عروس وبتطلق .... ساعدوني

[دهورتني يازين]

اب اب اب

 

[Tom ♥ Jerry]

,

حياتي قعدي ويا ريلج و قوليله لمآ آتيي آظحك و سولف وياي
و انا رآح آنطلق بعدين ! :eh_s(17):
لاني مآ آعرف ابدا بالسوالف ، عادي صآرحي ريلج مآفيها شي .،

بعدين الزوآج مو بس كشخه و ميكب و فراش !
قعدي ويا ريلج على يوم سوي بوب كورن و حطي فلم سكري الليتات
سوي جو سينما يعني ، و قعدووو استانسووو !
بعدين تعشووو و روحو نآمو



قوليله حبيبي انا و الله ودي اسويلك و اشيل و آحط لك و اعطيك ماي عيني ! :eh_s(22):
بس اصبر علي اشوي انا صغيره و مآ آعرف بهالسوالف .،
انتا ياي من بيئه مختلفه عن البيئه الي انا يايه منهآ : ) !

شي طبيعي يكون في آختلاف في وجهات النظر .,،
اغلب الناس على بآلهم انه الزوآج بأول سنينه أجمل ايام العمر
لكن العكس صحيح ,، الزوآج بالبدايه اصعب ايام العمر ,،
و بعضهم مآ يتحملون هالايام و على طول يلجؤون حق الطلاق

لآزم الطرفين يصبرون و يتحملون و يتنآزلون عن بعض الشغلات
لمآ يتعودون على بعض ،و تصير حياتهم حلوة

بعدين ترا الزوآج قبل العيال وبعده غير و يختلف 180 درجه !
صبري و عليج بالدعاء حبيبتي .!

تقربي من ريلج ,، و خلي بيتج جنه له ,،
كل اسبوع سوي حركه ، مره حطي فلم مره قعدي سوي عشا خفيف
و استانسووو و ظحكووو
مره اشتريله هديه عطر أو اي شي يحبه و عطيه ،


يعني بينيله بـ تصرفآتج و الاشياء الي تسوينهآ آنج تبين تتقربين منه .،
أنه ودج تكسبين رضاه ، :eh_s(7):

 

[جوريksa]

الله يصلح بينكم يارب
تفائلي ياقلبي الله يعينك كنك حالتي ياقلبي بس الله يعين
والبنات ماقصرو وكل شي بالوقت يتصلح توكم جديدين ع الحياة

 

[التوق]

شوفي انا بقولج عن سوالفي مع ريلي
لما يدش البيت استانس ان رجع وما اخبي هالشعور عليه اكون متلهفه عليه استقبله بحراره لووول
والابتسامه شاقه ويهي من عيني اليمين لعيني اليسار
حتن لما اكون نايمه ودوامه فير لما يدش ابتسم وانا نايمه بس لساني يكون ثقيل
نسولف عن دوامه وانا اللي ابدي ها شصار اليوم معاك بالدوام ؟! >>انا علمته ان يقولي كل شي من كثر ما اسأله
لا شفته متضايق اقوم اسوي شي نشربه وايي يمه المه شفيك حبيبي شنو مضايقك ؟!
واتم احن والزق فيه ما اوخر لين يطلع اللي فقلبه بس عااد هاا مو حنه غثيثه عشان لا يعصب واذا لقيته معصب وما يبي يتحجه اقعد اقوله سوالف تضحكه او خيالات تونسه
نتحجى عن السفر : خاطري اروح ....(لندن ) على سبيل المثال
ودي اروح معاك مكان في بحر نفس هاواي اقعد انا وانت عالبحر نتشمس ويمنا عصير بااارد ننزل شوي نتسبح بالبحر وما يكون حوالينا احد >>> يعني ممكن تكون خيالات وصعبه تتحقق بس الواحد يحلم

انا عن نفسي اشاركه بكل شي
يعني مثلا انا وامي سولفنا عن شي و علقنا على شي اقوله اليوم امي تقولي ..... جان اقولها ..... خاصه لو شي فكاهي بس ديري بالج مو كل شي كل شي لان في اشياء ممكن تنرفزه او يفهمها غلط
بس اذا مثلا شي يضحكم مع بعض
شي تعطون فيه رايكم
مثلا احيانا يقولي ان خالتي (امه ) قالت عن فلانه انها جذي جذي جذي
نعلق مع بعض انا اقول رايي واهو يعطي رايه
لما نروح نتسوق اقيس واطلعله ها شرايك ؟! هذا ولا هذا؟!
افضفضله عن اللي بقلبي يفضفضلي عن اللي بقلبه >>ولا تقولين اهو ما يفضفض لان انا اللي عودته يتكلم اهو نوعه كتوم وهادي ولو عصب يخرع
لما يعصب تلقيني انا ارخي معاه لما اعصب انا اهو يرخي بس مو كل مره احيانا اشد معاه فاكتفي باني ابوز وما اتكلم معاه ولا ارد عليه لما يعتذر

الاغراء واللبس والتكشخ والفراش مو كل شي عند الريال
الريال يبي منج ثقه بالنفس
يبي منج مشاركه
يبيج تشاركينه بحياته تكونين متواجده معاه بكل موقف بكل شي
لازم تفتحين قلبج اي شي بقلبج تقولينه له اي شي تفكرين فيه تقولينه له
وخليج ذكيه معاه الريال يحب المره الذكيه اللي تعرف تتصرف
خلي عندج ثقه بنفسج لا تتردين انج تسوين شي لا تقولين لا شكلي بايخ ولا شكلي غبي لو سويت جذي
كونيله دلوعته وبنته وامه واخته وصديقته وحبيبته مو بس مرته
اتمنى اكون فدتج

عجبتيني ماشالله عليج :eh_s(17):

 

[درة أهل الطولات]

ما يسوى الطلاق وماكو مشكله

سافروا ترى السفر يقربكم من بعض​

 

[نفـــائس]

بطلق ؟؟؟؟؟؟

توكم معاريس ما عرفتو لبعض كلنا جذيه

 

[Mrs_Orchidia]

شوفي شنو هواياته و اهتماماته
و سألي عنها
انتي تثقفي بالشي اللي يحبه عشان تشاركينه هالشي و يصير بينكم شي مشترك تبدون منه
وانتي سولفي له عن هوايتج او اي شي تحبينه .. بس لو لي درجة تلوعين جبده فيها شوي شوي
و ترى انتوا صار لكم شهرين يعني بعد يبيلكم وقت على ما تتآلفون

طلبي ديفيديات بنوعية الأفلام اللي يحبها و خصصوا لكم ليلة تشوفون فلم و تطلبون عشا
و جذي يعني سوي شي يونسه



و سؤال ... جم فرق العمر بينكم؟؟

 

[فلنتينو]

انشالله يفيدونج البنات

 

[دلوعة صلوح]

البنات ماقصروو

 

[ام كوثر2007]

حاولي تفهمينه انج صغيره . وانه ما عندج من عقب الله سبحانه الااهو

قوليله ابيك تساعدني اني اتغير علي ايدك ..


حاولي اتيينه من هالنقطه جود يحن قلبه عليج ويفهم انه ماخذ له وحده صغيره وما عندها خبره بالحياه


وعسى الله يوفقج معاه يارب

 

[يا عيون سمي]

حبيبتي انسي شي اسمه طلاق لان هذي حياه يديده مردج راح اتتاقلمين معاها ترا تو الناس مو الحين تفهمينه انا صارلي سنتين ليلحين ما اعرف زوجي عدل
احس اول سنتين تجربه وبعدها خلاص اتعود

 

[شرغوفة]

السلام عليكم ورحمة الله
حبيبتي البناات ماقصرووا بس اناا حبيت اضيف نقطة وايد مهمة عليهم لا تجيبين طاري الطلاق
على الساانك لان الرجال اذا سمعك اتقولينهااا واجد رااح يتعود عليهااا ويقولهااا لك بلحظة غضب وبالاخيرة انتي الي رااح اتخسرين الحياة الزوجية وايد فيهااا مشااكل ومنهاا لمشاكل العادية ومنها المشاكل الكبيرة الله يبعدنااا عنهااا فلازم ياختي اتحملين وانتي المشكلة فيج انتي حاولي اتقربين منه بطريقة ثانية لان ومن كلامج اهو يبي يلقى احد يتحاور معااه بأموره الخااصه فيه وموو لاقي فلااا تخلينه يرووح يدور هالشي بره وحبيبتي موفقة ان شاءالله بحيااتج ​

 

[جديده 1]

سولفي معاه بشنو صار معاج او سئليه شنو سويت اليوم .. تكلمي عن الاحداث اللي صايره بالديره او اللي بالتلفزيون ..

 

[تخيل اعطيك وجه]

عادي هالمشاكل لان توكم متزوجين خلي بالج طويل
عزيزتي

 

[يا عيون سمي]

حبيبتي انسي شي اسمه طلاق لان هذي حياه يديده مردج راح اتتاقلمين معاها ترا تو الناس مو الحين تفهمينه انا صارلي سنتين ليلحين ما اعرف زوجي عدل
احس اول سنتين تجربه وبعدها خلاص اتعود

 

[| تفاصيل |]

بوقي من المنتدى
دوري اهني فالقسم شكثر مواضيع اتونس
حركات او مسج
يعني حوسي فالقسم وبتستفيدين ان شاءالله

الله يسخره لج

 

[Miss^NeozZ]

عامليه كـ حبيب مو زوج وراح تضبط وياج

 

[بسكوته ذايبه]

الله يهديه لج حبيبتي فعلااا السنه الاولى من الزواج اصعب شي بس سهالات ان شاءالله والبنات ما قصروااااا


بالتوفيق حبيبتي​

 

[مـزآج ــــية]

اول شي شيلي من راسج فكرة الطلاق كلللللللللش ماكو سبب حق الطلاق

تعوذي من ابليس و ابدي تعلمي ع الحياة اليديدة اللي دشيتيها
انتوا الحين بمرحلة تعارف و انتي طبيعي مستحية بالبداية
قولي له انج تبين تسوين له كل شي يرضيه و يعجبه بس السالفة يبيلها وقت و انج تشتغلين ع نفسج
و انج مستحية وضحي له هالنقطة
بعدين ابدي بنفسج شوي شوي شيلي حاجز الحيا و اقري كتب عن الزواج تفيدج
و تكلمي معاه عرفي شنو يحب شنو يكره
سولفي بالشغلات اللي تصير باليوم بانج تسالينه شلون كان يومك
جربي تيبين له هدية ترى الهدايا تالف القلوب حتن لو كانت صغيره
حسسيه انج تحبينه و تحاتينه اذا طلع بس بدون لا تحنين وايد و تزعجينه بعدين ردة الفعل بتكون عكسية لول
و لمن يرجع وريه انج مشتاقتله
يعني علاقتج فيه تكون غير عن اهلج و صديقاتج
كوز الريال ما تزوج عشان يكون عنده نفس وحدة من اهله او ربعه
سولفي و تكلمي بس لا تصيرين لدرجة الازعاج
ما فيها شي لو فكرتي قبل لا ايي بجم موضوع بالبداية عن مستقبلكم عن ذكريات حلوة
لين تتعودين من نفسج

 

[عاشقة الدوحة]

لا اختي لا تفكرين بالطلاق ابدا .. لا يقص عليج الشيطان .. تعوذي من ابليس .. وشوفي اقتراحات البنات