عمرج فوق 25 ماتزوجتي تعالي

[*عزة نفس*]

السلام عليكم..
تدرون عاد باقول لكم حديث عن الإمام علي عليه السلام(من اقتنع بالموجود استهان بالمفقود))..
يعني خلي المفقود شي عادي..إللي هو الرجال..أدري بتقولون مستحيل ومانقدر وشي من هالكلام..بس كبروا الموجود..من وظيفة من مركز عائلي واجتماعي..من ثقتك بنفسك..وإن شاء الله تحصلون كل خير..

 

[Such as diamonds]

مرحبا صبايا


ماشاء الله تجمعكم مرره نايس إن شاء الله كل يوم راح ادخل لكم ودي اتعرف عليكم اكثر


تقبلوني معكم ؟؟؟

 

[حنان الذكريات]

السلام عليكم..
تدرون عاد باقول لكم حديث عن الإمام علي عليه السلام(من اقتنع بالموجود استهان بالمفقود))..
يعني خلي المفقود شي عادي..إللي هو الرجال..أدري بتقولون مستحيل ومانقدر وشي من هالكلام..بس كبروا الموجود..من وظيفة من مركز عائلي واجتماعي..من ثقتك بنفسك..وإن شاء الله تحصلون كل خير..

مشكووره حبيبتي على كلامج ...والله انه كلامج صح 100%
وان شالله ربي يعطينا على قد نيتنا

 

[آلسحرآلحلال]

سحووووووووووور

تدل على الستر والزواج

مبروووووووك مقدمااااااا

هههههههههههههههههههههههههههههه

ماعتقد لالالا ... لي سنة احلم ويطلع التفسير زواج وماشفت شي ...~
مشكووورهـ مناير تعبتج ويااااااي ...



بط جبدي المنتدى مو قاعد يفتح

 

[unapproachable]

خوش تجميع ... انا عمري 25 بس مطلقه وماجربت الزواج الصجي واعتبر نفسي ماتزوجت لانه ماكان رجل بمعنى الكلمه وعجبني كلام الاخت : (من اقتنع بالموجود استهان بالمفقود) انا قبل كنت احاتي مااتزوج واول ماتزوجت كانت تجربتي سيئة الى أبعد الحدود وسبحان الله حسدت وحده معانا بالعايله لان عمرها صك الاربعين وماتزوجت كنت اقول ياحظها ياحظها ماتزوجت وشافت هالعذاب بس اتوقع الزواج غير عن تجربتي انا كان معتقل قوانتينامو مو زواج

عموما انا بعد احلم بالزوج الصالح واتوقع حلم كل بنيه واتمنى من كل قلبي الله يرزقكم بالزوج الصالح ولاتنسون تدعون بالزوج الصالح مو بس حيالله زوج لان النفس غاليه وحرام تخلين واحد مايسوى يكون زوج لج

عموما عسى الله ياربي يرزقكم ويوفقكم في حياتكم

 

[أخر العنقود 2007]

حياج الله معانا بروشبل
ما ادري هذا ترجمتي لاسمج
كلامج صح اما زواج عدل ولا بلاش

بس الواحد مرات ودة يجرب حتى لوكانت تجربة فاشلة احس احساس انه احسن من القعدة نجرب ونرد

بنات شرايكم بزواج
الفريق الاول من رجل عندة زوجة وبيت وعيال بس هو يبي يتزوج انتي ولا غيرج
واحد مطلق وعنده عيال ويبي يتزوج بعد الانفصال
واحد ارمل وعنده عيال كبار يعني ابتداي متوسط
عفية نبي تفاعل ومشاركة وكل وحدة تقول لو جاهة واحد منهم منو تفضل وليش عن نفسي ابدء

احممم

راح افضل الارمل
بس اذا جاء المطلق راح اد رس حالته ويمكن اوافق

انتو شنو تختارون ورايكم يهمني

 

[الـــدفـــشـــة]

والله كلهمـ يجيبون الكآبه

اتمنى يجيني واحد لامطلق ولاارمل ابي واحد بقراطيسه هههههههههههههههه

بس من الي قلتيه افضل (واحد مطلق وعنده عيال ويبي يتزوج بعد الانفصال )

اهئ اهئ

 

[آلسحرآلحلال]

وااااي


ليش جذي اخر العنقود يعني ماكو اعزب يديد بقراطيسة لوووول ...~

موبي موبي ابي نيو

 

[سعودية واضحه]

ههههههههههههههههههههههههههههههههه ممكن انا اوافق على االارمل لانو عاش مع زوجته وعياله يمكن بسعاده والحين ماتت من حقه يتزوج


بس كلهم مش ولا بد نبي نيوووووووووووووو هههههههههههههههههههههه

 

[sunwater]

أنا عمري 28 و للحين ما تزوجت .... واااايد صرت أتحسس من هالموضوع! واللي يبط الجبد التعليقات اللي مالها لازم ... مثال:
- حساااااااافة عليج!
- والا لما أكون بيمعت حريم و بنات و تنط وحدة ملقوفة وتقول ليش للحين ما تزوجتي! وأقول لها نصيب! وتقول يعني شلون نصيب! محد أييج؟ والا انتي تتفلسفين! وطبعا كل هذا بصووووووت عالي وجدام كل اللي قاعدين!
- والا يقولون ايه الحين ما ينفع الجمال! الحظ حق الجياكر!( يعني هذا حجي بذمتكم !)
- والا أقعد بجلسة حريم و ينطون بنات انزق بعمر 18-19-20 و يقولون امبيه نبي نتزوج ... امبيه عنسنا! لازم نتزوج قبل ال 21!
بصراحة قمت أتهرب من هالقعدات اللي ما وراها الا ضيقت الخلق.. وروتيني اليومي:
دوام -- بيت---نادي بعض المرات أو نوووم ليه المغرب --- أتغدى --- أجابل النت ---الساعة 11 آخذ شور وألبس بجامة بيكوكس و أفصح عدساتي و ألبس نظارتي و أجابل ام بي سي أو فوكس موفي أو أشغل فيلم لين انااااااااااام
مرااات أطلع مع رفيجاتي مع انهم كلهم تزوجوا و ماعندهم غير سالفة كبرنا وليش ما تزوجتي! و مرات أطلع مع أمي و خواتي.. و سورييي طولت

الله يعينج حبوبه
واحنا كلنا خوات اهنيه ولنشالله اييج نصيبج

 

[آلسحرآلحلال]

آب



آب



وينكم

 

[علولي]

وسعوووووووووووووووو الدرب

علولي الحلوة وصلت

سمعت سالفة عرسان جيت ناطة

لووول


لا انا عن نفسي ممكن اوافق على الارمل او مطلق
بس متزوج لا
صعبة

brooad حبيتي ما عليكم منهم وعيشي حياتك
اذن من طين واذن من عجين

 

[آلسحرآلحلال]

^^

هههههههههههههههههههههه

اي عرسان هذولا تسمينهم عرسان

 

[دانه الدنيا]

صباح الخير

شلونكم وشخباركم
بنات اشفيه المنتدى مخرف
انا كانت مشاركاتى فوق الالف وبالعافيه يالله وصلت رد قرى الحين وصارت 800 مشاركاتى ليش

 

[دانه الدنيا]

سحوره ماتعرفين شنو صار على موضوع الحمله الستر والزواج مومحصلته

 

[آلسحرآلحلال]

^^

اي ولله غريبة ليش مشاركاتج انزلت .... سألي الادارة احسن ...

لا ولله مادري عنة قبل امس دخلتة كان موجود شوفية يمكن بصفحات اللي قبل ....
ويمكن بيسون واحد يديد ...!!

 

[أنوثهـ حتى الثمالهـ]

صباح الخير
بنات انا اكتشفت قمة الغلط اننا مانتزوج قبل ال21
صراحه هوشاتي مع امي كثرت شكلي بازوجها بدال لااتزوج
ليش الام ماتقدر بنتها؟ ليش تحس انها ماتفهم ؟؟ وانها بحاجه لارشاد شلة العجز اللي تتقهوى وياهم كل يوم الصبح؟؟
ليش مطلوب مني امشي على الخطة التراثيه للجيل الخامس عشر قبل الميلاد؟؟ ليش الحريم الكبار مو قادرين يفهمون انه داخل راسي يوجد مخ ليش..؟؟

 

[آلسحرآلحلال]

^^


ههههههههههههههههههههه...~

واللي يقولج عمري بيصك 23 وامي حتى الحين تعاملني جني ياااااااااااااهل
واذا قلت لهاا ,, < اذا تزوجت بتضلين تتحكمين فيني قالت لا غير بتكونين كبيرة @@ شنو يعني بظل ياهل لين اتزوج
واذا صار عمري 30 وماتزوجت هم بكون ياااااهل << !!!!!

لله يعين بس

 

[آلسحرآلحلال]

آب


آب

 

[أنوثهـ حتى الثمالهـ]

صباح الخير
وينكم؟؟؟