طريقي للرشاقه حابه تشاركوني فيه

[Melo]

فاقده
حرااااام شنو تفطمينه الحين توه صغير
اساسا تدرين ان الرضاعه تساعد بنزول الوزن ؟؟
انتي بس بعدي عن السوالف اللي يعطونها حق اللي والده و ترضع لان واااااااايد منها يسمن حيل خصوصا الحلبه

الجنك فود بعدي عنه نهاااااااائيا اذا بخاطرج قلت لج يدووووب جم حبه و عوضي بالرياضه عشان تحرقينه

الوزن لازم تاخذينه على الطول و شكل الجسم و تناسقه
مو والله خاطري ارجع وزن يوم كنت بنت و لا يوم كنت بالثانويه غلط هالكلام


الله يحفظكم و يخليلكم عيالكم يارب و يرزق كل وحده خاطرها يارب

 

[فاقده اختها]

حبيبتي ميلو اليوم سويت رياضه في اليوتوب 10 د تعبت والولد يصيح ماييغي اتركه بس باخذ بنصايحك ياعسل

 

[Melo]

في تمارين اذكر مره شفتا مع الولد تسوينها يعني ما يحس انج بعدتي عنه و يتسلى معاج

ان شاء الله اذا لقيت الرابط احطه لج

جذي بسوي انا اذا خربطت بعوض بالرياضه كعقاب ساعه
لان ما ينفع معاي الا جذي

 

[فاقده اختها]

مرسي ميلو انتظرك

 

[غارقة بأحزانها]

وااااي عفست الدنيا بهالويك اند سوري بنات والله بلتزم من اليوم

وعلى فكره انا ماارضع

وبالتوفيق لنا جميعا الميزان السبت الياي طبعا لان تونا بادين

 

[فاقده اختها]

يومي رغيف جبن وعصير
قهوه فرنسيه
3 م سمك مشوي 3 قطع لحم مشوي خضار مطبوخ بزيت زيتون خس
1 كبده صغيره مشوي
2 بسكويت نخاله
2 كوب قشر
10 د رياضه
هذا يومي امس لاني حاولت افتح الموقع مافتح الليل اكتب يومي

 

[д7βk βşķάť]

بتوفيق فديتج
ان شاء الله توصلين لنتيجه المطلوبه​

 

[غارقة بأحزانها]

الحمدلله لحد الحين بيومي هذا ماشيه تمام

اول ماقعدت من النوم شربت عصير قريب فروت

وطبخت الغدا حق ابونا والعيال وسويت لي صحن سلطه كبيييييير

عاد تغديت نص صدر دياي مفيوح وسلطه

وشربت قلاصين ماي

عالساعه خمس خذيت لي ٥ تمرات مع مطاره قهوه بقشر القهوه والدارسين والزنجبيل
ليلحين قاعد اشرب فيها

سويت شويه تمارين للمعده والخصر
كل تمرين ٥٠ مره

وان شاء الله الله يثبتني

 

[Melo]

السلام عليكم و رحمه الله

عاشو الملتزمات بالرجيم
و التخربط خلاص ماله مجال معانا و عندنا من اليوم و رايح

فاقده
ما لقيت الفيديو اللي كنت اقصده شكله بلابتوبي القديم
عموما هذا الفيديو شفته حلو و انتي بعد خذي فره على الفيديوهات الثانيه و شوفي اللي يناسبج
Abs - Mom and Baby Exercise Workout Video Part 1 of 4 - YouTube


وايد قاعد يضيق خلقي هالفتره و الجو ما يساعد امشي بره و طاقه جبدي من البيت
امس الشمس طلعت شوي طلعت مشيت ساعه و نص و رجعت ما قدرت اتحمل الهوا و البرد اكثر
اللي مريحني اني مو مشتهيه اطبخ ابد يعني ان شاء الله في سيطره على الاكل و الشهيه
و متكيسله اطلب او اروح اشتري جاهز
ان شاء الله اتم معاي هالحال و يقل اكلي يارب

 

[فاقده اختها]

مرسي ياسكر

 

[فاقده اختها]

يومي رغيف شويه مقلقل
2 نخاله
خس لقمه لحمه وكبده علشان زوجي
2 نخاله
2 قشر

​

 

[فاقده اختها]

كوب حليب قبل النوم

 

[Melo]

السلام عليكم و رحمه الله

مساكم الله بالخير

اليوم كان حييييل متعب
الصبح كليت عرموطه و ٥ فراولات
الغدا كان بالجامعه باديه سلطه صغيره و بعدين خذيت لي صمونه دجاج التوست اسمر وايد كنت يوعانه
و من شوي كليت روب

ما سويت رياضه يدوب مشي من الشقه لي الجامعه و الجامعه لي البيت
٤٠ دقيقه رايحه و ٤٠ دقيقه راجعه

باجر ان شاء الله احاول امشي اكثر


تصبحون على خير

 

[سلطانة الاحساس]

انا ابي ابدي معاكم انشاءالله

وزني 65
طولي :152

 

[غارقة بأحزانها]

عاشو عاشو
ماشاء الله عليكم تمام التمام

حياج الله سلطانه حبيبتي


انا الحمدلله ملتزمه

والحمدلله احس بخفه

وبس اعذروني عالكاكاو اللي اكله

لاني بفتره دوره مااقدر اقاومه بس اكل شوي نص الكاكاو


الايام اللي فاتت تلفون كان خربان ماتواصلت معاكم

اعذروني ???

 

[غارقة بأحزانها]

ميلو وايد زين ٤٠ دقيقه رايح وراد

كافي وبالبيت مع تمارين اليوتيوب وايد ممتاز

لاتضغطين ع نفسج
بس حاولي ان تكون مشيتج رياضيه بهال ٤٠ دقيقه

ركزي بنظامج عالفواكه والخضار اللي تحرق
كيوي اناناس قريب فروت
سالري وااااايد ممتاز

خلي ماي الشرب بالدولكه قصصي فيه ليمون ونعناع
يطلع يمي ويساعد بحرق الدهون

والله يوفق الجميع

 

[سلطانة الاحساس]

غارقة بأحزانها مشكوره حبيبتي



انا رياضه ماسوي لان ارقص انا بوب وروك
وكله تنطط موزين اسوي رياضه معاهم


اليوم الريوق كان چاي اخضر بدون شكر

والغدا نص همبرقه شوي مع صمونه هود دوق المطاحن السمره وليمون


عشا مااتعشا انا من زمان

 

[سلطانة الاحساس]

موفقين بنات

 

[غارقة بأحزانها]

هلا سلطانه حبيبتي

اكلج حيييل قليل ومو صحي

دخلي خضراوات وفواكه بيض ولحوم

اللي لاحظته ان وزنج مو وايد بس يمكن شوي قصيره

وايد حلو انج تبذلين مجهود بالرقص هذي بحد ذاتها رياضه

وشي طيب جدا انج ماتتعشين

بس مثلا بدال لايكون ريوقج بس جاي اخضر
حطي معاه تمر

ووالغدا اوك ممتاز بس زيدي عليه طبق سلطه خضرا

وخلي لج سناك فواكه

عشان لاتتعب بشرتج ويتساقط شعرج

طبعا لج الحريه بس من باب النصيحه حبوبه

 

[Melo]

السلام عليكم و رحمه الله
ششلونكم بنات شخباركم

امس اكلت روب الصبح
و بالجامعه اخذت لي عصير برتقال و صمونه على الساعه ١٢
و على الساعه ٥ او ست كليت حمسه ربيان بدون زيت و زبده
شوحت البصل بالماي و بعدين حطيت الثوم و الطماط و حطيت الربيان و البهارات لومي و كمون و فلفل >>> معني ما احبه و لا اتحمل
بس قريت معلومه انه يساعد على الحرق
و الرياضه المشي من و الى الجامعه

غارقه ٤٠ دقيقه مو تمشي لا مشي مشي
و اشرب ماي تقريبا لتر الى لتر و نص خلال اليوم كله
و شوي شوي احاول ازيد الكميه

سلطانه نظامج حيييل غلط
جذي تهدمين جسمج ترا
وايد عناصر ناقصه من نظامج
حاولي تعدلينه
و ترا الرقص وايد مفيد لانه تحركين وايد اعضاء من جسمج
و هو يعتبر رياضه اساسا

فاقده وينج مختفيه هاليومين