طريقه شرح الدكتور والبرزنتيشن والواجبات // حياج معاي // اقولج وقوليلي تجاربنا الخاصه

[m!ss]

واااااااي بنات صج صج صج الله يعطيكم العافيه
الحين ادش الجامعه و انا مطمنه بس ناطرين القبول

 

[al-noory]

يعطيكم العافيه
انا بالعلوم الاجتماعيه
شنو تنصحوني اخذ اول كورس مواد وعند منو ؟

 

[Pippa]

.

اب

 

[~ miss NERD ~]

الكورس اللي طاف..

علوم اداريه:
مبادئ اداره عند احمد ماهر..
الدكتور حده زين يسهل علينا كل شي, اهي بالاساس الماده سهله و قرقه بس اهوا مختصرها
الصراحه الصراحه المحاضره تنوم بالنسبه لي و ما انتبه معاه لان وايد يتكلم عن اشياء مالها شغل بالماده
بس يبقى اهوا الافضل لانكم تضمنون الـ A عنده
و اخر الكورس تسوون برزنتيشن حده سهل بس لازم تشتطوون و تسوون افكار و جذي
ما يهتم بالمضمون كثر الخبه على البرزنتيشن
و يطلب تقرير تسوونه عن رحله كامله
لا تطوفونه!

micro110/اقتصاد جزئي عند محمد العمر:
خوش دكتور يبسط الماده و يدشش المعلومه بسرعه مع ان الماده تلوع الجبد و يبيلها طولة بال و فهم و تركيز
امتحاناته يعني بس ما تطلع من السلايدات
اللي تلاخذ عنده لازم تدرس من السلايدات,,
اهوا يقول لازم نحضر التوتوريال بس انا ما كنت اروح و يبت قريد زين حيل الحمد لله
انصح فيه حيل!

math110 عند فايز عبد السلام:
مادري شقول بس الصراحه ما كنت افهم من شرحه سرييييع حييل و كويزاته شوي صعبه كرهني بالماده اكثر من ما اهي كريهه!
و اخر الكورس حاطلي F و لعب بأعصابي و اخر شي لما رحت له طلع غلطان و مو حاسب درجاتي عدل و خذيت C
ما انصح فيه!

علوم اجتماعيه:
مدخل رعايه اجتماعيه عند هادي اشكناني "نسيت اسمه مادري اذا صح؟"
خوووش دكتوور .. الماده قرقه حييييل و مو فاهمتها انا اساسا و اهو حيل مسهلها
يقولنا اسئلة الامتحان و مرات ياخذ احسن درجة بالمدتيرمين
بس الصراحه وقت الشرح انا ما انتبه لان الماده تنوم!
بس حيل انصح فيه

 

[همسات شقاوي]

خالصنا صيفي قـلت اقولكم تقيمي للدكاتر :eh_s(16):

د.فــلاح الســعيـدي ((ثقــافة اسلاميــة ))

الدكتور يههبل وانا احب محاضرته لكن تصحيحه دقيق جــــــــــــــــــــدا واسئلة مقالية يعطي ثلاث اسئلة وكل سوال بورقة يحسب ع الحضور والغياب و يعينا فصل من 100 صفحة او اقل بشوي نخلصه ب10 صفحات وعليه 5 درجات بونص ..اللي بياخذ لازم يلتزم ويشد حيله ويدرس اول باول لان ثقافة عنده صعبة طلعت من عنده ســي وقال انه بيرفعنا قريد عشان مايظلم احد


د.مــحمد المسيلــم ((الأدارة المدرسـية ))
دكتور عججيب ومحاااضرته تووونس عنده امتحانين كل واحد ع 20 الاحسن ياخذ درجته ويدبله .الامتحان الاول اغلب شعبة زفتنا فقال الامتحان الثاني اذا احسن اخذ الدرجة وادبله وفوق هذا الامتحان الثاني 25 ..ال20 منه صح وخطا وال5 تعاريف بونص اللي يجاوب عليه وعنده 10 درجات ع كلاس ورك يعني قروبات بالكلاس ويعطيهم سؤال يحله القروب ... والحضور والغياااب عليه10 وهو ملتزم فيهم والفاينل ب40 درجة طلعت منه آي ماينس

د.أحمد الـحسـن ((تـاريخ صدر الاسلام))
الدككتور عجيب بس محاضرته ممله بس الكمية حيل شويه لان حيل يحذف واسالته صح وخطا واختياري والمادة سهلة عن غزوات الرسول _صلى الله عليه وسلم _ والخلفاء الرشدين وطلعت منه آي

 

[~عيون الحب~]

الكورس الصيفي :

نحو 1 - د.حسين بوعباس

على كثر ما كنت خايفه من هالماده ومتذمره واحاتي إلا انها كانت من امتع المحاضرات
تخصصي إعلام مو عربي .. يعني مو وايد شاطره بالنحو
كانت مجازفه اني اخذها عند هالدكتور محتاجه الماده ووايدين يقولون عنه مو زين وقليل قالولي زين
داومت اول يوم وانا حدي خايفه من كثر الذم تخيلته شرير واقشر
بس بالعكسسس من احسن الدكاتره اللي خذيت عندهم محاضرته وايد حلوه واهوا بشوووش وغشمرجي + شرحه توب
المنهج كتاب من تأليفه وطريقه المنهج والشرح اللي فيها سهل .. بس الكميه شوي وايده خصوصا اني ماخذتها صيفي وماحذف لنا شي
توزيعه الدرجات : 5 تقرير \ 10 حضور وواجبات ومشاركه \ 35 ميدتيرم \ 50 فاينل
تقريره سهل \ مشاركه الكتاب مبطل جدامكم وشاركو \ الواجبات عقب كل درس يعطيكم تمرين من التمارين اللي موجوده بالكتاب ويقول حلو التمرين والمحاضره اللي بعدها يبطل الكشف وينادي بالاسامي وانتي وحظج السؤال اللي يطلعلج تجاوبينه ( انا مره وحده نادا اسمي ) \ الحضور اول مايدش الكلاس ياخذ الغياب شديد من هالناحيه \ الميدتيرم والفاينل مقالي بس سهلين ومن الكتاب
اول محاضره قالنا حضرو الدرس قبل المحاضره عشان نشارك .. انا بالكلاس اقرا الدرس عالسريع أو مايحتاي الكتاب مبطل جدامي واهو يشرح نشارك وياه
اي واهو عقب كل درس يبطل التمارين ويخلي وحده وحده تجاوب بس مايحط عليها درجه المشاركه .. يحط عالواجبات بس
والحمدلله طلعت منه -B

تاريخ الإعلام بالكويت والخليج - د.ايناس سالمين

الدكتوره حبوبه وزينه ومنهجها سهل وشويه .. بس طريقتها ماعجبتني بهالماده , كنت ماخذه عندها مدخل طريقتها كانت وايد اريح
طريقتها :
25 كويزات ( 4 كويزات ) \ 25 برزنتيشن \ 20 ميدتيرم \ 50 فاينل
كويزاتها مقالي بس سهله .. الميدتيرم والفاينل موضوعي وسهليييييييين وااايد
بس مشكلتها بالبرزنتيشن .. كل بنت او كل بنتين يسوون برزنتيشن مره وحده وقالتلنا الطريقه اللي تبيها والحمدلله خذيت فيه 25
بس المشكله كل البرزنتيشنات اللي سووها البنات داخله معانا بالمنهج ونمتحن فيهم وهالشي تأذينا منه لان الكميه واااااااايد
الامتحانات امتحنا كويزين من المنهج - كويزين من البرزنتيشنات
الميدتيرم المنهج - الفاينل المنهج + البرزنتيشنات
الميزه اللي بهالدكتوره امتحاناتها وايد سهله + تعطي بونسات
وبالاخير رفعتنا كلنا بس مادري شكثر والحمدلله طلعت من الماده A

 

[ya al3rosa]

بنات انا كلية العلوم رياضيات وبيئة
سمعت انها حييييييييييييييييييييل صعبة وشرحهم انكليزى وانا مييييييييييييييح شلون الدكاترة والشرح وشنو موادهم

اكو بريزنتشن بالانكليزى ولا لا ؟؟؟
يساعدووون الدكاترة ولا شديدين

 

[قطعة حلا2]

بنات انا كلية العلوم رياضيات وبيئة
سمعت انها حييييييييييييييييييييل صعبة وشرحهم انكليزى وانا مييييييييييييييح شلون الدكاترة والشرح وشنو موادهم

اكو بريزنتشن بالانكليزى ولا لا ؟؟؟
يساعدووون الدكاترة ولا شديدين

حياتي لاتحبطين روحج وتقولين ميح ومقدر


لا ترا سهالات وفي تاسيس وراح تعرفين

اجتهدي وربي مايضيع تعبج صدقيني لاتسمعين تجربة اي بنت انتي لمن تداومين بتحسين بطعم النجاح لاتخلين بنت غيرج تقول تجربتها وتكون سلبيه وتتحبطين قبل لادشين الجامعه وتعطين من مجهودج

انتي جربي وبعدين احكمي وصدقيني الجامعه سهله وممتعه بس يبيلها شوية مجابل والباقي علي ربج


بالتوفيق

 

[ya al3rosa]

يعننى ياسسونى الدكاترة واتعلم منهم انكليزى
اشووة حسبالى انا لازم اعرف قبل لا ادخل الجامعة

 

[snowfoshya]

سلاام

توني اطييح ع موضوعكم حده عجييييب ومفييد

حبيت اقولكم عن دكاترتي اللي خذيت عندهم

امثال الحويله - مدخل علم نفس

حبووبه وغشمرجيه وتقدر وتعطي بونص درجتين او 3 ماتزيد :P

الشرح : عجيييب ماعليه كلام تطلعين من المحاضره فاهمه كل شي مثل القصه واغلب الشرح سسوالف عن مواقف صارتلها بس تكون عن مضمون الدرس وممتعه جدا تحترم الكل بشكل كبيير

امتحاناتها : نظامها واحد ماتغيره ميد تيرم 2 بالكورس من 40 سؤال كل سؤال ع نص درجه
والفاينل من 50 درجه والاسئله 100 سؤال تطيح ايدج وانتي تحلين لوووول

كله اختياري بس الفاينل في صح وغلط
نشاطاتها : تتنوع نشاطاتها انا ع حظي قالت ابيكم تروحون معاي محاظره خارج الكليه بقاعه مرينا كان عندها ندوه والبديل يكون بحث بوربوينت

خذيت عندها a انصح فييها


خالد الشلال .. مدخل علم اجتماع

مايحترم احد ويستضرف دمه ع الكل للاسف حسباله نكته

الشرح : ماااااااكو شششرح يقولكم باختصار ( تقروون عربي !! خلاص ليش اشرح اي كلمه صعبه تعالي المكتب )
تقزر المحاضره ع سوالفه اللي خارج المنهج وكله عن مقالاته والناس اللي اييون يستشيرونه
مطيح حظ البنات والكل بنظره رايح فيها للاسف وكل مواقفه عن العلاقات خارج الزواج وطلاق والزواج

ولو تشوفون المنهج الله وكيلكم ولا كلمه ولا مثال عن الزواج كله عن علماء وفلاسفه والمذكره علميه بحت

امتحاناته : ميد تيرم واحد وفاينل الامتحان من 40 صح وغلط واختياري حفظي اسامي العلماء ودشي الامتحان

نشاطات : مااكو ماطلب منا ونااسه ( حسنه وحده لصالحه )

الغياب : اول اسبوع يقول كل الاسامي واللي تغييب يحط عند اسمها علامه ويقعد طوول الكورس يحط عليها ويناديها غياب

يعني باختصار واحد مايحب يضيع وقته ينادي اسامي الحضور بس يسجل عنده جم اسم مكرر غيابهم ويحط عليهم
ينزل انذاراات 3 غيابات انذار ع طول واللسته تلقينها عند باب مكتبه



اييي وعنده مييزه ( يحب يطرد البنات ) يعني بالاسبوع 3 مرات يطرد 4 عاادي

واخر شي يووم شاف كلاسنا كله ماكو درجات سنعه كله d ,c جان يعطينا بونس 10 درجات للكل


اخذت عنده b للعلم ترا كنت شاده حيلي وحافظه العلماء حفففففظ

ما انصصصصح فيه


دكتووره بيبي العجمي .. مهارات معلوماتيه

عجييييبه عجييبه تسسوي جو بالكلاس وغشمرجيه و قياديه بحتتت تمسك الكلاس ماتخلي احد يسولف خارج المنهج وتسولف مع الكل توها تدرس صارلها سنتين يمكن

الشرح : ممتاز وتسهل الاموور بشكل عجيب ومرحه وتحب الكل وتساعد الكل

امتحاناتها : ميد تيرم 1 وفاينل وامتحاناتها اهي تسويها بالميد تيرم وتدرسين من خلال البوربوينت بالبيت تطبعينه وتدرسين منه ملخص كل شي فيه بس الفاينل تدرسين من المذكره الكبيره الموحده لكل الشعب بهالماده

غياب : حريصه ع الغياب بشكل كبير بس تسامح مرات اذا شافت الكل بيزي بالبحث مال الااب لانه مع هالماده لازم لاب تعطي اوفات مرات


طلعت منها A انصح فيها


ناديه الحمدان .. علم نفس المرأه

حبوبه وطيبه بس كلش ماتعرف تمسك الكلاس الكل يسسولف واهي تشرح عادي !! ماعجبني الوضع ماحب جذي

الشرح : شرح تقرا المذكره لج بالعربي بعدين تترجمها كويتي < نعم
شرحها كلش مو ذاك الزوود نهائي مع انه مادحينها لي شكثررر

الامتحانات : سسهله وميد تيرم 2 والكمييه حلووه وسهله
امتحاناتها اختيااري

الغياب : حريييصه ع الغيااب وتناديج مو باسمج ! لالالا برقم التسلسل هههههااي
و5 دقايق مخلصه وتقراهم بسرعه يعني سهالات تسجلين حضور الكلاس كله
23 نعم 24 نعم 25 نعم 26 نعم وجذي

اخذت b مع انه امتحاناتي حيييل حلووه فل مارك او اقل بدرجه جذي
بس بصرااحه كنت سااحبه عليها اخر اسبوعييين ماحضرتلها ومايبتلها طبيه

وفي ناس اقل مني امتحاناتهم بس مايغييبون ماخذين A

يعني تعتمد ع الحضوور اكثر وترفعج لو تحضرين



دكتور علي النامي _ حقوق انسسان

محتررم محتررررم محتررم الف خط عليها

الشرح : شررح عجيييب وواااضح وانسي يعطيج ويه بالكلاس ويسولف معاج او يناقشج كااك تحسسينه جاف بالتعامل مع الطلبه
يسردلج الشرح بكل دقه ووضوح وامثله ويطالع الباب اللي جدامه

الامتحانات : ميدتيرم واحد اختياري وصح وغلط مع السبب ومقالي سؤال 3 اسئله تختارين واحد
امتحاناته حلوه وسلسه والله ويعطي بونس وحييييييل متسسساهل بالامتحانات عادي مثلا يقول اخر 5 اسئله يخليها سبيل [ جوابج غلط يحطلج صح ع كل الطلبه ]


الغياب : ورقه تفتر عند كل الطلبه وتكتبين اسمج يعني سهالات تسطرين تحتج 6 من اسامي رفيجاتج كااك


نشاط : مااااكو نشاط


اخذت A عنده انصح فيه

دكتوره جاسميه شمس الدين .. ثقافه اسلاميه ( صيفي )

انا اخذتها صيفي وحبووبه وتقدر تحسسج جنها امج والله سسوالفها حلوه وكله تنصحج عن امور الحياه وجذي

الشرح : حلوووو وواضح وسوالفها حلوه

الامتحانات : اللللللاااه ع امتحانااتها حدددها صصصعبه عادي عادي والله تعطيج اسئله مو موجوده بالمذكره بس موجوده بشرحها بالمحاضره ... عاد تعالوا تذكروا انتواا

نشاط : بحث من النت + واجب

الغياب : حريييصه ع الغياب

طبعا انسسي في بونس حدها حقانيه تاخذين حقج بسس لا اكثر ولا اقل تخاف ربها

اخذت عندها c نزلت معدليييي :‘(


واللله مانصح فيها بسبت امتحاناتها


ادري قرقت واايد وحللتهم تحليييل

 

[shahad abdullah]

ممكن اعرف شنو اسهل مواد اختياريه بالجامعه واضمن فيها الــ a ???

 

[حروف الغـــــلا]

مرحباا بناااات
بنات بغيت اسالكم عن هالمواد منو افضل دكتور جربتوه وشنو رايكم بالدكاترة اللي اخذتهم
التعليم والتعلم في الطفوله حصه الدغيشم

ادب الطفل وثقافته منى يونس ادبيس

مشكلات الطفوله هيفا علي اليوسف


التفاعل الاجتماعي وتنشئته عبدالله ابراهيم العنجري


بلييييييييييييز ردوا علي
تسجيلي اليووووووووووووووووووووووووووووم​

 

[kustudent1]

Review on my summer courses' professers

الكورس: ادارة مدرسية
المدرس: (د.زينب علي الجبر)
طريقة التدريس:
-الدكتورة بسيطة جدا وتميل الى السوالف بالمحاضرة وشرحها وافي وواضح جدا وسهل ولايوجد واجبات غير تلخيص لفصل من كتاب واحد.
-سعات تنسى, وتقول مثلا تبي بحث بعدين تقول لا انا قلت ابي تلخيص مو بحث! فدائما سؤلوها للتاكيد.
- امتحاناتها سهله جدااا, والكتاب اللي ندرس منه من تاليفها وسهل وواضح ومايحتاج نوتس معاها لان كل شي بكتابها.
نصيحة: قعدو جدام خل تعرفكم وتحفظ اساميكم وعشان تندمجون معاها.



الكورس: علم الاصوات والصوتيات Phonetics and Phonology
المدرس: (د.موسى قاسم)
طريقة التدريس:
-شرح واضح جدا, دكتور مستعد ان يسوي اي شي عشان طلبته يفهمون, يقدر اللي يجتهد واللي صج يبي يعرف عن المادة ويسال.
-يبسط المادة بشكل كبييير وملحوظ ويساعد الطلبه.
-الشرح يكون مع سلايدات فلازم تكتبون كل اللي بالسلايدات.
-واجبات قليلة بس لاااازم تحلونها لان يشوف الدكتور منو حل ومنو لا.
-الامتحانات سهله جدا وماتطلع خارج السلايدات والشرح, والدكتور يعطي اساله بونس وايد بالامتحانات وبالمحاضرة.
-كتاب الكورس مفيد لان في تمارين.
نصيحة: الموبايل كلللش لا تطلعونه ولا تحطونه بمكان ينشاف, بالعربي يعني يا بالجنطة يا بالمخبه, ولا تسولفون بوقت المحاضره لان الدكتور يعصب من هالشي.



الكورس: مفاهيم رياضية معاصره
المدرس: (د.احمد هلال)
طريقة التدريس:
-الدكتور يشرح بطريقة سهله جدا ويكرر الشرح وايد لو ما فهم احد.
-لازم تنوتون المسائل اللي يشرحها والاشياء المهمة اللي يقولها.
-يعطي واجبات سعات ويحط عليهم درجات.
-امتحاناته سهله ولكن طويلة.
-في كتاب ولكن لم نفتحه.
نصيحة: لحد يتاخر عن الامتحان, وهم عن المحاضرة.


الكورس: تاريخ الكويت
المدرس: د.فيحان العتيبي
طريقة التدريس:
-الدكتور يشرح شوي شوي, يحط سلايدات فيها اللي يشرحه فلازم تكتبونهم, قالنا ما نحفظ تواريخ.
-كتاب الكورس معقد وقالنا لازم ندرس منه بس انا مادرست منه, الامتحان كله من السلايدات ولكن في اسئلة موضوعيه من الكتاب.
-امتحاناته مباشره والمقالي كله من السلايدات.
-يعطي بونس كتابة تقرير عن اي موضوع بتاريخ الكويت.
نصيحة: حفظو السلايدات عدل وبعدين درسو الكتاب.

 

[shahad abdullah]

بنات شنو اسهل السيره النبويه ولا اعلام تربوي بلييز فيدوني !!

 

[سنيوؤره]

السلام عليكم ..

انا خلصت اول سنه و لله الحمد .. و بتخصص باذن الله ( رياض اطفال )

تمهيدي انقلش .. سلوى بن ناجي
دكتوره حبوبه و طيووبه لابعد حدود
تضمنين نجاحج بحضورج
و الكويزات حضريها كلها عشان تنجحين

مقدمة برامج كليه التربيه / د.نورة السبيعي
دكتوره حبوبه و انصح فيها

علوم طفل روضه / د. عبدالله جراغ
شرحه عادي يطلب بوربوينت عليه 5 درجات
مايعطي واجبات
متساهل جدا
و يرفع الكلاس كله قريد
امتحاناته صح و خطا كله و ندرسه من نوت و يحدد شنو بيجينا بالامتحان
انصح به

لغه عربيه و اتصال / نوري الوتار
دكتوور قمة في الاخلاق
اهم شي عنده الحضور و الانتباه و المراجعه بالبيت
و بجذي تضمنين ال a
خذيت عنده c + التقصير كان مني

تربية بيئية / صبري الدمرداش
محاضرته ممتعه و مفيده جدا و تستمتعين فيها
و يعطي بونس 3 درجات بالميد تيرم و 7 درجات بالفاينل
امتحاناته صعبه جدا و الماده كميه و متوسطة الصعوبه يبيلها دراسه بصراحه
و الدراسه من الكتاب

تاريخ الكويت / د. فتوح الخترش
نفسيه و اسلوبها زفت
شرحها ممل و محاضرتها غثيثه
امتحاناتها بصراحه واضحه لكن الماده دسمة و يبيلها دراسه
خذيت عندها c -

رياضيات طفل الروضه / د. دلال العنزي < من التربية الاساسية
دكتوره اخلااااق الله يذكرها بالخير
و محاضرتها ممتعه جدا
و امتحاناتها سهله
بالفاينل سمحت لنا ندخل ورقه و نكتب فيها الي نبي
و الامتحان ندرسه من نوت 20 صفحه تقريبا و سهل حيل


مهارات اتصال / حوراء عبدالعزيز صفر
دكتوره انصح بها و بشده
اهم شي تلتزمين بالمحاضره و تنتبهين فيها
و تكتبين كل شي تقوله
اسلوبها راقي و شرحها ممتاز

الحاسوب في التربية / فهد الخزي
الله يذكره بالخير هالدكتور ما شاء الله عليه
اخلااق و اسلوب و محترم
اهم شي الحضور و التطبيق و دقيق من ناحية الاختبار
في الاختبار العملي طلب منا صورة للمسجد الاقصى
و اغلب البنات حطوا صورة لمسجد قبة الصخره < جان ينقص من درجاتهم
يعني المطلوب الدقه
انصح به و بشده

و بس
ادعولي بالتوفيق ..

 

[habooy]

جماليات ادب عند ايمن العشماوي

الدكتور نظامه مذكره مو كتاب احنا نكتب شرحه المذكره عى جنب نفسيته حللوه بالكلاس امتحاناته دقيقة وطويلةماكو اختياري ولا صح وغلط
وانصدمنا ان جابلنا ارقام بالامتحاان مع انه ما قال شي بالشرح عن الارقام وتصحيحه دقيييق حيييل ماعنده بونس مع انه قال لنا في بونس ولا عنده كيرف وماانصحح فيهه كلشش :eh_s(16):

 

[الجورية**]

السلام عليكم انا راح اكتب تجربتي مع الدكاتره بكليه العلوم الاجتماعيه مهارات اتصال امينه الديحاني الدكتورده عجيييييييييبه ومحترمه ماتظلم احد يوميا تكتب غ السبوره معانا كأنه ابله وتفهمج الماده عدل عندها امتحانين المستوي سسسهل لانه كل من النوت لدرجه نفس الجمله ماتغيرها طلعت بA- لاني بدعت بالفانيل جا صعبب مدخل علم نغس عند هدى الفضلي طيبه لاتهش ولاتنش ماتتلكم لو تدخلين اخر دقيقه بالمحاضره بالنسبه طيبه امتحاناتها سهله بس ماعجبتني بموقفين لها تحدد يوم للمراجعه قبل الامتحان وتغيب فيه توهقنا مرتين سوتها تعطي اوووف بعد الامتحان وقبله بالنسبه لي في افضل منها كثييير مدخل علم اجتماع يووووسف غلووم هالدكتووور محترم محترم وشرحه حلوووو حييييل ويفهمج غصب ويربط الماده بالواقع والدرجات مايقصر فيها يعطي واجب واحد بسسس سسهل ويراعي حييييل لوتكلمينه على الرغم اني سمعت انه نفسييييه بالعكس ولاحتا عصب علينا ويحب الحضوور كان يقول لوتجيبين بالامتحان 30 من 40 والغياب 10 من 10 اعطيييج Aمدخل انثروووبولوجيا مها السجاري الماده اساسا دسسمه وكنت ماخذتها صيفي الدكتوره مااتعطي من قلب وربي الشاهد شرحها يمكن بس عشر دقايق وتطلع وماتلتزم بوقت المحاضره مااقولكم الامتحانات صعبه بس ماكنا نفهم منها تشرح بشكل عشوائي الاهم عندها البرزنتيشن والغياب تظلمج فيه مو يوميا متا مااتذكرت وبالاخر ظلمتنا ع درجتج بالامتحان تحطلج كنت ماخذه بالامتحتانين واحد 16 من20 والثاني 18 عطتني الغياب 8 من 10 ظلم وانا ماااااغبت ولايوووووم بصراحه لاتفكرون بهالماده في افضل منها بكئيييييييييير حقوق انسان صباح اليووووسف واالله والله ماراح اشووف ولاشفت مثل هالدكتوووووووور قمه الاخلاق والاحترام والالتزام يااااليت لووو بعض الددكاتره يصيرون مثله عجبني فيه كم المعلووومات اللي عنده والثقاااافه العاليه اللي هو فيه ينصح بكل امور الحياه تعلمت منه كثيييير علميا وعمليا الامتحان كان واحد ميدتيرم واسئله مقاليه اختياريه خمسه اختاري منهم ثلاثه وسهله وكان شارحهم من قبل والفاينل سسسهل دكتوووور قمه لاتطووووفوووونه لو في ماده ثانيه عنده اخذتها بدون تفكير الشششعبه اغلبها a وبس هذي موادي اتمنى ان افدتكم دعوووواتكم

 

[princesse X]

جماليات ادب عند ايمن العشماوي

الدكتور نظامه مذكره مو كتاب احنا نكتب شرحه المذكره عى جنب نفسيته حللوه بالكلاس امتحاناته دقيقة وطويلةماكو اختياري ولا صح وغلط
وانصدمنا ان جابلنا ارقام بالامتحاان مع انه ما قال شي بالشرح عن الارقام وتصحيحه دقيييق حيييل ماعنده بونس مع انه قال لنا في بونس ولا عنده كيرف وماانصحح فيهه كلشش :eh_s(16):

مشكورة
بس المادة تتكلم عن شنو وشنو تقصدين بالارقام؟؟

 

[pink eye]

موضوعكم حلوووو

د.عوض الجويسري خذيت عنده مادة تاريخ حضاره اسلاميه
الصراحه مادري شقول عن هالدكتور اول يوم قلت خلاص بسحب الماده بس بما اني كنت مستجده ما اقدر فكملت عاد بعد
اسبوع اسبوعين حسيت انه ابوي او يدي حبووب ووايد يسولف محاضرته كلش ما تملل
وكان يبي منا برزنتيشن بس اشوا عدت على خييير الحمدالله مو حييل متشدد فيه
وكان بالمتحان الفاينل الله يعطيه العافيه اعلمنا بعض الاجابات اذا كان السؤال مو واضح
الصراحه حببنه بالماده معنها دسمه


_______

د.ثقل العجمي خذيت عنده حقوق انسان
دكتو محترم ويقد الطالبات وكان واايد يعطينا اووفات
وامتحاناته سهله بس اللي يعطينه اياه بالنوت

 

[وووووردة]

لو سمحتو وحده فيكم تبالغ ب
بنايف الدوسري حرااام الظلم .. هو بس ما يحب قلة ادب اشدعوه كحيتي يطردج شهالجذب .. صح ذكرت له اشياء سلبية لكن مو معناته نظلمه .. بنات رجاء نقلو ملام صح عن الدماترة للبنات مو تبلي وبس بس الوحده قبل لا تقول كلمة لاي دكتور تثمنها مو تغثون الدكتور بعدين تنتقدونه و تغلطون عليه ..وانتو يا دكاترة سامخو شوي المسامح كريم .. يعني في مرة بنت قالت حق الدكتور وايد جان يقولها طلعي برا اشدعوه شنو تستخف دمك الناس متعنية للمحاضرة و منكم يطرد لأسباب تافهه ليش ماكو تقبل راي الاخر ..الواحد لازم يكون كمبيوتر عشان تحطون له امتياز ترا انتو بشر تغلطون مثل ما احنا نغلط .. البعض مو الكل منكم طبعا . بعض الدكاتره يبي يسوي روحه يعني اهوا مضيع و اهوا مو عارف من كثر الطلبة شيسوي ماله داعي هالحركات الي ما يبي يقدم عمله بضمير لا يعمل الله يحاسبك تذكر يوم كنت طاالب مكانه .