طقني وقصلي تذكرة وقال روحي وخلي عيالج

[طيبة83]

ما قريت ردود البنات
بس
تحمممممممممممممممممممممممممممملي تسافرين وتخلين عيالج

خلاص لا تكلمينه وسفهيه

وان شاء الله الامور تهدئ بينكم

 

[Queenleo]

اذا فيج جروح ورضوض رووحي المستشفى
اخذي تقرير طبي
ووديه المخفر
يسحبونه وسجلي عليه قضيه
وورفعي عليه طلاق للضرر
وراح يحكملج القاضي ان شاء الله
ويخلي حضانه عيالج عندج

 

[قطوووة]

لاحول ولا قوة الا بالله

ابليس شاطر

الله يهديه

 

[ElN00R]

انا ما ادري بالقانون بس اعتقد ان العيال لج لانهم يهال
يعني انتي شايفه انه هو كفو يتحمل مسووليتهم؟
يبي حد من اهلج الكويت ابوج اخوج اي احد يسنعه شوي بس لا تخلين عيالج والله مادري شقولج انا ما احب وحده تضحي بعمرها كله مع ريال جذي يعني لو تاخذين عيالج وتبدين حياه جديده احسن شي الله يغنيج عنه بس هذا شكله راكب راسه

بعدين بقولج اذا تبين تواجهين هالمختل لا تطرشينله مسجات كلميه بهدوء لا تستفزينه يقتلج مينون
الله يهون عليج

 

[amami al-kuwai]

مثل ما قالو البنات رفعي قضيه وبتكسبين حضانتهم اذا كان فاسد ويطقج

 

[popa]

اشتكي عليه

 

[الزين 85]

حبيبتي اذا تنازلتي عن حضانة اليهال مالج حق تقعدين وتربينهم

لاتصيرييين غشيمه وتتنازلين له عن العيال

مثل ماقالوا البنات قعدي ببيتج وهدي النفوووس وخلى اخوج يتفاهم معاه

بنات الناس مو لعبه ووريه انه عندج سند خل يعمل لج حسااااب

ووكلي محامي ايييب لج حقوووقج ويمشيه عالسراط المستقيم عيالج لاتتنازلين عنهم ابد

 

[الزين 85]

وحتى لو مو كويتيه

القانون يحميج ولج حق الرعايه حتى لو مو كويتيه ماتطلعين برا الكويت

لج حق الرعااايه لين يتزوج اخر ولد بس اذا تنازلتي مالج حق لانج تنازلتي عنهم

 

[kareeb]

لا حول ولا قوه الا بالله

 

[هاجس الشوق]

حبيبتي اسفة عاللي بقوله بس انا اشوف ان الموضوع تافه انتي زودتيها الريال بالدوام يداوم وانتي نازلة فيه عرض ورا بعض خاين ومادري شنو الطبيعي لو عاقل يجن ويسوي اكثر من اللي سواه سواء هاين او مو خاين بس لو عرفتي شلون تعاملينه بتخليه هو يعترف بالصج ويقول الحق بعدين حتى لو هو خاينج وحصلتي اللي حصلتي سكتي عليه ولما يصير الوقت مناسب كلميه بالطيب مو مشاكل وهوشه لانه بالاخر انتي اللي راح تاكلي على راسج وعندج يهال حرام تضيعينهم بالطريقة عذي ونصيحة لكل اللي يردون ترى حرام كلما تدش وحدة عندها مشكل تقولوها اشتكي وطلقي ومادري شنو اللي ماعنده رد يرد بشي يلم الشمل لا يقول شي يفرقه ربي يحاسب ويعطي الواحد بصحته اذا قال شي غلط ويوري بعزيز وغالي حرااام نصيحة اختي قعدي بيتج واعتذري منه اقسم بالله بتنكسرلج عينه وبيبوس راسج ندم عامليه بالطيب لو هو اسوء خلق الله بيلين وقعدي بيتج الطلاق ما راح ينفعج اليوم طلقتي باجر تتزوجين غيره بيذلج اكثر ربي مبتليج فزوجج صبري عليه واجرج عند الله وفعيالج قعدي وسوي جنه مو صاير شي وصبري على قدر الله لا رديتي ديرتج بتتحسفين تقولي طق زوجي ولا كلام الناس علي بالسوء نصيحة والله جنج اختي ترى وضعج متوفر وبزيادة وبكل بيت وبكل عيله نصيحة قدي بيتج لا باجر تلطمين عرفي زوجج حقوقج بشرع الله قوليله انا زواجي منك على سنة الله ورسوله تعاملني بما يرضي الله حياك الله بما يغضب الله دخلي شاهد من عيلتج وعيلته حد يكلمه مانفع طلبيله الهداية بس هلي الطلاق اخر شي وعامليه بالطيب وطوفيله اغلاطه ترى اقسملكم بالله مافي ريال بالدنيا يسوي غلط فزوجته ضميره ما يآنبه الريال يأنبه ضميره اكثر من الحرمة بس ما يبين لانه يحس انه ضعف لا بين حبيبتي الله يخليج سمعي الكلام وقعدي بيتج لين ما يهدى الوضع واذا قريتي كلامي دزيلي عالخاص اقولج شتسوين ان شاء الله اللي قلته ما يزعل احد

 

[*E.B.D.A.3*]

شوفي حبيبتي
دام موضوعكم انحل
بقول عسى الله يثبت قلبه انشالله ،،

اختي ريلج من النوع العصبي جدا
ويفقد اعصابه واايد . الي يتحول الى انسان ثاني!!
لكن مبين اميه بالامية انه وايد يحبج !!

الغلط منج اهني !!
لانج انتي لطالما تدرين انه عصبي
ليش الاستفزاز ؟؟
دزيتيله وتسب وقالج انا بالدوام ، وبعدين دق عليج وقالج ماكو شي
وهم رديتي دزيتله مسج استفزازي اكثر وقلتيله من اليوم ورايح مابينا شي!!!
وهالحجي كله واهوه بالدوام!! يعني حتى ماراعيتي انه بالدوام وقلتي حق نفسج خل انطر ليمه يرد البيت واتفاهم معاه!!
اشتغلتي عليه واهوه بالدوام مضغووط! و الحين هم انضغط منج
اكيد راح ينفجر !!!!!!!!!!
وفعلا انفجر وصار الي صار !!
يعني اهوه بيتحصلها منج والا من الدوام ؟؟
وبروحه الريال عصبي! يعني اكملتتتتتت !!!

حبيبتي ..
الريال العصبي ، لا تكلمينه بالتحدي ولا تحاولين تلوين ذراعه
ومو باي وقت تكلمينه
اختاري احسن الاوقات
ونبرتج وانتي تتكلمين هديها .. قربي منه ، خل في حنيه بالكلام
لا تخزينه وتكلمينه بنفسيه !ترى العصبي سهل الاستفزاز !!!
نظرة وحده منج كفيله بانها تخليه ينفجر!!! اييي هذا العصبي!!!

اي موضوع تبين تفتحينه معاه، اخذيله بالكلمة الهادية ، وبيني له انج مو معصبه لكن تبين تستفرين
وخري عن التلفون والمسجات،، اي شي موضوع عندج تبين تقولينه لا دزينه مسج ولا ادقين
نطري ليمه يكون عندج وكلميه فيس تو فيس بهدووء !!

للامانه، ريلج فقد اعصابه بسبتج!! انتي حدج استفزيتيه !!
يبه تبيني اخلصج؟؟ انا طفرت وانا اقرى موضوعج واشوفج تقولين دزيت وتسب وبعدين دزيت مسج !!
انا الي احترقت اعصابي مو اهوه !!!

الحين الي راح راح وانشالله تكون اخر الهوشات بينكم
لكن سمح الله وصار شي بالمستقبل ،،
هديييييي ،، قد ماتقدرين هديييييييي
طريقة كلامج وطريقه اسلووبج ، خلج هاديه
لا تهددينه بعياله ولا تهددين بالطلاق!
الريال مبين انه محتاج اسرته، مايبي يشتتج ولا يبي يشتت اعياله!
فتكفين، انتي رخي وقت الي اهوه يشد!
ولا تستفزينه بشي نهائيا

 

[أم عزيـز]

الحمدالله ان انحلت الامور بينكم والله يتمم عليكم ويثبته لج

بس اهم شي دام زوجج عصبي لا تشدين معاه وتكلمينه بنبره تحدي واستفزاز
علشان ما يمد ايده
لان العصبي لما يعصب وينغث ما يشوف جدامه احد يصير عمي ويوس اي شي من غير وعي
وبعدين يتحسف

فانتي لا توصلينه لي هالمرحله بإيدج تغيرين اطباعه وتكسبينه

والله يتمم عليكم

 

[شيهانه شماليه]

وين اهله؟؟

امه
ابوه
اخوانه
خواته
اعمامه

اي شخص من عايلته دخليه بالموضوع

اختاري شخص حكيم وله تاثير عل زوجج

الله يهديه ويسخره لج

الزمي الدعا والاستغفاااااااااااااااااار

وربج كريم

 

[قلبـــهـ]

وزياده على كلام الاخت ابداع والبنات اللي انصحوج ،
بتكلم بس ع موضوع الطق ، عشان يبدا يحس فعلا ان هالشي كبير وجايد حيل بصراحه ،
شنو هذا وين قاعدين ، ان شاء الله لو شنو سويتي المفروض الريال أمان المرا وسترها ، مو جذي !!!!




حاولي مو بطريقه استفزازية ولكن مثل اللي فعلا مجروح خاطره تبينيله بلسلوبج انج للحين مصدومه وشايله ،
مو هينه يطقني ولو دزه فمابالج سواته !


لا تبالغين بتعاملج معاه وكنه ماشي صار لان بهالحاله بيعيدها كنه فعلا ماشي صار !

خلج وديه لان محد يحب النكد ، بس ردود فعلج هاديه ، من غير لا تبالغين بانفعالاتج خيرها وشرها ،
شغلات بسيطه منج ممكن تأثر فيه حيل دامه يحبج ، وانتي بحضنه كلمة منج بتأثر فيه ، انج محتاجه تحسين بالأمان معاه ،
انه حياتج وابو عيالج المفروض يكون أساس البيت اللي تقومون عليه ، ولي احتجتي تلقينه اهو ماغيره !..

بس أرد أعيد كلام الاخت ، أي كلام لمن يكون هادي وودي ولو فيه عتب يتقبله الشخص اكثر من الاسلوب الجاسي ،
وهم العتب مايكون بشكل مستمر ، بين قعدة وقعدة لي صار بخاطرج شي تقولينه وتحسينه يبي يسمع ،
وممكن تخلينه هم يتكلم لان حتى اهو ترى يعتبر مبتلي باللي فيه !..


لازم يبدا يحس بجدية الموضوع ، عورتي قلبي والله لو شنو مسويه مايحق للريال يمد يده على مرا ، مادري انغثيت ولاعت جبدي وعصبت وكل شي ><

و بـــــس عشان يبدا يحس بإن فعلته جرحتج اكثر من انه آذاج بجسمج وكيف هالشغله بتبدا تأثر حيل عليكم ، وعشانكم ..



ربي يعينج ويهديه ويصلح بينكم ..

 

[رائحة الزهور]

لاتسكتين عن حقج روحي المحكمه ورفعي قضيه للضرر لان كله يطقج
ولاتسافرين وتخلين عيالج لاتنازلين عنهم

 

[" ام حمود "]

والله مادري شقولج ، غير الله يفرجها عليج ..

 

[اخت الدكتور]

لاتسافرين اتصلي على واحد من خوانج خله ييلج الديره ويرفع عليه قضيه عشان يعرف انج مووحيده وعندج ظهر وياخذ كل حقوقج وتكسبين القضيه ان شاءالله

 

[رقـة الاحسـآس]

الله ايسر امورج و يفرج همج يارب

 

[مألوفة]

تسلمون بنات كلمن نصحني ورد علي ونبهني تسلموون جميعااا فديتكم

بس ابي اقولكم شغلة

انا ليش اطلب الطلااق لاني مليت من الطق كلما عصب قام مدد ايده علي كلما بغيت اكلمه قال انتي تبين تتناجرين

كلما حاجيته زفني اهوا حيل عصبي وكل الاوقات يبي بس يتهاوش فانا مليت من الوضع وما طلبت الطلااق الا لين وصلت حدي وما عاد فيني

واللي تقول طريقة كلامي استفزازية انا ما استفزيته انا انقهرت من السالفة وما قدرت اسكت وها الشي من حقي كزوجة

على العموم صار خير وانا للحين شايلة بخاطري لاني للحين مقهورة ومحترة واهوا كله يحاجيني بطيب وجني كاسرة خاطره

بس اهم شي انه اعتذر والحمد لله والله يوفقكم جميعاااا

 

[شموووخ اماراتيه]

الحمـــد الله أختي

الله يديييم الحال