عشــانك كل شي يهــــون .. رجيمي مع طالب الشمري

[sheraZia_Q8]

بسم الله الرحمن الرحيم
تعبت صراحه وانا هالمتن لاعت جبدي
كل ما اشوف وجسمي بالمنظرة تلوع جبدي
سمنتي كلها صوب البطن وبالخلفيه
وما عندي صدر يعني ارف بارف

فقررت انشالله بما ان رمضان خلص وداشين على الدوامات قلت ارد حق الرجيم احسن لي
انشالله من باجر بيكون اول يوم رجيم حقي ادعولي يا بنات اني التزم :cxxxp:

رجيمي عباره عن :

الافطار :
ملعقتين متوسطه نسكافيه + 2-3 ملاعق متوسطه حليب + سكر دايت

الغدا :

المجموعه 1 .. 4 شرائح توست + ((جبن او ملعقتين لبنه قليلة الدسم او 1-2 بيض )) + خس طماط خيار زعتر + دايت ببسي

المجموعه 2 .. كوب روب

المجموعه 3 .. 1-2 بيض + سلطة + برتقال

المجموعه 4 .. شوربه

العصر :نفس الافطار

العشا :نفس الغدا اختار احد هالمجاميع واطبقهاا

هذا اهوا الرجيم سهل وبسيط وانشالله اقدر اسويه
ترقبوني باجر مع اول يوم من اليوميات

الطول 160 الوزن 109
الي حابه تبلش معاي خياها الله بالموضوع :eh_s(17):

نشوفكم باجر بيباي :eh_s(8):

 

[ميوما]

الله يوفقج يارب
بس مو جنه فيه خبز توست وايد @@
على العموم رجيم طالب ما يعجبني :/
ليش ما تجربين ربيعه او نصر الله ؟
شدي حيلج

 

[sheraZia_Q8]

اهوا صح معطيني خبز وايد ماادري ليش @@
بس لاحظي رجيمه مافي بروتينات
وانا عموما ما احب الببسي يعني عادي لو كليت توست

رجيم ربيع وايد حلوو بس مالي خلق اسويه لوول
ودام اني من قبل رحت لطالب وعطاني هالرجيم قلت التزم معاه والله كريم انشالله
مشكورة حبيبتي على مرورج نورتيني

انتي ماشالله داشه قروب
قوليلي فاد وياج نزلتي عاد؟

 

[كيكه توفي]

موفقه انشالله

 

[ميوما]

اهوا صح معطيني خبز وايد ماادري ليش @@
بس لاحظي رجيمه مافي بروتينات
وانا عموما ما احب الببسي يعني عادي لو كليت توست

رجيم ربيع وايد حلوو بس مالي خلق اسويه لوول
ودام اني من قبل رحت لطالب وعطاني هالرجيم قلت التزم معاه والله كريم انشالله
مشكورة حبيبتي على مرورج نورتيني

انتي ماشالله داشه قروب
قوليلي فاد وياج نزلتي عاد؟

حتى بيبسي وايد معطيج :/
انا مسويه قروب مو داشه هههههه
وللحين تونا بادين من جم يوم للحين الله اعلم ^^
نشوف بعد هالاسبوع وان شاء الله خير

 

[احلى الورود]

الله يوفقج وتضعفين بصحه وعافيه

 

[om-3abodey]

موفقة حبيبتي ورجيمات طالب حلوة وتضعف
بشرينا عنج

 

[sheraZia_Q8]

مشكورين حبايبي كلكم على التشجيعات الحلوة
اليوم الحمدلله عدى على خير بدون ولااااا تخربط :$
وانشالله بشد حيلي اكثر واكثر ... ادعولي اني ما اخربط واثبت على رجيمي

اليوم قعدت على الساعه 1 فما تريقت
تغديت شوربه
وتعشيت توست مع جبن وخيار وطمام
وبدال ما اشرب ببسي شربت عصير اناناس

يبتع انشالله باجر ...

 

[sheraZia_Q8]

اليوم نفس امس قعدت متاخر تغديت توست + بيض وطمام وخيار وخس
وشربت ماي بدال ببسي

والعشا شوربه فطر

بس اليوم خربتها شربت عصير عوار قلب من الضاحيه ما اقاومه

يتبع انشالله باااجر ...

 

[@سلسبيل@]

رد : عشــانك كل شي يهــــون .. رجيمي مع طالب الشمري

يعطيييج الف عافيه عالرجيم

سؤال ما فكرتي توزنييين؟؟

فضول بس؟

 

[أنت الغرام]

أنا انصح كل وحده تشرب قهوه على طول وراه مااي لان القهوه تسحب ماي من الجسم فلازم نعوض>>>>>> نصيحه من عبدالله المطوع المبدع

 

[sheraZia_Q8]

حبيبتي سلسبيل
والله كل ما بوزن اتعييز اروح الصيدليه @@
بس انشالله باجر بحاول اروح لان حرام قام اسوي رجيم وما ادري هل قاعده انزل ولا لا
بس اخر مره قسته كان 109

حبيبتي انت الغرام
المعلومه روعه صراحه انشالله بطبقها ومشكورة وايد على مرورج العطر ونصيحتج الحلوة :**

 

[sheraZia_Q8]

بنزل لكم صور الاكل الي كنت اكله الايام الي طافت عشان الكل يستفيد

اليوم الاول بالرجيم
ما تريقت ... تغديت شوربه
وتعشيت توست + عصير







ثاني يوم رجيم

تغديت توست مع بيض وطماط وخس وخيار
والعشا شوربه فطر







ثالث يوم رجيم
تغديت توست مع جبن وخيار وطماط وخس وزعتر
وتعشيت سلطه من ماك
والسناك كان نسكافيه








وبس انشالله باجر اكمل
ادعولي اكمل بدون ما اخربط لاني امس خربطت :O_SHH_:

يتبــــع ...

 

[om-3abodey]

الله يوفقج حبيبتي ونبي نعرف شكثر تنزلين

 

[sheraZia_Q8]

انشالله من عيوني اليوم ضروري اشتري لي ميزان لان اتعييز اروح الصيدليه اوزن @@
اول ما اوزن بحط لكم صورة الميزان

 

[sheraZia_Q8]

غداي اليوم كان شوربه فطر



وعشاي كان توست مع بيض وخيار وخس وطماط وشربت ببسي دايت



يتبـع انشالله باجر ...

 

[om-3abodey]

لا يوقف كملي حبيبتي وقولي لنا شيصير

 

[sheraZia_Q8]

من عيوني
يسلموو على مشاركتج وتشجيعج لي :*

 

[sheraZia_Q8]

اليوم غداي كان عباره عن توست + بيض بالطماط + ببسي دايت
العشا كان سلطه وعصير برتقال من ماك((نسيت اصور العشا ))



يتبــع انشالله

 

[ميوما]

واااو

برافوو شدي حيلج

ومتى موعدج الياي ؟

بشرينا