طقني و يبيني اسكت ؟؟؟؟؟؟

[قطيووه^_^]

رد : طقني و يبيني اسكت ؟؟؟؟؟؟

الله يهداج مبين من كلامه انه تحسف ومايبيها تكبر ومفروض ماتردين عليها وتعاندينه
بعدين شنو اشترلي شي عليه القيمه
شيقول عنج الحين
مفروض قاطعتيه من البداية بس ما وصلتيها لاهلج
ومفروض توقعيين انه ما يكلمج لانه قالج ما يبي يكبرها بس انتي كبرتيهااا فتحملي لو انج متعامله معاه بالهداوة احسسسن
والله يهدي سركم

 

[أليين]

رد : طقني و يبيني اسكت ؟؟؟؟؟؟

الله يعينج حبيبتى

 

[منيرة خالد]

اي عاد جان زعلتي ببيتج الا تروحين لأهلج

اصبري عليه واذا ما رد >>> خلي ابوج يتصل عليه ويقول له تعال اخذ مرتك


مره ثانيه ازعلي بمكانج واذا تبين رضوى خليها تجي منه مو تطلبين بالغصب >>> تلقينه منتف وما عنده ولقاها فرصه تروحين لأهلج ويرتاح من طلباتج

الله يعينج

 

[ذهب ابيض]

انتي من صججججججججج

ترى حدددددددددددددددددج غلطانه

وتصرفاتج تصرفات يهاااااااااااااااااااااااااااااااااااااااااااااااااااااال

اسمحيلي بالكلمه هذه ولا تزعلين

اول شي مالج الا شهرين متزوجه وتروحين بيت اهلج زعلانه !!!!!

من صجج انتي والا تتغشمررررين

شووفي حبووبه انتي مو عارفه شنو كان بمخه وقت ما صارت السالفه

وبعدين اهوو ما طقج ذاك الطق اهو دزج وانتي مصختيها معاه وسويتي روحج ريال وتبين تراددينه

الريال مو جذي تتعاملين معاه العين بالعين والسن بالسن

ترى جذي بتمين قاعده في بيت اهلج طول العمر وما راح تعمرين في بيت

وبعدين اهو عرف غلطه وياج يراضيج شنوو ابي هديه قيمه ما تقل عن 600 دينار

لووووووووووووووول ما شاء الله عليج محدده القيمه

ليش ما قلتي له اشترلي بييييييييييت احسن

كان ممكن يووم يا يراضيج تاخذين حقج منه عدل وما تخلينه يعيدها بس هاااا بالاسلوب الحلوو

مو بأسلووب العناد

والحين شووفي عنادج ودفاشتج وين ودتج خلتج ناقعه في بيت اهلج 10 ايام وما تدرين اهو الحين شنو يسووي

وترى ما مداه يتعوود عليج ويفقدج ويحس بقيمتج عشان يشتاق لج وييلج يركض

توكم بسم الله شهرررررررررررررررررررررررررين

المفرووووض هذا وقت تتعرفوون فيه على طبايع بعض

والحين خليتي يعرف انج دفشه وتصرفاتج اللهم يا كافي

نفسها

 

[بنت الدوووحة]

رد : طقني و يبيني اسكت ؟؟؟؟؟؟

حبيبتي عزي نفسج ولا ترضين بسهوووله لا اطيحين في شي انا طحت فيه والحين ندمانه قد شعر راسي ،،، لاتتصلين له ولا تردين على اتصاله ولا ادزين له مسجات ،،، خليه اهو يعرف انه سوا شي كبير وانه لازم يوقف عند حده ،، خليه هو يجيج عند بيت اهلج عشان مايتعودها ،،، ولاترضين بسهوله لانج ان رضيتي بياخذها عاده بيقول هذي عادي لازعلتها اي شي بيراضيها ،،، حبيبتي الرجال يحب الوحدة اللي تثقل عليه ،،، لاتتصلين ولا تردين كلش لين ثاني مرة يحرم يمد يده عليج ،،، حبيبتي انا غلطتي انه لما يغلط علي واذا جا يراضيني على طووووووووووووووول ارضى ولا كانه شي صار لين مرة صار موقف كايد ويوم جااا يراضيني ماعطيته وجه عاد تدرين شنو قال ،، انتي تحبيني وماتقدرين تستغنين عني وبترضين ،،، ويوم شاف اني صج صج هالمرة ماخذه موقف قال تبين ترضين ارضي بكيفج ،،، كل غلطتي اني كنت ارضى بسهوله ومرات كنت اروح اراضيه مايبيني تشين نفسي يبي يسوي الغلط ولا افتح حلجي بكلمة ،،، نصيحة خليه هو يراضيج لاتفكرين تردين لا على اتصال ولا مسج​

 

[moone GRL]

انا استغرب من مبدأ الرضاوة .. ليما الحين فيه بنات يفكرون جذي ؟

انتي غلطانه حبيبتي

شنو الفلوس بترد كرامتج يعني .. بالاسلوب والكلمة الحلوة تاخذين حقج وتفرضين احترامج مو بالعناد

انتوا توكم معاريس وانتي ماعرفتي تتعاملين مع رجلج وهو مبين عليه مايجي بالعناد .. الحين كبرت السالفة اذا مادق ولا سأل دخلي اهلج خليهم يراضونكم

وخلي هالموقف درس لج .. ما ينفع العناد

 

[فجر_الكويت]

رد : طقني و يبيني اسكت ؟؟؟؟؟؟

انا لله وانا اليه راجعون ويقولون ليش نسبة الطلاق زايده

 

[فجر_الكويت]

رد : طقني و يبيني اسكت ؟؟؟؟؟؟

بنت الدوحه "الله يهديج يارب الريايل انواع واشكال لكن الموقف الي ذكرته الاخت توها ما صارلها شهرين متزوجه واول مره يمد ايده ورايحه طالبه منه 600 د.ك ويه يراضيها واتقوله يا الحقير ابي 600 شتبينه يسوي يروح يعطيها ال600 علبو يحبها لا والله هذي استغلاليه من اول شهرين وتوهم بسم الله الرحمن الرحيم ما تعودوا ولا خذوا على بعض المفروض كانت اتسامحه وتعطيه انذار للمره القادمه واذا كررها المره القادمه لا ذيج الساعه انا اعطيه عين الحمرا واقعد بيت اهلي شهرين مو 10 ايام

بس من اول مره قاعده 10 ايام بيت اهلي ولا سأل عني شنو معناته يحبها ؟؟؟؟ وينه هل10 ايام ما اشتاق ؟؟؟ شقاعد يسوي من وراها ؟؟؟؟

واااااااااااااي بنات انتوا احس اعقولكم وااايد صغيره ما يصير جذي لازم تتحملون وترضون المرا كل شي صاير على راسها والله قال ارضاء الزوج من ارضاء الرب تره قيمة الزوج والله نفس بر الوالدين

يا بنت الناس يريت تسمعين كلام خيتج وتتحرشين فيه بمسج دزيله مافي كرامه بين الريال ومرته خل يعرف انج بنت اصول وسنع مو رايحه تطلبين منه 600 تره اهو الحين حاط الغلطه عليج قلبها عليج مو اهو الغلطان لأن اهو راضاج وانتي مصختيها وياه

وسوووي الي تقتنعين فيه​

 

[السهل الممتنع]

شوفي اختى محد فهمج غيري ....
تدرين ليش ؟؟؟؟
لانج قلتى رضاااوه
طبعاا احنى عندنا يا البدوووو ان المره اذا زعلت ارضى و تمادى عليها االزووج ما ترضى الا برضاااوه .. وهو يجيب لها شي قيم ..
مثلا ذهب او فلوووس بس شي قيم ؟؟؟ وشنو الحكمه من هالشي ؟؟؟ عشااان يتووب يمد ايده الرجال ويتذكر كل ما جاا يبي يمد يده انه راح يدفع شي وقدره هههههههههههههه طبعاا هالعاده اندثرت حالياا بس في ناس متمسكين فيهااا ..
واكبر غلط انه يحاول يمد ايده عليج وانتوا توووكم معاريس ..
عموووماا بما انج اصريتي ع الروحه لبيت اهلج واهو حاول اكثر من مره يردج .. خليج عند موقفج ولا تعتقدين انى قاعده اشيشج بس مو حلوه بحقج انج تتصلين او شي .. هني شنو راح تسووين ؟؟؟ توجهي لربج انه يرد لج زوجج ردا جميلاا غير مخزي .. وكثري دعاااء واستغفارررررررررررررررر كثري من هالاستغفارر والله يكون بعونج ..

 

[بنت الدوووحة]

رد : طقني و يبيني اسكت ؟؟؟؟؟؟

حبيبتي انا مابي اشيشها على زوجها ،،، اذا هي مالها الا شهرين ،،، فأنا من ثالث يوم هادني ويسهر مع ربعه وعقب العرس باسبوع مسافر ويكند ويا الشباب ،،، صدقيني الرجال يبي الي تثقل عليه وهو اللي يسعى يراضيها ويكسب راضاها ...

 

[سارحة بالغنم]

بقولج شي بس شخصي إذا حابة أقولج على الخاص

 

[تماره88]

شوفي حبيبتي وايدكبرتي الموضوع بس هذي امور عادية تصير اول ايام زواج انة برااي لازم تبالغين اذا دقج عشان لايتمادة قصدي زعلي مو طلبي فلوس يعني برايج انتي تسوين 600 لو اكثر بعدي عن موضوع الفلوس واهلج مو كل شوي تروحيلم على اتفه الاسباب خليها بالمواضيع الجايدة بس والله مادري شقولج شلون تصالحية؟

 

[MisS^MesSY]

حبيبتي اسمحيلي انتي الغلطانه الريال من نفسه اييب مو انتي الي تقولينله توا ما صارلج سنه الله يهديج و يهديه

 

[ألماس q8]

الله يصلح فيما بينكم ان شاء الله

 

[فجر_الكويت]

رد : طقني و يبيني اسكت ؟؟؟؟؟؟

بنت الدوحه " والله ثم والله انا ايدج الكلام الريال يموت على وحده تثقل عليه بس اهو خل يحس بقيمتها خل ادله اول ايام وتخليه ادهينه لا تنكتين وبعدين تثقل عليه عشان يحس بلفرق

والريايييل والله اشكال والوان بس هذا كسر خاطري راح راضاها بس اهي ادلعت عليه وقالتله ابي هديه ب600 انا عندي لو رايحه بيت اهلها بدون ما تييب سيرة ال600 وااايد احسن على الاقل تحفظ ماي ويها وكرامتها والله

لكن عموما الله يهدي الجميع يارب وان شاء الله تردون حق بعض وعلى فكره المشاكل بهارات الحياه على قولت المثل ( كل بيت فيه حمام ) بما معناه ماكو بيت يخلا من الحمام بمعنى المشاكل والاشياء المو حلوه

ومره بلبلاك بيري دزولي رساله بما معناه ان قلب الانسان يمشي بتعرج لو مشى سيده جان وقف القلب فلحياة جذي تتدرج فيج يوم مر يوم حلو يوم ابيض يوم اسود ومالج غير الدعاء والصبر وان شاء الله تفرج يارب

سامحوني يا بنات قاعده اتلكم بلعاميه الفصيح ومادري اتمنى اتكونون فهمتوا كل الي اكتبه

 

[داريني]

رد: رد : طقني و يبيني اسكت ؟؟؟؟؟؟

السلام عليكم

يعطيج العافيه ويا رب يا كريم تنحل مشكلتج

**** انا بنت مو متزوجه لكن يمكن اقدر افيدج بلموضع ويليت تشوفين رايي وتسمعينه واذا ما عجبج لا تطبقينه يمكن انا اكون غلطانه بكلامي كوني انا ما جربت الزواج لكن بتكلم من باب الحكمه والعقل فقط.. في بنات وايد راح يفيدونج اكثرررر من المتزوجين وان شاء الله يفيدونج والي تقتنعين برايها سويه ****

اولا : رايي الشخصي الريال الي يمد ايده على مرته مو ريال الصراحه لان الله ورسوله قال اذا المرأ اخطأت اول مره تخاصمها 3 ايام ثاني مره الهجر في المضاجع وثالث مره الضرب (طبعا اعتقد ثاني مره الهجر والثالثه الضرب او العكس والله ناسيه بنات ايام الثانويه درسونه)عموما بلحالتين انا اقصد الطقه الخفيفه الي اتصير على الريل جنه يدغدغج بعد ما فيها اي عوار بس اتكون الطقه من باب التنبيه هذا الدين يقول جذي ويعتبر
الضرب الي يدزج ويفلعج هذي ولا يعطيج كف على ويهج فيها اهانه للمرأه هذا مو كلامي هذا كلام الدين والشريعه ... وبنسبه لي الريال الي يمد ايده على حرمه اين كانت هذي الحرمه سواء اخته امه ابوه مررته حرمه غريبه اين كانت هذي المرا الريال الي يمد ايده على الحرمه مو ريال

ثانيا : انا من رايي الشخصي لو يصير فيني هلموقف اول مره بزعل واذا يه اهو يراضيني المفروض كنت اسامحه اول مره بدون لا اقوله 600 او هديه او اي شي الريال ما يحب انج اتساومينه بهديه يحس هذي استغلاليه جان حاولتي اشوي تتغلين وبعدين اذا قالج سامحيني ومن هلكلام اتقوليله اوك اسامحك بس توعدني المره اليايه ما تكررها واذا كررتها بروح بيت اهلي او لك احساب ثاني او اني ادشش اهلي من هلقبيل هذا اذا كانت اول مره يمد ايده الانسان مو معصوم من الخطأ

ثالثا : اذا هذي اول مره يمد ايده عليج وانتي سويتي فيه جذي وطلبتي منه 600 وما سامحتيه ورحتي بيت اهلج الصراحه انا الومج انتي الغلطانه اهو يه اعتذر منج وحاول التقرب وانتي ما رضيتي تره بجذي الله يحاسبج لأن الريال اذا نام واهوه زعلان تلعنج الملائكه والله لأن حسيته من موقفه كان يبي يراضيج بأي طريقه بس انتيي ما عطيتيه مجال واستصعب عليه الموقف وقالج روحي بيت اهلج تره مو عشان بايعج لا حشى عشان حسباله انج انتي بترفضين انج اتروحين بيت اهلج وانج راح اتسامحينه لان اعتذرلج ... ولو كان فعلا ما يحبج او انه غلط ومتكبر جان ما يه واعتذر منج وقالج ما تروحين بيت اهلج عرف نفسه غلطان بس انتي زوديتها حبتين الله يهداج

رابعا : ما بين الريال والحرمه كرامه روحي اعتذري منه وردي بيت زوجج وبوعيالج ونبهيه ان ما يكررها واذا تكررت بدششين اهلج روحي تحرشي فيه بمسج بأتصال أي شي بلحياه

وان شاء الله تنحل اموووورج يارب ياكريم ​

كلامها عين العقل
و انا اقولج راي رجعي بيتج واذا خايفه ترجعين مكسورة
رجعي لما يكون رايح الدوام وطبخي له غدا او طلبي غدا حلو و حطي ورقة على الفراش انه راح تبدون صفحه يديده والموقف الي صار درس حقكم انتو الاثنين و اذا شفتيه لميه وحطي راسج على صدره و الله هالحركه اتذوب الريال:eh_s(21): لو اهوه غلطان ولا مو غلطان بيطيح من طوله و لا تفتحين معاه الموضوع بالعكس خلي نظرات عيونج:eh_s(2): اهيه الي تعبر الي في داخل قلبج
وصدقيني هالطريقة مجربة:rerrerek: لانه ريلج امبين طيب بس عصبي وانتي توج و مع الايام راح تعرفين له

 

[rehana69]

بصراحه اهوا غلط ولازم يرتدع!!!!!! وانتي قصدج اتادبينه وتردعينه موتهينينه بالفلوس فهمتج!!!! تبينه يراضيج واهوا عاند وماسوه اللي تبينه!!!!انتي عروووس وموحلوه اتردين لبيت اهلج زعلانه بعد شهرين من زواجج!!! بس لانج متضايقه وزعلانه سويتي هالشي مالوومج!!!
المهم ترى اهوا الغلطان ولازم يدق او اييج ياخذج من بيت اهلج!!!! اهوا مستانس الحين وموهامته قاعد مرتااح ومحد يحاسبه!!!!
خل اهلج يتدخلون بالموضوع ابوج او اخوج يدقون عليه ويتفاهمون معاه يلقون لكم حل لانه مايصيير جذيه انج قاعده ابيت اهلج وانتي عروس شيقولون عنج النااااااس؟؟؟!!!!!!!!!!!

 

[فجر_الكويت]

رد : طقني و يبيني اسكت ؟؟؟؟؟؟

داريني " مشكوووره حبيبتي على توافقج مع كلامي وراريي الشخصي... اتصدقين انا لو من الاخت جان الحين اروح اتصل فيه ركضضضض اراضيه والله انا مو متزوجه ولا افكر بزواج بس قريت كلامج حاشني قشعريره تحمست ابي اتزوج لوووووووووووووووووووووووووووووووول


يلا حبي توكلي على الله وروحي راضي زوجج البنات كلهم ضد موقفج والغلط بدر منكم انتوا الاثنين عاد مو تروحين اتراضينه وتورينه الكلام الي احنا كاتبينه خليه بينا سر كل ما بقيتي الحل نادينا بلمنتدى واحنا ركض انحل امورج يا الطيبه

يا احلا البنات

 

[hooryah q8]

رد : طقني و يبيني اسكت ؟؟؟؟؟؟

حبيبتي انتي غلطتي طلبتي رضاوه قبل لا يراضيج!!!
تبين تحسسبنه ابغلطه انج اتصدينه او بالكلام تعاتبينه مو بالهديه
لما يحس ابغلطته اهني من نفسه اييبلج رضاوه او انتي بالدلع وباسلوبج اتقوليله ابي هدية رضاوه

انتو شهرين بس بسم الله وهالمشكله اتصير بينكم! والاكبر انج طلبتي اتروحين بيت اهلج وهذا اكبر غلط
من اول زواجج اعتمدتي على اهلج يحلون مشاكلج ولا جربتي اتحلين مشكلتج ابروحج وابطريقتج
حبيبتي ترا اغلب الرياييل عصبيين وحارين . بس ماالومج صج ريلج بعد الله يهداه مد ايده وانتو توكم شهرين
الحين المفروض تدرسين شخصية ريلج وبما انه عصبي حاولي تمتصين غضبه بأغلب المواقف الي يعصب فيها
وتحاولين تداركين عصبيته قبل لا يفقد ويوصل لمرحلة يبي يمد ايده ..

ويمكن انتي ابموقفج نرفزتيه وايد لانه ماكتبتي شنو الموقف الي خلاه يمد ايده ..
الحين مالج الا تنطرين وان شاااااااءالله ادق او يدزلج مسج وان شاءالله ماتكبر المشكلة اكبر من جذي
وخلي الي صار لج درس ,,

ابموقفج اثنينكم غلطانين وزوجج غلطان واااايد انه مد ايده وانتو توكم شهرين


الله يفرج عنج مشكلتج ويلم شملكم

 

[ZajiL]

الله يصلح الحال