عانيت بسكااات < واقعية >

[عانيت بسكااات]

مشكوره حياتي
يلا يلا يلا نبي بارت

حياتي انتي انشالله البارت اليوم أو باجر بالكثير :eh_s(9):

 

[مـ سهله ـو]

يالله انا بعد وياكم ناطرينج :>

 

[عانيت بسكااات]

يالله انا بعد وياكم ناطرينج :>

تسلمين حبيبتي :eh_s(9):

 

[عانيت بسكااات]

يـانـور عـيـنـي ويـن درب الـفـرح ويـن ؟ ,, حـنـا عـلـى درب الـمـقـاديـر ضـعـنـا

غــارة عـلـيـنـا مــايــلات الــمــوازيــن ,, والله عـلـى درب الـتـعـاسـه جـمـعـنـا

يـاليـت سـاعـات الـلـقى تـجمع اثـنـيــن ,, يـعـطـي لـقـاهــم لـلـمـحـبـيـن مـعـنـى

هــذا رجـاي ونــظـرة الـعـيـن لـلـعــيـن ,, يــكــفــي وحـنـا بالــردى مـاطـمـعـنـا

فــمـا تـــلاقــيــنـا انــا وانــت حــيــيــن ,, ولا نـمـوت ونــاخـــذ الــحـــب مـعـنـا

ونـعـيـش في جـنـات خـضر البـساتـيـن ,, فـي غـفـلة اللي لاهـرجـنـا سـمـعـنـا

أهـل الـحـسـد والـشـر نـاسً مـجانـيـن ,, يـالـيـتـنـا فــي شــبـكـهـم مـاوقــعـنـا

عـاداتـنـا نصبر على الـزيـن والشـيـن ,, ولـيـا عـصـانـا صـرف الايـام طـعـنـا

----------------------------------------------------------------

الساعة 1 بالليل حطت مريم راسها عالمخدة وهي طايرة من الفرح وعقب دقيقة.

مريم تسولف مع روحها = ياربي شلون باجر امي وابوي اكيد بيرفضون ، اخاف امي تفشلني مع اهله اعرف اسلوبها بهالسوالف ، ولا اخاف اتهاوش مع ابوي بهالموضوع ويطيح مريض ونبتلش ، ااااااااه ياربي ساعدني ، خل اقوم اصلي عشان ارتاح شوي .

صلت مريم ركعتين وقرأت قرأن ولما خلصت قامت تبجي = يارب ارحمني وفرحني والله تعبت من هموم الدنيا .
تذكرت مريم واهي صغيرة كانت تقول لأخوانها = اصلا انا بس اكبر شوي بتحجب مبجر قبل الكل.

قامت مريم وقفت قدام المرايا ومسكت شعرها = سامحني يارب تأخرت وايد بحجابي ادري انه فرض علي من يوم مابلغت بس محد نصحني وقررت تتحجب مريم.

دق تلفونها.

مريم بصوت هادي = هلا حبيبي

محمد = حبيبتي انتي ، شلونج قلب

مريم= حمووود قررت قرار نهائي

محمد = شنو ؟

مريم = قررت اتحجب ومن باجر .

محمد استانس وايد = حبيبتي والله بخاطري وايد انج تتحجبين وكنت ابيج تاخذين هالقرار بروحج.

مريم =الحمدلله ، محمد بسألك

محمد = سألي حبي

مريم= أهلك دروا عن وضع ابوي الصحي والنفسي ؟

محمد = حبي المرض مو عيب ولا عار ، وبعدين قلت لج أهلي يعرفونكم

مريم بحزن = محمد أكيد ؟

محمد = أكيد ياروح محمد ، قوليلي متى النتايج

مريم = بعد يومين انشالله

محمد = والحلوة جم تتوقع تجيب.

مريم = حاسه نسبتي بتكون بالثمانيات مو أكثر

محمد = الله كريم حبي ، الأ أقولج امي بتزروكم باجر المغرب وبعد ان شاءالله الموافقة من اهلج نييكم انا وعمي.

مريم = حياها الله ، الا صج حبيبي كلمت عمك؟

محمد = باجر بمره واقوله .

مريم مضايقة من داخل لكن ماتبي تبين لمحمد وتحاول تفرحه = اممم اشتقتلي ؟

محمد = يبووووي يبا وانتي معاي اشتاقلج مووووت وربي احبج وربي

مريم = حبيبي والله ، يالله حان الان وقت النوم لازم تنام مبجر وراك دوام.

محمد = اوكي حبيبتي وانتي نامي بعد ، تصبحين على خير.

---------------------------------------------------


ثاني يوم العصر مريم دشت دار امها وشافتها تلبس = يمه انتي طالعة ليش؟

ام مريم = شنو ليش بطلع مع خالتج غنيمة لوحدة صديقتنا.

مريم = اووووف يمه انا متمللة خلج .

ورن تلفون البيت.

ام مريم = روحي ردي اكيد خالتج

مريم بحسرة = اوكي

-------------------------------------------------

ردت مريم

مريم = الو

غنيمة = هلا مريوم شلونج حبيبتي

مريم = هلا خالتي انتي شلونج

غنيمة = الله يسلمج ، اقولج مريوم قولي لأمج تفركشت الروحة يتني حماتي ام فهد ، قولي لأمج تزورنا فالبيت .

مريم استانست = لا خالتي امي عندها يارتنا الحين يوم ثاني انشالله.

-----------------------------------------------------------

راحت مريم لأمها.

مريم = يمه خالتي تقولج الروحة فركشت وتقولج تعالي البيت زايرتهم حبيبتج حماتها .

ام مريم = وع وع وع اوف شهالحظ لا هونت ماني رايحة ما اداني حماتها بس تحش بالناس

مريم = ولا يهمج اصلا انا قلت لها انه يارتنا عندنا .

ام مريم = زين سويتي.

--------------------------------------------------------


نزلت مريم تحوس مع الخدامة رتبت الصالة وبخرتها وصعدت تسبحت ولبست دراعة لونها ذهبية.

وصلت ام محمد ونزلت لها ام مريم وسلمت عليها وعرفتها لأنهم يعرفون بعض بس من بعيد لي بعيد

دخلت مريم واهي مستحية وايد = السلام عليكم

ام مريم = هذي بنتي مريم يا ام محمد

ام محمد = ماشاءالله تبارك الرحمن ، ربي يحرسها ان شاءالله

ابتسمت مريم وطلعت عنهم .

---------------------------------------------------


فاتحتها بالموضوع وفهمتها انه الحين الملجة بس والزواج بالصيف ، وقالت لها ام مريم بتشاور ابوها واخوها وترد لها خبر عقب.

-------------------------------------------------


محمد واقف برا يكلم مريم فون على ما تطلع امه وطلعت امه .

محمد = ها يمه بشري

امه = ماشاءالله تبارك الرحمان ، جمال وحيا وأخلاق تهبل مريم والله وعرفت تختار

محمد غمز لأمه = عيل شلون عيل

امه = وان شاءالله بيشاورون بعض وترد لي خبر امها.

محمد = الله يتمم بسرعة يارب.

----------------------------------------------------------------



بـــــــــــــــــــــــــــرب بعد شوي بكمل

 

[توتا كويتيه]

مشكوره
ننطر البارت

 

[عانيت بسكااات]

كلمت ام مريم ابوها وأخوها ، ومريم قاعد تتسمع لهم من بعيد.

أم مريم = ها شرايكم ؟

بومريم = والله انا اعرف ابوه الله يرحمه كان خوش ريال وعمري ماسمعت عنهم شي موزين

موسى = انا اعرف محمد خوش ريال

بومريم = عيل خل نتوكل على الله ، بس اول نادي مريم

مريم طايرة من الفرحة

أم مريم = مريم مــــــــــــــريم

دشت مريم ويها احمر من الحيا = هلا

بومريم = تعالي بكملج فموضوع.

كلمها ابوها وقالها = ها يبا شرايج ؟

مريم = الراي رايكم يبا.

بومريم = كفو والله ، عالبركة يبا

وقامت مريم وراحت دارها تركض والفرحة غامرة قلبها.

---------------------------------------



دقت على محمد على طول.

محمد رد بسرعة = هلا حبي

مريم وعيونها مغورقة دموع = محمد

محمد = ها بشريني

مريم = مبروك عليك انا

محمد = حلفي

مريم = وربي توني كنت تحت مع ابوي وامي وموسى واهلي موافقين وابوي سألني وباركلي

محمد بصوت عالي = الف الصلاة والسلام عليك ياحبيب الله ومحمد

ورفيجه قاعد يمه قام يبب . هههههه

-----------------------------------------------------------

محمد كلم عمه وعمه اكيد وافق يجي معاه رغم انه كان معطيه بنته اول لكن محمد فهمه انه بنات عمه مثل خواته .

----------------------------------------------------------


يوم الخميس مريم بالدوانية تبخرها وتغني.

رن الجرس ودخلوا الرياييل ، كانوا الموجودين من اهل مريم ابوها واخوها بس ، اما محمد معاه عمه وخاله واخوه
اتفقوا عالمهر والملجة بتكون بعد اسبوعين.


--------------------------------------------------------

قبل لا يطلعون رن جرس البيت وليته مارن.



المفاجأة = عم مريم قرر زيارتهم ودش معاه ولده فيصل


بوفقة الكل = يالله أحنا الحين نستأذن والله يوفق ان شاءالله فمان الله.


عم مريم = السلام عليكم

الكل عدا بومريم = عليكم السلام

طلعوا محمد واهله.

-----------------


سلموا على بعض بومريم وعمها والرسميات موجودة والحديث سطحي.


عم مريم = منو اللي كانوا عندك

بومريم = ناس يخطبون مريم

فيصل نعفس ويها

عم مريم = شنو ، وليش واحنا وين ومن متى بنات العايلة يتزوجون الغرب

موسى = عمي البنت انخطبت وانتهى الموضوع.

عم مريم = نادولي مريم


ونادى موسى مريم وقالها شصار عن عمها ، راحت لبست شيلتها ودخلت

دخلت مريم وهي مالها خلق عمها = السلام عليكم

عمها = وعليكم السلام ، ماشاءالله تبارك الرحمن ، ويبونج تتزوجين غريب

قاطعته مريم = ماغريب الا الشيطان

عمها = عيال عمج اولى فيج

مريم = ابوي عطى الناس كلمة وانتهى الموضوع

فيصل انقهر من مريم وايد واسلوبها معاهم ، وفيصل مايقدر يتحجى لانه موسى يعرف خرابيطه مع البنات واذا تحجى موسى بيوقفه عند حده.


طلعت مريم وكالعادة لازم ينكدون فرحتها ، وراح لها موسى

موسى = لاتضيقين خلقج ولا شي فصول واحد هايت مو كفو ، وزواجج من موسى بيتم ان شاءالله.

مريم = أكيد موسى

موسى = أكيد


وطبت عليهم زوجة موسى غدير


غدير = مبروك مبروك يالعروس

قامت لها مريم = الله يبارك فيج

غدير = جم المهر

موسى طالعها = الحين مريم ماسألت عن المهر انتي تسألين

طنقرت غدير

- طبعا غدير مستانسة لانه تبي البيت يفضى لها بروحها . (مالت)


---------------------------------------------

نسيت أقولكم انه مريم انجحت ومثل ماتوقعت يابت 85 % (علمي)

--------------------------------------------


بعد ثلاث أيام

3 الفير صوت صراخ وهواش من غرفة موسى وغدير

طلعوا من الغرفة وهم لابسين شكلهم بيطلعون

موسى يصارخ = يالله ذلفي قدامي اقلعج لأهلج

ام موسى = يمه شفيكم ذكروا الله.

موسى = يمه لحد يتدخل بوديها

ام موسى ماسكة ولدها = يمه موسى شفيك دخلوا داخل لاتصارخ

موسى = ترى والله اطلقها والله

اياهم بوموسى وهو تعبان وفرق بينهم.

-------------------------------------------------

خل اسولف لكم شوي عن موسى وزوجته ، زواجهم كان تقليدي واختيار غلط من اهله، موسى أحيانا سكانه مرته يمين يمين يسار يسار ، مادري ساحرته استغفر الله ، تغير 180 درجة عقب الزواج ، عقب هوشتهم هذي دخلوا دارهم وماطلعوا الا ثاني يوم وما كأنه قلبوا الدنيا الفير ، طبعا سحيلة تبي شقة بروحها بعيد عن البيت (حلم بليس بالجنة )

-------------------------------------------------

انتهى البارت
------------------------------------------------


الملجة بتم وكالعادة بيصير شي بيخرب فرحة مريم ولكن هالشي كبير ، بتعرفونه بالبارت الياي

 

[عانيت بسكااات]

مشكوره
ننطر البارت

العفو قلب :friends:

 

[توتا كويتيه]

ناطرينج يا قلبي

 

[fs7at al-amal]

مشكووووره
حبوبه

 

[عانيت بسكااات]

:nbvppw:
فديتكم أنا ^_^

 

[البارونه*_^رونه]

الله يسترر حبي



يعطييج العاافيه

نااطرينج

 

[sweet.sanfoora]

نبي بارت نبي بارت

 

[عانيت بسكااات]

:nbvppw:‏ فديتكم أنا بأذن الله في بارت اليوم

 

[عانيت بسكااات]

بومريم يتحلطم= هذا بيفشلني قدام الناس ، الحين ذكرني ، الله يقطع الساعة اللي قرر جيته لبيتي.

ام مريم = هد حالك شفيك معصب

بومريم (يدخن ) = نفسيتي منهارة انتو ماتحسون

ام مريم (خافت) = من شنو منهارة نفسيتك صل على محمد وال محمد

بومريم (وعيونه حمره )= اللهم صلي على محمد
--------------------------------------------------------------

وقع المحظور .
رجعت حالته النفسية بومريم ، ومريم انهارت بهالفترة طول عمرها مافرحت مثل باقي البنات ،
انشغلوا اهل مريم بالأسبوع الأول اللي المفروض يجهزون للملجة انشغلوا بحالة بومريم ، علاج بومريم
بالطب النفسي كان ابر وحبوب للنوم وتهدئة الأعصاب ، وكانوا ياخذونه عند ناس تقرا عليه قران، عم مريم
شال ايده من الموضوع لما عرف بحالة اخوه ( رب ضارة نافعة ) ، مريم قالت لمحمد عن اللي صار وزعله
هالشي وايد.

مريم تبجي = محمد انا اسفة والله اسفة نقصت عليك فرحت ، الحين شنسوي قدام اهلك

محمد = مريم حبيبتي قدر الله وماشاء فعل ، هدي عشاني تكفين أكيد مانقدر نسوي الملجة بهالظروف
وانتي بهالنفسية ، ما عليج انا بتصرف مع اهلي اخوي بعد اسبوع بيروح العمرة 10 ايام ، وبقول
لأهلي بروح معاه وفعلا بروح وبجذي كسبنا 17 يوم بتكون حالة ابوج تحسنت ان شاءالله ، ونقدر نملج
بالأسبوع اللي بعده

مريم = محمد

محمد = عيون محمد انتي

مريم تبجي = تدري شنو اول شي بسويه اذا ملجنا انشالله

محمد = شنو قلب

مريم = بلمك ، لأني وربي تعبت خاطري ارتاح لو دقايق (وبجت)

محمد = حبيبتي انتي وربي يامريم اذا الله كاتب لي عمر طويل ، بعمري مابتركج ثواني

مريم = حبيبي والله.

------------------------------------------------------------------------------

مرت الأيام والكئابة فوق بيت بومريم ، تحسن الحمدلله ، بس مريم ماتحسنت نفسيتها لانه اللي تمر فيه
بحياتها مو شي .

مريم = فروحة انتي خايفة تجين بيتنا.

فرح = وربي لا حبيبتي ، بس انتي ابوج توه خليه يرتاح من الناس وبعدين حبي لاتنسين يومين ونبدي الكورس الثاني

مريم = فرح انا حاسه حالي ماراح اعدي من 4 ثانوي ، انتي تدرين اول لما ابوي تجيه حالته كانت درجات
الاشهر تنجحني ، بس 4 ماعندج اشهر بس المعدل

فرح = جب جب تفائلي بالخير ، ياحسرة علي انتي عندج حمووودج يدرسج انا ماعندي احد ، عفية حمودج عنده اخو

مريم = هههه الله يقطع ابليسج .

فرح = فديت الضحكة انا مابغيتي تضحكين لي ، اي يبا لنا الله لو تكلمين حمودج جان كل شوي كركركركر

مريم = هههه فروح ويعه

فرح = تويع العدو ، شريتي اغراض المدرسة.

مريم (بحزن ) = لا

فرح = توقعت وعشان جذي شريت لج معاي ، مو تعايريني كاه العام شريتيلي والسنة شريتلج.

مريم = هههه فديتج وربي

-------------------------------------------------------------------------------

بدا الكورس الثاني وبدت النفسية تتحسن ورجع محمد من العمره.

--------------------------------------------------------



بـــــــــــــــــــــــــروب بعد شوي بكمل ^_^، عشان ابي بارت الملجة فرايحي بدون نكد

 

[Riooma]

yala yala na6retech

 

[عانيت بسكااات]

yala yala na6retech

فديتـــــــــــــــــــج :eh_s(9):

 

[أم حيدر]

ويتنج ويتنج

 

[عانيت بسكااات]

ويتنج ويتنج

فديتج ماراح أنطركم وايد ، بأذن الله اليوم أكو بارت ^_^

 

[Riooma]

tara chetheh nensa alqesa etha mako parts 3ala 6ol tanzel

 

[توتا كويتيه]

كملي بليز