عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

هلا بدلول والحمدلله على السلامة ومبروك ما جاكم

وحطي بالج من اخت النفاس .

والأولين ولي لحين يوصون نغطي كل شي حتى الأذون علشان لايدش الهوا.

 

[جاي الضحى]

السلام عليكم


عساكم بخير يا أهل الخير.

صبوره الحمد الله أنا بصحة وعافية حيه أرزق لاهين بأمور الدنيا إلي ما تخلص. انتي شدينا فيج يقلبي؟ عساج مرتاحه؟

دلوله ألف الحمد الله على سلامة أوخييتج ومبرررررروك ما ياكم ي/تربى بعزكم. أذنتو باذون البيبي؟ أقول حريم أول عندهم دوابير عن سالفة الكركم.

ريومه بشري عنج أحسن الحين إن شاء الله.

يا حيا الله كيوتي.

نونو حياج وقواج الله .

بنات تقلون أو تسمعون أحد يقول أنيطل؟ يعني أنسدح؟

والله يسمح درب الحاضرين والغايبين.​

 

[الصابرة المحتسبة]

هلا وغلا بجويهه توه مانور القسم

عساج على القوة ويارب يعطيج الصحة والعافية

 

[daloola]

وينكم ؟
من غير شر ماكو أحد
بدت المدارس وبدت اللوية

شخباركم كلكم

 

[الصابرة المحتسبة]

هلا دلول

صاجة بدت الدراسة والتحضير والحل الله المستعان

 

[daloola]

هلا صبربر
ماتشتغلين؟ والا جنج قلتي انج ربة بيت؟

شرايج اقط بنيتي عندج ...بعد عمري بريحاتها مع الخدامة عمرها 6 اشهر

 

[جاي الضحى]

قوه كويتييات؛

صبربر الله يعافيج انتي يالحبيبة الغالية.

دلاااالي رديتي دوام ؟ يا ختيييييييي 6 شهيرات. يا حلوه هالعمر مال تمطق. الله يخليها ويحفضها لج. :hjy5jewf:





سامعين "بنعال مجمجم" عزكم الله; يعني إنعال إم صبع. هههه.

أيام أول كانت المدرسه توزع على الطلبه اللبس والجواتي مو أي جواتي; جواتي لندنييه. الله يا قبل ما كو شي يقايش الإنقليزي إذا قالو لندني خلاص يعني شي جيد. هههه​

 

[راعية الذيب]

السلام عليكم

اشلونكم

انا بصراحه ما قمت اسمع كلمة امويهه

ولا اجويهه


وغيرها من السوالف

 

[الصابرة المحتسبة]

هلا دلول حطيها عندي بتلقى الدلال والوناسة والتنقز وباغنيلها شوط شوط يالبطة.................

جويهه هلا بالطش والرش صاجة قبل فليك لندن غير ولي سافروا البنات وردوا حزة المدارس وتجمعنا ووزعوا علينا هالفليك صوغة قبل.

هلا براعية الذيب

 

[daloola]

يا هلا ومرحبا
شلونكم ؟ شخباركم؟
بعد عمري صبربر ماتقصرين .... انتي راعيه الوناسه والدلال

جويهه...تعالي مطخيها ...تقعد اتدعدع ومستانسه

راعيه الذيب... احنا لي الحين نقول جويهه وامويهه وصحين و غدي ( تصغير غدا )

 

[الصابرة المحتسبة]

السلام عليكم

وين الحبايب ؟؟

 

[الصابرة المحتسبة]

مساكم الله بالخير والكرامة

جويهه يقلبي بشرينا عنج عساج بخير

 

[جاي الضحى]

صباح النور والبنور والسرور؛

صبووووره الغاااالية أبشرج اني بخير الحمد الله. والله شاهد انج والبنات اهني دوم على بالي. انتي عساج بعافية؟

أفنديا، دلوله، كيوتي، جولي، مويجه، بيتي، ريومه: ولهنا عليكم بشرونا عساكم بخير؟​

 

[orangeya]

السلاااااااااااااام علييييييييييييكم...

:hjy5jewf::hjy5jewf::hjy5jewf: بوسه لكم كلكم

شخباركم؟

حددددددددي ولهانه عليكم فردة فردة !!! لووول :dddds: يعني شخص شخص بس على مؤنث

توله عليج العافيه جويهتنا الغاليه.. وصبورة وكل البنات

مممم,,,

السؤال اللي يسدح نفسه : ماذا تعني كلمة (متشفّق)؟

بنات ,,,

ليلحين تقولون : مو منج من الواهي اللي فيج :eh_s(14): لوووووووول

عاد هذي حددددددها سهله يعني مالومج من الحرّه اللي بقلبج

 

[الصابرة المحتسبة]

هلا بالطش والرش هلا بجويهه وافندية

متشفق = ولهان مشتاق متشفق على شوفة خلي<<<< ههههه

 

[orangeya]

هلا هلا صبربر ,,,

وانتي صااااااااااااااح :ggdw:


وين البنات من غير شر؟ @@

اين انتن يابنااااااااااااات؟

ياقوم هلمّوووووووووووووووووووووووووووووووا ...

من الكلمات اللي صرت نادر ما اسمعها : بِشييييييه بِشييييييييه !!

بكسر حرف الباء وتضخيم الشين ..

يمكن بالعنقريزي تقرونها صح : beshaieeeh beshaieeeh


مع التعبير بحركة اليد حركة دائريه للتعبير عن الاستياء,,,

شرايكم فيني أ أسير صلح ابله عربي؟ :tomato2:

وممكن نختمها بقول : والله طرطرة !!!


تحسووووووون وحده تتحلطم من قلب لوووووول :dddds:

 

[orangeya]

بنات,,,

ماره عليكم كلمة (يتْحَصْلَق) ؟


توني سامعتها

 

[الصابرة المحتسبة]

هلا بافندية الغايب حجته معاه وعساهم كلهم بخير
ويتحصلق= يتمصلح<<< اليوم اشوفج اتحصلقين عندي قولي شتبين؟؟؟
عدل ولا انا غلطانه؟؟

 

[جاي الضحى]

يا حيا الله أفندياتنا؛
انتي لو أبلة أشهدلج انج راح تكونين من خيرة المدرسات. الله يحفظج.

ههه يا حلوهم إلي يتحلطمون. فيه كلمة ثانية حق التحلطم إلي اهي تقرطم. إتضحكنيني هالكلمة.

وعلى طاري التحلطم والتقرطم ذكرت كلمات مثل معصي وحامض على بوزج إذا إنقالولي هالكلمات تعالي سمعي التحلطم. ههه. لا أنا عاجل ما أتحلطم.

صبووووره صاجه الغايب حجته معاه. الله يوفق بناتنا. وإجابتج بلي أعرفه عدل مدل.

ودام يبتو طاري يتحقلص بذكر كلمة يتحرقص و يتحرمص يعني يحتر ويموت قهر. ههه. الله يبعدنا عن هالشعور. :hjy5jewf:

 

[الصابرة المحتسبة]

هلا بجويهه

قبل ياكثر ما نحر بعض لا واذا تزاعلنا خذينا الاصبع الضغيرومسحناه بالحلج وقلنا محاربينج