عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

مدنقر=مطنفر معصب وزعلان

 

[الصابرة المحتسبة]

باب بوخوخة

 

[الصابرة المحتسبة]

وهذا المزلاج

 

[الصابرة المحتسبة]

والدهريز اهو اللي يطلعج على الحوش درب ضيج

منو تعرف الروشنه؟؟؟

 

[daloola]

الروشنه
مثل رف بس يكون داش بالطوفه ... يحطون فيه اغراضهم
( جنه دريشه بس بدون زجاج )
مو قادره اوصل لج الفكرة .. بس تعالي بيتنا ابوي مسوي له رواشن بالدوانيه

شرايكم فيني وانا راجعه لكم بقوة

 

[ريم الرشيقة]

انا كله اقرا الموضوع ولا اشارك عاد انا غرامي الحجي الاولي ودايما استعمله ويطنزون علي يقولون لي شنو عيوز
كلما اتذكر باكتبه

 

[ريم الرشيقة]

الأوليين قالو
لي صارت الوحدة حامل بشهرها وموصلة حددها قالو عنها باطش
لي شافو الوحدة زعلانة قالو لها ليش حاطة كور الحزن على راسج
ليه صارت البنت صوتها عالي وجريئة قالو بيعارية أو اشهالبعارة
لي صارت جريئة قالو يرعة
لي صار العيش مخترب وفيه ريحة قالو مخمخم
اذا صار جم حبة تمر متلاصقة قالو فندوس تمر
ليه صار المرق بدون لحم قالو مرقة هوا
ليه صار مرق السمج السمجة مقلية قالو قلية (لأن اذا مو مقلية غير )
واذا صار مرق البيديان على بيديان مقلي قالو عنه مسمَن
لي صار الريال بدون قترة قالو محسر
واذا صارت المرة متافافة بالعباة عدل قالو مكبعة بعباتها
الزنجبيل يرنزبيل
البقدونس بعدونس
اذا وصل شخص عزيز وقريب من السفر قالوله قرة عينك
ويرد عليهم بوجه نبيك
والواحد اللي ما يكفيه اللي عنده وعينه في اللي عند غيره
قالو عنه طفس او اشهالطفاسة

 

[ريم الرشيقة]

ولنا عودة وبعدي ما خلصت وقبلوني ضيفة عندكم

 

[الصابرة المحتسبة]

حياج الله ياريم والعين أوسع لج من المكان

دلول اعرف الروشنة يعمري بس بغيت بناتنا يعرفونها

 

[الصابرة المحتسبة]

منو اللي بتحل هالغطاية؟؟؟؟؟؟؟؟

أبوج في البيت ولحيته بالسكه؟؟؟؟

 

[ريم الرشيقة]

وفي ناس للحين يسمون المكسر


خري


السؤال اللي كله اسأل خواتي اهوه


شنو جمع خري ؟؟؟؟

بريييييييييئة

 

[ريم الرشيقة]

لا واذا وحدة مترددة تتكلم نقول لها بطي الجربة


بعد انتي لا خليتي ولا بقيتي

 

[ريم الرشيقة]

تعلمت من امي اغاني حق اليهال
مثل

لا اله الا الله
حمدة وحميدة
ضفاير سود
والكحلة يديدة

 

[جاي الضحى]

صبحكم الله بالخير والنور خواتي؛


صبربر ما اكو أحسن من الصور...قواج الله يقلبي.

وهذي صوره حق الروشنه

دلوله يا حلوج؛ الله يعطيج العفو والعافية ويعافي إميمتج يا رب و الله يسهل على إختج ولادتها.

ريومه حياج الله بينا وهذي الساعة المباركة ان تعرف على وحده مثلج وشرواج؛ مشاركاتج شيااً عدل. أفا يتطنزون عليج؟ قوليلهم هذا الحجي الأصلي و إلي ماله أول ماله. قواج الله وفيج البركة يا ريومه.

يالله بهالايام الفضيلة انك ترحم اهلنا وتحرمنا برحمتك.

منو اللي بتحل هالغطاية؟؟؟؟؟؟؟؟

أبوج في البيت ولحيته بالسكه؟؟؟؟

منهي تعرف حل هالغطاية؟ :ggdw:

 

[ريم الرشيقة]

وا خزياه
ما أعرف
شالدبرة
أنشد أمي

 

[Betty]

أرسل أصلا بواسطة الصابرة المحتسبة
منو اللي بتحل هالغطاية؟؟؟؟؟؟؟؟

أبوج في البيت ولحيته بالسكه؟؟؟؟

المرزام صح

 

[الصابرة المحتسبة]

اللهم آمين ياجويهه
ماعليه ياريم سبقتج بيتي بحلها

 

[الصابرة المحتسبة]

Betty: وتستاهلين هالهدية صندوق مبيت

 

[الصابرة المحتسبة]

يلا الغطاية الثانية

رقيق طحنه ، لذيذ طعمه ، ينبت عظمه على لحمه ؟؟؟؟

 

[ريم الرشيقة]

تذكرت غناية يقولونها المتان حق الضعاف والعكس
هي تقول
يا عصاجل يا مصاجل
حبي لج بالقلب صاجل
خششيني دسسيني
عن دبادب لا تجيني


وترد عليها المتينة وتقول

يا متينة يا متينة
يا دكاكين المدينة
خششيني دسسينس
عن عصاجل لا تجيني
يحليل الأولين