طقني و يبيني اسكت ؟؟؟؟؟؟

[الغالي واحشني]

رد: رد : طقني و يبيني اسكت ؟؟؟؟؟؟

لا تضغطين ع الرجال وبالتفاهم كل شي ينحل حاولي وحاولي منتي خسرانه شي
لا تعاندين صدقيني الخاسر الوحيد انتي والا اهو بيعيش

انا اوافقها الراي الله يهديكم لبعض

 

[*peace*]

الله يهديكم يارب

 

[شقرديـه عالطل]

نفس ماقالولج البنات حدج غلطانه

 

[ام علي84]

حبيبتي انتي الي سويتة صــــــــــــــــــح ,,, انتي حفظتي كرامتج واهو مبين عليه انه عنيد عشان جذي منصدم من ردة فعلج صارلة عشر ايام اهو كان حاسب انة الطقة شي سخيف وانتي بينتيله انها كبيرة عفية عليج شاطرة والله وطلبتي منة هدية هم شاطرة عشان لا يفكر يسويةها مرة ثانية ,,, مالج شغل بالي تقولج ردي ودقي عليه وكرامتج بهالسعر ؟؟؟!!!! يعني يطقها ويدزها عااادي !!!! عشان باجر تروح وتجي بالتلسب؟؟؟!!!ومن هالخرابيط اهو بيتصل ان شاء الله خليج عند كلمتج والله يوفقج ويهنيج ويردكم لبعض ان شاء الله اميــــــــــــــــــــن

 

[لولوة حمد]

رد : طقني و يبيني اسكت ؟؟؟؟؟؟

حبيبتي اللي صار صار ، الحين انتي لاتدقين علية خليه يهدا ويطيح اللي براسه ، واذا دق عليج يراضيج ارضى لا تظربين الثقل ،ترا مالكم غير بعض وهذا ابليس دش بينكم

ادعى ربج انه يهديه لج ويرجعه ندمان انشاء الله

 

[rayare]

انتي من صججججججججج

ترى حدددددددددددددددددج غلطانه

وتصرفاتج تصرفات يهاااااااااااااااااااااااااااااااااااااااااااااااااااااال

اسمحيلي بالكلمه هذه ولا تزعلين

اول شي مالج الا شهرين متزوجه وتروحين بيت اهلج زعلانه !!!!!

من صجج انتي والا تتغشمررررين

شووفي حبووبه انتي مو عارفه شنو كان بمخه وقت ما صارت السالفه

وبعدين اهوو ما طقج ذاك الطق اهو دزج وانتي مصختيها معاه وسويتي روحج ريال وتبين تراددينه

الريال مو جذي تتعاملين معاه العين بالعين والسن بالسن

ترى جذي بتمين قاعده في بيت اهلج طول العمر وما راح تعمرين في بيت

وبعدين اهو عرف غلطه وياج يراضيج شنوو ابي هديه قيمه ما تقل عن 600 دينار

لووووووووووووووول ما شاء الله عليج محدده القيمه

ليش ما قلتي له اشترلي بييييييييييت احسن

كان ممكن يووم يا يراضيج تاخذين حقج منه عدل وما تخلينه يعيدها بس هاااا بالاسلوب الحلوو

مو بأسلووب العناد

والحين شووفي عنادج ودفاشتج وين ودتج خلتج ناقعه في بيت اهلج 10 ايام وما تدرين اهو الحين شنو يسووي

وترى ما مداه يتعوود عليج ويفقدج ويحس بقيمتج عشان يشتاق لج وييلج يركض

توكم بسم الله شهرررررررررررررررررررررررررين

المفرووووض هذا وقت تتعرفوون فيه على طبايع بعض

والحين خليتي يعرف انج دفشه وتصرفاتج اللهم يا كافي

نفس الراى

 

[انا والجرح]

لا تدقين عليه خلاص اللي صار صار وانتي بينتي انج زعلانه من مدت ايده واذا شاريج بدق وراضيج بس انتي لاتفكرين تدقين وانشاءالله يدق وتفاهمون

 

[O0of MNK]

رد : طقني و يبيني اسكت ؟؟؟؟؟؟

باختصاااار


شيلي قششششششششج وردي بيتج

 

[ام جراح 2]

لا تردين دامج خربتيها والا ترا تبي تصيرين مداس ومدة الايد تصير سهلة وخلي احد كبير من اهلج يكلمة ويفهمة كل شي الا مدة الايد ترا يتفشل لا شارهه احد كبير من الاهل وحطي حد للموضوع ترا اذا مد يدة بيتعود وتصير سهله كل مرة لكن سالفة العجز هذي رضاوة ما رضاوة قديمة ترا خلج سنعة واثقلي ولا تغلطين علي الرجال والا ترا برد لج الغلط وتصير الشتيمة سهلة بفمة عقب عاد عالرايحة والرادة واللسان الحلو يخلي الرجال يسلم ما وراة ودونة لو انج ساكتة وما رديتي واخذتي بخاطرج جان كبرتي بعينة وتحسف لكن يا اوختي انتي عوبة بعد تناطحينة مناطح يا ربي شهالبني

 

[انصاريه قمره]

انتي هم غلطانه شنو يالحقير وشنو رضاوه بم يقل عن 600 دينار هذي من اولهاا جذي بعدين شبتسوين فيه الله يهديج رحتي بيت اهلج بمزاجج وصدقيني راح تردين بمزاجج لانه الرياييل عندهم مبدأ اللي تزعل وتروح بيت اهلها بروحها ترجع بروحهاا وبالنهايه انتي الخسرانه

 

[M!sS v!P]

الله يهديكم ويردكم لبعض

 

[الباحثه]

يحليلج شكلج صغيرونه ومدلعه حبيبتي الحياة الزوجيه مو مصارعه حره ياغالب يامغلوب لا بالعكس الحياة الزوجيه حب وتفاهم وتضحيه
شوفي يالغاليه اللي صار صار والبنات ماقصرو طبو فيج وبينو لج عدل ان انتي غلطانه انا ما ابي ازيد عليج ابي اعطيج الحل المناسب
انتي طلبتي بنفسج تروحين بيت اهلج مع ان الريال متمسك فيج يعني كان شاري بس انتي اللي بايعه ورده فعله طيبعيه اللحين اهو بثبت لج انه ريال وان كبريائه ما يسمحله يرضخ لطلباتج
برأيي عندي لج حلين اما انج تتحملين نتائج طلبج و تثقلين وتقعدين في بيت اهلج وتنطرين منه اي اتصال او مسج عشان يطيح الحطب وتعتذرين بطريقه حلوه يعني تقولين له اكتشفت اني ما اقدر استغني عنك او فلوس الدنيا كلها ما تعوضني حبك . او ...... يعني من هالكلام السنع عشان يطخ ويطيح اللي براسه بس انتي لا تدقين نطريه اهو يدق
او انج تروحين حق بيتج وتكشخين وتنطرينه بورد وكلمه حلوه وحسسيه انج تحبينه وماقدرتي تستغنين عنه واكتشفتي ان تصرفج غلط واطلبي منه يصبر عليج لحد ما تثقلين وتتعليمن شلون يتعاملون الحريم مع رياييلهم ويقدر نفسيتج وان هذا الشي جديد عليكم و و و
وخلاص عقب انسي هذا الموضوع وانسي معاه سالفه الرضاوه خليه اهو يجيبها لج عن طيب خاطر
الله يصلح الامور بينكم ويهديج يا عروسه نزغه شيطان دشت بينكم تعوذي من ابليس وادعي ربج يسهل امورج وقبل لا تطبقين اي نصيحه صلي صلاة استخاره ومن استخار ربه ما خاب
علمينا شنو يصير معاج يا الغاليه لا تشغلين بالنا عليج وانصحج تقرين كتاب اسمه سيكلوجيات الرجل والمرأه ان شاءالله ينفعج​

 

[قلبي سلومي]

رد : طقني و يبيني اسكت ؟؟؟؟؟؟

اعملي تنزيلات خليها 550
الله يهديكي

لوووووووووووووووووووووووووووووووووووووووووووووووول


حبيبتي الله يهديج غلطانة حيل

 

[مــســك]

والله ماادري شقوول ..



بس عسى ربي يسخره لج زوجج ..

 

[شــغــب]

غلطتي بساالفه انه انتي نفسج طلبتي منه رضاوة !

حلاته هو يحس بغلطته ..ويجيب من كيفه

لكن

ان شاءالله ينحل هالخلاف مابينكم ويبعد عنكم المشاكل

ويوفقكم ويهنيكمّ .. إنتي ومن يقرآ

 

[مشتاقه لك يبا]

رد : طقني و يبيني اسكت ؟؟؟؟؟؟

الله يهدييكم ويجمعكم على خيير ان شاء الله ولا يفرقكم .

 

[So0oKaRa]

انتي غلطتي لما طلبتي الهديه وحددتي السعر
كنتي تقدرين تفهمينه انه اللي سواه غلط من غير ما تطالبين بالرضاوه
عالعموم هالشي صار وخلص وانتي كنتي معصبه وما تنلامين
اللي عليج الحين انج تصلين وتدعين وتستغفرين واطلبي من رب العالمين انه يقدم اللي فيه الخير لج وله
الله يوفقكم

 

[معكرونه أسبكتى يم يم]

رد : طقني و يبيني اسكت ؟؟؟؟؟؟

لاحول ولاقوة الا بالله

 

[مزيونة اهلها]

ابششششششششركم دق علي
بس ما جابلي رضاوه و بيردني بدون رضاوه قال خلاص غلطت عليج و اعترف اني غلطاان

 

[*صَبا*]

بصراحه اختي وبدون زعل

انتي الغلطانه

هو قالج لاتكبرينها
وبين لج انه متضايق من زعلج
ومتحسف

ترى الريال مايعتذر الا مره وحده

اذا مالقى تجاوب خلاص انسي يرد يعتذر مره ثانيه

حاولي تتصلين فيه

وتردين له باي طريقه

و بعدين فهميه ان مدت اليد مب حلوه وانه شي وايد كبير