السلام عليكم ورحمة الله وبركاته
ما شاء الله تبارك الله لا قوة الا بالله العلي العظيم
الله يثبت قلبك بالايمان والصبر
اللي قاعده ...
تسوينه لولدك
بصراحه
خلاني
ودي أطلع لك من الشاشه
وأبوسك على راسك
كفو والله كفو
هاذي الأم وإلا بلاش
الله يخليه لك ويبارك لك فيه
ويصلحه
ويجعله من
حفظة القرآن
ممن
يتعلمونه ويعلمونه
ويعملون به
كل كلمه .. وكل خطوه .. وكل لمسه..
وكل لحظه..
تقضينها مع أوليدك ...
أحتسبيها لله بميزان حسناتك
إن شاء الله
والله بإذنه تعالى
ما راح يكون تعبك خساره
أصبري .. وأحتسبي .. وإعملي بقدرتك
وتستجدين
إبنك لن ينسى هاذي اللحظات
ويكون إبنا بارا لوالديه..
1- نظرات الناس حطيها ورا ضهرك ...
2- أوليدك طلعيه معاك بكل مكان .. وأفتخري فيه
3- عند الناس وبين أهلكم ومع أعيالكم... حتي لما تروحين الحديقه أو السوق معاه
أمدحيه..
أمدحي .. ملابسه .. أمدحي حركاته..أمدحي كلماته..أمدحي أفعاله
4- علميه 3 كلمات بإستمرار
لو سمحت عند كل شئ يبيه
شكرا لما يقدم له أحد شئ أو خدمه
آسف عند بعض الأخطاء التي يقوم بها
شلون؟؟
أدري ولدك عندي وصعب؟؟
بس مع الوقت سيتعلم والأستمرار... الأستمرار
مو تعلمينه أجباريا؟؟
أنتي اللي
تقولين ... لوسمحت عطني الكوب..
لوسمحت ممكن نبدل ملابسك..
لوسمحت نبي نروح السوق المركزي نشتري ...
أنتي أبدئي ومع الوقت هو اللي راح يتعلم وتكون هالكلمات بقاموس حياته
وتعطي الناس اللي حواليه دافع قوي للتعامل معه لأنه
طفل محترم .. راقي ..مؤدب
تحببه بالناس وتحبب الناس فيه
تعطيه ثقه بالنفس
لأنه يتعامل مع الآخرين ويتفاعل معهم
مثال ... لما يشتري من السوق خليه يقدم الفلوس للبائع
ويقول ... لو سمحت تفضل.. ولما ياخذ الكيس من البائع يقول شكرا؟؟
وهكذا أعتمدي عليه
.......
هذا الكلام مو لولدك فقط إنما لجميع الأطفال
يجب أن نرقي أطفالنا للأفضل
عامل الناس كما تحب أن يعاملوك
؟؟؟؟
كلمة شكرا
لما يقوم ولدك بعمل طيب... شكرا
لما يتجاوب معك بالتعليم ... شكرا
لما يعطيك شئ.. شكرا
لما يلبس ملابسه ... شكرا لأنك بدلت ملابسك
شكرا ... لأنك مشطت شعرك
شكرا ... لأنك قرأت القصه معي
شكرا لأنك غنيت لي
شكرا .. رائحتك جميله
شكرا.. لله وحده لا شريك له
لأنك أبني اللي أحبه
...
كلمة الأسف خليها بحدود ...
لأن الاسف والأعتذار على كثر ما هو جميل لأنه يرفع من قدر الشخص
ويدل على تواضعه وتميزه
بس لازم يقول آسف للأخطاء اللي يقوم بها
الأسف لما يصرخ .. ويتلفظ بكلمات سيئه ولما يرفع يده
....
وييييين وصلنا؟؟
قلتي إنه عصبي وتحصلين منه على لطشات؟؟
شلون تعالجينها
السبب .. لأنه يشعر إنه أقل من الآخرين
ويخاف إنك تخلينه وتروحين
الحل.....
كل ما حاول يحوشك ... ضميه حيييييييل
وبوسييييه
وقولي أحبك... يا أغلى الناس... بس آآآخ عورتني
كلميه بهمس بإذنه...
عوديه على هالحركه ...
خلاص مع الوقت راح يمسك نفسه
لأنه سيشعر إنه يضايقك ويعورك وأنتي أمه اللي تحبينه؟؟
.....
أتمني إني أكون أفدتك ولو بالقليل
بس بصراحه حبيت أوليدك
شسمه؟؟؟
الله يخليه لك
نسيت لاتنسين تشوفين الفيلم الهندي اللي قالت عنه؟؟
حتى أنا بشوفه؟؟
قصري على الأغاني؟؟
فيه فيلم هندي..ثاني
عن صعوبة التعلم بطولة أمير خان يهبل؟
ما فيه خرابيط
أحس تعليمي ومهم لكل أم عندها طفل طبيعي عنده صعوبه
وعسر بالتعلم
......
عن أنس رضي الله عنه قال : سمعت رسول الله صلى الله عليه وسلم يقول : " إن الله عز وجل قال : ( إذا ابتليت عبدي بحبيبتيه فصبر عوضته منهما الجنه يريد بها عينيه ) " رواه البخاري
......
نسيت ؟؟؟ شئ مهم..
دائما خلى على لسان ولدك ذكر الله
الحمدلله وأستغفر الله وسبحان الله
ولا حول ولا قوة إلا بالله
الله أكبر
لا تقولين صغير وما يفهم
بالعكس
؟؟؟
هو ألحين بقمة التركيز والتعلم والحفظ
الله يبارك فيه ويعافيه
