طقني وقصلي تذكرة وقال روحي وخلي عيالج

[Beyoncee]

حبيبتي هدي شوي ولا تاخذين اى قرار وانتى متضايقه
الحين سفر لا تسافرين
اهو مو زين معاج معطيج حقوقج يصرف عليج وع العيال والبيت
اغفري وانسي عشان ترتاحين
اذا عندج امل فيه وانه راح يتعدل
انا من رايي فكري شوي يمكن اهو متمسك فيج ويبيج

 

[انثى عاشقة]

حسبي الله ونعم الوكيل فيه وفي كل رجال يظلم حرمة ضعيفة
اكره الريال الي يمد ايده كرهي لليهود

 

[roobee]

حبيبتي انتي شنو قاعده اتسوين
حرام عليچ ضحي عشان عيالچ
تناااازلي اشوي.....
ليش انتي انانيه بتروحين وتخلينهم لمنووو
بيضيعووون
حرام عليج
بس تفكرين بنفسج،،،
وبعدين لمن لقيتي العازل وتهاوشتي معاها
انتي الي بادية بالشر
ادقين عليه واهوا بالدوااام
وعلى فكره زوجج عصبي
بس انتي اتخلينه يزيد
ويتجرأ عليج
وبعدين ليش احتريتي لمن حسيتي
انه يخونچ اكيد معناة انج اتحبينه وتعزينه


لان لو كنتي ماتحبينه جان تمر عليج سالفه
الخيانه مرور عادي،،،



المهم
عيالج لايضيعون لاتروحين وتخلينهم
وكل ساع تهددينه طلقني طلقني
واخر طفل عندج عمرة شهريييين
انتي شنوو ماتحسين


والله جد
لو انج كويتيه جان قلنا قلعته
وتاخذين حقج وكل شوي تزورينهم
بس انتي بتساااافرين
وتخلينهم مادري شنو هالقلب الي عليج؟؟؟



شلون اذا بجى ولدج بوشهرين بالليل
او مرض
او تعب منو يكون عندة،،،





ادري كلامي يعور القلب
بس انتي الي بتسوينه بتذبحين
نفسج،،،،
لانج بتفارقين عياااالج




واهلح اشدعوه بينفعوونج
بيجاملونح جم شهر بعدين بيتعبون
منج

وبتمر عليج ايام ماتنامين فيهااا
من كثر التفكير بعيالج؟؟؟


وزوجج مثل كل ازواجنا اذا عصبو مدو ايدينهم



وانتي بصراحه مافيج حكمه ادزين له مسجات
بالدوام وتحرقين اعصاااابه
وبعدين تقولين ليش يطقني
وياليت شايفه شي بعينج

كله شك بشك



الله يهديج

 

[عاشقة الاسلام]

الله يهديه يارب

 

[(( الذهب ))]

الله يهديه لج ويكون بعونج

 

[مألوفة]

روبي انتي تستوعبين الحجي ولا عقلج حول؟؟

انا ما قلت بهد عيالي اهوا اللي خيرني ها الخيار وانا بغيت اشوفه شيسوي اذا طاوعته فقام قصلي التذكرة وبعدين من قالج بهد عيالي انا عيالي نظر عيني وما تعرفين علاقتي فيهم

ولا حتى اعلي صوتي عليهم وبعدين اذا ما احب زوجي من احب ؟؟ وشلون ما احتر اذا انتي مو متزوجة فلا تردين على وحدة متزوجة وتحس بالغيرة على شريك حياتها. كليتيني بقشوري اقري الموضوع عدل بدين ردي علي لو سمحتي وامثالج ما ابيهم يردون لاني انا مو بايعه عيالي فديتج

 

[ام كوثر2007]

سمعي مني ولا تسافرين

شكل ريلج متزوجج علي المذهب الشيعي لانه قاعد يقولج اطلقج لمن يصيرون عيالي سبعه

يعني بتنحرمين منهم اذا ما تنازلتي اشوي وصبرتي عشانهم

سفرج ما راح يفيدج بشي وطلاقج بعد ما راح ينفعج بشي

انا ما انصحج لا تشتكين بالمحكمه ولا تسوين هاللويه كلها

خليه مثل ما يقولون ظل رجل ولا ظل حيطه

خليه يخون ما يخون ربج بيحاسبه انتي شكو فيه

مرده يتعدل ما راح يقعد عمره كله فيه حيل حق الخرابيط

صبري عليه وعلي عياله وروحي قوليله كنسل التذكره واللى بتسويه سوه بيني وبينك رب العالمين

وانا ما تهون علي العشره وبتحمل واصبر عشان عيالي ما يربون بين ام وابو مطلقين

قطي عليه هالكلمتين والله يمسح علي قلبج وقلبه ويهديه لج ويعمي عينه عن موضووع الطلاق


حبيبتي من ناحيه القانون القانون حالج حالنا يعني ما يفرق بين الكويتيه والغير كويتيه

لج حق تشتكين وتاخذين نفقه وطلاق الضرر وهالامور

لكن لو انتي علي المذهب الشيعي ما راح ينصفج القاضي ودايم اهم بصف الريال والمرا مظلومه

عشان جذى انصحج يا قلبي انج تتحملين عشان ما تنحرمين من عيالج

تخيلي العيشه عقبهم اشلون بتكون

وتعوذي من الشيطان وهدي نفسج وهدي امورج معاه

قلبي صج عورني عليج بس مالج غير هالحل

الريال لا اشتكت عليه مراا يركب راسه والله يراويج نجوم القايله

وانتي ما اعتقد انه لج خلق حق كل هاللويه انتي تبين الستر وتبين عيالج وتبين تربينهم

خلاص خليه يولي عنج اذا سمعتي او شفتي انه يخون سكتي عنه جنج ما تشوفين

خليه دايم يدش عليج البيت يلقاااج تقرين قراءن وفارشه سجادتج وتصلين تنكسر عينه والله ويتسنع صدقيني يتسنع


وطمنينا عليج حبيبتي .. قلوبنا وياج والله

 

[مألوفة]

بعد عمري انثى عاشقة انا مااقدر ارفع عليه قضية هم ترا اهوا ابو عيالي وما ابي باجر عيالي احد يقول لهم امكم ارفعت قضية على ابوكم ما فيها خير

انا كان فيني ادق على المخفر واخليهم اييون ايربونه بس هم فكرت وتعوذت من ابليس وقلت بحلها معاه بالود

بس اهوا الحين ما يبي يطلقني كلش اهوا خايف اروح حق غيره جذي يفكر اهوا بس انا تعبت منه ومن المشاكل يا ربي ابي ارتاح ابي احس اني مستقلة بروحي ابي احس ان عوار الراس اللي كان عندي انزااح وعيالي اهوا بيصرف عليهم انا مابي ريل بحياتي لاني تعبت ومليت

اوا كريم وطيب وقلبه ابيض بس عصبي وما قام يحترمني لانه طقني اول مرة وسكتت واعتدرلي ثاني مرة وهم سكتت لين تمادى. خلاص بعد ما عاد فيني حيل

 

[قــل مـا تـشـاء]

الله يفرج همج وغمج
بس بقول لج شلون يعني بتتنازلين له عن الحضانه بس بتخلينهم يعيشون وياج ؟
التنازل عن الحضانة يعني يكونون عند أبوهم ,,
حاليا لآتسافرين بس هم لا تحتكين فيه خليه يدش ويطلع ولآكأنه موجود ,,
أجلسي مع عيالج وأه شي لآتستفزينه ولآ تكلمينه عشان مايمد ايده عليج ثانيه ,,
واذا مضطره تسافرين تغيرين نفسيه لآتروحين بدون عيالج قصي لهم تذاكر وتسافرون مع بعض أحسن لج ..

 

[Om zayd]

انتي تدرين انه صايع هل برايج اذا خليتي عيالج بيخاف عليهم ويجابلهم ولا يدير باله عليهم والله راح يضيعون يا بنت الحلال ادري انج مجروحه بس صبري وجزاج عند الله سبحانه وانشالله ينصرج عليه قوليله خلاص غيرت رايي وبقعد ولا تطلقين عالاقل اهوا اللي يصرف خليه يروح ويخربط ويسوي اللي يبي عيشي معاه بالبيت جنه غريب ولا انج تتشتتين وتضيعين عيالج

 

[مألوفة]

حبيبتي انا ريلي مو شيعي سني

بس اهوا يقول هذيلي اصبيان لا صار عمرهم سبع اسنين اخد حضانتهم واهوا ادري فيه كله يعطيني الحل الصعب عشان ما يطلقني لانه ما يبي يهدني

ومن قصلي التذكرة يبي يجرب عشان يقول انتي اللي اخترتي مو انا

 

[ام كوثر2007]

حبيبتي انا ريلي مو شيعي سني

بس اهوا يقول هذيلي اصبيان لا صار عمرهم سبع اسنين اخد حضانتهم واهوا ادري فيه كله يعطيني الحل الصعب عشان ما يطلقني لانه ما يبي يهدني

ومن قصلي التذكرة يبي يجرب عشان يقول انتي اللي اخترتي مو انا

اوك انتي شناويه تسوين الحين عقب ما قريتي كل هالارااء ؟​

 

[انثى عاشقة]

يا بعد عمري اذا ماتبين الطلاق ولوية المحاكم سوي مثل ما قالت لج ام كوثر
طنشيه والجأي لربك اعتبري ان تم بينكم طلاق عاطفي
مدري ليه يا الوفة احس من بين السطور ان زوجج يحبج
حاولي تصيرين هادية وحبيبة بعيد عنه لاتذلين نفسج عنده
مرده بيحس انه خسرك ويندم
لاتقولين مالي ظهر كلنا لنا الله حامينا
يارب انك تفرج همها وتهدي سرها وتلهمها الصواب ولاتحرمها من عيالها
وترد لها زوجها نادم تايب ردا جميلا

 

[Miss.6Mo7]

سآلفة السفرة بدون عيآلج انسيهـآ .. حآولي تكلمين أي أحد من أهلج ويتفآهم ويآهـ
العيشه معآهـ جحيـم .. الله يهديه ويكون بعونج يآرب

 

[مألوفة]

اوك انتي شناويه تسوين الحين عقب ما قريتي كل هالارااء ؟​

ام كوثر انا مصرة على الطلاق وانا قلت له مستعدة اقعد عندك بالبيت عشان كل يوم اتشوف عيالك ولا احد مننا ينرم منهم لا انا او انت بس بشرط انك اتقسم لنا البيت وكل واحد ماله شغل بالثاني قال لا ما اطلقج قلت له عشان العيال مو راح يتمون عندك؟ وبيتك شتبي بعد

قال اتنازلين عن الحضانة؟

اهوا ادري فيه يعطيني الحل الصعب قلت لا الحضانة اظل لي قال لا الحضانة تتنازلين عنها وتعيشين اتربيهم بالبيت ومالي شغل فيج دام انتي تبين ها الشي قلت له مستعدة اتنازل عن الحضانه بس شرط لا تنازلت عليها تكتبلي تعهد اني اقعد عندك بالبيت وما تطردني قال انا لا يمكن اهدج بالشارع انتي ام عيالي بعدين قلت له خلاص اتفقنا وانا مستعدة من باجر اروح معاك المحكمة واتنازل بس اطلقني قال يصير خير وخليني اكلم المحامي يمكن ادورين بكلامج قلت ما راح ادور واسال المحامي ما عندي مانع بس ابيك اطلقني الحين يقول لا ماني مطلقج الا رسمي. شرايج الحين بكلامي لاني مصرة حيل ع الطلاق

 

[* بنت المطر *]

روبي انتي تستوعبين الحجي ولا عقلج حول؟؟

انا ما قلت بهد عيالي اهوا اللي خيرني ها الخيار وانا بغيت اشوفه شيسوي اذا طاوعته فقام قصلي التذكرة وبعدين من قالج بهد عيالي انا عيالي نظر عيني وما تعرفين علاقتي فيهم

ولا حتى اعلي صوتي عليهم وبعدين اذا ما احب زوجي من احب ؟؟ وشلون ما احتر اذا انتي مو متزوجة فلا تردين على وحدة متزوجة وتحس بالغيرة على شريك حياتها. كليتيني بقشوري اقري الموضوع عدل بدين ردي علي لو سمحتي وامثالج ما ابيهم يردون لاني انا مو بايعه عيالي فديتج

كان عندي حجي بس عقب هالرد اسحب كلامي انتي تبين الكل يصف وياج ويطبلج

بعدين شسالفة شريط الحمل اللي بتوقيعج وولدج عمره شهرين ونص !!!!!

 

[ام كوثر2007]

ام كوثر انا مصرة على الطلاق وانا قلت له مستعدة اقعد عندك بالبيت عشان كل يوم اتشوف عيالك ولا احد مننا ينرم منهم لا انا او انت بس بشرط انك اتقسم لنا البيت وكل واحد ماله شغل بالثاني قال لا ما اطلقج قلت له عشان العيال مو راح يتمون عندك؟ وبيتك شتبي بعد

قال اتنازلين عن الحضانة؟

اهوا ادري فيه يعطيني الحل الصعب قلت لا الحضانة اظل لي قال لا الحضانة تتنازلين عنها وتعيشين اتربيهم بالبيت ومالي شغل فيج دام انتي تبين ها الشي قلت له مستعدة اتنازل عن الحضانه بس شرط لا تنازلت عليها تكتبلي تعهد اني اقعد عندك بالبيت وما تطردني قال انا لا يمكن اهدج بالشارع انتي ام عيالي بعدين قلت له خلاص اتفقنا وانا مستعدة من باجر اروح معاك المحكمة واتنازل بس اطلقني قال يصير خير وخليني اكلم المحامي يمكن ادورين بكلامج قلت ما راح ادور واسال المحامي ما عندي مانع بس ابيك اطلقني الحين يقول لا ماني مطلقج الا رسمي. شرايج الحين بكلامي لاني مصرة حيل ع الطلاق

حبيبتي لو ياهل يقرا كلام ريلج اللى قاله لج بيعرف شنو نيته


شنو هدفه من التنازل عن اليهال


وانتي من صجج تقولين له بتنازل تدرين يعني لو تنازلتي شنو معناه هالشي


باجر يطلقج والله ويقطج بالشارع مالج حق في ولاشي


صدقيني وسمعي كلام اختج ماابي منج شي


وما راح ياثر علي طلاقج او استمرارج بس تظلين اختنا بالدين

سمعي كلامي وشيلي فكره الطلاق من راسج

وخليج معاه جذى بس جدام الناس متزوجين

بس بينج وبينه منقطعه العلاقه لين ربج يعدله ويوعييه

وعسى الله يسهل لج امورج
​

 

[مألوفة]

انثى عاشقة فديتج والله يحفظج ويخليج

وتسلمين على دعائج لي الله يفرحج يا رب

عمرياهوا ادري فيه يحبني بس انا تعبت من الطق فحل الاخت ام كوثر والاخت فوفو مقنع بس انا مابي اعيش على ظل ريال ماني متزوجة ماني متطلقة ابي اتطلق عشان ما اضعف واحن له وارد له لاني انا ما اكرهه بس اللي صار خلاني اكره حتى نفسي والله والله ثم والله اني تهسترت من اللي صار قمت اطق ويهي حيل حيل على اللي صار تعبت تعبت ومليت انا ما بعته ولا كنت ابي اتطلق منه بس اليوم هددني باجر يذبحني وانا ابي اعيش حق عيالي اربيهم واطلب من الله يبلغني فيهم يا رب

 

[مألوفة]

كان عندي حجي بس عقب هالرد اسحب كلامي انتي تبين الكل يصف وياج ويطبلج

بعدين شسالفة شريط الحمل اللي بتوقيعج وولدج عمره شهرين ونص !!!!!

اختي. انا ما قلت لج او حق غيرج ينصفني لانو الموضوع انا كاتبته بالتفصيل واللي صار كله معاي وما انطر منج اتيين اتصفين معاي انا ابي حل وما ابي كلام زايد لاني مو ناقصة واللي فيني كافيني وبالنسبة لشريط الحمل هذا توقيعي من كنت حامل وظل التوقيع وتقدرين تشوفين متى تاريخ الولادة كان واذا انتي تجهلين ها الشي هذا شي راجع لج

وبالنسبة للاخت اللي ردت علي اهي ما قرت الموض ع عدل وهاجمتني انا ما لت بهد عيالي بغيت اعرف شاتصرف من عقب اللي سواه وردج ارجوج احتفظي فيه حق نفسج ولا اتردين رجاءا ماني ناقصة

 

[CH!C G!RL]

خلك مع عيآلك والعني بليس وكلمي محآمي لآتثقين بزوجكك دام هذي تصرفآته
والله يفرج همك