عمره 18 , وعمرها 27 , ينفع يتزوجون ولآا شرايكم , . . ؟؟

[Miss Chanel]

شلون تاخذ اخووه صح مو حرام بس مادري

مادري الله يكتبلهم الي فيه خير ..

 

[غلاA]

الله ييسر لها تستخير احسن صج صغير بس وين العيب اذا كان قد المسؤوليه

 

[*ريما*]

صعبة حييييييييييييييييييييييل
توة صغير
لاتوافق احسن لها
والبنت مو ضايعة

 

[رهيبة قطر]

مشاء الله عليه صج رجال دام هذا تفكيره

بس المشكله ان الرجال اذا اكبروا مايبين عليهم العمر نفس الحريم اشلون لو كانت اكبر منه

 

[ترجمة احساس]

تستخير والله يوفقهم

 

[ميااااار]

حتتتتتى لو هو اللي طالبها شلوون توافق @@

حيييل صغير الولد

هي شلوون راح تتقبل انها تاخذ شخص بهالعمر @@

 

[اشتياق]

هالامور توافيق من رب العالمين

مالنا فيها راي..

 

[بيت التوت]

شكلها مقتنعه فيه وتبيه البنت

واااااااايد جبيره عليه وااااااااايد وماراح اتبين سلبيت الموضوع الحين لاء
راح اتبين عقب اسنين من الزواج ويمكن راح تتحسف

لان الودل تفكيره مو ناضج كلش ومايبي يتزوجها ع شان البنت كلها بنت وحده مو ثلاث اربع

اقول تستخير احسن

والله يوفقهم

 

[ملوكة الامورة]

الله يوفقها

 

[رذآذ آلمطر]

صغيرررر حيل ياويلي

الله يكتب لهم اللي فيه الخير لهم

 

[كنوووونه]

اهوووو الحين يبي بس بعدين بيأخذ وحده عليها الانها كبيره عليه بوايد بعدين يدور اللي كبره ولا يمكن اللي أصغر منه
واهو يمكن مأخذته الحنيه شوي على بنت اخووو وعلى امه الانه قالها ماكو احن منج على امي
برأي الشخصي لا تستعجل بالموضوع>>>>>>الانه شكثر اخوان خذووووا حريم اخوانهم وتزوجوا عليهم

 

[مناير ...!]

هالزواج فيه ظلم للولد
بعده مراهق ماتهنى بشبابه
ينظلم مع وحده اكبر منه بعشر سنوات
وعايشه مراهقتها وشبابها
ومتزوجه وجايبه بنت بعد !!

يعني قمه الظلم للشاب
بتمحي سنوات من مشواره بالحياه

 

[ايمان_22]

اشوف ان زواج مناسب !
تتزوج انسان عنده احساس حتى لو18 سنه

 

[نفهمها صح]

الله وكبر الله وكبر
ياخذوون بنتهم عندهم هم عند اهله
يعني تربي 2 حرااام تضلمه وتضلم نفسها ​

 

[جولينار]

المسأاله تخلتف من وحده لوحده ومن تفكير لتفكير ..


عن نفسي ماراح اخذ واحد اصغير مني

انا 27 = قربت ع الثلاثين

والرجال 18 = تووه مراهق وماادخل العشرين بعد

نو وي ,,


اساسا المرأة تنضج فكريا قبل الرجال

فمابالك بهالفارق الكبير اللي بينهم ,,

 

[ايمان_22]

يا بنات ترا البنت ارملة اخوه وعندها بنت يتيمه
يتزوجها ..ويقولون أهل علم الجسد~ ان المرأة تنضج جنسيآآآ بالثلاثينات من عمرهآآ .. هو>> فورة جسد المرأة واستمتعاهآ ومتعتهآآآ

 

[حبيبي وبس]

قوويه الصراحه فرق كبير اصلا لما اشوف ولد بهالعمر احس انه ياهل مايفهم شي ولا يفكر الابااشيا تافهه الا من رحم ربي

 

[Tutti-Frutti]

الموضوع قديم
ماندري شصار عـ البنت تزوجت ولا لا


بس ردود البنات مثاليه وايد

بالذمه بالذمه الحين الرياييل شكبرهم عقولهم صغيره
هالمره صغير توه 18؟

واهي كبيره ترى 10 سنين بينهم مو شوي جيل كامل!

متاكده 100% انه ولا وحده فيكم بترضى لو كانت مكانها

بعد جم سنه البنت تكبر واهو توه بعز شبابه بيقعد يقارن بين زوجته الكبيره والبنات ويقول انا توني صغير ومرتي شكبرها!
يا انه يقعد يلعب ويونس روحه
يا يروح يتزوج وحده ثانيه

وبعدين على قوله وحده من البنات .. ترى المرا مو وراثه اذا مات الزوج خذاها الاخو!
شلون اتزوج اخو زوجي حتى لو عقب ما توفى

شلون احبه وكنت احب اخوه؟ شلون اقوله كلام كنت اقوله لـ اخوه!!

وضع غريب

 

[عبير العنزي]

سيدنا محمد عليه افضل الصلاة والسلام تزوج من السيدة خديجة كان فارق السن بينهم 15 سنة ومع ذلك كانت هى احب الزوجات لقلبه ولكم فى رسول الله اسوة حسنة


اتمنى اعرف شنو صار؟

تزوجته والا لا

بس احس 18 وايد صغير

خل تنطره يكمل ال 20 او 22

واهي خل تحافظ على جمالها دايماااااااااا

 

[عاشقة هواك]

رد: رد : عمره 18 , وعمرها 27 , ينفع يتزوجون ولآا شرايكم , . . ؟؟

بدام السالفه جذي خل تتوكل على الله وتقعد مع الصبي وتشوفه ايهو شنو تفكيره

وخل تنسا جانب العمر

وتفكر بكل شي ثاني

اذا ماشافت عليه شي وماكو عيب الا العمر

هذا مو عيب شرعي خل تاخذه الوحده شنو تبي بالريل غير الي يستر عليها

وهم بعد منو أحن على عيالها من عمهم

خل بس تدرس الريال زين

انا وياها :eh_s(17):