عندي عجيبنة البف باستري شسوي فيها

[أم راشد المطيري]

السلام عليكم



عندي عجينة بيف باستري ابي احشيهم بس ما ادري شنو الحشوات اللي تطلح للعجينة ابي حشوة البيتزا حشوة السبانخ بالمشروم

ياريت الطريقة بالضبط

مشكورين وما قصرتوا

 

[جارة القمر]

رد : عندي عجيبنة البف باستري شسوي فيها

تفضلي طلبك::


http://www.q8yat.net/showthread.php?t=162983



http://www.q8yat.net/showthread.php?t=764019

 

[om deaj]

حبوبة انا احمس لحم مفروم واحط عليه بهارات واقط عليه علبة بزاليا او اذا تحبين خضار مشكلة مثلج وخليه على نار هادية لين تستوي الخضار واحشيها فيه وسويها مثلثات وحمريها بالفرن
يميييييييييي تهبل ريوق وعشا
وهم تقدرين تسوينها بجبن
او صلصة البيتزا مو وايد وقطعي معاها فلفل بارد+زيتون اسود شرايح+جبن موزاريلا+مشروم واحشيها

 

[أم راشد المطيري]

مشكورة جارة القمر وام دعيج

 

[f-a-r-m-l]

رد : عندي عجيبنة البف باستري شسوي فيها

حبيبتي احلى شئ حق البف باستري جبن كرافت قطعي اربعه وحطي كل امثلثه جبن كرافت وصكيها زين وضغطي بالشواكه على الاطراف وبعدين غمسيها بالبيض وبعدين الزعتر وقليها اول ماتنتفخ اقلبيها بسرعه


وثاني طريقه كريمه مع الدجاج :rerrerek:

 

[f-a-r-m-l]

رد : عندي عجيبنة البف باستري شسوي فيها

صينية البف باستري بالسبانخ ​

منقووووووووووله لعيونج :hjy5jewf:

.. لذيييذه وخفيفه .. بالصــــور ​

​

المقــــــــادير :​

بف باستري
3 صدور دجاج
7 ملاعق طحين
علبة قشطه
كاس جبنة بوك
سبانخ
بصله مفرومه ناعم
علبة مشروم مقطع
كاس ماي مرق الدجاج ..​

الطريـــقه :​

نسلق الدجاج ونفتته ..​

بعدين في قدر نحط شوية زبده وزيت ونحمس البصل ..​

وبعدين نحط المشــروم ..​

​

ومن عقبها السبانخ ..​

​

ونخليهم على نار وسط لمدة 5 دقايق ..​

​

نحط الدجاج على الحمســــه ..​

​

و الجبـــــــــن..​

​

والقشطــــــه ..​

​

ومكعب ماجي .. انا حطيت 2 لان اللي عندي صغار ..​

​

ها الخطوه ممكن تستغنون عنها انا مرات يوم اكون مستعيله ما اطبقها ..
7 ملاعق طحين + كوب مرق الدجاج ..
تخلطينهم وتظيفينهم للخلطه وتتركينهم على نار هاديه اللين تمتزج الخلطه وتتماسك ..​

​

بعد ما نرفع القدر من على النار نفتح الفرن عشان يسخن و نجهز بايركس مفروش بالبف باستري بها الطريقه ..​

​

بعدين نحط خلطة السبانخ في البايركس ..​

​

وتزينين الوجه بالطريقه اللي تحبينها ..​

​

انا قطعت البف باستري يالطول وزينت الصينيه بها الطريقه .. ​

​

تحطينه في الفرن لمدة نص ساعه او اللين ما تحسين انه البف باستري بدا ينتفخ ويستوي لونه قريب الذهبي اطلعينه ..​

​

 

[الجووورى]

عندى طريقه ان شاء الله تععجبك تحطين طبقتين مع بعض وتكونين مسويه لحم مفروم حمسيته عدل الاول بالمقلاه بروحه لجل يصفى الدهن ماله وبعدها حطيه بالمشخاله لين ينزل الدهن كله
بعدها قصصى بصله وفلفل بارد من كل نوع وحده بالعدد احمر والاصفر والاخضر وعقب لا تحمسينهم عدل حطى فوقهم اللحم المفروم وبهاراتك فلفل اسود وملح وذره كركم وحوسيهم عدل وقفشه معجون وحوسيها معاهم
بعدها طبقتين وتلفينه ولجل مايتبطل خلى كسرى بيضه يمك وحطى على الاطراف وحطيهم بالبايركس او صينيه تيفال بعدها تجطينه بالفرن من تحت اذا فرنك حامى 10 دقايق من تحت وحق فوق تكونى مذهبه جبن موزيرلا واقشوان مع زيتون اسود ورشيها من فوق وخمس دقايق بس فوق عاد الجبن كميته على حسب ماتحبين انا عن نفسى ازيده والطعم يم يم وادعيلى

 

[f-a-r-m-l]

رد : عندي عجيبنة البف باستري شسوي فيها

فطائر البف باستري بالدجاج بالصور​

​

​

​

​

المقادير​

​

​

​

​

​

30 مربعة بف باستري كامل الدسم ​

7 م ط زيت أو حسب الحاجة
2 بصل وسط / 2 فص ثوم ( مفروم بالماكينة )
2 م ص كاري + 2/1 م ص / كركم + كمون + كزبرة ناشفة + رشة غارماسالا
1 حبة بطاطس وسط مقطعة أعواد صغيرة بالماندالين ( منقوع في ماء )
500 غ دجاج مفروم بالبروسيسر
3 م ط بزاليا مجمدة
1 م ط فلفل رومي أحمر مقطع صغير وزيها أصفر
2 م ص كاري محمرة في 1 م ط زيت
فلفل أحمر مجروش / ملح / بقدونس 3 م ط
جبن سائل لدهن العجين ​

​

الطريقة ​

​

ذبلت البصل 3 – 4 دقائق بدون ما يتغير لونه – ثم أضفت الكاري وقلبته 1 دقيقة ​

​

​

​

وأضفت البطاطس وقلبته كم دقيقة ( بدون ما يطرى تمام ) ثم أضفت الدجاج وقلبته حتى فكت الكتل كلها – غطيته دقايق حتى نشف - ​

​

​

​

​

​

أضفت الفلفل الرومي وقلبت – ثم البزاليا وقلبت وغطيته شوي ​

​

​

​

أضفت الكاري المحمر بالزيت وقلبت شوي – رفعته عن النار وأضفت البقدونس وقلبته وغطيته ​

​

​

​

نفكك مربعات البف عن بعض ونتركها تفك شوي على صينية - - ندهن البف بشوي جبن​

​

​

​

ونحشي ونسكر مثلث أو نص دائرة​

​

​

​

​

​

ونرص في الصينية وندهن بيض وندخله الفرن الساخن وبعد 10 دقائق نولع من فوق شوي حتى ​

ياخذ لون وينتفخ ونسكر الشواية ونكمل خبزه ​

​

​

وبالف عافية على قلوبكم​

​

​

​

منقوول​

 

[ام دليار]

رد : عندي عجيبنة البف باستري شسوي فيها

البنات ماقصرو يم يم

 

[f-a-r-m-l]

رد : عندي عجيبنة البف باستري شسوي فيها

أختي دايم تسوي هالحلا من رمضان إلى رمضان لووووول

و أمس قررت تسويه للدوام

مقاديره بسيطه و متوفره بكل بيت​

عجينة البف باستري الكيسه كامله كما في الصوره أعلاه 10 مربعات
علبة قشطه أي نوع
ظرف دريم ويب
ظرف كريم كراميل

للتزيين : قرفه + سكر بودره​

الطريقه​

1 - نقطع الشريحة الواحده من البف باستري إلى أرباع كما في الصوره​

2 - نخبز هذه القطع في الفرن حتى تتحمر قليلاً من الأعلى و الأسفل​

3 - نخلط مقادير الكريمه " القشطه + الكريم كراميل + دريم ويب " بخلاط الكيك أو المشبك اليدوي و ممكن وضعها في الثلاجه لتبرد و تتكثف قليلاً​

و الخطوه الأخيره نحشي قطع البف باستري بالكريمه و نزينها بالقرفه و السكر البودره ​

و هذا الشكل النهائي يمي يمي ​

ملاحظه : الكريمه زادت عندنا
ممكن تزيدين عدد قطع البف باستري إلى 14 مربع بدلاً من 10​

إن شاء الله يعجبكم
و بالعافيه​

​

 

[f-a-r-m-l]

رد : عندي عجيبنة البف باستري شسوي فيها

:

مرحبا


هذا الموضوع راح يكون تجميع لوصفات البف با ستري بمجهود خاص

واي وحده عندها اضافه تتفضل
*******************************

حلى البف باستري بالقرفة ...

عجينة البف باستري
قرفة مطحونة ناعم ( دارسين)
سكر ناعم مطحون
قشطة
حليب محلى
بيضة لدهن الوجه
وبس...

الطريقة

ضعي عجينة البف باستري ( ويفضل تقسميها نصين)

اخلطي كمية من القرفة مع السكر الناعم وقليل من القشطة حتى تتماسك المكونات وادهني بها سطح العجينة

ثم لفيها كما قي الصورة

ثم هكذا

اذا خلصتِ صفيها في صينية فرن مدهونة بقليل من الزيت
وادهني الوجة بالبيضة

ادخليها الفرن ثم حمري السطح

الان ... صبي فوقها حليب محلى

وكليها بالهنا والشفا....
**********************************************

بف باستري بالصلصه


المقادير

عجينة بف باستري
شعريه باكستانيه محموسه

الصلصه

2قيمر
2كريم كراميل
صلصة البان كيك(تقريبه نص قلاص كبير)

الطريقه

تقطعين عجينة البف باستري بالقطاعه المدوره وتصفينها بصينيه وتحطينها بالفرن لما تنتفخ وتتحمر وتصير بهالشكل

تالي تصفينها بماعون التقديم بعد ما تبرد وتصبين عليها الصلصه(بعد ما تخلطينها بالخلاط)
بهالشكل وشوية صلصة ككاو والمفروض شعريه محموسه بعد بس أنا نسيت للأسف!!!

وكليها بالهنا والشفا....

************************************

حلي البف باستري بالشكولاتة بالصور

المقادير:
عجينة بف باستري جاهزة...
8 ملاعق كبيرة من شكولاتة البندق السائلة (تباع في كاسات)
2/1 كوب بندق محمص ونصف مطحون
5 ملاعق صغيرة سكر

الطريقة:

1ـ افردي العجينة على سطح مرشوش قليلا بالدقيق بحيث تكون مستطيل (40 سم * 20 سم) أو شبرين في شبر.


2ـ اضيفي الشكولاتة على العجينة بالكامل وبالتساوي باستخدام الموس العريض ...ثم رشي عليها البندق بالكامل..

3ـ لفي جانب من العجينة مثل السوسرول الى ان تصلي الى المنتصف....ثم لفي الجانب الاخر بنفس الطريقة الى ان يلتقيا في الوسط...والصقيهما مع بعض بقليل من الماء.

اقطعي العجينة بالموس الى شرائح عرضها 1سم ..وضعيها بالصينية الخاصة بالفرن مع الضغط عليها قليلا بظهر الموس

واخيرا رشيها بالسكر...وادخليها الفرن لمدة 10 ـ 15 دقيقة او حتى تحمر قليلا..


اتركيها لتبرد قبل التقديم...والف صحة وعافية...

***************************************
تونا وعجينه بف باستري ؟ نص ساعه ووجبة ولا اروع

تحتاجون لعجينه انا استخدمت عجينه البف باستري بس عجنتها حتى ماتنتفخ عندي اكثر من الحد الي اريده

تونا + بقدونس مفروم + ثوم مهروس +برش قشر ليمون فرش +فلفل احمر خشن + جبن مبروش لداخل الحشوة وللوجه بالاخير

الطريقه

تفتحون العجينه وتقطعوها على شكل دوائر
تحطوها بصينية شوي وتحتها ورق الزبده

تخلطون ال تونا + بقدونس مفروم + ثوم مهروس +برش قشر ليمون فرش +فلفل احمر خشن + جبن مبروش

وماتنسون تخلون شوية ملح لان الجبن والتونا بيهم ملح فلا تكثرون
تحطون الحشوة بوسط العجين وتدخلونها الفرن الى ان تنضج (وضعت ببعضهن شريحه باذنجان مقلي وطعمه كان لذيذ جداً)
وقبل ما تطلعونها ترشون على الوجه جبن مبروش وتشغلون
النار من فوق حتى تحمر او تذوب بس
وتقدموها بالعافيه

*************************************
​

 

[f-a-r-m-l]

رد : عندي عجيبنة البف باستري شسوي فيها

*************************************
فطيرة الدجاج بالكريمة​

​

المقادير:
عجينة الباف باستري الجاهزه
للوجه بيض مخفوق + 1 م ط حليب سائل
حشوة الدجاج بالكريمة*​

مقادير الحشوة:

​

كوب الدجاج المسلوق مقطع مكعبات
شرائح من المشروم الطازج
فلفل رومي مقطع مكعبات
1 م ط زيت نباتي
كوب من السنغل كريم أو القشطة القابلة للخفق
ملح + فلفل اسود ( حسب الرغبة )
1م ط الصويا صوص
1 م ط قشطه نستله​

طريقة الحشوة:
نضع مكعبات الفلفل + الكرفس + الجزر+ المشروم + الزيت في مقلاه على النار ​

نضيف الدجاج إلى الخضار
نضيف الكريما + القشطة + الملح + الفلفل الأسود + الصويا صوص
نتركها على النار قليلاً من ثم نرفعها عن النار

​

الطريقة:
# في أكواب قصدير خاصة للمافن متوسطة الحجم نضع القليل من الحشوة​

​

# نأخذ قطعة من البف باستري ونغطي بها الأكواب نزينها بنفس العجينة كما في الشكل
# ندهنها بالبيض المخفوق + الحليب

​

# ندخلها في الفرن حتى تنضج وتتحمر
# وتقدم ساخنة أو بارده
************************************
كرواسون الزعتر

​

المقادير :​

عجينة الباف باستري
للحشوة (2 م ط وعتر + ا م ط زيت زيتون أو نباتي )
وللوجه بيضة مخفوقة + 1 م ط حليب سائل – سمسم​

الطريقة :​

نقطع مربع الباف باستري الى مثلثين
نضع مقدار من الحشوة في وسط العجينة​

​

نلفها من القاعدة باتجاه رأس المثلث
نقوسه على شكل هلال​

​

نضعه في صينية للفرن ندهنه بالبيض + والسمسم​

​

نخبزه في الفرن حتى ينضج ويتحمر​

********************************​

فطيرة التفاح​

​

المقادير
_____
باكيت كبير عجينة باف باستري
7 تفاحات
نصف ملعقة صغيرة قرفة (دارسين)
نصف م.صغيرة فانيليا
نصف كوب سكر
ملعقة زبدة كبيرة​

طريقة التحضير (10 دقائق و أقل)​

نحمي الفرن على 140 درجة
نقشر التفاح ونقطعه أقمار عريضة شوي
في المقلاية الكبيرة نضع السكر وشوية ماء ونغليه إلى أن يصبح لونه كراميل ثم نضيف الزبدة والقرفة والتفاح ونقلبهم 5 دقائق
نمد العجينة بعد فردها بالشوبك، في قعر الصينية اللي سوف تدخل الفرن نضع ثلاث أرباعها ونضع خليط التفاح بها ثم نقطع باقي العجينة مستطيلات طويلة ونفردها كما في الصورة .
ندهب وجهها بالبيض المخفوق وندخلها الفرن 40 دقيقة ​

وصحتين. ​

***********************

​

**************************
قوارب البف باستري بالباذنجان ​

المقادير ​

عجينة مربعات البف باستري
شرائح باذنجان مقليه أو محمره في الفرن
كأس صلصة بشاميل / ملعقة زيت + ملعقة طحين +كأس حليب
صلصة الحم المفروم / بصل +لحم مفروم +طماطم مبشور +بقدونس +صلصل وبهارات
+جبن موزاريلا​

الطريقه ::​

أول شي نحط شريحة الباذنجان على عجينة البف باستري المربعه ونقوم بوضع صلصة الحم
المفروم على الباذنجان ​

وثاني شي نصكها نفس الي بالصوره ثم نضع العود عشان ما يفتح البف باستري في الفرن​

وعقب نصف القوارب في الصينية ونغطيها بشويه من صلصة البشاميل ونرشها بجبن الموزاريلا
ثم ندخلها الفرن حتى تحمر

​

**************************
اتمنى الموضوع اعجبكم وان شاء الله تستفيدون منه ​

 

[f-a-r-m-l]

رد : عندي عجيبنة البف باستري شسوي فيها

:sfg:


:cxxxp:

:bye22:

 

[آلعناآأ]

ماقصرو الخوات


انا اخذ المربعه وافردها حييييييييييييييييل ليما تصير رقيقه بس عا مو بتنقطع لا واحمرها على الصاج من الجهتين

اسويها يعني خبز و احشيها اللي ابي حلوم او بيض مسلوق وجرجير مع زيت زيتون و رشة ملح و فلفل واحلى ساندويش ريوق :rerrerek:​

 

[Q8ازياء]

رد : عندي عجيبنة البف باستري شسوي فيها

مشكورة على الوصفات وايد حلوة :n2006107::hjy5jewf:

 

[فواكه الموسم]

http://www.q8yat.net/showthread.php?t=780108​

تفضلي طلبج انشالله يعجبج​