عرسج مطول !!! تعالي شاركينا افكارج ( الجزء الثالث )

[<miss botamba>]

اليوم رحت السوق وشريت شغلات ان شاء الله اليوم اوريكم واقولكم بعد شنو لقيت بس ماشريت لان ما احتاجهم

 

[lulu_q88]

حررم الشششيخ ^

هذا حسابها بالاستقرام @zahraaalqassem

حلووو شغلها بس ماشفت لها عروس ع الطبيعه

 

[<miss botamba>]

اكسسوارات من سبلاش (سنتر بويت):

هذول الاربعه بدينار خذيت خمس ستات وايد حلو مع النفانيف القطن و الحرير



قلب مشمشي احب هاللون خذيت اثنين الواحد ب 2.900



قلب ثاني هم مشمشي ناعم حيل حلو مع اذا شي مشير وتبين له اكسسوار بس بدون لايكون دفش وفي منه شفاف و ازرق ب 1.900



واخر واحد ينلبس اما حيل قصير او اطول ب 4.900





سكارف شتوي عجبني لونه ب 3.500





سكارف ثاني اخف منه لونه بنفسجي باستيل غير عن الصوره شوي وسخيف مو عريض وسعره بلاش ب 1.500




من فيكتوريا سيكرت :

بودي سبري love spell




من H&M :

تراجي خذيت ذهبي و سيلفر الواحد ب 1.900




وفي نفس طريقه الملويين بس على حجم اكبر واغلى هذول انعم واوفر هههه وفيهم تشكيله


خاتم ب 1.900



ودي بعد اشتري ثاني موضه الحين اتشكشكون خواتم

بالنسياغا

شانيل

اسوار ب 2.900




سوالف للاظافر ب 2.500




وعندهم بعد وايد شغلات حلوه

منها هالشي بس ماخذيته لان ما احب الزري هههه

نفس بودره للجسم تنبخ وفيها لمعه

واخر شي من اميركان ايغيل

خذيت ستيان واايد احب ملوهم ماجنكم لابسين شي ومسوين عليهم عرض كان الواحد ب 12 صاروا تاخذون اثنين ب 15

عندهم وايد انواع انا اخذ الي بدون بوش اب وايد حلو اذا صدركم نوعا ما كبير واذا صدركم صغير عندهم بوش اب جنج لابسه مخده ههههه


وخذيت هذول


خذيت البيج

Sofie Lace Lightly Lined Bra | Aerie for American Eagle


خذيت الاصفر

Sofie Lightly Lined Bra | Aerie for American Eagle



اي ونسيت سنتر بويت عندهم شغلات حلوه للحمام وانتوا بكرامه وعندهم كفرات حلوه بعد وعندهم صناديق تخزين من جدام شفافه


وسلامتكم

 

[lulu_q88]

رووووووووعه

بس البودره اللي فيها لمعه من وين ؟؟؟

 

[<miss botamba>]

رووووووووعه

بس البودره اللي فيها لمعه من وين ؟؟؟

ههههه حاطه من h&m :wqedqw:


بس ترا حجمها ميني

 

[Miss McDonald]

.


مس بوتمبا عليج بالعافيه حبيبتي :*

 

[{ غصن البآن }]

غصصصصصصصن


سلامات اشتقنالج

هلااااا واللله
الله يسلمج
فدديتج والله انا والله بعد اشتقت لج

 

[{ غصن البآن }]

مس بوتمبا


عليج بالعافية الأغراض

 

[عروس مشعل 2014]

ماشاء الله يشووق الموضوع انا عرسي مطول الحين ببلش عناية وخلطات وهيك الله يوفقكم بناات

 

[lulu_q88]

ماشاء الله يشووق الموضوع انا عرسي مطول الحين ببلش عناية وخلطات وهيك الله يوفقكم بناات

حيييييياج:eh_s(9):

 

[مشتاقه لعيونه ~]

بنات متى ابدا حمامات ؟
ومتى اسوي باقي السوالف جلسات نضارة وكذا ..

\

سؤال فني

صج الليزر يبقى مفعوله بس سنة ؟

 

[<miss botamba>]

بنات متى ابدا حمامات ؟
ومتى اسوي باقي السوالف جلسات نضارة وكذا ..

\

سؤال فني

صج الليزر يبقى مفعوله بس سنة ؟

انا الصراحه الحمام المغربي احس ماله داعي وايد بس اذا بتسوين عادي اهوا ماله وقت

في ناس كل اسبوع مره وفي ناس كل اسبوعين وفي ناس بالشهر مره ويستمرون على هالشي طول عمرهم


وباجي الشغلات يعتمد

اذا مثلا حف وشيره حسب طبيعه جسمج اذا انتي مشعره او لا


انا مثلا مو مشعره وايد

فكنت احف واشيل شيره كل ثلاث اسابيع الى شهر

بس حاليا مسويه ليزر ومفتكه

وحواجبي احفهم كل شهر الى شهر ونص لان شعري خفيف وفاتح فحتى اذا طلع مايبين


المانكير والبديكير انا احب كل ثلاث اسابيع الى شهر


علاجات الشعر اذا لي خلق كل يوم وترك او مع الشاور واذا مالي خلق مره بالاسبوع


تنظيف البشره مره كل شهرين او كل 3 اشهر اذا لي خلق واذا مالي خلق عالمشتهات عادي بالسنه مره

ومايمنع بالبيت احط ماسكات بروح


سنفره الجسم مع كل شاور


وطبعا كل شاور بعده بيبي اويل ولوشن وكريمات عنايه


رموشي تقريبا كل يوم احط لهم علاج


تحت عيني كل يوم سيروم

وويهي كل يوم كريم الليل


وطبعا غير الحبوب هذا شي لازم تسوونه (المكملات الغذائيه) سواء فيتامين او زيت سمج .. الخ وصج بشرتكم وجسمكم وصحتكم راح يفرقون عليكم


ما شاء الله ما شاء الله ما شاء الله اليوم رايحه متبرعه بالدم وقالولي ان دمي حيل ممتاز والسبه من الحبوب



والليزر مفعوله طول العمر من قال سنه


ريلي من سنه 2009 مافيها شعر


وايدي شعر متفرق

 

[قطعة حلا2]

بنات انا قبل سويت ليزر لوجهي بطيبه وحسيت شعري طلع اكثر من قبل:eh_s(16):

ووقفته ورحت سويت بالبريطاني قالوا انه جهازهم زين ومادري شنو وهم مانفعني

واول هالسنه قريت عن الليزر الضوئي ووحده كانت كاتبه تجربتها وتمدحه ورحت سويت عندهم والي تسويه وحده صينيه والله لعبت فيني حسبي الله عليها ماتفهم وانا بعد كنت متنحه شوي :eh_s(11):

رقبتي ماكان فيها شعر وكانت تحفها بالموس انا فيني تناحه مااستوعبت الا بعدين يوم شفت رقبتي فيها شعر انجنيت :eh_s(11):

المهم وقفتها والحين والله حدي محتاره الليزر صحيح مريح بس الا الوجه كلش مانفع مع انه الشوارب حيل فرق عن قبل بس باقي الوجه زاد الشعر

الحين شسوي ارد لشمع ولا اكمل احترت والله اختي تقولي حرام قطيتي فلوس شكثر والشمع غثيث ومادري شنو :eh_s(11):
والحين فيه ليزر السوفت لايت او النانوعندقنال الصايغ قالت لي جربيه كلمتهم وسألتهم عنه قالوا انه يشقر الشعر والجلسه ب45وفتح ملف ب20 وطبعا الجلسات ثابته

فا محتاره اسويها ولا لا والله قطيت فلوس شكثر واخاف اقط على كل جلسه 45 ومااستفيد شي فا منو جربت هالليزر او شافته على احد

وعطوني رايكم

 

[<miss botamba>]

بنات انا قبل سويت ليزر لوجهي بطيبه وحسيت شعري طلع اكثر من قبل:eh_s(16):

ووقفته ورحت سويت بالبريطاني قالوا انه جهازهم زين ومادري شنو وهم مانفعني

واول هالسنه قريت عن الليزر الضوئي ووحده كانت كاتبه تجربتها وتمدحه ورحت سويت عندهم والي تسويه وحده صينيه والله لعبت فيني حسبي الله عليها ماتفهم وانا بعد كنت متنحه شوي :eh_s(11):

رقبتي ماكان فيها شعر وكانت تحفها بالموس انا فيني تناحه مااستوعبت الا بعدين يوم شفت رقبتي فيها شعر انجنيت :eh_s(11):

المهم وقفتها والحين والله حدي محتاره الليزر صحيح مريح بس الا الوجه كلش مانفع مع انه الشوارب حيل فرق عن قبل بس باقي الوجه زاد الشعر

الحين شسوي ارد لشمع ولا اكمل احترت والله اختي تقولي حرام قطيتي فلوس شكثر والشمع غثيث ومادري شنو :eh_s(11):
والحين فيه ليزر السوفت لايت او النانو عند قنال الصايغ قالت لي جربيه كلمتهم وسألتهم عنه قالوا انه يشقر الشعر والجلسه ب45وفتح ملف ب20 وطبعا الجلسات ثابته

فا محتاره اسويها ولا لا والله قطيت فلوس شكثر واخاف اقط على كل جلسه 45 ومااستفيد شي فا منو جربت هالليزر او شافته على احد

وعطوني رايكم

وييع ويييع وييع قنال لا تقربين منها حدهااا تجاريه !!!!


الليزر للوي بس اذا كان الوي في شعر غامج

انا ويهي وبر بس عادي اسويه مانفعني وايد بس بتم لين يخف بس فادني بشغله كان مكان الحنج يطلع شعر خشن وراح

 

[عروس مشعل 2014]

حيييييياج:eh_s(9):

حبيبتي الله يحييج

 

[مشتاقه لعيونه ~]

ثانكيوووو مس بوتمبااا

 

[#الخشف#]

قطعة حلا

انتي نفس رفيجتي ترا طبيعة الجسم لها دور انا رفيجتي سوت 17 جلسة ليزر على مدى سنتين الا شوي والشعر زااااد عندها اخر شي قالتلها الممرضه بما معناه انه جسمج استجاب استجابه عكسيه وبدال لايختفي الشعر زااااااااد الحين اهي وقفة ليزر الوجه

 

[#الخشف#]

مشتاقه لعيونه


بلشي مغربي كل اسبوعين لاتنطرين لين يقرب عرسج نصييييحه وبلشب عنايه والله اذا قرب العرس بتوهقين ماراح يكفيج الوقت للعنايه

خاصتا اذا انتي تداومين بتردين ترتاحينلج كم ساعه وبعدها بتفرين السوق فاهتمي من الحين..

وفي خلطات للجسم خاصه ماتبين نتايجها الا بالاستخدام الطويل فلاتضيقين على نفسج..

 

[{ غصن البآن }]

الااا الويه لاتقرررربون له

لان طبيعة شعره خفيف ورقيق

والليزر ماينفع له

حتا لو خف بيرد يكثف لانه ينشال بموش

سوي الاماكن المحتاجه لها

شارب ذقن زلف

الباقي خليه

 

[<miss botamba>]

الااا الويه لاتقرررربون له

لان طبيعة شعره خفيف ورقيق

والليزر ماينفع له

حتا لو خف بيرد يكثف لانه ينشال بموش

سوي الاماكن المحتاجه لها

شارب ذقن زلف

الباقي خليه

هالمعتقد غلط شيله الموس ماتخشن الشعر الشعر يخشن حسب طبيعه الشعره وتختلف من انسان لي انسان

ويهي اخر مره مسويتله ليزر يمكن قبل سنتين اذا مو اكثر وو لحين الشعر ما راح وعادي كل جم اسبوع اشيله بموس وهذا اهوا ماتغير وبر ما صار خشن

وحتى شواربي اشيلهم بموس ولا تغيرت الشعره