمل مع الجماعات



دكتور محترم وطيوب ... سوالفه كثيره خخخخ
عنده امتحانين اول امتحان مقالي والثاني موضوعي
المقالي 5مواضيع بس اما الفاينيل كانت كميته كبيره
عنده بريزنتيشن عليه 15 درجه وبالاخير عطانا كلنا الدرجه الكامله فيه





وانشالله اذا تذكرت الباقي لي رجعه

 

[.hinata.]

طيب مافيش اي حد اخذ تدريس1 عند يعقوب جعفر؟

انا خذيت عنده تربيه بيئيه دكتور محترم وامتحاناته كلها صح وخطأ ومصطلحات ومرات ييب عللى يمكن سؤال ولا 2 وعنده بحث من 5 درجات والغياب والحضور 10..
انصح فيه وبشده ..


بنات كتبو عن دكاترتكم شدعوه؟


ببدا بالدكاترتي اللى اخذت عندهم ..

مدخل رعايه اجتماعيه الدكتور هادى مختار ..
دكتور محترم خلوق جداا قبل كان عنده برزنتيشن الحين لا ..
عنده انج تشاركين مشاركته بس تقرين من المذكره ,,
5 مشاركات او 5 نجوم ..
عنده امتحان اثنين من 20 الواحد
واسألته اختيارى ,,
امم اى معلومهـ قولو لى ,,

الدكتور اعلام تربوي حمد الرشيد

دكتور محترم ويحب يتغشمر بس ماكان ييي عندنا لانه مشغول يت بداله المساعده مزنه كنا نشرح , وجذى
امتحاناته 2 من 15
وعندها تقرير او بحث او مقارنه من 10
10 حضور وغياب
امم وبعد ؟

بس


الدكتور وليد الربيع مدخل فقه
ام الدكتور حبوب والماده سهل بس حيل ضلمنى او ما حليت عدل بالفاينل ما ادرى
المهم امتحاناته الواحد ب 35
اسألته اكملي الفراغ وعللى واكتبي ماتعرفينه ومصطلحات ..

 

[قَلبيْ صُويبكْ !]

( مبـآديء تربيه , د. صلآح آلرآشد )

آلممممآده سهله وأهو مآشالله حذف لنـآ ثلآث أربــآع المنهج
يغيييييييب واااااااااااااااااااااايد .. وإذأ حضر مـآيهتم بالغيآآآب
يطلب تقرير عن زيــآره للمدرسه . . ويطلب تلخيص لأحد آلكتب اللي تتعلق بـ آلتربيه
إختبـآراته كلهــآ موضوعي الميدتيرم وآلفاينل .. الفاينل كآن شوي دقيييق
أخذت عنده : B+

اعتقد تقصدين صالح الراشد مو صلاح ؟
انا معاج بالكلام بس اللي مستغربه منه مافيه الا ثنتين ثلاث خذوا اي والاغلبيه سي !!

 

[Nmnoum]

أول شي أحب اشكر صاحبة الموضوع و البنوتات ., فدتووني .:eh_s(17): ,

ثاني شي ., انا بالتربية بس خذيت مآدة أرض و كون عند الدكتور عرفآت الشعيبي .,

وآآآآي هالدكتورر إينن خوووووووش دكتور , محترم و يقدر و شرحه حلو مع ان ساعات يملل ., حاول وآيد يبسط المادة كثر ما يقدر ., ماقصر ., " رآيته بيضة " ., حقآني و دمه خفيف .,
يآريت كل الدكآترة نفسه .:eh_s(2): ,

الشرح : power point و يحطلج رؤوس أقلام + الأشيآء المهمة وانتي تخططين معاه .,
الكوزآت: كل اسبوع كويز
الامتحآنات : ميدتيرمين + فآينل
* طلب منا بحث عن أي موضوع بالكتاب احنا نختاره و كان البحث من 20 ., و الأغلبية حسب كلامه خذو 20 سوو يعني يحاول كثر ما يقدر إن يرفع اللي محتاجين الـ push

و بس .,

 

[unique7]

انننا راح اقولكم عن جم دكتووور

اول شي

ادم العتيبي ( مقدمه في الاداره العامه )

طيب حيل حيل حيل والبنات وايد كانو يمصخونها يدخلون بعد المحاظره ابنص ساعه وعادي الوضع طبيعي عنده بس عيبه ان ينووووم بالمحاظره ودج تنتحرين . بس انصح فييه وابقوه

انا دخلت الفاينل ومابطلت الكتاب كلش كلش عطاني بي ماينس وبصراحه ما استاهلها كلش وغير هذا عنده عروض حتى لو اتزفتين بالمدتيرم وبالفانيل اتيبين زين عندج فرصه تاخذين ايه



وعندكم بعد مها السجاري ( انثربلوجيا )

مها تعتبر احسن وحده من الي يدرسون هالماده وانا عايده الماده عندها ولو مو عايده الماده جان ماري عن شنو يتحجى الكتاب لانها ماتفهم كلش بس زينه كتقسيم درجات احسن دكتوره تعطي هالمقرر


ووو بعد ثقافه اسلاميه ( احمد الذايدي )

خوش دكتوور ومحتررم واايد وتضمنين قريدات عاليه عنده


وبسس ان شالله اكمل بعدين واموفقيييين

 

[<<عـيـونـ آلـمـهـآ>>]

أول كورس لي خذيت ( تمهيدي انقلش ) عند الدكتور ( عبدالله النعيس المطيري )

صرآآآحه هالدكتور انصح فيه حسسسيت جنه أبوي .. طبعا كل اسبوع يعطينا اوف . . واذا طلبناه باوف بيوم معين يعطينا

ومحاضرته عباره عن ساعه فقط لان بالسستم حاطين ساعتين .. شرحه حيل حيل حلو وحبوب وشخصيته حلوه

اذا فيه بنات مزفتين بالماده يساعدهم بطريقه ثانيه .. يطلب بريزنتيشن وقال الي ماتبي تسوي تختار اي احد من المواضيع الي

وزعتها عليكم وتقدمه لنا .. يساعد الكل ومايقصر .. ناويه اخذ عنده بالصيفي 142 .. الي تشوف اسمه واتطوفه ماعندها سالفه

 

[vanillaq8]

1-منى سالمين - تمهيدي انجليزي

خوش دكتورة حبوبة و حقانية ما تعطي احد اكثر من حقه



2-زهاء الصويلان - اصول تربية

حبوبة و الدكتورة و شرحها حلو

عندها مدتيرمين و تقرين تعيدين واحد منهم

و بحث عشر درجات عليه

و تحاسب ع الغياب



3-عبدالله القتم - جماليات ادب

حلو شرحة يونس و ينكت

امتحانه سؤال او سؤالين و انتي اكتبي تعبير

ماعنده حفظ و اللي تحفظ لها بونس

و يحاسب ع الغياب



4- مستورة رجا - ثقافة اسلامية

شرحها زين تحاسب ع الغياب

امتحانها من 30 درجة و اسألته عامة و الفاينل سهل



5- محمد الظفيري - لغة عربية و اتصال

خوش دكتور حبوب و شرحة حلو و الكريف بالهبل عنده

امتحانة الاول احفظوا الكتاب عدل و الثاني اختياري

و حفظ اية عليها بونص و يحاسب ع الغياب


6-العنود الهدبا - علم اجتماع تربوي + نظام تربوي

نفس الطريقة امتحاناتها اختياري تحاسب ع الغياب

و تساعد البنات اذا مزفتين تدبل واحد من الامتحانات

وامتحانها الفاينل اوبن بوك


7-محمد عبدالغفور - تربية اسلامية

حلوة محاضرته و امتحانه لازم تكونين دارسة الكتاب عدل مقالي

يحاسب ع الغياب و لازم تسوين له شرح


8-عبدالله جراغ - تربية بيئية

عجيييييييب هالدكتور امتحاناته سهلة للي ينوت معاه


9- احمد الجسار - طاقة و انسان

الدكتور يشرح و يتعب و يفهم بس الامتحان الدارس و المودارس نفس الشي

للامانة امتحاناته سهلة بس محد يحل و لما يحله لنا سخيييييييف الحل :"(((



10-منى تقي- مدخل علم احياء و طبيعة

احفظوا نوتها بس

عندها 3 امتحانات و الفاينل كلهم داشين فيه

احلى ش عندها المراجعة



11- صادق اسماعيل- تطور فكر تربوي

يقول اسألة الامتحان بالمحاظرات و يعطي بونس للي ما تغيب ولا مره


12- بدر الشمري - حسبان 1

مسهلللللللل المادة حيييل و ادرسوا النوت ماله و الواجبات

و تطلعون بالاي

عنده واجبات عليها درجتين


13- فوزية الرويح - الارض و الكون

عجيييبة الدكتورة حيل ساعدتنا و تقولنا اسألة الامتحان بالمحاضرات

و امتحاناتها نختار 3 اسالة من اربع اسالة


15- حمود المقاطع - علم اجتماع تربوي

عجيييييييييييب هالدكتور من ناحية الشرح

حقاني بالدرجات ما يعطيج اكثر من حقج

يحاسب ع الغياب

و عنده تقرير زيارة ميدانية

و امتحاناته اختياري

امتحان واحد و فاينل بس




و موفقين يا رب

 

[بدوعة النعنوعة]

انزين منو ماخذه عند دكتو بنيان تركي؟تاريخ لكويت؟
شنو طريقة البرزنتيشن والبحث اللي يبيه​

 

[CôôlஜŚŦяάwbĕrяy]

الله يوفقكمـ ويفق جميع المسلمين

 

[آلجـآدل آلتـرف]

موضوع رآئع .. أهنيج ع هالفكـره :eh_s(9):


( تمهيدي أنقلش - سلوى بن نآجي )

حبووبه حييل .. وشرحها لج عليه شوي < يمكن لاني مو دايما منتبهه :eh_s(22):
وأمتحآنآتها حيل سهله وموآضيع التعبير تجيب لج بالامتحان اكثر من وآحد .. ووآحد منهم تكون شارحته لج بالكلاس ..
وحتى بالفاينل ما عطتنتا كل كلامات اليونتات حذفت لها وآجد .. عكس الدكاتره الثانين ..

آلوكاآد إنها خوش وحده .. ولآمره عطتنا هوم وورك ولا برزنتيشن ولا خرآبيط ..


( إعلآم تربوي - حمد الرشيد )

مـآدة عآمه تتكلم عن الاعلام , والاعلام التربوي .. وشنو أهميته عندنا وشلون تأثيره .. إلخ
وكل سنه له نظآم جديد .. حسب مزآجه ع أيآم رفيجتي .. بس عطآهم 3 فصول للفآينل
وإحنا بس حذف لنآ فصل وبآقي الكتآب كله معانا .. وذلنا عليه
نظامه كل فصل قروب بنآت يشرحونه .. وإمتحاناته كلها اختياري وأسألته متوسطه مو حيل سهله ولا حيل صعبه ..
وأتوقع فيه دكآتره أفضل منه لـ هالماده




.. لي عوده :eh_s(7):


​

 

[Ray.Bana =$]

محمد الرميحي ( مجتمع الخليج )
آنـا حبيت الدكتور مع ان محد يحبـه
بس حبيته لان يحب البنت الشاطرة و تبين شطارتها بإسلوبها وكتاباتهـا .. خذيت A

اليوسفي ( كلاسيكية )
اهو بسط المادة بس يبي نكتب حجي حجي حجي طلعت من المادة B مع ان المفروض A- والله
الله يسامحها بس احسن من غيره بهالمادة فقطططططططططططططط لان ملخصها يمكن 30 ورقة بس

نضال الموسوي ( مدخل )
حطتلي B واهي قايلة اللي تحضر ارفعها و اللي تشارك ارفعها ما رفعتني ولا شي !!
والاغلب خذو B ما تفرق بين الشاطر والكسلان !!

مدوس الرشيدي ( حقوق انسـان )
محد يحبه بس انا حبيته ههههههههههه انا احب الدكاتره اللي عندهم فكر وخبره
وطلعت من المادة A

حسين الانصـاري ( مهارات معلوماتية )
الدكتور حبوب و زين بس حطلي C+ وانا المفروض اعلى بوايد والله بس الحق ينقال ما كنت اداوم فترة اسبوع لان كنت حامل و طاح البيبي الحمدلله على كل حال فـ أتوقع عشان غيابي مادري بس اهو يقول انا اراعي الطلبة ولا راعاني !

لبنى القاضي ( مرأة ومجتمع )
حبووووووووووبة اتينن كتبي أول بأول واللي تكتبينه معـاج بالامتحان و حضري كل محاضراتها وندواتها بتطلعين A

زكريـا ( مهارات اتصـال )
انا درجاتي عنده سنعه و اشارك بس لاني احضر بمحاضرة غير محاضرتي ما يعطيني بونس و هذا اللي ما خلاني اخذ A

الهدبان ( سياسه )
ايييييييييييييينن و حبوب و يرفع و كنت احضر على طول عشانه مو عشان الماده

بدر الحجي ( اعلام )
وييييييييييييح قلبي هههههههههههههههههههه هذا انسان كلمته "أنـاسه" يعني وناسة كل شي عنده أنـاسه ههههههههه
ويحب يتفلسف
بس حرام ساعدنا مع ان امتحاناته تخرررع .. بس حبيته والله احب غريبين الاطوار ههههههههههه



هذول اللي اذكرهم

آمممممبيهه فصلت على غريب الاطوار ههههههههههههههههههههههههههههههههههههههههههههههههههههههههههههههههههههه :krkrkr: يضحك ويونسسس بس يصدم بالامتحانات المدتيرم كلنا مزفتين يحطلنا تعريف او جملة عاديه بالاختياري كلهم يتشابهون بس كلمه وحده غير وتعالي طلعي اي وحده صح :rgewrg: من اسلوبه يبين ان سهالات بس الفعل غير :eh_s(2):



ماعجبني بدر الحجي دقييق واااااااايد انا ماحب جذي :eh_s(2): بس زين ان طيب قال بيساعدنا بالفاينل ياااخي بخلص من هالماده وهقت نفسي فيها لاعت جبدي :eh_s(4):


..



- سعد الغريب ( مدخل جغرافيا ) عجييييب هالدكتور امتحاناته حلللوه ويساااعد واايد وعطانا بونص ويقول انا راح اساعدكم اللي راح تاخذ c برفعها اخليها b واللي b بخليها a انصححححكم فييهه :eh_s(22):

- مكتبات ( سمير حماده ) امتحاناته مباشره وسهله واهوا زين خوش واحد بس ماحب المختبر :rgewrg: ماحب الكويزات :rgewrg:

- حقوق انسان ( مدوس الرشيدي ) الماده لوووعه والدكتور غريب الاطواار :krkrkr: والامتحانات كلها ويييععععععع خااايسه صح وخطأ مع التعليل شهالطريقه العجيبه السحريه اللي طالع فيهاا وييييييييييييييييييييعع وييييييييييييييييييييييييييييييييييييييييييييييييييييييييع ويقول لاتحفظون تواريخ واييب تواريخ :rgewrg: شنووو! نللللللللللللللللللللللعببببببببببب! عاد كنت ماخذتها اول كورس لي بالجامعه شنو حاشنييييييييييي احبااااااااط شنو كرهت الجااامعه بكبرهاااااااااا :rgewrg: زين نجحت

- مهارات اتصال(زكريا) وايد اموت بهالماده اعشششقها الدكتور خوش واحد ويقول انا اعطيكم فل مارك بالواجبات حتى لو تحلون غلط بس المهم تحلون بسانا كنت ادرس حي الله دراسه بس الدكتور خوش واحد ويفهم عدل يحببج بالماده بس انا ماكو امل احبها لووووووووووووووووووووووووول

-تمهيدي 090 ( ايهاب العنزي ) اييييييييييييييييييييييييييينن هالدكتووووووووووور كلمة عججججججيب شويه عليههه :eh_s(17): اخذوا عنده وشوفوا المميزات اول شي اللي تغيب وتبي اشيل عنها يوم تقرا قصه انقليزيه صغيره او كتاب عربي 100 صفحه وتيي تقولي عن شنو يتكلم واشيل عنها يوم بس انا مالي خلق فا ما استفدت من هالميزه وميزه ثانيه يقول اللي درجتها مو زينه بالامتحان اذا تبي ارفعها عندها اختيارين يا ان اسويلها امتحان قصير او تسوي برزنتيشن وبسس اهوا يونسس اهيا اول محاظره عندي كله اروح متنحه واصحصح بمحاظرته لوووول


وبث :eh_s(17)::eh_s(22):

 

[amoolii]

بناااااااااات بسألكم دكتورة ضحى معرفي تساعد وترفع والا لا بليز اللي تعر ف ترد