عمره 18 , وعمرها 27 , ينفع يتزوجون ولآا شرايكم , . . ؟؟

[الجورى 2007]

بصراحة لازم تفكر بعقلها مو بقلبها

هى الحين معجبة بالولد من كلمها وماتنلام هى تمر بحاله بعد وفاة زوجها وهالفترة المراة ماتكون بحالتها الطبيعية اللى تقدر تتخذ القرار الصحيح لانها
تعيش بفراغ عاطفى ..
والولد امه طبعا والله يصبر قلبها بعد وفاة اخوة تبى شى من ريحة الغالى وبنت اخوه وارملته لويكونو عندها تحس شى يسد مكان شى وهو شايف حزن امه وبهالزواج راح يسعد كثير امه وبنت اخوه اللى ما يبونها يربيها حد غريب..

وصدقينى الولد قاعد يحط مبررات للزواج انه مو عاجباته بنات الجيل هذا بس هو قاعد يحاول يتقمص دور المنقذ لانه صار رب العايلة..


وهو صغير ما نضج للحين وتفكير وقرارات الصغير غير لما يكبر بعد , يعنى لما كنتى 18 هل احلامك نفس سن 25 وتفكيرك الحين نفس تفكيرك قبل خمس سنين كل مرحلة ولها تفكيرها لما نتذكر اشياء بمراهقتنا نقول شلون كنا نعجب بهالشخص ونضحك...


ولما نصارع ضغوط الحياة والدنيا مو كل ايامها عسل والواحد لما يغضب يقول كلام ما يدرى شلون طلع منه فتوقعى اى خلاف بينكم راح يذكرك بعمرك ويجرحك لو الفرق سنه او سنتين ممكن بس الفرق كبير

والرجل مهما كانت عنده ملكة جمال راح يطالع الا من عصمه الله ..وراح تتحسسى من اى كلمة يقولها ,,,


وصدقينى اذا الله كاتب لك بتتزوجى وعسى ربى يعوضك باللى يسعدك واذكرسالفة قالها لى زوجى واحد تزوج ارملة اخوه وقضو ليله الدخلة بالبكى وهو يقول اتذكر اخوى اعتقد صعبة والارزاق عند ربى


واتمنى افدتك وعسى ربى يسعدك دنيا وآخرة يالغلا

 

[G!RLooNa]

امبيه بنات شنو العمر مو مهم و قد المسووليه والله لو شنووو ياهل عمره 18 شالله حاده ياخذ وحده اكبر منه ب10 سنين و عندها بنت حرام بينظلم والله لو اهوا راضي موقاعد يفكر عدل و بيتحسف بشيل مسووليه اكبر منه واااااااايد و اهوا بهالعمر ما استانس بشبابه :/

 

[Sr@ab]

رد : عمره 18 , وعمرها 27 , ينفع يتزوجون ولآا شرايكم , . . ؟؟

مشكؤوورين ع إالردؤود , والإهتمآام , ولو والإحترآام وآاجب لك وجهآات إالنظر


وإاللي يبؤون يعرفؤون كم صآار على وفآاة زوجهآا إالمتوفي أالله يرحمه

5 سنوآات

 

[*peace*]

رد : عمره 18 , وعمرها 27 , ينفع يتزوجون ولآا شرايكم , . . ؟؟

امبي توه كتكوت لووووول


واللي باط جبدي ان السنه اللي طافت كان عمره ١٧ @@ امبي صغيييييييير

 

[إيمي1987]

رد : عمره 18 , وعمرها 27 , ينفع يتزوجون ولآا شرايكم , . . ؟؟

قسمه ونصيب سبحان الله

عسى الله يوفقهم يا رب

ودام عقله واعي وكبير ليش لا

 

[عيش ومرق]

رد : عمره 18 , وعمرها 27 , ينفع يتزوجون ولآا شرايكم , . . ؟؟

والله ياحتش أشوف انها كبيرة علية واجد

بس شوفي رايها وراي الولد اذا هو مقتنع او لا

 

[ايمانو حلوة]

كيفهم

 

[f@rsaq8]

الاستخارة

 

[نورعيونك]

لا اتوقع وااااااايد في فرق يعنى موسنه سنتين ثلاث لا وايد حيل بعدين المرا شكلها اكبر من الريال باربع سنوات يعنى مع هلعمر لا حرام والولد توه صغير يعنى باجر بيصير عشرين اهي داخله بثلاثينات صعبه

 

[ساره.]

رد : عمره 18 , وعمرها 27 , ينفع يتزوجون ولآا شرايكم , . . ؟؟

لاوايد صغير.... المشكله لين وصلت الخمسين يكون اهو بالثلاثين بعززززززززز شبابه

 

[الصداقه]

وايد كبيره عليه وبعدين اهو صغير شكله مو متوظف ولا قد المسؤليه اذا هم متفاهمين الله يوفقهم ويتمم عليهم بالخير والنعمه

 

[كتكات احمر]

مو من صجكم قص ولصق ؟؟؟؟؟؟؟؟؟

 

[ام يوسف الكويت]

انا بالنسبه لي ما اتزوج واحد اصغر مني بيوم مو اصغر بسنه

هالدور اخذلي واحد اصغر مني بمليوون سنه صعبه حيل
نفسيتي ما تتقبل اتلوع جبدي احس قاعده مع ياهل بربس

بس اذا اهيا عادي عندها ومتقبله كيفها
خل تشاور اهلها بعد مو بروحها توافق او ترفض
لان اكيد نظرة الاهل غير
ونصايح الاهل غير

الله يكتب لها اللي فيه الخير

 

[جنون العشق]

حيل صغير وفرق بينهم حرررررررررررررررام

 

[ظل الياسميـن]

الزواج قسمه ونصيب
مالها الا صلاة الاستخاره

الله يكتب اللي فيه الخير

 

[AL ANOOD]

المشكلة مو بفرق العمر .. لان لو كانوا منسجمين مع بعض تنحل
لكن المشكلة الهدف ورا الزواج


ياربي المرا مو وراثة .. مات الزوج يورثونها اخوه ... وشلون تتخيل روحها معاه .. اصلا الولد شلون رضا يكون مكان اخوه
وووووويييييييييييع لوعة جبد


صاحبة الموضوع لا تزعلين عفيه

 

[ابدا يالغالي مانساك]

الزوااااااااج قسمه ونصيب
ويااااما ازوااااااج اصغر من زواجااااتهم والعمر مااااااايعق
المهم دامه كلمته واهي تعرفه قبل لاتاخذه مو حمااااااه وتعرف تفكيره
وهو اللي حااطها بباله مو اهي
يعني
كل شي مكتوب عند رب العباااد وربي يوفقها ويسر لها اموررررها

 

[فلنتينو]

امممممممم
صغير عليهاااااا بوااايد
الله يكتب اللي فيه الخير

 

[نونه المنكوشه]

صعبه اول شى اوهوه لين الحين ياهل واللى بعمره لين الحين ياخذون مصروفهم من اهلهم وبعدين لواهوه يعنى ب29 واهيه باواخر ال30 يعنى ممكن لكن هذا ياااااااااااااااهل وثانى شى شلون اتقبله اخوى ريلها ياربى مادرى شلون احسه وع الحين ريايل بالثلانين وياالله شايلين المسؤليه شلون عيل هذا توه ياهل عموما موفقه

 

[سنااااي]

والله سالفتهم صعبه والاستخار بهالامور ضروريه الله يكتب لها اللي فيه خـــــــــــــــــير,