خووش موضوع
الاساتذه اللي خذيت عندهم
####### الاستاذ محمد نعناع. /// مقرر ادب جاهلي //ومقرر قصه ومسرح كلهم عند نعناع
شرحه روعه انسان مثقف محترم ،
اللي يشرحه ويكرره ويكتبه عالسبوره اهو اللي ايي بالامتحان
امتحاناته مباشره كل شي اكتبه عالسبوره اهو اللي يانا بالامتحان يطلب بحث تكتبينه بخط اليد .يحاسب عالغياب ومايعيد الامتحان
الا بعذر قوي .تعامله زيين مع البنات واهو انسان جدي بحت . مره شفته يضحك استغربت صراحه
قلت عساااه دايم يضحك .بس رووعه تابعي معاه
كل الدروس ولا تغيبين تضمنين ال a
انا صار لي ظرف (ولاده) تلعوزت بين البيبي والدراسه وغياب زين اخذت عنده c
وماشالله عليه طريقة شرحه رووووعه .
لو تبطل لي ماده ثانيه عنده اخذها وانا مغمضه .
##### عبد الناصر سعييد مقرر ::نقد ادبي
محظووظه اللي يطلع لها هالاستاذ رووعه
من ناحية شرح وتعامل محترم وانسان
راقي يراعي ظروف البنات
امتحان همناللي يشرحه اهو الامتحان وعنده موقع بالنت يبي مشاركة فيه
يطلب بحث يعطيج عشر موضوعات تختارين واحد
ويناقشج فيه :يقولج شنو الموضوع اللي اخترتيه وعن شنو يتكلم .
امتحانه يبي شرررررح شرررررح . ويساعد يرفعج
اخذت عنده c ساعدني رفعني من d قلت له كنت والده وبصراحه ماكنت ادرس وكله غياب.والحمدلله راعي ظروفي
####استاذ محمود امين (هيئه تدريسيه )
مقرر:قراءات واساليب
رووعه هالاستاذ راقي محترم وامتحانه شوي فيه صعوبه ،،، السهل الممتنع مبااشر اخذت عنده b
هالماده يوم اخذها كنت مستجده ،
عنده مذكره ومواضيعه محدده بس يبيله دراسه
(((انا كنت فاضيه وقتها لا حامل ولا شي فكنت ادرس انا من حملت لاعت جبدي كله غياب مراجعات المستشفيات وانام بالمستشفي يالله الحمدلله علي كل حال )))
###اداره تربويه عند الاستاذ عبدالرحمن الرويشد
هالاستاذ رووعه يحب تشاركين معاه وكل بدايه محاضره يسال البنات شنو الشي الايجابي اليوم عندج .
كتاب وامتحانه مبااشر يحدد لج المواضيع
امتحان تيرم 1 وفاينل
مايطلب بحث يحب المشاركة وتشاركين معاه . اخذت عنده b
##### الاستاذ بدر ملك //مقرر اصول تربيه
همن رووووعه محترم اسلوبه رااقي تعامله ذربه
محاضرته ممتعه ماتحسين بالملل متنوع امتحانه مثله بالضبط يهبل يساعد يراعي .كل كلامي شوي علييه الله يوفقه دنيا واخره . اخذت عنده b
كنت اغييب عنده لاني كنت والده وراعاني الحمدلله بناحية الغياب اما امتحانه سهل سهل
يحدد لج المواضيع الله يسهل عليه دنيا واخره
يطلب بحث حييل دقيق في طلبه للبحث يعني يبيه علي طريقه معينه وهمن يعطيج فرصه تعدلينه يقولج اللي ناقص.
###الاستاذ مهدي العجمي //مقرر جغرافيه الكويت
الاستاذ فيه شوية غرور ومتعالي شوي بس حبيب
محترم يحاسب عالغياب بس انا الحمدلله شال غياباتي لاني كنت والده الحمدلله راعاني .
انا احب محاضرته يحب المشاركة. يعطيج حقج وزياده يسااعد حيييل امتحانه حلوو كله صح وخطأ واحلي شي تعرفين درجتج بيوم الامتحان نفسه يعني يقولج طلعي ورقه واكتبي ارقام من 1 الي 30 وكل رقم حطي اجابتج جدامه وبعد الامتحان يحله وتعرفين جم ماخذه . مايطلب بحث
اخذت عنده b
#### نايف الدوسري //مقرر كويت وتنميه
نايف وماادراك مانايف تعامل واسلوب ماكو مغرور متعالي شايف نفسه حييل .
بس تراه محترم الا مع اللي تقل ادبها او ترادد.
يطلب بحث وتشرحينه بالمحاضره
امتحانه عطانا ثلاث اسئله ويالله اشرحي لو ناسيه نقطه وحده ينقصج احسه مايقرا الاجابات
يشوف الورقه منظمه مرتبه وتارستها شرح يعطيج درجه كامله اما خطج مخربط وخطج مو وضح نقاطج مو مرتبه ينقص .والفاينل كله صح وخطا
ترا يساعد ويراعي الظروف الصجيه .
لانه مره تاخرت عن امتحان الفاينل راحت علي نومه المنبه مادق ماعمري تاخرت عن محاضراته
مادري شالقرااده بمتحانه عاد اهو نفسيه خخخ يرد من طرف خشمه المهم كل البنات قالو ماراح يعيد لج الامتحان انسييي قلت لازم اكلمه فعلا مادخلني للامتحان قال عيدي الماده قلت له استاذ الله يوفقك ماابي اعيد الماده صار لي ظرف قال خلاص انطريني بالمكتب كان يوم رعب قلت له
الصج راحت علي نومه والمنبه مادق وكنت سهرانه علي ولدي كان حراره شوي وابجي عنده لووووول لانه صج مالي خلق اعييد الماده طوول الكورس مداومه معاه واخرتهاسقوط المهم خلاني امتحن مع مجموعه ثانيه والحمدلله يارب .
بس والله ترا محترم بس نفسيه انسان جدي بالتعامل صراحه احب هيبته لكنه اكرر نفسيه ههههاااي مصره عليهااا
.
اخذت عنده
c
الحمدلله حامده ربي عليها عنده
كورسين يطلع لي بس ما خديت عنده لاني كنت حامل قلت مالي خلق لوعت جبد لمن اولد اخذ عنده ههههااااااي كافي لوعت وهم الحمل والولاده ?
ما احب الغثيث بس والله محترم عشان ما اظلمه.
#####استاذ جمال الحجي /// مدخل علم النفس
روعه بالتعامل راقي محترم تحسينه نفس ابوج لكن امتحانه معقد حييييل .
مايحاسب عالغياب ولا التاخير.
اخذت عنده b كنت مستجده
#####سالم خداده ////مقرر عروض وقافيه.
الاستاذ ماعليه كلام وحبوب وطريف ومحترم و حييييل راقي بالتعامل بس المصيبه والبلا بهالمقرر
صعب او يمكن انا مستصعبته <<<تعبانه عالكلمه ههههااااييي
ماده كنت اسميها اليابانيه اخذت عنده c
وانا حسبالي اني راح اعيد الماده .
اهيا عن القافيه والتفاعيل وجذي بس الرموز تعقد حييييل الحمدلله اني عديتها واللي يعنيكم بنات علي هذي المااده يبيلها تكونين معاه اول باول ولا راح تضيعين وماتدرين شسالفه ??
مايطلب بحث ولا يحاسب عالتاخيير يحاسب عالغياب .
واكمل بعديييين لاني تعبت ..
وحبيت افيدكم وادعو لي بنااات انجح واتخرج ادعوووووولي تكفوووون الكورس هذا يصير لي سنتين وان شالله اني فدتكم في ردودي وتقيمي .
