طقني طق وسكت انا غبيه صح

[PuPa^^SWeeT]

بالعكس منتي غبية
اللي فمهته انج بغييتي تطلعيين

بس قاالج قعدي

بس زعلي

كل شي ولا الطق

 

[جوري 2007]

لا طبعا انا لو مكانج مارضى !

لو ان شاءالله مشاكل الدنيا على راسه مايسوي سواته

اهوة مامد ايده اهو تصارع وياج

مادري حبوبة اتخذي موقف صارم

 

[حبك ذبحني]

عورتي قلبي والله وبالعكس انج ماطلعتي من بيتج عشان عيالج وانتي شفتي بنتج شلون قامت تبجي احسن انج قعدتي بس المفروض انج مارضيتي علي طول عشا لايتعلم يمد ايده مره ثانيه

 

[عشق رسامه :$]

الله يهديه

 

[FeShinGoOo]

تصرفج عين العقل تدرين ليش ؟؟

لانج لي رحتي بيت اهلج .. يا تردين من نفسج .. عشان عيالج وعشان العشمره واهني بتردين ذليله ..

يا انج بتردين عقب مايراضيج .. واهني بيظمن انج حتى لو رحتي بيت اهلج بتردينله بكلمه ولا كلمتين ..

وانتي اكيد عقب هالعشره ماتقدرين تطلبين الطلاق او تهدين بيتج شيلي هالشي من راسج وخصوصا اذا كانت اول مره يمد ايده عليج ..


شوفي ريلج بما انه مفصول فأكيد قاعد يعاني من ضغوط نفسيه .. واكيد بيحس بالنقص من جذي مد ايده وغلط على اهلج .. احساس النقص اللي فيه خلاه يتصرف هالتصرف والمعاير باهلج وباخوج المطلق .. عشان لا يحس بالفشل بروحه حب يحسسج انتي بالفشل وان حتى اهلج فاشلين وفيهم عيوب ..

اللي عليج ..

تتغيرين عليه .. وماتعطينه ويه ليما يردلج اعتبارج ويحب راسج وايدج وريولج ..!!
عادي انتي وطريقتج الخاصه شوفي شنو نقطة ضعفه واستغليهااا ..

 

[داناتا]

بصراحه انا ما ادري شقول اكو رياييل جدي بها الزمن ما اقول غير ان الله يكون بعونج ويقويج عليه ويهدي سركم

 

[مجبورة احبك]

تصرفتي بحكمة مو بغباء

 

[om mishaal]

طلعتك من بيتك وروحتك بيت أهلك هي قلة الكرامة
الزوجة لما تزعل ومهما توصل بينها وبين ريلها ما لازم أبدا تترك بيتها
تقعد فيه وتصك على روحها الباب وتتذابح هي وريلها بس ما لازم أحد يدري عنهم
زين قعدتي بالبيت وما تركتيه
بعدين كل الازواج تصير بينهم خناقات ومشاكل
وانتي بداية كلامك معاه كانت قوية تصارخين عليه وتجذبينه وفشلتيه وطلعتيه ما يسوى ما يصير بهذا الاسلوب
كان ممكن تاخذين منه الكلام بأسلوب هادي اكيد هو بروحه متضايق من انهم فصلوه وانتي اسلوبج ما كان عدل
هدي الوضع ولا تطورينه ولا تتركين بيتك مهما كانت الاسباب عشان لا تتطور الامور وهي ما تسوى

 

[TIC TOK]

زين سويتي ماطلعتي

بعد انتي مو توج متزوجه

الله يهدي سركم يارب

 

[/كلي تعب/]

كفوو

خلج ببيتج
زعلي ببيتج سوي كل شي ببيتج
وهووو اللي طالع وانتي اللي داشه
عطيه العين الحمرا
حسسيه انه هواا
وكانه مو موجود
لمااا يحس باللي سواه وانج مو سهلللللللللللللله
والله يحفظلج عيالج

 

[Miss McDonald]

• أسلوبج غلط ويآه !
• نطري جم يوم لين تهدأ النفوس ولآ ترضين بالسآهل
• الله يهدي سركم

 

[dantella]

اعتقد ان الي خلاه يمد ايده عليج لمن قالج من قالج ان مفصول وانتي قلتيله انج عرفتي
حزت بخاطره ان اعتقد انج تنبشين وراه
الريايل مايحبون يحسون انهم يهال

 

[Tom ♥ Jerry]

,،


:eh_s(14):


شفيه جذي ين مره وحده الحمد لله و الشكر !
يعني آهوه مفصول و مجذب عليج و هم يطق .، فوق شينه قوات عينه !
قعدي و خلج عند عيالج .،
خلج زعلانه عليه قوليله هاذي سالفه تطقني عليها ؟
الحين انته الي غلطآن و آنته الي تمد ايدك ؟
و تسب اهلي و تعايرني بآخوي ؟!

استغفر الله بس .، لا تكلمينه جم يوم حسسيه بخطأه
عشان مآ يتعود مره ثانيه يمد ايده عليج
الله يهديه بس ! :eh_s(10):

 

[انا لحبيبي .]

هلأ يااختي ياحبيبيتي صار يلي صار ، صحيح هو غلطان انه يمد ايده عليكي

بس انت كمان غلطانه يعني زوجك مضغوط ، ماخبرك انه انفصل من الشغل لسبب معين ، كان بأمكانه يخبرك انه انفصل من الشغل بس ماخبرك لهدف معين ، رحتي انتي بكل سهوله حكيتي معه بخصوص هالشي؟؟ يعني كأنك بتحكيلو انا بعرف شو بتسوي ، مافكر انك خايفه عليه ، حللها بطريقه تانيه انك بتراقبيه وانك حشوره

كلنا بنعرف في مجتمعنا الرجال برفضو الصوت العالي خاصه من زوجاتهم ، مو هيك ابدا بكون النقاش،، هلأ انتي عرفتي ردت فعل زوجك ؟؟ ما انتي عايشه معه 15 سنه حبيبتي ، انتي يلي وصلتيه لهالشي ، والظاهر في بينكم تراكمات كتيره لحتى زوجك ينفجر بهالطريقه هادي

حكالك دوامه الاسبوع الجاي؟ يمكن كان بدور على شغل ولاقى شغل وجاي مبسوط

انا ما بحكي انه تصرفه صحيح ، لا والله والف لا ، الضرب انا ضده تحت اي ظرف من الظروف ،

انتي بتقدري على زوجك بس بطريقه تانيه ، مو تحسسيه انك ( ماما ) وبتعاتبي فيه زي الاطفال ، اكيد لكل فعل ردة فعل

بعد ما يهدا وتهدا الامور بينكم ناقشيه بالهداويه من ناحية الضرب ، واحكيلو انك ام لاولاد واولادك طولك ،

وازا زوجك اول مره بضربك ما بنصحك تطلعي من البيت وتحاربيه وتهاجريه لانه اجا اعتذرلك وعرف انه غلطان ، في غيرك ما بسالو ولا بهتمو وبحكولها يلا روحي بيت اهلك
ناقشي زوجك مع التكرار والالحاح بطريقه هاديه ورقيقه ....راح تاخذي اللي تبينه مع الحفاظ على كرامتك ، الله يهدي البال ويصلح الحال حبيبتي

 

[ملح الدنيآ.]

الله يهديج ليش عليتي صوتج ؟؟

وانتي سويتي عين العقل ماطلعتي من بيتج خليج فيه ولا تكلمينه خليه لين يراضيج

عسى الله يهدي سركم ويخليه لج

 

[الأميرة الحزينة]

حلو تصرفك بس لالالالالالالالالالالالالالاترضين علية خليك زعلانه علية ثقلي علية مهما كان ماتوصل مرحلة لطق والاهانة وترا المرة اذا رخصت نفسها وكرمتها احتقرها زوجها ....

:eh_s(15)::eh_s(15)::eh_s(15)::eh_s(15):

 

[ام احلى خلودى]

الله يهديه ياارب ...بس والله عورتى قلبى حبيبتى

 

[رتو الكيوت]

تصرفج صحح

انتي عاقبتيه يكفي خرعته انج بتروحين

الحين التزمي الصمت ويااااااااااه

يكلمج ردي اي لا ودش مكان طلعي منه

خل يحسسس بغلطته

 

[استغفر الله%]

انا اقولج ازعلي وقت الزعل وارضي وقت الرضى وترى فيه غيره يطق ومايعتذر فصدقيني ساعة شيطان وانتهت إن شاء الله

 

[أحلى عروس 2012]

بصراحة أنا مااعرفج
ولا عرف ريلج بس ماادري
ليش حسيت ان ريلج وااايد
طيب يمكن لا ن خش عليج سالفة شغله
والله ماادري
ليش جذي حسيت
يمكن لانه إيه بيراضيج
*المهم ذكري الله وقعدي
بيتج لانج واضح انج طيبة
وبنت اصول