الكورس الأول كنت ماخذه
علم اجتماع عند فواز العنزي
بالنسبة لل hw ما عطانا الا واحد وكان سهل يعني
عنده نظام لازم تمشين عليه ولي التزمتي بنظامه بساعدج ان شاء الله بعدين
طبعا ما يحب التأخير + التلفون مغلق وداخل جنطتج يا ويلج ان شافج رازته جدامج + خليج هادية آنا ما كان نظامي اشارك بس كنت ملتزمة بهالشغلات و ما ناقشته بسالفة الدرجات يعني تيين مكتبة يجمع جدامج درجاتج كلها ويقولج يساوون مثلا b عاد انتي لا تقولين زيدني وماادري شنو لا خليه اهوه ان شافج هادية بقولج بس بزيدج وفعلا زادني
طريقة شرحه وايد اعجبتني مو نظامه يقرا وبس لا يربط الكلام بشي يصير بالكويت
بالنسبة لأمتحاناته آنا للأمانة ماكنت ادرس بكل ضمير يعني ادرس بس ما احب قرقة علم اجتماع
فأشوف امتحاناته متوسطة بس تميل للسهولة اكثر
موضوعية صح وغلط + اختياري
عنده ميدتيرم واحد + الفاينل
طبعا هالدكتور انصحكم فيه والحلو فيه ماكو مصخرة بكلاساته موقف البنات عند حدهم
المادة الثانية مدخل علم نفس عند ناصر المنيع
ماكو hw و يعطي بونس + يرفع وايد + سوالفه ما تنمل ويوصل المعلومة لج بطريقة حلوة ويخفف وايد علينا كمية الامتحان وامتحاناته اختياري ميدتيرم 2 + فاينل ووايد سهلة امتحاناته ضامنة ان شاء الله ال a
آنا كنت هادية فمو وايد نظامه لازم تشاركين اهوه يسأل الكل بس اسألة عادية يعني نفس يعطيج كلمة وتعطينه كلمة مشابهة لها ويسأل السطرة كلها وأكثر
وطيب وااايد ويساعد وايد ما يحسسج ان المادة عله على قلبج
بس المشكلة اللي لاحظتها ان البنات شوي ياخذون راحتهم ويمكن اللحين بالكورس الثانية صار اشد شوي بس ما تغير من النواحي الثانية
باختصار هال 2 افضل دكتورين و اشتقت لأيام الكورس الاول
نيي للكورس الثاني ولي عودة ان شاء الله بعد القريدات
اول مادة تمهيدي انجليزي عند محمد النظلي
الحلو ان الكلاس عنونو فالمعلومة توصل بسرعة وتحسين حاجز الخجل يروح بسرعة
الدكتور يضحك ويفهم والاهم يترجم بالعربي
بس مشكلته مرات يتنيحس
كويزاته زوينة
اهوه مو التوب بالتمهيدي بس مافي مشكلة تاخذين عنده
ويعطي اوفات هذا اهم شي
بس كلاسه ضحك شوي
مادتي الثانية جماليات الأدب عند احمد عوض
اهوه الريال زين بس المادة غثيثة والكلاس يمكن لأن من صباح الله خير فالنفسية لكم عليها من جذي مو بالعة الكلاس
يفهم و محترم بس شوي عليه واجبات غثيثة
الميدتيرم الأول وايد سهل الحمدالله وناطرين الثاني والفاينل وان شاء الله خير
ما يزف عالتأخير حرام معطينا ويه
بس ما يعطي اوفات كلشششش
المادة الثالثة مدخل رعاية اجتماعية عند هادي اشكناني :
المادة زينة بس اهوه وايد يحاسب عالمشاركة يعني لازم كل مرة ترفعين ايدج و تجاوبين مو من الكتاب قراية لا بدون لا تقرين ولازم تكونين فاهمة النقطة
يدخلج اذا تأخرتي بس يحسبج غيااااااااااب بدون نقاش وياخذ الحضور من اول المحاضرة واهوه ماشاء الله عالوقت ايي
يعطي اوفات و عنده ميديترمين + فاينل
شرحه نظامه يخلي كل بنية توضح فقرة او نقظة واهوه يشرح بعدها هالنقطة
يعني شرحه تقليدي مو سوالف وجذي يمكن مرات يسولف اذا شي مرتبط بهالنقطة
اساسا المادة قرقة وبس
امتحاناته بس اختياري بس مشكلة اختياراته تخربط
يعني يحيرج شوي يا يكتب مثلا ب فقط أو أ و ب أو جميع ما سبق أو ألف فقط يعني شغلات شوي تفر مخج بس مو صعبببببب لا زين واهوه يعطي تركيز يعني يعطيج 20 سؤال في وايد منهم داشين معانا بالامتحان
رابع مادة آخ يا قلبي
الأخلاق والمجتمع الحديث = فلسفة
واايد تفر المخ هالمادة وفلسفة قرقة بقرقة
عند حنان الخلف
اهيه حرام حبوبة وحليوة بس تبي مشاركة والمادة تلحس المخ :s
و امتحانها بصراحة وايد صعب تبينا نكتب فقرة و نحط استشهاد والخ ...
يعني الدكتورة زينة كأسلوب بس امتحانها لكم شوي عليه وخايفة وايد من هالمادة ان شاء الله تعدي على خير
ولي عودة ان شاء الله
