طقني طق وسكت انا غبيه صح

[سروري]

حبيبتي الريال مفصول من دوامه يعني فيه اللي مكفيه
وانتي يتيله بطريقه مستفزه
وعين العقل انج ما طلعتي من بيتج
هذا ريلج واهو في محنه لازم توقفين معاه
اهو سوا كل هذا لانه خايف من رده فعلج وخايف لا تعايرينه او يطيح من عينج
على شان جذي ردة فعله كانت عنيفه
لكن انتي اللي عليج الحين انج تساعدينه وتوقفين معاه
واذا على ان سبج وسب اهلج
}}عدل كلامج
قوليله مشاكلنا بصوب واهلي بصوب واذا يبت طاريهم مره ثانيه اعتبر نفسك مطلقني
حبيبتي الريال حتى لو معصب يثمن كلامه يعني اللي يقول معصب واعذريني فعذره مو مقبول
والله يصلح الحال ان شاءالله ويرزقه بالوظيفه الي احسن من اللي راحت

}}عندي ملاحظه عنونه :
بالعكس حتي بالشرع الليي يطلق أو يحلف واهو امعصب فيسأله القاضي جم سؤال عشان يعرف هل يحتسب كلامه ولا لأ
لأن الغضبان بحكم المجنون لأن فعلا مايثمن كلامه لأنه بهاللحظه بس يبي يفرغ الشحنات السلبيه اللي داخله وبمجرد انها تطلع يرد عقله رباله طبيعي
حتي تلاحظين ان الواحد عقب ماتخلص نوبه الغضب عنده يصير شكله كأن كان باذل مجهود كبير وقاعد ينهاهت من التعب لأن العصف الذهني وشد الأعصاب اللي صار مو سهل عالمخ
فعادي يقط خيط وخيط
وربي يجزاج الجنه خوووووووووووش راي رايج:eh_s(7):

 

[سروري]

بنااااااااااااااااااااااااااات
مو منصجهم اللي يقولون خل يعطيج ترضاوة بعدين سامحيه
الريال مفصوووووووووووووووووووووووووووووووووووووووووول
من شغله يعني هي بروحها طامه
وتيي المره تبي ترضاوة ماديه
شراح يكون شعوره تجاه مرته
بما انها قعدت فبيتها عين العقل
واذا بتزعل من حقها
لكن الترضاوة
أعتقد انها اذا جت الترضاوة من نفسه كونه مفصول ممكن تقبلها وتستانس انه فكر بهالشي لأن أكيد مخه مزحوم شلون راح يصرف على مرته واعياله والتزاماته الماديه من ديون واقصاد...الخ
فاذا فكر يجيب لها ترضاوة فهذا حده انسان نااااااااااااااااااااااااادر
لأن تركيبه مخ الرياييل ماتخليهم يجمعون بين الرومانسيه وأتكيت الاعتذار م ترضاوة وغيرها
وبين انه مضغوط ومصدوم ماديا
راح تطيح من عينه وبيقول داخل نفسه ماتقدر الظروف
بغض النظر عن اهو شنو سوى
لأن مخ الريال جذي والله أعلم
:bbbiu:

 

[" ام حمود "]

الله يهديه ان شاءالله ، انا مع كلام البنات انتي فاهمه وكبيره
والعشره اللي بينكم مو شويه مااشاءالله 15 سنه صعبه بس لاتروحين بيت اهلج وتسوين لويه مدآم اعتذر منج جم مره قعدي في بيتج اذا مو عشانه عشان عيالج
بس زعلي منه جم يوم عشان لايعيد هالسالفه آحسن
الله يوفقج ويصبرج ياقلبيء ..

 

[فوفى]

لا حرام لا تدعين على وتقولين بشوف حوبتى فى .. حبيبتى انتى الحين مصدومة من لى صار عشان جذى ناظرة شئ يصير عشان تشمتين فى لا حبيبتى انتى ماسويتى شئ غلط بالعكس قعدى ومالج شغل فى وحقرى خلى يعرف قيمتج واذا راضاح قوليلة اهلى خط احمر ما يابو سيرتك بشئ مو زين واذا يبت طاريهم حط ايدك على راسك انك ناسبتهم على فكرة انتى غلطانة يعنى ريال ياى متاخر ومو نايم اكيد انة بيفصل عليج الله يهديكم لبعض ولا يفرقكم وانتى حبيبتى تعوذى من ابليس مالج الا بيتج وعيالج.

 

[بنت عز وما تنهز]

الله يهـــــــدي ســــــــــــركم ان شــــــاءالله

 

[Beauty is Me]

ما عندي حل غير اني اقول الله يهدي النفوس ويسخركم لبعض وتكون اخر مره يمد ايده فيها وان شاء الله اهوه راح ييج يعتذر وهدي بالج حبيبتي اهوه كان محتر من الدوام ولحظه غضب طبعا هالشي مو مبرر بس الله يبرد قلبج وااااااااي عورتي قلبي ذكرتيني باشياااء وايد

 

[نوره95]

الله يهديه لج عورتي قلبي

 

[*ريما*]

الله يهدية

 

[Miss Chanel]

الله يهديكم
الحيــــــــــن انتي قعدتي وخلاص ,,
بس لاترضيـــــــــن بسهوله

 

[بيتي بوب بس كويتيه]

حبيبتي زعلي عليه ونامي مكان ثاني غير مكانه
وان طقاج مره ثانيه دخلي اهلج

 

[ذابحتهم]

انتي علبالج مستانس انه مفصول الا ماكل هوا وصاكه فيه الدنيا وخاش عنج مايبي ينكسر جدامج ولما واجهتيه احرجتيه وكانت رده فعله بطوليه اثبات رجوله تقريبا
وتاسف المسكين خلاص الله يهديه
واكيد عنده مشاكل
ومافي دوام اكيد سهر وبلاك بيري

 

[بنت ذآك الأمير!]

لاتعطينه وجه ولا تخلينه يتمادى عليج بالطق خلج قويه

 

[غنج إلعذآرى]

الله يسخركم لبعض ، وترد الميآه لمجآريهآ :*​

 

[كرز مرر]

اللي يضرب مرة يضرب مرررررررررررررررررررررررررررررررررررررررررراااااااااااااااات الحمد لله والشكر

 

[ღ كحلاء العين ღ]

● •


؛


آٍل.ـسلآ‘إْم ع‘ـليـكمٍْ ورح‘ـمـةةٍ آٍللـه و بـّرٍكـآٍْتـه
​

كـلل شيء بصوب و آنـه يسب آهلج بصوب ..!
​

شهآلريآجـيل هذي ’آهلـج يفتحونِ لـه بآاب آلبيت و يكرمـونـه و يعزونـه ..
​

و يعطـونـه بنتهم و آخرر شيء يسبهمم ..

​

شهآلآنسسآن آلجآحـد للمعروف !!

​

آنت في بدآيتـجِ معآاه مخطيـة طريقتـجِ ,,

​

وشكلـجَ منقهره منـه من قبلِ وحطيتـي كل حـرتـجِ بسآلفـة آآلوظيفـةِ ..

​

ووآضح آنه بكلآإمج منزعجـة منـه ..
​

و شكلـه زوجج فهم كلآإمـج على آنـه معـآيرة بدل آنج تعآتبينـه ..
​

إلزمـي زوجج حـده لآ يطق و لآ يخطي على آهلج بكلممـه وحده ...
​

لـو مآ عآجبينـه آهلج مآ كآن طق بآاب بيتكم من آلبدآيـة ..
​

و مهمـآ مهمـآ كآان عيييـب آلرجآال يحط حيلـه على مره و يطقهآ ..
​

ليش هي ’آللي فآصلتـه من آلدوآم ؟
​

و آللـه عيب عليـه ...
​

إنتـي مـره عآقل و رزينـة و سنعـة مآ شآء اللـه عليـج ،،
​

و زوجج مـو مقـدرج ...
​

" آلطلآإق " < شيليـه من بآالـج ...
​

حرآام تنتهـي 15 سنـه و عيآلج يتشتتون ..
​

آلرجـآال حتى لو كآان مآ يشيل و لآ يحط في آلبيت يبقى مهم ...
​

آللـي عليـج تسوينـه آلحيـن ...
​

زوجج تعآملـج معـآاه عآادي وجآاف ..
​

يسئلـج جآوبيـه على قد آلسوؤآال ...
​

يبي منـج شيء عطيـه ..
​

لآ تتكلميـ عن آي شيء ...
​

تعآملـج بيتغير معـآاه ..
​

هـورآح يلآحظ هآلشغلـه و بيعتذر بدل آلمره آلف ..
​

لآآعتذر آسكتي و لآ تنطقين بحرف ...
​

خليـه يقول كل آللي عنـده و آول مآيخلص بكل برود ردي : مآصآار شي ...

​

وكملي بنفس آلتعآمل ...

​

آحرققي آعصآبـه حرررق ...

​

و زوجج مـع تعآملج شرط بيفقد آعصآبه مره ثآنيـة ويسب ,,, <~ بعـد فتره طويلـة

​

خلـييج بآارده طآلعيـه وهو يسب جنـه مآ يقول شيء ..

​

و لآإ خلصص تفريـغ شحنآات آبتسمي قولي تبي عصير ؟​

جنـه مآ قآل شي
​

و لآ تطلبيـن رضآاوة آلرجآال مفصول ..
​

شنـوؤ آلفلوس بصلح آللي صآار .

​

و آلله يوفقكم و يهديكم و يصلح حآلكم ويخليكم سُعـدآء ..
​

..[ :eh_s(17): ]..​

 

[blue bunneh!!]

ما غلطتي

 

[مدام فراوله]

عين العقل اللي سويتيه ودائما رددي اللهم اللهمني الرشد في تصرفاتي

 

[dectora 7elwa]

انتي اولا فبيتج
زعلي وانتي فيه
وانتي بغرفه نومج
نامي عالارض او نامي بكنبل بروح
زعلي لكن داخل غرفتج
والطق والكذب لاااا ما ينسكت عنه

 

[Čut!e Quèéи]

لا حبيبتي الي صار مو عادي
بس انتي مو غبيه
شوفي انتي غلطانه انج ما زعلتي
لازم تزعلين عليه بالايام لما تشوفينه يتوسل لج تكلمينه
اما انج تطلعين من البيت وبناتج كبار مراهقات مو يهال اهني اقولج غبيه << سوري
بس ليش غباء ؟ لانج راح تهدين البيت وتشتتين البنات معاج والزمن هذا الاهل مالهم خلق عيالهم
من رايي قوي شخصيتج عليه لا تكلمينه حقريه لا يسمع صوتج خليه يشتاق له
ولا تقعدين بالمكان الي اهو قاعد فيه ونامي بغرفه ثانيه او اذا مافي غرف نامي عند بناتج
بس لا يحسوون قولي انا ماقدر انام بغرفتي لان ابوكم كله يسهر ويشغل التلفزيون ماقدر انام
بس اهم شي تزعلين عليه يومين 3 لا تكلمينه خليه يحس بغلطته
واذا يالج يبي رضاج عاتبيه قولي له انت هنت كرامتي طقيتني كأني ولد مو بنت ولا كأني حيوانه مو انسانه
عيب عليك انا مره اشكبري بناتي طولي جذي تسوي فيني !
الله اكرمني وانت تهيني ؟
رب العباد اكرم الامرأه وانت بكل سهوله عشان احبك واخاف عليك اعاتبك ليش ما قلت لي مفصول
تقووووووم تطقني ؟ هذي يزاتي احبك واخاف عليك ؟
ترى انا مرتك بوقف معاك ويمك ماراح اتشمت فيك ؟
وبعدين تعال اشفيها اذا اخوي مطلق ؟ لايكون اهو مره عشان تعيبه ؟
والي يطلق لازم فيه بلا ؟ وانت اشعلييييييك منه ؟ خاف ربك لا الله يبليك بواحد ياخذ بنتك ويعذبها ويطلقها
عشان مثل ما تعاير اخوي باجر الناس تعايرك بنتك مطلقه
لان كمااااا تدين تداااااان
اذا اليوم بتعيب وتحط فيه عذاريب باجر الله يدز عليك الي يعايرك ويحط في بناتك عذاريب

 

[قلبي ابيض]

الله يهديه