عندج استشاره قانونية -اتفضلي

[^DanaH^]

محامية كويتيه ؟؟؟؟؟!!!!!!!!!

وانا ؟؟؟؟؟؟؟؟؟ ماقلتيلي حل مشكلتي ؟؟؟؟ ص 8

 

[& شهد &]

جزاج الله كل خير محاميتنا وما تقصرين واكيد لو عندي استشارة ما بخليج

 

[المحامية هبة السهلي]

أنااااااااا عندي مشكلة معوره قلبي ... محاميه راح ادعيلج اذا حليتيها...

الله يسلمج طحت على خياطه (حسبي الله ونعم الوكيل) قصت علي سوتلي موديل وخلتني ادفع المبلغ كله تقريبا 200 دينار وعقب ماشفت شغلها لبدلة اختي غيرت راي وقلتها ابي فلوسي قالت لي العربون مايسترجع!!! واهي ماخذه المبلغ كاااااامل صارلي جم شهر لاخيطت عندها ولا خذيت فلوسي يعني خذت الفلوس وبس .... شنو الحل؟؟؟؟

سوري حبيبتي ما انتبهت الاتفاق تم بعقد ووصولات والا بالكلام بس ياريت اتجاوبيني

 

[^DanaH^]

هلا محاميه ...... اي بفاتوره وكاتبه عليها العربون لا يسترجع مع العلم انها ماخذه المبلغ كله .... وانا ابي فلوسي مابي شي منها ...

 

[المحامية هبة السهلي]

ام عبدالرحمن لازم اشوف الفاتوره حبيبتي كاتبه عليها شنو بالضبط اجمالي المبلغ ثم العربون والا غير

 

[sara3]

شكرا محاميتنا وعساك على القوة

 

[sara3]

شكرا محاميتنا وعساك على القوة

 

[sara3]

مالة عمر معين يعنى شكرا وعساك على القوة:eh_s(15):

 

[عذاري80]

الله يعطيج العافية وعسى الله يوفقج

 

[calemero]

الله يعينج على البلاوي اللي بتتحذف علييج

 

[thalja]

السلام بغيت استشيرج يامحامييتي العزيزه عن موضوع بسيط اهو اني عايشه في بيت اهل زوجي وهو وحيدهم واعاني مشكله مع خواته من تحرشات ومضايقات وانا عندي ولد واحد ومعطيني غرفتين اصغار وبينهم حمام بس ماعندي خصوصيه وشغلي كله يعرفونه ومدخل البيت واحد ادخل واطلع يسالوني وين رايحه يعني عيشتي مو نفس باجي المتزوجات
كنت بسالج ان من حق الزوج ان يوفر لزوجته نفقه وسكن وشلون احل مشكلتي لان زوجي مستحيل يطلع من البيت لان ولدهم الوحيد فبغيت اعرف شنو الوضع القانوني معاي وابي الحل تكفين

 

[المحامية هبة السهلي]

حبيبتي ثلجه القانون يفرض على الزوج توفير المسكن للزوجه وهذا المسكن لازم يكون يحقق للزوجه الخصوصيه ، وايضا يكفل القانون النفقه من نفقة الزوجيه والاولاد والخادمه ايضا

 

[الكريستال]

السلام
اول شي مشكورة محاميتنا على مكتب محاماة كويتيات الرائع
وحبيت أسألج شي
اذا الزوجة بعد 7 اشهر زواج طلبت الطلاق يحق للزوج يطلب المهراونصه ..؟؟ ولا لأ

 

[المحامية هبة السهلي]

تم الرد على الخاص يا كرستال

 

[الســ بنت ـلطان]

محاميتنا العزيزة

الف شكرا لج على هالملف الرائع والي قاعد يفيد الكل

وحبيت السألج عن قضيه عضل الولي...

ابي اعرف شنو يصير عقب ما يصدر الحكم...

لانه انا عندي قضيه من هالنوع..

كانت الاربعا وتأجلت الي الاربعا الي ياي.. وقايل القاضي انها راح تكون النطق بالحكم

وطلب حضوري وحضور شهود..

فابي أعرف هل هو راح يصدر حكم بالزواج.. وبجذي انا اطلع متزوجه ولا راح يعطينا الحكم وانا اروح المحكمه واملج اهناك ويكون القاضي ولي امري

ارجو الافاده..

تقبلي تحياتي..

بنت السلطان​

 

[*~هاجس~*]

السلام عليكم

اختي انا رفيجتي مطلقه وعندها 2

تاخذ نفقه من طليقها 170 دينار

تخيلي ... اجارها 165

وصافي معاشها 130 دينار واهم 3 وسكانه بروحها ومصاريف وبلاويوانتو تدرون

تبي ترفع قضيه بس ماتعرف وين تروح

مع احترامي للمحامين الاشراف في بعض المحاميين ماتهمهم مصلحه الموكل اهم شي الماده

وقالولها القاضي ماراح يحكم لج باكثر لانه متزوج

شتسوي بلله عليكم

ساعديها اختي اذا تقدرين والله ظروفها صعععبه تعاني المسكينه متبهذله


والله يعطيج الف عافيه

 

[المحامية هبة السهلي]

محاميتنا العزيزة

الف شكرا لج على هالملف الرائع والي قاعد يفيد الكل

وحبيت السألج عن قضيه عضل الولي...

ابي اعرف شنو يصير عقب ما يصدر الحكم...

لانه انا عندي قضيه من هالنوع..

كانت الاربعا وتأجلت الي الاربعا الي ياي.. وقايل القاضي انها راح تكون النطق بالحكم

وطلب حضوري وحضور شهود..

فابي أعرف هل هو راح يصدر حكم بالزواج.. وبجذي انا اطلع متزوجه ولا راح يعطينا الحكم وانا اروح المحكمه واملج اهناك ويكون القاضي ولي امري

ارجو الافاده..

تقبلي تحياتي..

بنت السلطان​

هلا حبيبتي قاللج القاضي الاربعا الياي موعد النطق بالحكم؟ واحضار الشهود؟
القاضي في قضية عضل الولي يطلب اثبات كفاءة الزوج ولذلك يسمع الشهود ويطلب من الولي الطبيعي احضار شهود نفي ثم يسمع الشهود من كلا الطرفين

وبعدها يصدر حكمه اما بالتزويج او برفض الدعوى او عدم كفاءة الزوج الى اخره

ثم تنتقل الدعوى لمرحلة الاستئناف للطرف المتضرر وبعد انتهائة يتم الحكم ثانية

 

[المحامية هبة السهلي]

السلام عليكم

اختي انا رفيجتي مطلقه وعندها 2

تاخذ نفقه من طليقها 170 دينار

تخيلي ... اجارها 165

وصافي معاشها 130 دينار واهم 3 وسكانه بروحها ومصاريف وبلاويوانتو تدرون

تبي ترفع قضيه بس ماتعرف وين تروح

مع احترامي للمحامين الاشراف في بعض المحاميين ماتهمهم مصلحه الموكل اهم شي الماده

وقالولها القاضي ماراح يحكم لج باكثر لانه متزوج

شتسوي بلله عليكم

ساعديها اختي اذا تقدرين والله ظروفها صعععبه تعاني المسكينه متبهذله


والله يعطيج الف عافيه

هلا حبيبتي بالنسبة لدعوى زيادة النفقه تستطيع الزوجه رفعها سنويا

اما ملاحظتج انهم قالولها مايزيدج القاضي فهاذي مسالة فيها كلام بحسب وضع الزوج والتفاصيل

بالنسبة لصديقتج راسليني على الخاص

 

[الســ بنت ـلطان]

هلا حبيبتي قاللج القاضي الاربعا الياي موعد النطق بالحكم؟ واحضار الشهود؟
القاضي في قضية عضل الولي يطلب اثبات كفاءة الزوج ولذلك يسمع الشهود ويطلب من الولي الطبيعي احضار شهود نفي ثم يسمع الشهود من كلا الطرفين

وبعدها يصدر حكمه اما بالتزويج او برفض الدعوى او عدم كفاءة الزوج الى اخره

ثم تنتقل الدعوى لمرحلة الاستئناف للطرف المتضرر وبعد انتهائة يتم الحكم ثانية

واشلون اذا الولي ما حضر لا بالجلسه الاولى ولا راح يحضر بالثانيه..

شنو الي راح يصير حزتها.. ينطق بالحكم.. ولا راح ينطر ولي الامر..​

 

[المحامية هبة السهلي]

واشلون اذا الولي ما حضر لا بالجلسه الاولى ولا راح يحضر بالثانيه..

شنو الي راح يصير حزتها.. ينطق بالحكم.. ولا راح ينطر ولي الامر..​

اذا كان الاعلان صحيح وقانوني على الاغلب انه راح يسمع الشهود اللي راح ياكدون كفاءة الخاطب ويطلب منكم تعلنون الخصم بتكليف الشهود ( على حسب القاضي ورؤيته للامور ) ثم يحجز الدعوى للحكم