علاج نقص فيتامين د ؟؟؟

[prettysoul]

الله يشفيكي
كلي علبة روب لأنها تغني عن كوبين حليب
وتعرضي لأشعة الشمس

 

[نووووونا]

النقص بهالفيتامين منتشر بالكويت والشرق الاوسط

خصوصا بالحريم

 

[دفاالورد]

الل يشفيكم ايهم افضل الابر والا d3 اللي يضعوه في الماء كل اسبوع والا الحبوب الرجو الرد

 

[sanaya-q8]

بنات شنو الاعراض بليييز


انا تعب وارهاق والم بالعضلات كني عجوز.

وجتني دوخه وارهاق وتنميل بالشفاه وراحت بعد ساعه الاعراض

 

[ام شريفه]

انا طلع فيني نقص فيتامين دال طلع 12 !

و رحت المستوصف وقالي الدكتور تبين حبوب ولا ابره؟ جان اقوله ابي حبوب

جان يعطوني حبوب فيتامين دال بلاسبوع مره لمدة شهرين و الشهر الثالث اسوي التحليل مره ثانيه و يشوفه الدكتور و اكمل العلاج

 

[miss_math]

انا سويته بالصدفة

واعاني من خمول - كسل -كثرة نوم - اكتئاب - وبرودة في الأطراف

طلع عندي 9 يعني نقص حاد الحمدلله على كل حال

بصراحة أنصح الكل يسوي التحليل لأنه نسبة الإصابة فيه مرتفعة بالخليج

 

[مـزيـااان]

زين بنات انا خذيت اول ابره فيتامين د بالمستوصف صرفها لي المستشفي عيادة الغدد واطقها بالمستوصف

بس بسال ليش ماناكل حديد مع فيتامين د انا الحين فيني فقر دم واكل فيفول والابره ضربتها خلاص بس احس بعوار بذراعي اليسار من صوب الكوع
يعني هذا من الابره والا لا

وعادي اكمل حبوب الحديد ومشكورااات

 

[روعة خيال]

اب

اب

 

[@ DLOO3TAH@]

أأب

 

[فديته]

انا حللت طلعت النتيجه ١١ ومكتوب بالتحليل لازم من ٥٠ الي ٨٠

اعراضي تشنج باليدين وضربات قلب سريعه وخلاص والله اضيع كني بمووت

ولحد الان التعب موجود

 

[توتا وحب الكويت]

انا سويت تحليل في مستشفى الشركة وطلع عندي 7 من30

وعطوني حبوب وقالو انها نفس مفعول الابره
اخذ الحبوب وحده بالاسبوع لمده 3 شهوووور

 

[ملوكـه]

انا طلع معاي نقص حييييييل
واعراضه مثلكم
ماتوقعت انه يسوي جذي

الحمدلله على كل حال

 

[lujain-q8]

انا بعد اكتشفت ان فيني نقص والاعراض كلها فيني
بس مادري شنو اخذ علاج الابر ولا حبوب
لانهم خوفيني من الابر يقولون خطره

 

[انثى لاتنسى22]

هلا فيكم جميعا بنات انا حللت وطلع عندى9وانا عندي اكتئاب حاد واقول للدكتور انه بسبب نقص فيتامين وضحك وقال هذا ماله علاقه بنقص الفيتامين واعطاي حبوب مكتوب عليها نسبتها 0،25 انا ماني عارفه كم نسبها يعني كويسه ولا اشتري القطره على فكره الدكتور في الحكومي وانا الي طلبت الحليل بعد ماقريت عنه في النت والدكتور جاهل فيه بالمره لدرجة لمن طلع التحليل 9 قال كويس قلتله لا يادكتور يعتبر ناقص وسالته كم النسبه لازم يكون في الجسم قال انا ماعرفش نسبته كم وراح اتصل على دكتور ثاني وساله وقاله لازم تكون النسبه 70الى100 بعدها ايوه انتي عندك ناقص واعطاني حبوب وقال استمري عليها ثلاث شهور بس احس مفعولها ضعيف بنات تكفون ردو علي

 

[انثى لاتنسى22]

على فكره الحبوب ون الفا النسبه ٠،٢٥

 

[فراشه بيضا]

نقص هذا الفيتامين يسبب تساقط شعرررررر

 

[انثى لاتنسى22]

هلا بنات ردو علي ضروري

 

[ملوكـه]

حبوبه
الله يشفيج
ماعليج منه
مايعرررررف شي
وحده راحت حق دكتور بمستوصف حكومي
وسألته عن نقص فيتامين دال جان يضحك عليها يقول يصيب بس الاطفال !!!!
الحمدلله والشكرررر

اهو السبب الرئيسي بالاكتئاااب
وصرف لي الدكتور نفس الجرعه حقج

ومن كثر مابحثت عن اعراض نقص دال واللي صابهم
حتى بمواقع اجنبيه
وبحثت عن كلام دكاتره اجانب بهالموضوع
صج يتكلمون عن اكتئاب مرضاهم بسبب هالنقص
تأكدت انه يسبب كل شي
فلا تاخذين بكلامه

 

[Mednight Rain]

قريت بس اول صفحة وبشاركم

انا طلع معاي نقص هالفيتامين وانا حامل والحين بعد طلع معاي مرة ثانية
وهو غالبا مرتبط مع الغدة
واخذ حبوب ولازم اللي بتسوي فحص الفيتامين تطلب من المختبر هالشي عشان تطلع النسبة الصح
25oh) vit d3
ولازم التعرض للشمس من ١٠ الصبح لغاية٣ العصر لان الشمس هالفترة تكون معاها الاشعة الفوق بنفسجية ويستفيد منها الجسم
وأعراض النقص: تساقط الشعر وآلام المفاصل والشعور بالتعب.

 

[حورية العتبان]

:eh_s(11):السلام عليكم ورحمة الله وبركاته


والله يا بنات اني اكتب وخاطري حيل مكدر وتعبانه نفسيا و جسديا و روحيا بنات انا عمري 21 سنه و اللي يشوفني يقول عمرها 100 سنه يابنات انا حيل تعبت من نفسي ما اقدر امشي عدل و اركبي دايمن تعورني حيل تعبانه ووبسررعه اتعب وين ما اروح ادور مكان اقعد والله لما اشوف البنات اغار و بس اطلع يجيني انعااس تعبت والله ابي ابجي :eh_s(11):امي حيل تعبت مني تقول والله ودي انحاش منج والمشكله وين انا وحده فيني فوبيا من ابر بشي خيالي والله يا بنات لدرجه احس ببلع لساني امووت مع ان الابره ما تخووف واحاول اني ما اخاف بس ما اقدر المهم في يوم قررت اسوي تحليل دم اشوف اللي فيني طبعا اخذت موعد وما رحت الا شهر قلت لها ابي تحليل شامل كامل لكل شي ابي اعرف اللي فيني والله لما اتكلم وحدي ابجي من قلبي طبعا قبل سبوعين جاني احساس غريب برجلي اليسار احس جنها مثلجه ما احب امسكها ولا احب الخام عليها حتى يا بنات لما امشيعزكم الله الحذاء يطيح من رجلي وانا ما احس لى نفسي المهم طلع النتايج كل شي سليم الا فيتامين دال 8 بالميه والدكتوره عطتني كورس من ابر فيتامين باء يوم وترك 5 ابر رحت ابي اطق ابرة فيتامين باء وعلى ساس دال قالت الدكتوره ما تقدرين بيوم واحد لان ثنينهم يعورون وانا هني ابي اطيح من الخوف بعدين قلت خليني اغز باء وبكرا دال ، غزيت باء وطلعت رووحي تمووت عوار وبعدها خقيت اغز دال الكل يقوول تعور وخفت وانا حيل تعبانه المهم جيت اسوي سرج الا الكل يقوول حبووب افضل والابر مو زينه اليوم رحت المصطوسف دشيت للدكتور وحلفته امانه اى احسن وافضل قال الافضل الحبوب للامانه قلت اجل ليش تعطوني ابره قال يعني مفعوله شوي اسرع بس الحبووب افضل وانا ما اقدر اتحمل العوار لان عندل 5 ابر و عرس اخوي نص الشهر وانا مو قادره اوقف على رجلي اتوكل على الله واغز الابره بس اخاف يا بنات امانه اللي جربتها شنو حست بعد ما خذتها وشنو تقولون احسن ابر ولا حبوب تكفوون هلب مي ودي اشيل الفوبيا مني ساعدوني الله يخليكم اهلكم