عشان ريلي يتعلق فيني اكثر واكثر 00 راح احمل واحمل واحمل !!!!

[كويتيه شقره]

صباح الخير متزوجااات طبعا لانه هالموضووع يخصهم حيل
بنات موضوووعي لنقاااش ...


انا مره سمعت وحده تقول بخلي ريلي يتعلق فيني اكثر واكثر ..
قتلها شلون
قالت بحمل واحمل واحمل عشااااااااااااااااااااان اربطه ؟؟

مادري انتوو شرايكم هل صحيح هالكلام؟؟

بالنسبة لي راح ابدااا ..
انا طبعا ما ائيد هالشي
لانه الريال لاكان يبي يتزوج مارااااح يرده لا ياهل ولامره ولا ام ولا فلووس !!!
اللي براسه بيسوويه .
وثانياا الحمل ورا بعض متعب وانا نساتي الله لايوريكم الحمدلله يارب ..
وفووق هذاا اناا يبت بناتي ورا بعض احسهم للحين صغار وحده اخلص من تسنيينهاا تيي الثانيه يعني تعب !!

وثالثا واخيراا..
الحمل ورا بعض راح يتعب رحم المره وثانيا الوحده ماراح تفضا لريلها بالاخص اللي ماعندهم خداامات ..
وكافي .. الدنيا الحين صارت ناار:eh_s(14):
كل شي غالي ...


اترررك لكم المجال بنات بهذا الموضوووع ومانبي هواششش تكفوون نبي موضووع لنقااش

 

[الغشمريـــه]

انا ما أييد الحمال ورا بعض تعب والله تعب

 

[اهواك بلا امل]

سبحان الله فى ناس تفكيرهم جذى عشان اربطة احمل ورا بعض انا اشوف الكلام غلط امية بالمية
اول شى اليهال ورا بعض مزعجين يعنى بيخلون البيت 24 ازعاج بزعاج وبالعكس على قلبنا عسل بس الريال راح يطفش اكثر وراح يقول انتى وعيالج ويطلع بحجة البيت وازعاجة
ثانيا انا راح اتعب وراح اكون مو فاضيتلة بالمرة لانة اليهال عندى اهم من الريل
ثالثا الريال لو يبى يتزوج مايرد عليج ولا على عيالج الى براسة بيسوية
رابعا والاهم العيال ورا بعضراح يتعبون ماديا وجسديا والريال ماراح يلحق على المصاريف وراح يبدى بكلمة من اول ماشفتج وانا مفقر
فانا اشوف الكلام كلام وحدة جاهلة الصراحة وماعندها ثقة بنفسها بدال لاتقول عيشة بعسل تقول ابلشة بعشرة ورا بعض

 

[روحي زوجي]

يمكن اللي قالت قصدها تربطه ببيت وعيال ومسؤليه اهو حلو الواحد يفكر بجيه بس بعقل مايهمل اشياء ثانيه والحمل الحين الله يستر منه صار خفيف مثل الورق مايثبت الله المستعان



ادعولي بطفل سليم متعافي وولادة طبيعيه سهله



.

 

[روحي زوجي]

يمكن اللي قالت قصدها تربطه ببيت وعيال ومسؤليه اهو حلو الواحد يفكر بجيه بس بعقل مايهمل اشياء ثانيه والحمل الحين الله يستر منه صار خفيف مثل الورق مايثبت الله المستعان



ادعولي بطفل سليم متعافي وولادة طبيعيه سهله



.

 

[*ريما*]

اكيد التفكير خطاء
الرجال ماراح يردة شي

 

[حباري المملوحه]

انا راي من رايج

الريال لو حط شي بباله ما يشيله

يمكن من كثر العيال يزهقهاااااا

مشكوره

 

[@ام ضاري@]

مادري عنها والله شلون تفكيرها في نوعية ارجال اذا باع مرته باع حتى عيالها

يعني العيال ماتربطه على المسؤاليه ابد اذا كارهم وانا ها الشي مايعجبني احمل وارد احمل طيب رجلي

متى يستانس معاي ومتى يتعدل جسمي بعد الحمال صحتى الزم على

واللي تفكر في مستقبل عيالها ماتفكر تحمل ورا بعض لان العيال سيون دراسه ومسؤاليه

 

[شنكولة]

ما ايد
قوليلها وين حق جسمج عليج ؟ الحمل ورا بعض بيتعبج وبتصير عليج مسؤلية وتنسين زوجج وننفسج بعد

 

[مارياج]

كويتيه شقره مشكوره عالموضوع الحلو اول شي

انتي صح مثل ما قلتي الريال لو يبي يتزوج او يخربط ماراح يرده لو عنده 10 عيال

اهم شي عنده راحته واغلب الرياييل فيهم الطبع الاناني الحيواني يعني مو نفس الام ما تقدر تخلي عيالها وتخاف عليهم وتفكر فيهم

والرياييل مالهم امان حتى لو اكو حب لازم المره ما تامن اميه بالميه

يكون اكو ثقه وحب بس تامن له بكل شي نووووووووووووووووو

والعيال تعب واستغفر الله همهم والله كبير الحمدلله على كل شي

اب اب لعيونج

 

[لوليتسي]

وش هالتخلف
أعتقد المرأهـ اللي تفكر بهالشكلـ ماألوم زوجها لو تزوج عليها عشر مو وحدهـ بعد
حكاية أنها تحمل وتحمل عشانـ تربطه عز الله أنها ربطت عمرها مو ربطته...
عنه هو بيهج ويحط رجوله ويحق له ..من غير أنشغالها بالاولاد وبتنسى نفسها واهتمامها بنفسها وبيملـ منها زوجها يعني راح يكونـ الموضع سلبياته عليها وعلى حياتها أكثر من إيجابياته
والزمن غير الزمن وكلـ شي تغير عن زمان الواحد يالله يالله 1وإذا مرهـ مرهـ مسكت غلط 2 ويالله يمشون حياتهم بعد
مرررررررررررررهـ ماأييد
لكـ وديـ

 

[قطرية88]

الحمال ورى بعض بيخلي شكل البنت اكبر .. لانه متعب

فـ هي بتخسر جسمها ورونقها .. عشان تربطه باليهال !!

انا نفسج ما اايد الحمل ورى بعض ..

 

[مش رش]

صراحه اللي تقول جذي هذي رجلها ما دري عنها ومطنشها على طول ويحب عيالها وما يحبها واضح
ولما شافت انه يحب عياله قالت بكثرهم عليه !!!
غلط غلط غلط
الرجال لاباعهج راح يبيع عيالج وراج وتبتلشين فيهم انتي لحالج
صارت لوحده من معارفنا والله كان عندها ولد واحد واالرجال ما كان يحبها قالها لا تحملين اكلي حبوب مانع
بس الرجال كان يؤدي واجبه جدام ربه بس مو حب فيها عشان يخاف ربه
المهم فكر بوحده يتزوج بوحده ثانيه قامت المره وقطت حبوب الحمل وحملت على طول
حمالها ما رد الزوج تزوج عليها وولدت المرة وقالها اكلي حبوب ما كلتهم راحت حملت مرة ثالثه وجابت معاق الله لا تبلانه
وقالها اكلي حبوب اهو كان يقوم بواجبه معاها عشان يعدل بينهم بس اهي كل همها العيال لا كثرتهم يمكن يرد لها ويطلق الثانيه هذا كان اللي فبالها المهم اهي تحمل والزوجه الثانيه تحمل للحمال الرابع قالها اكلي حبوب ما طاعته وحملت بالرابع وجابته مو كالم وانحط بالشيشه شهرين وطلع معاق الله يكافينا الشر انقهر الرجال منها اثنين معاقين واهو قال لها لا تحملين وشوفو نيتها ... وبالاخر تتوقعون شنو طلقها بالثلاث
لانها اي بعد ملسونه وما تقصر باللسان نيتها شينه والله عطاها على قد نيتها ... وما تسوى عليها عندها اربع ورا بعض اثنين معاقين واثنين عقلهم خفيف يالله لا تبلانه بس هذي النيه وما تسوي .....
وقولي الرزق على الله لا تجنين رجلج وتطفشينه منج ومن بيتج وقولي الرازق رب العالمين ........

 

[بطة رشيقة]

من وجهه نظرى ان هالفكره غلط ..

يعنى الريال لو ما يبى المره ما يبيها لو عندها 10 واذا حط بباله ان فيها شى مو اوكى او يبى ينفصل عنها ما همه عدد العيال ..

والريال اللى يبى زوجته ويحبهاهم ما يهمه حتى لو ما يبت عيال يتمسك فيها ..

اقول الله يهدى ريااايلنا وييصلح حالهم والياهال مسؤليه لازم الوحده تفكر وشوى شوى وما تتسرع لان كل واحد كل واحد من الياهال لازم نعطيه حقه بالتربيه مو نكودهم ونقطهم مو هذى الشطاره ....​

 

[رفرف]

اهمه الرياييل انواع في نوع صح ينطبق عليه ع الحجي تلقينه واااايد يتعلق بعياله يكون حنون هذولا حتى لو عاف المره ما يرخص بعياله يفكر فيهم الف مره ويصبر على مرته لو شنو فيها علشان عيالها ...

بس عن نفسي .. اذا بطفشه احمل فوق بعض .. يهج .. ما يتحمل صيحة ولوية اليهال ولا حتى مسئوليتهم ..

 

[لوازم العائلة]

الي حبني لجبيني ماجابه جنيني اتوقع المثل صح ادا الزوج حب زوجته وتمسك فيها فهالشي توفيق من رب العالمين مو يكثرة العيال اوبقلتهم

 

[ام زاكي]

الا بيطفش رجلها وينحاااش ههههههههههههههه

 

[Spoildish]

مع احترامي لج بس رفيجتج غبية
شنو هالمنطق, وبعدين الريال خصوصا رياييل هالايام مالهم خلق مسؤولية و بيت و عيال و من الي اشوفه كله منحاشين من البيت و كلللهم عندهم ياهل ولا 2ولا3 فما بالج رفيجج تبي تكود يهال حرااااام عليها والله و اصلا اهيا الي راح تتعب لانها اهيا الي راح تربي و تودي و تييب , انا بس بعرف جم ياهل عندها؟ و ريلها مجابلها اهيا و عيالها؟؟

 

[انا والجرح]

لا ياقلبي تفكيرهاا غلط موشرط علشان اربط الرجال اجيبله اعيال 00000 والله الرجال اذا عاف عاف وماله امان 00لا يهمه اعيال ولا زوجه ولا اهل 00 تفكيرهاا حده غلط0

 

[Killer^Girl]

لا غلط
الريال يبي وحده تجابله وتدلعه وتهنيه
مو مشغوله وتركض مع اليهال وكله تعبانه وجسمها متبهدل وحالتها حاله