غريبـه كيف آشتآق لك’’, ۈآنت تچرحنے !

[laco$te]

اب اب اب اب اب اب اب اب
اب اب اب اب اب اب
اب اب اب اب اب
اب اب اب اب
اب اب اب
اب اب
اب​

 

[Aloolah]

ناااااااااااطرييييييييييييييييينج

 

[MiSs^^3OoBa]

نــــــــــــآآآآآآآx___xآآآآآأأأأأأأأأأأأأااااا%اااااااااإإإإإإإإإإإآآآآآآآآآآآآآطـــــــــــرينــــــــــــــــــــــــــج % ^_____^
%

 

[zizo0ou-x3]

( بيت بوسالم )
سالم رد البيت وأهوة طاير من الفرحة والوناسة .. الارض موشايلتة .. قعد ينادي بأعلى صوتة .. > يماا يبااا .. هنوووف جاازيوو ياأهل البيت
الجازي نزلت بكشتها وأهيا تحك شعرها توها قاعدة من النوم : هااا سلوم شفبك قاعد تصارخ
سالم طالها بهالشكل فصل عليها : ههههه توج قاعدة من النوم .. تو الناس جان كملتيها سمتة لي باجر
الجازي : هيهيهي يعني نظحك شعندك تصارخ
هنوف نازلة من غرفتها ومتكشخة تأخرت على موعدها مع جراح كان الاتفاق يشوفون بعض الساعه 8 الصبح بس اللحين صارت الساعه 5 العصر
سالم : هلا بهنوف شيخة البنات
هنوف تطالع سالم مستغربة : هاا شفيك سلوم فيوزاتك ظاربة اليوم
بوسالم وأم سالم نزلوا على صوت سالم
ام سالم كانت لابسة دراعه حمرة ويعني كانت زعلانة من بوسالم مونايمة معاه بالغرفة
بوسالم نزل بلمكسر والفانيلة الداخلية
هنوف والجازي يطالعون أمهم وباطينها ظحك .. لف بوسالم ويها يبي يتحلى عليها : اوووه اوووه يه يه شنو هالزين صج الاحمر يعبر
أم سالم تطالعه من طرف عيونها : الحين صار الاحمر يعبر أشوفك أمس بليل قلبتها مطنزة عليي تقولي كتكات يمشي صج الرياييل ماينعرف لكم
بوسالم : شوف سالم يوليدي أذا بتتزوج أنصحك بوحدة نفس أمك
سالم : هههه أفا عليك حجي
ام سالم أستحت ويها صار احمر نفس لون دراعتها
بوسالم قرصها على زندها : هههه وبعد تستحي الحجية طاع خدودها بس شلون صارت طماطة هههههه
الجازي والهنوف : كاااااااك أنشاءالله موجدامنة
بوسالم يساسر سالم : اقول يبوك ترى هالكلام مومن قلبي بس أمس فقدت الحجية بلفراش قلت أتحلى عليها تدري فيني اخاف انام بروحي بالظلمة
سالم : افاااا حجي تبي أقولها
ام سالم :شنو تقولي
بوسالم : لا ولاشي بيقولج .. اي بيولج
سالم : اي ماقتلولي حق شنو مناديكم
هنوف تطالع ساعتها وحدها مستعيلة .. : يلا سلوم شعندك تأخرت على رفيجتي
سالم طلع شهادتة من ورى ظهرة : تخرج وبأمتياز والاول على الدفعه
أم سالم قعدت تيبب من الوناسة : كلووووولوووووووش مباركين يوليدي قلت ولد أمك
بوسالم : لا والله طالع على أبوك درييس 24 ساعه مجابل الدراسه
أم سالم : اي مبين أشوفك طلعت محامي .. أقصاك تشتغل بمحل عطور وعبالك لمعزب تامر وتنهي على كيفك
الجازي : وليييه بدينة عاد ألحين لمعاير
بوسالم : على الاقل مو لابس دراعه حمرا عبالي فيفي عبدو
أم سالم متروسة يعني فيها متن .. طبت على بوسالم وفقصتة حيل : هااا شرايك بفيفي عبدو تعجبك ألحين
بوسالم اختنق : يبوووي ياشباب فلوها عني راح خنقتني
أم سالم هدت بوسالم : عشان المرة الياية تثمن كلامك يعيوني
سالم : عاد شنو الحلاوة
بوسالم : أخيييه يبيلة تايلند أنا وانت بروحنا على كيف كيفك
سالم : أيبااا فوقة حجي
أم سالم : شنهو شنهاااااو تاايلند شنومينونة آنا أخليكم تروحون تايلند لا يعيوني
الجازي : واااي يما خليهم رياييل بروحهم بيسافرون شنو بتلزقين فيهم بعد
أم سالم : ريلي على ريلكم ولا ماكو تايلند
بوسالم : اي يصير خير
هنوف : يلا ماما بروح أنا ألحين وأنشاءالله هديتك توصلك سلوم ومبروك حبيبي
سالم : وين على الله
هنوف : مواعدة رفيحتي
سالم :يلا ماشي بس ديري بالج على روحج ولاتتأخرين
.........
جراح بسيارتة يتمشى على البحر ويفكر بهنوف والمفاجأة الي مجهزها لها .. ولاتطري على باله فرح ..
جراح : اي صج ليش ماأدق على فرح شوي ألعب بأعصابها .. على ماهنوف الحبيبة تشرف
ولاهنوف داقة
هنوف : الوو جراح سوري والله راحت عليي نومة أقدر أشوفك ألحين
جراح : اييه أكيد بتنسين لو وحدة من رفيجاتج ماتنسين
هنوف : سوري جراح .. ليلحين نفس المكان .. شوكليت بار الفنطاس
جراح : اي ناطرج لاتطولين
..
جراح دخل شوكليت بار وحجز طاولة حق أثنين .. بعد ربع ساعه وصلت هنوف
هنوف ومستحية من جراح على التأخير: هلا جراح سوري على التأخير
جراح يطالعها من نص عين : لا عادي تعودت عليج وعلى تأخيرج .. ( أبتسم أبتسامه عريضة ( هاا بشريني شلونج شخبارج
هنوف : والله ماكو الروتين اليومي نوم .. أكل .. نت .. برودكاستات لاشغل ولامشغلة
جراح : ههههه هاذي الدنيا ملل وزهقة ومافيها شي
رن فون جراح
جراح : اووه هاذا حمد .. عن أذنج هنوف
هنوف بنفسية : أذنك معاك .. يعني هاذا ماحلالة يدق الا هالحزة
حمد : جراحو وينك أنت
جراح : انت الي وينك نطرتك تتصل شصار رحت خطبت
حمد : كااااااك الله لايرويك .. الحبيبة يايتلي بكل هلاقة عبالة بتصرفني .. لا وتخيل بكل وقاحة تقولي مابيك أنا أحب غيرك
جراح : خلاص يبا عيل خلها لاتتزوجها موغصب
حمد : والله باخذها وبكسر عيونها
جراح : هههههه صاحبي وأعرفك حقيير .. انزين أقول ألحين لازم أسدة أنا مع هنوف
حمد : وللللييييه انت لين متى بتستقر على وحدة ماتشبع بنات
جراح : وييييه هاذي هنوف رفيجة الروح غير عن كل البنات لها معزة خاصة .. لاتطول الموضوع اليوم مرنا الديوانية عشان أشوف شنو بنسوي علا حفلة باجر
حمد : اوكي من عيوني .. في رقص وردح ولا ماكو
جراح : أفااا عليك بالشاليه هالمرة مو بالبيت مالي خلق الوالدة
حمد : يلا أخليك مع هنوووف سلم عليها
جراح : الله يسلمك
هنوف قاعد تعدل الحمرة .. مالاحظت جراح .. جراح تنح فيها : اوووه شنو هالاحمر
هنوف أستحت : ههههه ماأنتبهت عليك .. هاذا حمد
جراح : اي يسلم عليج
هنوف : الله يسلمة ..
جراح : هنووف اليوم أي يوم
هنوف : يوم الاربعاء
جراح : التاريخ جم
هنوف : والله مادري
ولا فجاة أيون ملوت المطعم الفلبن ويغنون حق هنوف
happy berthday to u >> happy birthday to u >> happy birthday to hanoof >> happy birthday to u
هنوف من الوناسه دموعها نزلت : جراح أنت متذكر عيد ميلادي
جراح مسك أيدها وباسها : أذا ماتذكرت عيد ميلادج بتذكر عيد ميلاد منو يعني
هنوف : مشكور جراح والله مادري شقولك .. مشكو على كل شي
جراح : انتي المشكورة هنوف والله لو موأنتي بدنيتي ماعرف أعيش أنتي واقفة معاي بكل لحظة بحياتي من عرفتج ومتحملتني على الرغم من اني مومعطيج حقج ومقصر معاج
هنوف قلبة قام يرقع من كلام جراح .. وتطالعه بكل براءة ناطرة تطلع من حلجة كلمة أحبج
هنوف : وبعد جراح قولها
جراح : شنو أهيا
هنوف دمعت عينها : لا ولاشي
جراح طلع جيس فيه هدية : تفضلي هديتج
هنوف خذت الجيس حطتة على الطاولة وقامت : مشكور عن أذنك بروح الحمام
جراح : أذنج معاج

 

[zizo0ou-x3]

هنوف ركضت الحمام ودمعتها بعينها : ليش .. ليش جذي حظي متى جراح بيحس فيني متى .. لأ آنا لازم أقولة بكل الي بقلبي لازم أتشجع وأقولة عن مشاعري يمكن يتحرك
طلعت من الحمام ومسحت دموعها .. قعدت على الطاولة وتوها بتقول حق جراح الي بقلبها ولا يرن تلفونة
جراح : اوووه هاذي فرح
هنوف : فرح .. اي فرح
جراح : البنت لصغيرة الي بالثانوية الي قتلج عنها .. مادري ليش داقة خل أرد عليها
جراح راح بعيد عن هنوف وقعد يكلم فرح .. هنوف ماعجبها الوضع قررت تنسحب بسكات من غير لايحس جراح
جراح : هلا بالحلوة هلا
فرح : اسمعني جراح أهيا كلمة وحدة .. مثل مادخلنة بالمعروف خلنة نطلع بالمعروف .. ولد خالتي درى عن كل شي مابي فضايح
جراح يظحك بأستهزاء : هههه ادري وكلمتة .. هاذا ولد خالتج مسوي روحة ريال قوليلة خل يطلع رجولتة على غيري
فرح بلعت ريجها : شنو كلمتة .. شقتلة شقالك
جراح : موشغلج .. اقول اليوم الساعه 2 تزهبي بمرج عندي حفلة وابيج تيين .. الربع كل واحد مع صاحبتة
فرح : مابي أطلع من البيت ماني لعبة بيدك
جراح : أقول الظاهر نسيتي الصور والفيديو والتسجسلات .. أذا تبين سيرتج اليوم تكون على كل لسان لاتتزهبين سامعه وألحين يلا تت
فرح : جرااح
سكر التفون بويها
جراح رد الطاولة مالقى هنوف : هاذي وين راحت بسم الله .. الحريم جنس غريب أعطيها هدية تبجي مادري سابها وأنا مادري.. خل أدفع الفاتورة بس
دفع الفاتورة وطلع..
8888888888888888888888888888888
( بيت بوعبدالله )
هيثم بالغرفة يتذكر الجازي
..
هيثم : الجازي
الجازي : هيثم
هيثم : شقاعد تسوين منيه
الجازي : شفتك قلت أسلم عليك
هيثم : ولييييه شنو هالصدفة شلون طلعت الشقرة اهيا الجازي والجازي طلعت من زمان تحبني وانا مادري شنو هالدنيا الي منقلبة فوق تحت وليييه
ريان طقت الباب على هيثم
هيثم : منو
ريان : انا
هيثم : حياج
ريان دخلت غرفة هيثم وقعدت على فراشة .. الصمت كان يغلب الوضع
ريان : هيثم شفيك هاليومين موعلى بعضك
هيثم : مافيني شي
ريان : هيثم أنت أخوي وانا أعرفك من عيونك .. من رديت أمس وانت موعلى بعضك شصاير
هيثم قعد يفكر يقول حق ريان ولا يسكت ويقمت الي بقلبة
ريان : هيثم انا أختك أذا ماقتلي بتقول حق منو
هيثم : ريان انا
ريان : اي انت شنو
هيثم : انا أحب
ريان ظحكت بذراية : تحب .. أنت تحب
هيثم أستحى : أي ليش
ريان : لا ولاشي بس انت آخر واحد توقعت يفز قلبك حق وحدة .. يعني أنت حيل كتوم وبارد.. انزين منو سعيدة الحظ الي قدرت تاخذ قلب أخوي
هيثم : سالفة طويلة فاضية تسمعيني
ريان : اي أذا ماسمعتك عيل أسمع منو
هيثم : عيل سمعي السالفة من البداية : وقعد يقولها من أول مرة كلم فيها الشقرة لين عرف أنها الجازي
ران فصلت من الموقف : هااا يعني الجازي أهيا الشقرة .. وانت محمد
هيثم : شدراج اني محمد أنا ماقتلج أني قايلهاأسمي محمد
ريان توهقت : بلة قتلي ويييه شفيك هيثم خرفت ..ماعلينة ألحين شنو بتسوي
هيثم : مادري والله مادري هاذا الشي الي محيرني .. أحس فشلة أدق عليها وأكلمها بعد ماعرفت أنها الجازي
ريان ردت ظحكت : ههههه موصج
هيثم حذف عليها المخدة : ريون ليش تظحكين أنا أتلكم جد وأنتي تظحكين
ريان : لا والله بس قصتكم فلم هندي أول مرة أسمع فيها بالتاريخ . أنا أقول توكل على الله وتخرج هالسنة وخلنا نخطبها لك دامك تبيها وأهيا تبيك وترى ماراح تلقى أحسن من الجازي
هيثم : يعني قولتج
ريان : اي
هيثم : يلا عيل فارجي روحي غرفتج
ريان: شنو صج ماتستحي بعد ماطلعت الي بقلبك تبيني ألحين أفارج هاا
هيثم لم ريان حيل وباسها على راسها : ريون عاد لاتزعلين والله أحبج
ريان : وانا بعد .. خلاص فقصتني هدني خل أتنفس
هيثم أستحى : ههههه آسف
..
طلعت ريان من غرفة هيثم وركضت غرفتها ودقت على الجازي
الجازي بصوت نعسان : ألوو
ريان تصارخ : يااجلبة طلعتي موهينة ليش ماتتكلمين صج حمارة
الجازي مسترغبة : هييي ريون شفيج ليش تسبين ترى مالي خلقج
ريان : شلون محمد
الجازي توهقت : محمد .. اي محمد
ريان : عن العبط .. محمد الي تعرفتي عليه بالنت
الجازي : اي محمد .. اي فلينة
ريان : ويييه حياتي ليش فليتوا أنشاءالله
الجازي: بس طلع مليق ومونوعي
ريان : ايييه عليينة
الجازي : ريون خلاص سكري الموضوع ترى مالي خلق
ريان : هههههه ياحمارة أنا عرفت كل شي
الجازي صحصحت : عرفتي شنو
ريان : محمد أهوة هيثم أخووي .. توني طالعه من غرفتة وقالي كل شي من الاف لي الياء
الجازي أفتشلت : ريوون والله مادري لو أدري أخوج ماكلمتة وانتي تدرين مونوعي ولاعندي هالسوالف
ريان: مافيها شي ترى على فكرة ميت عليج وبيتخرج هالسنة وبيخطبج
الجازي : صج ريون .. حلفي
ريان : اي والله توني طالعه من غرفتة ..
الجازي : واااااي ريوون شنو تبين الحلاوة
ريان: مابي شي حبيبتي أبي سلامتج .. الا وين هنوف
الجازي : مادري طلعت قالت مواعدة رفيجتها وطلعت قبل نص ياعه
ريان : يلا عيل خل أدق عليها
////////////
( بيت بوجراح )
أم مشعل : وين لعيال
ام جراح : والله جراح طالع ماشفتة من أمس ولوجين رايحة الراية حفلة تخرج أخت رفيجتها
ام مشعل : ايييه زين خليهم يغيرون جو .. البيت قمتة ...
ام جراح : اي والله وانتي الصاجة
ام مشعل : الا بوجراح شلونة موناوي يتقاعد
ام جراح : ههههه اي زين يبتي طاري هالموضوع .. بلة بيتقاعد وبيفكنا .. ماقتلج عيل الخبر اليديد
ام مشعل : شنو
ام جراح : انا قررت أنزل روحي بالانتخابات
ام مشعل : لاااا زين نبي عضوات من جنس الحريم يوقفون معانة ويدافعون عن حقوق المرأة السياسية .. عاد أنا قايلة حق بومشعل بعد ينزل روحة بالانتخابات
ام جراح : صج .. خوش عيل .. ربعنة يصوتون لي وحق بومشعل .. عاد بعيدن ينادونج مرت الوزير ههههههه
ام مشعل : ههههه من قدي شفتي شلون وأنتي ينادونج الوزيرة
ام جراح : هههههه لاتستعيلين بالاحداث الله كريم
لوجين توها داشة البيت .. كانت لابسة بنطرون جينز .. وبدي جابانيز لونة أبيض وحاطة ربطة على رقبتها ملونة .. موحاطة مكياج واي بس أيلاينر وحمرة وردية فاتحة .. وصابغة أظافرها باللون الوردي .. شعرها فالته مسويتة كيرلي ولابسة نظارة ريبان
لوجين فتحت الباب وماسكة بيدها كياس من السوق
لوجين : وييييه هاذي موحالة الجو حار برة وماكو أحد يساعدني يشيل أغراضي ريمو بعز ظيجتي مالاقيها وياي تساعدني
ام مشعل : هههههه وصلت الباربية .. هلا لوجين هلا يما شفيج تتحلطمين
لوجين سلمت على ام مشعل :والله خالتي الجو برة جهنم شنو هاذا اول مرة أشوف جو أربع فصول بيوم واحد .. شمس وغبار ومطر شنو هاذا
ام جراح : قولي الحمدالله غيرج ديرهم فيها زلازل الحمدالله على كل حال
لوجين : لا ماامي ماقدر جذي المرة الياية ماأعطي ريم أجازة وايد طولت
ام مشعل : وييه لوجين ترى البنت عندها مشاعر مايصير تعاملينها جذي
لوجين ؟ وااي خالتي شنو شكتلج الحال على شنو نعطيها معاش
ام مشعل : لا انا باخذها تشتغل عندنا بالشركة مايصير تشتغل لج خدامة كل واحد يخدم نفسة
ام جراح : اي والله زين ماتسوين أم مشعل واله كاسرة خاطري
لوجين: مااماا مايصير ريم مالتي
ام مشعل : ههههه شنو شاريتها مالتج
لوجين بوزت : اوووه مابي زين .. .. ويه خالتي قبل لاأنسى قولي حق مشعل أبيه بشغلة خل يدق عليي
ام مشعل : حاضر يما .. بس شنو تبين منة
لوجين / ابيه يسويلي الجل بريك حق اللآيفون صاير وايد يعلق ومالي خلق أروح حق محل التلفونات
ام مشعل : من عيوني يما

 

[zizo0ou-x3]

أفنان خذت تلفون فراس عشان تدق على سندس
دقت رقم سندس ولا تشوف الرقم مسيف بتلفون أفنان
أفنان بقلبها : سندس .. شياب رقم سندس بتلفون فراس .. لايكون البنت الي يكلمها فراس أهيا سندس
أسترجعت الذكريات يوم يقولها بالمعهد لاتمشين مع هالبنت موزينة
أفنان سكتت ماتكلمت ومشت الموضوع : اللووو
سندس : هلا منو معاي
أفنان : انا سندوس .. أفنان
سندس : هلا أفنان .. ها دليتوا البيت ولا لأ
افنان : اي بس ظيعت برقم البيت .. انا الحين جدام بيت رقم 5 عدل
سندس : اي عدل .. لونة أبيض مو
أفنان : اي لونة أبيض
سندس: يلا عيل نزلي وانا كاني ياية أفتح الباب لج
أفنان نزلت من السيارة وقالت حق فراس ياخذها بعد ساعتين
سندس بطلت الباب وطلت على أفنان ولا فراس يطالعها .. أنصدم من شاف سندس ونادة أفنان بسرعه
فراس : افنان
أفنان لفت ويها : هلا
فراس : تعالي دقيقة بكلمج
أفنان ردت السيارة : نعم
فراس : هاذي رفجتج الي ياية لها البيت
أفنان : اي ليش تسأل
فراس عصب : أنا موقايلج لاتمشين معاها
أفنان ظحكت بأستهزاء : وليش أنشاءالله
فراس : قتلج من قبل عن السبب سيرتها على لسان الشباب
أفنان : أهااا .. بس انت موتكلمها وتعرف أخلاقها .. دامها موزينة ليش قاعد تقرق معاها نهار وليل
فراس أنصدم بقى يعطي أفنان كف وبصريخ : هييي انتي ثمني كلامج ومنو قال أني أكلمها بقرة أنتي .. يلا ركبي السيارة ماكو نزلة
أفنان : ماني نازلة .. أقول تراني موياهل ياي تقص عليي .. عطني تلفونك شوي
فراس : حق شنو
أفنان : أنت عطني تلفونك شوي
فراس : هاااج
أفنان دقت على رقم سندس وحطت التلفون بويه فراس ": منو هاذي سندس الي مسجل رقمها عندك
فراس قعد يبولع بريجة : هاذي وحدة معاي بالكلية
سندس مسكت تلفونها وردت : الوو أفنان يلا أحترقت بالشمس
أفنان : حياتي يامسكينة كاني ياااية
فراس : ييبي التلفون
أفنان : هههههه ليلحينك مصر أنها وحدة معاك بالكلية
فراس ماعرف شيرد ": يلا يلا نزلي .. بس والله ياأفنان أذا الوالد والوالدة دروا عن الموضوع يويلج مني
أفنان بأستهزاء : خايف منهم وماخفت من ربك ..على العموم ماني ياهل أمشي وأتكلم .. وراجع حساباتك ياخوي يلي تخاف ربكم
.....
777777777777777
أم يوسف : أم عبدالله شصار على موضوعنة أدق على ام البنت أقولها بنمرهم باجر
أم عبدالله : يلا الي تشوفينة يوخيتي دام البنت تعرفونها وتقولين أصل وفصل خل نتوكل على الله وربج كريم
أم يوسف : أنشاءالله
أم عبدالله : يلا أنا ألحين أستأذن ريون أذتني قاعدة وتحن تبيني أروح معاها تبي تشتري ملابس حق لحجاب بس مادري شلي طاري عليها تبي تتحجب
ام يوسف : ههههههه يحليلها خليها تتحجب باجر بييلها ولد الحلال أذا شافها مومتحجبة بيغير راية
ام عبدالله : هههههه أهوة خل أيي الحين ولي ذاك الوكت يصير خير
أم يوسف : انشاءالله الله يبلغج في بناتج يارب .. يلا عيل ماطول عليج لاتزرعين ريونة أعرفها بنت أخوي على عمتها ماتحب تصبر متسرعه
ام عبدالله : اي والله صدقتي ماخذة كل أطباعج .. يلا عيل سلمي على بويوسف وعلى لعيال
ام يوسف : يوصل
....
دلال نازلة من الري تركض : يما يما يما
أم يوسف : هلا يما شفيج ياية ركض خرعتيني
دلال : ابي أسوق سيارة مايصير الكل أخذ الليسن وانا ليلحيني قاعدة
أم يوسف : ههههههه توج ماكملتي ال 18 باقي شهرين خلصي أمتحانات وأنشاءالله من عيوني
دلال : اوووف وليييييييه شنو هالحالة رفيجاتي كملوا 18 وخذوا الليسن وانا ليلحيني بيبي
ام يوسف : شفيج مستعيلة على لسياقة باجر بتملين وتقولين ياليتني ماسقت
دلال : لا من صجج انا بس خل تصير عندي السيارة ماراح تشوفين رقعه ويهي بالبيت
ام يوسف : ماشاءالله بكيفج أهوو . ماكو طلعه من غير أستأذان
دلال : ويييه خل آخذة بالاول هالحجي تو الناس عليه
أحمد توة راد من مشاعل وشاق الويه أبتسامات .. ركض عند أمة يبشرها
أحمد : يما عندي لج خبر فرحني وانشاءالله يفرحج بعد
ام يوسف : شنو هالخبر يما
أحمد : مشاعل تحجبت
أم يوسف : منهي مشاعل
أحمد : البنت الي قتلج بتزوجها نسيتيها يما
أم يوسف : وييييه ليلحينك على ذاك الموضوع
أحمد : ولييه باجر يما
ام يوسف : خلني أفكر بالموضوع .. أنزين يما ليش ماتاخذ من العايلة ترى دهنا في مكبتنا وبنت العايلة أولى من الغريبة
أحمد : هههههه شفيج يما جم مرة أقولج مابي من العايلة .. مالي خلق مشاكل بعد .. بعدين منو فيه من بنات العايلة ولا وحدة تناسبني
ام يوسف : انا عندي الي تناسبك
دلال رزت ويها : منو ماما
ام يوسف :انتي بلة لقابة لاتتليقفين
دلال : اوووف كل ماتكلمت جعمتيني
احمد : وليييه يما ممكن تسكرين الموضوع
ام يوسف : انت بالاول خلني أقولك من البنت الي في بالي
احمد : منو قولي
ام يوسف : ريان بنت خالك بوعبدالله
أحمد وروان مع بعض : شنو ريان
أم يوسف : اي شفيها ريان .. والله ماكو مثلها .. أصل وفصل وجمال وأخلاق
أحمد : لا يما أنا مابي ريان .. ريان كلش ماتنفعلي
دلال : اي يما صح كلام أحمد
ام يوسف : انتي سكتي .. ليش يما ماتنفعلك
احمد : بس يما البنت تفكيرها غير عن تفكيري وانا حاط مشاعل في بالي ومابي غيرها
أم يوسف : يعني معزم
احمد : اي معزم
ام يوسف : خلاص ماقدر أغصبك على شي بالاخير البنت انت بتعيش معاها موآنا
احمد باس راس أمة : فديتج ياأحلى أم بالدنيا
***************************************
( بيت بوعبدالله )
بالصالة
ريان لبست ملابسها وناطرة أمها تلبس
ريان : ماما شنو هاذا طولتي ماصارات
عبدالله : وين على الله
ريان : بروح أشتري ملابس
عبدالله : انتي ماتشبعين ملابس الكبت متروس ملابس
ريان : لا ياحبيبي هالملابس ماتنفع ولا نسيت أني بتحجب
عبدالله : اييي مانسيت .. يلا على البركة ( يطالع شيماء ) والفال حق بعض الناس
شيماء تسوي روحها ماتسمع تطقطق بالبي بي
عبدالله : والفال حق بعض الناس

 

[zizo0ou-x3]

سامحوني بنات و ابي توقعاتكم
و انشالله اليوم بليل اكمل الباجي

 

[MiSs^^3OoBa]

توقعآتي
مشآعل تتزوج آحمد
جرآآح يحس بحب هنوف لــه
حمد يقلب حيآة آسرار جحيــم ,,
وبــــــــــث
يسلمــو~
%نأأأأأأأأآآآآx____xآآآآآآآآآآآاااااااااااإإإإإإإإإإإإإإآآآآآآآآآآآآطرينـــــج% ^____^
%
@@


@@

 

[zizo0ou-x3]

شيماء : شنو يعني تقصدني ترى توني ياهل تو الناس على لحجاب
عبدالله : مافيها شي وايد بعمرج تحجبوا أنا بنتي من 2 روضة بحجبها
ريان : اووولة يلا طير زين
عبدالله رفع حاجبة : هااا .. عيب تكلميني بهالطريقة
ريان أستحت : موقصدي بس أنفعلت شوي ( بترقع الموضوع ) يما يلا ناطرتج نزلي
عبدالله خزها بس فيه ضحكة على شكلها من الخرعه
رن التلفون
عبدالله : خلوه آنا أشيلة
عبدالله ": ألووو
.... : .....
عبدالله : ألووو منوو
فرح بخوف وبعد تردد : أناا عبدالله فرح .. موجودة شيماء
عبدالله عصب : موموجودة .. بعدين شايفة الساعه جم ليش داقة
فرح : توها الساعه 6 المغرب
عبدالله : شيماء تنام هالحزة
فرح : اذا قعدت قولها تتصل عليي قاعد أدق على تلفونها وماترد عليي
عبدالله : يصير خير
ريان : منو داق
عبدالله : فرح بنت خالتي
شيماء قلبها قام يرقع
ريان : وليش تجذب تقول انا شيوم نايمة كاهي قاعدة ومصحصحة بعد
عبدالله : بس جذي جذبت وبعدين
ريان : مايصير يمكن البنت تبيها بشغلة
عبدالله : بعدين تكلمها ( خز شيماء ) شيوم بدزلج شغلة أقريها
ريان شكت بالموضوع
شيماء / اوكي
عبدالله دز حق شيماء : شوفي اذا سمعت أنج مكلمتها والله يويلج وانا موقايلج قولياها لاتدق شكو داقة
شيماء ردت : عبدالله قتلها شسوي حتى صارلها الحين يومين تتصل على فوني ماأرد عشان جذي دقت على البيت
عبدالله : عفية على الشاطرة .. صيري جذي عشان تلفونج لاينسحب
شيماء : حاضر
ريان : عبود شنو هالشغلة دزلي بعد آنا
عبدالله : شنو هاللقافة الي فيج
ام عبدالله نزلت : يلا ريونة يما مشينة
ريان : حلفي حجية زرعتيني والحين بكل برود أمشي
ام عبدالله : لاتتحلطمين لا الحين أهون
ريان ركضت باست راسها : لا لا كل شي ولا تهونين .. ماصدقت على الله
ام عبدالله : عيل أمشي بلا تحلطم
....
فرح دزت برودكاست حق شيماء :شيوم ردي والله بس شوي بكلمج
شيماء خايفة ترد سكبت
قعدت تترجاها ترد وتدز بنقات
شيماء : خلاص قتلج مابي أرد يعني ماقتلج عبدالله مايبيني أكلمج
فرح : شيوم أنا متوهقة .. الي خبري خبرج يبيني أطلع معاه اليوم الفجر يقولي مسوي حفلة ويوم قتلة مابي هددني بالصور والفيديوات الي مسجلها
شيماء : فروح دير بالج تسوينها والله أذبحج هاذا مينون ومتهور بلة سوة فيج شي والله خايفة عليج
فرح : مادري شسوي واله حيرانة انا الغلطانة يبت هالشي حق نفسي .. شيوم أبوي ريال كبير تعرفين أذا درى راح يروح فيها لازم أسوي الي يبه جراح
شيماء : لاااا والله أذبحج .. ماكو ألا حل واحد
فرح : شنو
شيماء / اقول حق عبدالله انا قاعد يهددج ومحد راح يوقفة عند حدة الا عبدالله
فرح : لا عفية شيوم أترجاج لاتقولين حق عبدالله .. عبدالله يمكن يذبحه أذا درى بالموضوع وكلنا نروح فيها .. خلاص خلاص ماراح أروح وخل يسوي الي يبي
شيماء / خلاص عفية عليج . يلا فرح ماقدر أكلمج والله ان عبدالله درى يرويني نجوم القايلة
فرح : سوري شيوم دخلتج معاي بهالمعمعة ماكنت ابي الموضوع يوصل لي هالدرجة
شيماء ماردت
..............
%%%%%%%%%%%%%%
( بيت أم أيمن )
سندس : فنون شنو هاذا طولتي وايد
افنان : شسوي أخوي فراس فتح معاي محضر تحقيق وفهد الله لايرويج بقى يطلع عيوني عشان أيي عندج
سندس : ماعليج منهم .. يلا تعالي داخل وقطي النقاب والعباية ترى ماكو أحد .. خل أعرفج على بنت خالتي ريم راح تحبينها
ريم كانت مجابلة التلفزيون .. حاطة النفيش بين ريولها ومندمجة مع الفلم ..
سندس : هههههههه هاذي كلة جذي حالتها أفلام هندية ماتمل
أفنان : ويييه فشلة خل نقعد بروحنة بعدين مابي أفصخ النقاب والعباية بلة مر أحد من الرياييل
سندس : ماكو رياييل طالعين يبا
ريم أنتبهت على افنان وسندس .. تفشلت لانة النفيش كان تارس حلجها : ياهلا برفيجة سندس
افنان : هلا فيج
سندس : يلا فنون قطي خلي ويهج يتنفس
افنان : خلاص اوكي .. ( فصخت النقاب والعباية وقعدت مع البنات
سندس ظيفت أفنان يابت لها العصير والماي وقعدوا يسولفون قراية الساعه
أفنان بتقول حق سندس عن موضوع حمدان بس مستحية من ريم
افنان : سندس بغيتج بموضوع
سندس : ههههه تكلمي منيه جدام ريم ترى عادي ريم موغريبة
ريم بقت تقوم ولا أفنان تقعدها: لا ريم خلاص .. قعدي بس مفتشلة أتكلم جدامج
ريم : ههههههه عادي يبا كلنا بنات
افنان خذت نفس عميق : سندوس كلمتة
سندس شرعت حلجها : منو
أفنان : الي كان يقولي أم عيون فتانة تذكرينة بالمجمع
سندس صارخت من الوناسة والصدمة : كااااااااااك جذاابه جذابة ماصدق ومن ويلج تلفون
افنان مستحية : أهوا شرالي تلفون
سندس : وااااي لا مومصدقة انتي يطلع منج كل هاذا .. قوليلي كل شي من الاف لي الياي
أفنان بدت تقول كل شي حق سندس من اول مرة شافت فيها حمدان لي اليوم آخر مرة كلمتة فيها
ريم كانت مندمجة بسالفة أقنان راح فكرها بعيد مع مشعل ولا فجاة تقول : بنات موأحلى شي بالدنيا الحب
سندس : اي والله أحلى شي بالدنيا الحب
افنان : سندس بعد في شغلة عرفتها .. بس مادري شلون افاتحج فيها
سندس : ههههههه يعني مستحية مني بعد
أفنان : لا بس ..
سندس : بس شنو
أفنان : البنت الي كان يكلمها فراس أخوي وقتلج عنها
سندس أستانست : اي شفيها
افنان : عرفتها
سندس : منو
أفنان : عن العبط
ريم : ههههههه
افنان : انتي
سندس بطتها ظحك : كاااااااااااااااااااك شدراج انها أنا
أفنان : اليوم يوم كنت بدق عليج من تلفون فراس طلع رقمج مسجل عنده بالتلفون ويوم واجهتة سكت
سندس : يعني درى اني رفيجتج
افنان : اي .. اصلن من المعهد مرة وصلني ويوم شافني معاج قالي تعرفينها ويوم قتلة أي قالي لاتمشين معاها كل الشباب يتكلمون عنها
سندس عصبت : متأكدة قالج جذي

 

[zizo0ou-x3]

افنان : ههههههه أي أشوفج عصبتي
سندس : هاذا بكيفة منو تكلم عني أواريه شغلة
أفنان : لا والي يعافيج مالنا خلق مشاكل أنا مادري شلون ألحين بجابل ويها عقب ماعرفت أنا يعرفج أحس فشلة
ريم : هههههههه وليش فشلة
افنان : مادري
ريم : لا شكو خو الحب لاعيب ولا حرام
أفنان : بس يخلييج تسوين الحرام .. ألا انتي ريم ماقتيلنا تجربتج تحبين ماتحبين متزوجة مخطوبة
ريم : أناا
قاطعتها سندس : قبل لاتقول قصتها ريمو بقولج شغلة راح تصعقج فنون
أفنان : شنو هالشغلة
سندس : ترى الي كلمتيه رفيج أخوج
أفنان أنصدمت : منو حمدان
سندس : اي حمدان .. أهوا دايما يقولي انا معجب فيج ويبيج ومن زمان قالي بس أنا ماقدرت أقولج وزين يات منج ترى حمدان خوش واحد وصج يحبج ومونوعه نفس نوع كل هالشباب أذا حب يحب من قلب بس في شغلة
أفنان : شنو هالشغلة خرعتيني
سندس : حمدان لازم مايعرف انج أخت فراس
أفنان : وشلون أهوا دامة كلمني أكيد بيقول حق فراس
سندس : لا ماعليج أهوة يدري أنج رفيجتي بقولة مايقول حق فراس لانها ماتبي الفضايح وجذي واهوة أكيد بياخذ بكلامي خليني أدزلة مسج
أفنان : خلاص ماشي
رن تلفون ريم ولا مشعل داق
ريم : عن أذنكم
سندس تغمز لها : أذنج معاج
..
مشعل : ياهلا بلي لفانه ياهلا به
ريم: ياهلا بيك
مشعل : أشتقت لج كل أدق اتطمن عليك
ريم : توني شايفتك ماشبعت مني
مشعل : أفاا أنا أشبع من العالم كلة بس مأشبع منج يانظر عيني
ريم : خلاص مشعل والله أستحي
مشعل : ريوم حوبي خط ثاني
..
لوجين : مشيعل منو قاعد تكلم صارلي ساعه أدقلك
مشعل : هههههه ماتعرفين تصبرين كن داخل جو خربتيه عليي
لوجين : لا والله يعني قاعد تكلم وحدة
مشعل : مو أي وحدة ( صارخ بعبط ( هاذي الحب
لوجين : ولييييه بطيت أذوني .. المهم خلنة من الحب ومن هالخرابيط .. تقدر تمرنا البيت
مشعل : حق شنو
لوجين : لاني أبيك تسويلي الجل بريك حق الآيفون
مشعل : خلاص ماشي .. بعد نص ساعه أكون عندكم
لوجين : ماشي .. يلا عيل أخليك مع الحب مالك
مشعل : يلا أنجلعي
لوجين : والله أنجلع أردها لك مشيعل
مشعل : هههههههههه

أفنان : يلا ريم قوليي قصتج مع فارس أحلامج
ريم أستحت : شقول يعني ماكو شي أقولة
افنان : من وين عرفتيه وشلون ومن متى انتي معاه وووووو
ريم : هههههههه وحدة وحدة .. ولي يسلمج أنا كنت أشتغل عند وحدة أسمها لوجين يعني يعطوني معاش
افنان : شنو تشتغلين
ريم خنقتها العبرة : يعني أساعدهم وجذي
افنان : أهاا وبعدين
ريم : لوجين رفيج أبوها أهوا أبو مشعل ألي أنا ألحين اكلمة .. مرات كنت أشوفة يزورهم وكلة يطالعني بنظرات .. ومرة من المرات كانوا مسوين حفلة وكنت لابسة نفنوف أحمر وبالصدفة أهوة كان موجود وطول اليوم ماشال عينة عني
أفنان : وااااي ونااسه نفس قصة ساندريلا
سندس : هههههه شكو ساندريلا بالموضوع
افنان : المهم كملي
ريم :أي أقولج بهاليوم لوجين كانت وايد تستصغرني ومطيحة حظي يعني مسويتني بيزة ماأسوى بس أنا كنت متحملة لاني مطرة أشتغل عشان لفلوس يعني تخيلي جدام كل المعازيم تصارخ عليي وتسبني أنا تظايقت فرحت عند الحوض وكشعل حس بغيابي وقعد يمي وخذتنا السوالف ومن يومها وأحنا مع بعض
افنان : حياتي انتي . أنزين ليش ماتشتغلين بأي شركة
ريم : الظروف حبيبيتي لاني موكويتية وتعرفين .. ماعندي شهادة ولاشي حدي شهادة 1 متوسط .. ولوجين كانت رفيجتي أقترحت أتغل عندهم ومن يومها وانا أكد وأتحمل الاهانات عشان أهلي
أفنان دمعت عيونها : ولين متى بتتحملين
ريم : لين ألقى شغل غي شغلي شسوي .. بس تصدقين افنان مشعل من دش حياتي وانا متغيرة أحس قمت أثق بروحي أكثر من الاول قمت أكون شخصيتي وأدافع عن نفسي وانا مفكرة أستقيل من لوجين الي ذلت عيشتي وأكلم مشعل أشتغل عندهم بالشركة
سندس : أي ريوم والله هاذا أحسن حل هاذي لوجين كلش موطايقتها كلش
ريم : الله كريم أنشاءالله

 

[zizo0ou-x3]

( مجمع الآفينيوز )
ريان : ماما ها شرايج بهاذا جنة حلو مو
ام عبدالله : والله ماما رياني كل شي عليج حلو .. بس جنة الألوان مومتناسقة
ريان : اي بلة أخضر شدخلة بالسالفة .. امممم رفيجتي قالتلي بريشكا وزارا أييبون ملابس حق المتحجبات .. معني متعودة أشتري ملابس قصيرة من هالمحلين بس شسوي .. يلا خل نروح
رن تلفون أم عبدالله صوت الاذان
الله أكبر الله أكبر
ام عبدالله : ماما أنا رايحة أصلي بمسجد المجمع ورادة لج روحي تسوقي على راحتج ولمن أخلص أدقلج
ريان : مووبي ماعرف أختار ملابس متحجبات .. يووه لو ماخذة دلول معاي
ام عبدالله : هههههه خو مافيها زود عن ملابسج العادية بس اشتريها جم طويل
ريان : خلاص عيل انا رايحة زارة ولمن تخلصين تعاليلي .. وتقبل الله
ام عبدالله : منا ومنج
..
ريان قعدت تتمشى بالسوق ومن محل لي محل .. ومابقى تنورة ولا بنطرون جنز ولا جنطة وجوتي ماشرتهم خلصت 500 دينار على ملابسها .. واهيا تتمشى ولا تلمح أسرار
ريان : اوووه موجنة هاذي أسرار جنتنة خل أروح أسلم عليها
مشت ريان ولجياس بيدها موقادرة تشيلهم من ثقلهم وراحت عند أسرار .. أسرار كانت قاعدة على الكراسي وتلفونها يرن عبدالله يدق عليها بس موقاعد ترد .. ودموعها أربع أربع على عيونها : جذي يايما تحرميني من أغلى شي بحياتي
ريان قربت ولا تسلم : السلام
أسرار رفعت راسها ولاتنصدم : ه.. هه.. هلا ريان
ريان باستها على خدها اليمين واليسار : هلا أسرار شلونج حبيبتي من زمان ماسمعت حسج ليش ماتدقين ولا تسألين لايكون أنتي وعبدالله متهاوشين
اسرار دموعها موراضية توقف .. مسحتهم بسرعه بيدها وتنهدت : لا مافينا شي بس تعرفين مشغولة والجامعه ماخذة كل وكتي
ريان : الله يعينج ماخذة صيفي أكيد
اسرار : اي والله بفتك مليت من الدراسة
ريان : ههههه اي بسرعه عشان نزوجج مانبي ناخذج وانتي طالبة
أسرار بكل حسرة : الله كريم .. ألا أنتي شقاعد تسوين منييه
ريان : ماقالج عبدالله
اسرار : شقالي .. صارلي يومين مومكلمتة
ريان : انا قررت أتحجب وياية مع امي عشان أشتري ملابس
اسرار : صج مبرووك حبيبتي
ريان : الله يبارك فيج.. وانتي مع منو ياية
اسرار : مع أمي
أم أسرار طلعت من المسجد : يلا أسرار يما مايمدينا نكمل الاغراض حمد ولد عمج مستعيل على الزواج عمتج دقت وقالت باجر الملجة وبعد يومين تسافرون شهر العسل
أسرار بققت عيونها وقلبها قام يرقع وبسرعه بترقع الموضوع : يما هاذي رفيجتي ريان
ام أسرار باست ريان وسلمت عليها بس ريان كانت مومنتبهة جنة أحد طقها صطار تنحت ووقفت مكانها تبي تجذب أذونها ولا أكيد سامعه غلط
ام أسرار : الفال لج يما تتنزوجين ونفرح فيج
ريان بتتكلم موقادرة ألسانها أنربط : اسسس .. اسسر ...اسسرار انتي بتتزوجين
ام أسرار : هههههه ماقالتلج اي باجر ملجتها
ريان طالعت أسرار بنظرة كلها عتب ومشت عنهم ودمعتها بعينها
أسرار ركضت وراها وتناديها .. : ريان .. ريان نطري شوي انتي موفاهمة
ريان صارخت : شنوو ألي موفاهمتة بالظبط كل شي أنكشف .. انتي جذابة حسافة على الي عطاج أياه أخوي
اسرار قعدت تبجي وتشهق : خليني أشرح لج
أم أسرار : هاذي شفيها عصبت
ريان غمضت عينها وأهيا ظاقطة على اسنانها من العصبية : مابيج تشرحيلي أي شي .. وخلاص طلعي من حياه أخوي باجر بتتزوجين شتبين فيه
اسرار : ريان عبدالله أذا درى راح ينهار ... لايعرف شي عشان خاطرة .. والله غصبن عني راح أتزوج وانا ماحبيت غير أخوج والله احبة بس ماباليد حيلة
ريان : هاذا تسمينة حب .. تطعنينة بظهرة وتسمينة حب .. لا حبيبتي لازم يعرف منو انتي .. ولين متى بتخشين يعني .. أخوي صارلة يومين يتصل عليج بيتطمن عليج اونتي حظرتج رايحة تشترين ملابس حق عرسج .. انتي ذبحتي أخوي يا أسرار حسافة دخلناج بيتنة وعديناج وحدة منا وفينا .. تدرين عبدالله كلم عمتي عشان يخطبونج
اسرار : ريان انا
ريان : خلاص لاتشرحيلي شي .. الله يوفقج وييسر دربج أنشاءالله .. الزواج قسمة ونصيب يلا مع السلامة
أسرار : ريان عبدالله بعيونج
ريان تطاعها بحقد : مع السلامة
..
ريان ركضت الحمام وأهيا تبجي . أما أسرار طاحت على الارض أنهارت من البجي أمها ركضت عندها وقومتها من على الارض : يما شفيج خرعتيني
أسرار تشهق : انتي السبب بلي قاعد يصير وراح يصير فيني يايما انتي السبب
ام اسرار : انا .. بعدين هاذي منو .. شقالتلج الي خلاج تنهارين جذي
اسرار تطالع أمها ودموعها بعينها : هاذي .. تبين تعرفين منو هاذي يما ؟؟
ام اسرار : تكلمي
اسرار : هاذي ام عبدالله حبيبي .. هاذي الي المفروض تكون حماتي .. هاذي الي اخوها وقف معاي بكل لحظة بحياتي وماخذلني .. هاذي يايما أختي الي مومن بطنج .. آآخ يايما آآخ دمرتيني وحطمتيني الله يسامحج يايما الله يسامحج
ام اسرار بعصبية : هاذي أختة .. مالت عليها وعليه .. صج ناس ماتستحي انتي من صجج بتتزوجين أخوها شايفة شكلها أكيد أخوها هيلقي نفسها .. هادة حمد ولد عمج الزين كلة عندة وراكظة ورى اخوها
اسرار : كافي .. كافي يما مابي أسمع منج ولا شي .. كافي خلاص .. برد البيت
ام اسرار : تعوذي من ابليس
أسرار بدون لاتحس وأول مرة تكلم أمها بهالطريقة : انتي أبليس يايما .. خربتي حياتي
ام اسرار أنصدمت : انا .. مشكورة يايما هاذاجزاتي الي كبرتج وربيتج أحسن تربية .. أشتغلت وتعبت عشانج .. وانا ماتهمني الا مصلحتج .. يلا خا نرد البيت انتي اعصابج تلفانة وانا ماراح أحاسبج على كلامج لانة باجر ملجتج بنفرح فيج
أسرار : باجر بتدفنيني وانا حية يما ..
%%%%%%%%%%%%
ام عبدالله : ها يما انتي وين
ريان بصعوبة تتكلم : بالحمام
ام عبالله : يلا كاني
ريان : آآخ شقول حق امي الحين وشقول حق عبدالله .. عبدالله أذا درى عن الموضوع يمكن ينتهي .. يارب ساعدني
ام عبدالله : ريان يما شفيج خشمج أحمر أنتي باجية
ريان قطت روحها على أمها ولمتها حيل وقعدت تبجي: يما عبدالله أخوي
ام عبدالله بخوف : شفييه
ريان: حبيبي أخوي
ام عبدالله : ريان تكلمني ذبحتيني شفيه عبدالله
ريان : راح تنطفي شمعتة يايمة .. اسرار حبيبتة باجر ملجتها
ام عبدالله : شنوو .. يعيني على وليدي آآخ يما عبدالله .. شلون ألحين نوصلة الخبر أخوج راح يتظايق حيل
ريان : يما لازم يعرف .. خل يعرف منو أسرار هاذي الي لعبت بمشاعرة
ام عبدالله : ريان يما انتي لاتفتحين الموضوع جدامة .. خليني آنا أكلمة
ريان : حاذر يما .. بس عفية حاولي ماتجرحينة مهديلة الموضوع بالاول
###########
( بيت بوعبدالله )
عبدالله : شيوم أنا طالع اذا يات أمي قوليلها مار الشباب الديوانية
شيماء : اوكي
اول ماطلع عبدالله ولا تركض شيماء عند تلفون البيت وتدق على فرح
شيماء : فروح بسرعه قوليلي شصار بالضبط ماقدر أطول معاج
فرح : شيوم خايفة والله خايفة لازم أروحلة لازم
شيماء : لا ماتروحين أذا رحتي أقول حق عبدالله
فرح : ماكو حل ثاني ؟؟ لا لاتقولين حق عبدالله أخوج سكت عن الموضوع اذا درى عن هالموضوع راح يقول حق أهلي وابوي يروح فيها
شيماء بعد تفكير : خلاص انا معاج ماراح أخليج بروحج
فرح : شنو بتيين معاي أنتي متأكدة
شيماء : فروح ماقدر أخليج بروحج .. بعدين اهيا موحفلة عادية
فرح : مادري أول مرة أروح ولا مرة رايحة
شيماء : يعني نفس أعياد الميلاد أكيد مافيها شي .. شوفي ريلي على ريلج ولا ماكو روحة
فرح قعدت تبجي : شيوم والله أحبج مادري شكنت راح أسوي بدونج
شيماء : خلاص لاتبجين اليوم راح نوقفة عند حدة .. بنعلمة بنات خلق الله مولعبة عندة
فرح : شيوم بس شلون أهلج أخاف يطيحون عليج
شيماء : لا الكل ينام هالحزة وعبدالله أخوي اليوم سهران بالديوانية مع ربعه فماعتقد أحد بيطيح عليي .. اقفل باب الغرفة وأطلع من باب السرداب
فرح : وريون
شيماء : ريون تنام .. أذا نامت لايحوشك شخيرها يوصل لسابع جار ماتدري عن عمرها
فرح : خلاص أنا أقول حق جراح يمرج .. بس اخاف يسألني انتي منو شقولة
شيماء : قوليلة خالتج
فرح : ههههه ظحكتيني وانا مالي خلق أظحك
شيماء : هههههه ادري عنج قوليلة بنت خالتي بعد شتقوليلة
فرح : خلاص ماشي .. تجهزي على الساعه 1ونص اوكي
شيماء : اوكي
%%%%%%%%
عبدالله راح الديوانية عند الربع .. طول الوكت يفكر في أسرار مايدري أرضها من سماها
عبدالله بالة كان مشغول ومبين عليه : هاذي شفيها موراضية ترد صارلي رابع يوم أدق عليها ماترد
مساعد شاف عبدالله قاعد بزاوية وسرحان : اخوي عبدالله شفيك سرحان
عبدالله :لا ولاشي بس شوي بالي مشغول ناطر النتيجة تدري باجر النتايج تطلع
مساعد : لا أنشاءالله خير يخوك لاتحاتي ترى الدنيا ماتسوى
عبدالله يظحك مجاملة : اي أنشاءالله
...
( بيت بويوسف )
ام يوسف : عاش من سمع هالصوت أم أسرار شهالغيبة الطويلة
ام أسرار : سامحيني يوخيتي وحقج عليي أدري مقصرة بحقج وايد بس شسوي مشغولة والله بهالبنت حايرة فيها
ام يوسف : منو أسرار
ام أسرار : اي والله يوخيتي أسرار .. تعرفين البنت كبرت وهمها كبر معاها .. انتي شلونج وشلون لعيال
ام يوسف : والله كلنا بخير ..
ام اسرار : اي ماقتلج .. ترى أسرار بنتي باجر ملجتها
أم يوسف : هاا شقتلتي
ام اسرار ظنها ام يوسف ماسمعت عدل : اقولج اسرار باجر ملجتها أنشاءالله .. بياخذها ولد عمها
ام يوسف : يالله الله يتمم على خير أنشاءالله .. عاد جنج حاسة
ام أسرار : حاسة بشنو ..
ام يوسف : ههههه ياية أكلمج عن موضوع أسرار بقيت أخطبها حق ولد أخوي .. ناوي يتزوج وانا أقترحت على أمة بنتج أسرار
ام أسرار : والنعم والله بس ولد عمها من زمان حاط عينة عليها والزواج قسمة ونصيب بس أذا تبين ادورلج بنت ترى معارفي وايد
ام يوسف : مشكورة حبيبتي وتسلمين أكلم أمة وأردلج خبر
ام أسرار : الا أهوة شسمة
ام يوسف : عبدالله البناوي
ام أسرار : والنعم حبيبتي .. انتي بس عطيني الشارة وانا أنشاءالله بلقالة الاحسن من بنتي أسرار
ام يوسف : تسلمين حبيبتي وماظنتي في نفس بنتج اسرار أخلاق وأدب وجمال ماشاءالله ربي يحفطها لج ويبلغج فيها بالذرية الصالحة قولي آمين
ام أسرار : آمين حبيبتي وانشاءالله الفال حق دلولة بنتج
ام يوسف : انشاءالله
***********
( بيت بوجراح )
مشعل توة داخل البيت ياي عشان موضوع لوجين وتلفونها سلم والكل رد عليه السلام .. وبعدها بدقيقة جراح دخل
جراح : اووه اووه أقول البيت منور أثاري خالتي ام مشعل عندنا

 

[zizo0ou-x3]

أم مشعل : هههههه ماتيوز من سوالفك انتوا الرياييل بياعين كلام ماشاءالله عليكم
جراح : هههههههه هاذا الصج خالتي . مشعيل زين شرفت البيت عندنا من زمان ماشفنة رقعت ويهك
مشعل حذف المخدة على جراح : ماتسكر حلجك أحسن أنت الي وينك صارلي أسبوع أداوم بالشركة ماشوفك ترى موعلى أبو أنك صاحب الشركة مانشوفك
لوجين : ويييه مشيعل ليلحينك ماعرف جراح توأمي وانا خابزتة عدل ماتهمة الشركة تهمة وناستة وبس
ام جراح : يما جراح تبيني أفصلك من الشركة عشان تتعلم شلون تشتغل نفس خلق الله
جراح ينزل راسة ويحك راسة : لا الوالدة بعدين من وين أصرف على روحي
لوجين : عيل داوم ياالخداية .. انا البنت كل يوم قاعد أداوم ومجابلة حلالنة وانت الريال مو المفروض تكون مكاني
جراح : مو توأمي يعني أنا وانتي واحد
مشعل : عجيييييب .. هههههههه
جراح : اقول مشيعل تعال أبيك بسالفة
ام مشعل : أشوف صاربينكم أسرار
جراح : لزوم الخصوصية خالتي
لوجين : وانا ممكن أشارككم
جراح : لأ
جراح ومشعل راحوا الصالة الثانية
مشعل : ها شتبي بوراس
جراح : شفيني شايف صماخك أنت
مشعل : هههههه أتغشمر شبغيت
جراح : اليوم بسوي حفلة بالشاليه يعني دق ورقص وفلة على كيف كيفك
مشعل موعاجبة كلام جراح : ولييه جراح ماتيوز ماتخاف المباحث تطيح عليك وعلى حفلاتك بعدين بتروح وطي
جراح :يبا أحنا عيال البهاي فوق الكل .. ناكل ونمش أيدنا بالطوفة .. المهم أنا قتلك وانت عاد كيفك بتشرف شرف ومعاك صاحبتك
مشعل /: استغفر الله انا أقول بطل هالسوالف وجابل شغلك أحسن
جراح يرفع حاجبة : من متى مشعل انت الي تموت على هالحفلات شلي غيرك جذي
مشعل : بس تبت حرام بعدين أنا عندي وحدة احبها وأخاف عليها تدخل هالاماكن
جراح يظحك : ههههه تحب أنت متأكد أنك مشعل
مشعل : اي شفيك تظحك
جراح : من متى تحب .. مشعل الي قلبة عمرة مافز حق وحدة .. ( يغمز له .. منو هاذي تخش على أخوك
مشعل : ههههههه كل شي بوكتة حلو ياحلو
لوجين كانت قاعدة ورى المطارح بدون لايلاحظون الشباب وسمعت كل شي دار بين مشعل وجراح .. ولا فجأة تنقز نفس اليهال : صدتكم
مشعل وجراح : أعوذ بالله من الشيطان الرجيم .. شقاعد تسوين منيه
لوجين : ولا شي .. بكلم مشعل
مشعل : وليييه ماأذيتيني عرفت شتبين يلا ييبي تلفونج خل أسويلج الجل بريك
ركضت لوجين وحطت تلفونها بحضن مشعل .. وطول مااهوة يشتغل قعدت تفكر منو هاذي الي ماخذة عقلة
لوجين : انا لازم أعرف منو هاذي الي يحبها مشعل
مشعل خلص وظبط آيفون لوجين
مشعل : هاج خلصت وانشاءالله ماتتعبثين وايد بالبرامج وتخربين التلفون مرة ثانية
لوجين : حاظر عمي
...
حمد كان بشارع الخليج يتمشى ويغازل بنات خلق الله .. سيارتة مرسيدس كشف معلي على الاغاني ويخز البنات الي يمة بالسيارة
جراح دق على حمد : هلا بالحب وينك\
حمد : والله ماكو أتمشى بالشوارع
في سيارة بورش وفيها بنتين شعرهم أشقر حمد قعد يأشر لهم يبي يرقم الي قاعد تسوق السيارة
جراح : أسمع صوت سيارات يمك
حمد : انطر شوي يمي كيكتين كل وحدة أحلى من الثانية
جراح : ههههههه انت ماتيوز حمد باجر ملجتك ترى
حمد : يعمي .. بالطوفة وأذا .. أخاف الي بملج عليها قلبها ولا عقلها معاي مع غيري .. نفس ماأهيا مستانسة بدنيتها مع حبيب القلب خلني بعد أعيش حياتي
جراح : هههههههه موهين .. بس بعرف أنت شلون بتاخذ وحدة قلبها مومعاك ماتلوع جبدك
حمد : من صجك أنا بس أفكر بالسالفة أحس بستفرغ بس تعرف شغل النذالة شلون صاير .. بذلها بزهقها بعيشتها .. هاذا الي ناقص .. بعدين على فكرة أنا فكرت أني آخذها أخاف باجر تغلط مع الثور الي تكلمة وتنزل سمعتنا بالارض خلني أمسكها عشان لاتفتلت
جراح : اي والله زين تسوي
حمد : أقول جراح ليش مانمر مساعد الديوانية صارلنا دهر مومارين .. مشتاق حق الربع
جراح : يلا عيل فوقة
..........
( بيت أسرار )
اسرار كانت بالغرفة تتعذب كل مايدق عبدالله عليها .. تبي ترد بس خايفة ماتبي تصدمة وتخرب كل شي كان بينهم كانت بحالة أنهيار
أسرار : أنا ماقدر أتزوج حمد ماقدر .. لازم أسوي شي لازم .. فكري أسرار فكري
بعد التفكير العميق
اسرار : لقيتها بس .. انا لازم
00000000
( ديوانية مساعد )
عبدالله : مساعد انا بروح البيتتامرني على شي
مساعد : وين عبدالله تو الناس الساعه توها 11 شعندك مبجر
عبدالله : والله تعبان بوالشباب بروح البيت أريح وأنام
مساعد : خلاص يبا روح الغرفة الي داخل ريح ونام .. الشباب بعد شوي بيظبطون الوضع كود بوستة وزقاير على كيف كيفك ماأشتقت حق هالايام
عبدالله : اي والله مشتاق حق هالايام صارلي ألحين شهر مومدخن شكلة الظيقة الي فيني بتجبرني أدخن 10 باكيهات خلها على الله
مساعد : عبدالله وضعك موعاجبني ليش ماتفتحلي قلبك
عبدالله يطالع مساعد وبكل حسرة : شقولك يخووك .. خل الي بالقلب بالقلب مالة داعي أوجع لك راسك .. خل أحط راسي على المخدة يمكن أنام ولمن تبدي السهرة الصجية صحني من النوم
* دخل عبدالله الغرفة وحط راسة على المخدة ونام نوم عميق
))))))))))
( بيت بوفهد)
فهد : يما وين أفنان ليلحين ماردت البيت
ام فهد : بلة ألحين أبوك رايح يمرها بيت رفيجتها
فهد : يما تبوني ماأتدخل ولا أتكلم شايفة الساعه جم صارت 11 بليل وليلحين ست الحسن والجمال ماشرفت
ام فهد : يما فراس عساس يمرها مبجر بس مادري شفيه صار عندة شغل وماقدر يمرها
فهد : الله كريم .. الا يما بقيتج بموضوع
ام فهد : تفضل يما
فهد : باجر انا عندي سفرة عمل يات مفاجأة
ام فهد : وين على الله يما .. هاذي أول مرة أشوفك تسافر سفرة عمل
فهد : شسوي يما الشغل كلفني بهالسفرة بعد ماقدر أرفض
ام فهد : خلاص يما موفق أنشاءالله .. تامرني على شي .. تبي أرتب لك ملابسك بالجنطة
فهد : لا يما مشكورة أنا جهزت كل شي بس مازصيج على البنات
ام فهد : البنات بعيوني يما لاتوصي حريص
فهد باس راس أمة : مشكورة يما رايتج بيضة يلا أنا أستأذن بروح أريح شوي بغرفتي
..
بغرفة فهد
فهد : اي حبيبي كل شي تمام انشاءالله باجر يصير الي نبيه
زينة : وااي فهودي والله أحبك الله لايحرمني منك يعني وأخيرا حلمي بيتحقق
فهد : اي بيتحقق .. انا لو بيدي أفرش لج الارض ذهب انتي يازينة أغلى من كل شي عندي بالدنيا
زينة بدلع : وهلك
فهد : اهلي بالمرتبة الثانية وانتي بالمرتبة الاولى
زينة : يما فديتة بو المرتبات .. يلا عيل حبيبي لازم أسكر التلفون عشان أجهز نفسي وأنام تصبح على خير
فهد : وانتي من هلة
********************
فراس مومصدق الي شافة راح البحر يوسع على صدرة وبالصدفة شاف حمدان رفيجة مع أهلة
فراس : هلا حمدان شنو هالصدفة الحلوة ياأخي والله مشتاقلك
حمدان لم فراس : حبيب وانا بعد والله .. شلونك شخبارك شعندك هالحزة ياي البحر أكيد عندك هم عود وياي تشكي الحال
فراس : اي والله ياخوك .. هم وماأعتقد راح ينزال
حمدان : شفيك يخوك لا لا حالتك موعاجبتني تعال أستريح خلنا نسولف
فراس قعد على الشاطىء مع حمدان وتنهد : آآه ياحمدان شقولك
حمدان : قول يخوك
فراس : سندس الحب
حمدان : شفيها لايكون فليتوا
فراس : لا السالفة موجذي ياريت فلينة ولا عرفت الي عرفتة
حمدان : شلي عرفتة
فراس : سندس طلعت رفيجة أفنان أختي
حمدان أنصدم : شنو وشلون وشدراك شنو هالصدفة
فراس : انا مثلك موعارف شسوي .. أقولك توني رايح أقط أفنان بيت رفيجتها ولا تطلع سندس من الباب لمحت ويها وأهيا نفسها سندس
حمدان : لا حول ولا قوة الا بالله وبعدين
فراس : والله مفتشل من أفنان مادري شلون بحط عيني بعينها
حمدان : والله مادري شقولك
فراس : وسندس بعد .. باجر أكيد بتعايرني مادري شسوي حمدان
رن فون حمدان واصلة مسج
( حمدان انا سندس .. طلعت موهين يالخطير .. تكلم أم عيون فتانة وماتقولي )
رد بمسج
( شنو ,, وانتي شدراج )
سندس
( ام عيون فتانة رفيجتي ولا نسيت يوم بالمجمع وقتلي ظبطيها )
حمدان
( اي مانسيت .. وأهيا قالت لج )
سندس
( اي كاهي يمي .. بس ها دير بالك تقول حق فراس عن الموضوع ترى البنت ماتبي أحد يدري عن الموضوع )

 

[zizo0ou-x3]

Raykom
W twq3atkom

 

[MiSs^^3OoBa]

ثآنكس خيتــو~
آلبآرتآت وووووووووووووووووووووووووآآآآآآآآآآآآآأأأأااااإإإإإإإإإآآآآآآآآآآآىوووووووووووووووو شويه عليهم
كملــي بليز بعرف تكفيـــــن .. x___x

 

[Miss MzajeYa]

مشكـــووورة حبيبتـــي ع الباااارت
الصراحة الرواية عجييييييبة
كلمة عجييييييبة شوية
تقبلـــي مـــروووووري

 

[Miss MzajeYa]

اب اب اب اب اب اب اب

 

[MiSs^^3OoBa]

؛,
.,~
~
؛
هآآي ,,
متـى تنزليــــن بآآرت حــــــــــــــــــــــــــدي متشــوقـه عآلروآيه..}
%نآآآآآآآآأأأأْx__xأأأأأأأأااااااااااآآآإإإإإإآآآآآآطرينــج%
^___^
@@
@@​

 

[zizo0ou-x3]

يسلموو بناات عالمرور
شوي و انزل بارت

 

[zizo0ou-x3]

حمدان تنح بالمسج .. وقعد يفكر
ويسترجع الذكريات
__
سندس : هلا والله .. وين حبيبي ليش ماياه
حمدان : حبيبج الله يهداه رايح يصفط السياره وقالي أيي عشان لانتأخر عليج .. منو هاذي ألي معاج ماعرفتيني عليها
سندس : هاذي رفيجتي أفنان..
حمدان : ليش منزله راسها .. شنو مستحيه
أفنان عيونها كانت بالأرض .. رفعت راسها ويت عينها بعين حمدان ولاتشهق وتقول : أنت .. هاذا .. هاذا أنت .. أمبييه لأ سندس أنا بمشي
سندس : هدي .. أعصابج افنان شنو تعرفين حمدان
حمدان : هههه شفيج سندس من وين ماعرفها ولا شي
أفنان : بسبتك أخوي قام يشك فيني وبقيت أنذبح وأنت تقول ماتعرفني .. الله ينتقم منك
سندس : أفنان خلاص سكتي وفهمينا الموضوع
حمدان تنح بويه أفنان بيتذكر: ايييييه عرفتها .. أنتي ألي عذبتيني بعيونج .. ليش تتغلين جذي
سندس : أفنان من وين تعرفين حمدان
أفنان : هاذا الي قتلج رقمني لمن كنت مع فهد .. أكرهك أكرهك
حمدان وسندس : ههههههه
سندس : حرام عليج أفنان .. عاد من ذاك اليوم وأهوه يكلمني عن وحده سحرته بعيونها طلعتي أنتي وانا مادري
أفنان لفت ويها ولا تشوف فراس أخوها شهقت مره ثانيه وتلت سندس وركضت .. سندس : شفيج
أفنان : أمبييه هاذا فراس أخووي
سندس : اي فراس وينه
أفنان أشرت لها : هذاااك بسرعه خل نطلع بسرعه
سندس أنصدمت : شنوو أنتي متأكده .. هاذا هاذا فراس أخوج
أفنان : ايييه يلا لايشوفنه .. بسرعه
سندس أسودت الدنيا بعينها .. طلعت طول هالمده تكلم أخو رفيجتها وأهيا ماتدري
....
فراس : حمدان وين الحب
حمدان : حمدالله والشكر رفيجتها معاها .. ركضت وتلتها .. قاعد تصارخ تقول أخوي أخوي شفت أخوي وراحوا .. تذكر الي قتلك رقمتها بالأفنيو .. طلعت هاذي أهيا رفيجه سندس
فراس : كاااااك شنو هالصدفه أحلى صدفه والله
حمدان : حده من صجك ألحين عاد الدور على سندس أظبطنا
فراس : أفااا عليك خل أدق عليها أتطمن
* فراس كسر التلفون على سندس بس ماكانت ترد عليه
@@@@@
رجع حمد ودقق على كلام فراس
حمدان : فراس أنت قطيت أختك بيت سندس
فراس : اي جم مرة أقولك
حمدان قاعد يربط الاحداث
( الموقف الي صار .. وفراس قط افنان .. أفنان .. أخت فراس اسمها أفنان .. وسندس ماتبين أقول حق فراس .. وسندس رفيجة اختة شلون أنا سويت جذي شلون)
فراس : حمدان شفيك لونك تغير وويهك قام يقلب ألوان
حمدان حس الدنيا سودة بعيونة ماعرف شيقول : لا ولا شي بس شوس تذكر شغلة ظايقتني
أبرار : حمدان يلا العشا زاهب
فراس : حمدان هاذي أختك
حمدان قام يشك بعمرة : اي أختي ليش تسأل
فراس : ماشاءالله يخلق من الشبه أربعين نسخة أختي أفنان ماشاءالله
حمدان عصب : شنو هالكلام موعيب تقعد تخوزر بأخت رفيجك صج ماتستحي .. فراس أذا سمحت توكل على الله
فراس أستحى حس أنا غلط : سامحني يخوك موقصدي أخزها
حمدان : تامرني على شي
فراس : سلامتك وانا رايح
..
حمدان طول مايمشي مايشوف جدامة قعد يكلم روحة : انا شسويت .. شلون أكلم أخت صاحبي لو مواعدها وفراس كان معاي شكان راح يصير والله قوية بحقي .. بعدين شفيني عصبت يوم تكلم عن أبرار أنا قاعد أكلم أختة بالتلفون موقفي أبشع من موقفة شسوي ياربي شسوي
...
الجود : جازيو انتي بدعتي بصراحة
الجازي: وااي اي بدعت والله متظايقة جود من الي صار الحين شلون بحط عيني بعينة ماتقوليلي
الجود : انتي ماسويتي شي غلط حبيبتي مالج شغل .. صدقيني باجر أهوة الي راح أييلج ويركض وراج وقولي ماقتلج
الجازي : الله يسمع منج .. أنا مابيه يركض بس أبيه يكون يمي وبس
أم سالم دخلت على البنات بالغرفة
أم سالم : هنوف يما ممكن طلب
هنوف : يعيون هنوف أنتي ماتطلبين أنتي تامرين أمر
ام سالم : علميني على الكمبيوتر جني من عصر الجاهلية ماعرف حق الكمبيوترولا شي
هنوف : أخاف يما أعلمج وتجابلينة 24 ساعه
ام سالم : شنو الي يجابلونة أحسن مني
هنوف : ههههههه ماتيوزين تقصدين أبوي
ام سالم : يوووه انتي شنو حاطينج محامية حق أبوج
هنوف : لا والله يما بس انتي 24 ساعه نجرة مع أبوي ,, ترى بعدين يهج من البيت وتتحسفين قللي نجرتج معاه
ام سالم بققت عيونها وكلها نار وشرار : يهج .. أهجج راسة قبل لايهج .. لا يعيوني الي يدخل بقفص أم سالم ماعوزة يطلع منة .. بعدين ليش يهج الي يجابل ويهي يهج جمال ودلع وذراية
هنوف تستاسر عمرها : اي مبين
ام سالم : قلتي شي يما
هنوف : لا قلت حاظر بعلمج على اللاب توب
ام سالم : وبعد بغير تلفوني الناس كلها تطورت يشترون آي فون وبي بي وانا ليلحين نوكيا بو ليت والله فشلة شوفي عماتج وحريم عمامج كلهم برستيج يحليلهم والله اتفشل لمن أقعد معاهم
هنوف : خلاص يما بعطيج دروس بالأتكيت أفا عليج
أم سالم : ونااسه متى يبلش أول درس
هنوف : من باجر ههههههههههههه

 

[zizo0ou-x3]

( بيت أسرار )
·

نٱسٍ بغينٱهم .. مٱبغونٱ </3
ﯚنٱسٍ مٱبغينٱهم [ مٱتـﯚ ] يبـﯚنٱ ! ♥
گذﺂ ﺤﺂل ﺂلدنيٱ يـٱبعد ﺤﺂليـﮯ :
لٱ قلنٱ ﺂلصرﺂﺤھ [ صدّﯚ ] ﯚﺂترگـﯚنٱ

أسرار : أنا لازم أنحاش من البيت واروح عند عبدالله زواجي من حمد لازم مايتم ..
بطلت أسرار باب البيت ولا أمها توها نازلة من غرفتها حست أنا أسرار راح تسوي شي
ام أسرار : يما شقاعد تسوين .. وين بتروحين يهون عليج تروحين وتخليني
أسرار دمعت عيونها : لا يما مايهون
أم أسرار : عيل دامني غالية عليج ... صيري خوش بنت باجر ملجتج على ولد عمج حمد
( ديوانية مساعد )
الساعة 2 الفجر
( عبدالله : فرح شقاعد تسوين دني عن الريال وخري عن الريال
فرح تظحك نفس المجنونة : هههههههه راح انزل راسكم بالارض .. كلة منك أنت السبب
شيماء : عبدالله سامحني يخوي بس لازم أذبحك قبل لاتذبحني
عبدالله : شيماء شقاعد تقولين شصاير
شيماء : انا اليوم راح أنزل راسك بالارض سامحني بس لازم أذبحك عشان تموت وتموت قصتنا معاك
فرح : ذبحيه شيماء ذبحيه
شيماء قربت من فرح ومسكت السجينة : ذبحيه
شيماء غرست السجينة بقلب عبدالله : سامحني يخوي سامحني
فز عبدالله من النوم
عبدالله : بسم الله الرحمن الرحيم .. شنو هالحلم الغريب أعوذ بالله منك ياأبليس كلة منج يافرح خليتي الكوابيس تطاردني الله يهديج أنشاءالله
مساعد دخل الغرفة على عبدالله وشافة بحالة فزع قعد يسمي عليه
مساعد : عبدالله شفيك يخوك اكيد كابوس شوف جبينك عرقت وايد موزين لك
عبدالله : اي والله كابوس مساعد كابوس
مساعد : تعال أطلع برة أشربلك قلاص ماي وتعوذ من ابليس
عبدالله : يلا مشينا
مساعد : وبعرفك على ربعي أيام الثانوية
عبدالله : يلا سرينا
..
الشباب قاعدين على الطاولة المدورة بنص الصالة ويلعبون كوت بوستة ومندمجين باللعب .. الي يصارخ والي يسب ويلعن بالثاني ,, والنص الثاني يطالع تلفزيون والي يغازل بنات خلق الله .. والي .. والي الكل لاهي بدنيتة
على الطاولة المدورة
جراح : ولييه شفيني اليوم حظي موشي
حمد : كاااااااك قنالك يبا الحظ معاي اليوم بس انت ماصدقت يلا تتراهن هاللعبة أغلبك
جراح : بنشوف لاتتحداني على شنو
حمد : تعزمني على شوكليت بار
جراح : صار
لعبوا الشباب وحمد فاز مرة ثانية باللعبة
مساعد : ههههه انا أقول لو تنسحب جراح أشرفلك
جراح : لاتتشمت ترى الشماتة موزينة
مساعد : حمد .. جراح . أعرفكم على صاحبي وصديقي الصدوق عبدالله
حمد مد أيدة وصافح عبدالله : يامرحبا بك
جراح مد أيدة وصافح عبدالله .. عبدالله حس بوخزة بقلبة من صافح جراح ولا يطيح على الارض من التعب
مساعد مخترع / عبدالله شفيك
عبدالله يحط ايدة على راسة : مافيني شي .. مافيني شي الظاهر هاذا أثر الدوخة يلا مساعد أنا أستأذن ألحين لاتواخذني يخوك بس شايفني حالتي حالة
مساعد : لا أخوي أخذ راحتك والمكان مكانك وكت ماتبي تشرف شرف
عبدالله : ماعليك زود حبيب
جراح : كاااااااك شفت حمد قتلك عندي قوى سحرية بس ماتصدق
حمد : وايد مصدق عمرك
جراح : ماشفت بعيونك يوم مسكت أيد الريال طاح من طولة شنو تفسر هالشغلة
حمد : أقول لاتعيش بالاحلام وايد .. يلا قوم الحفلة شوي وتبدي خل نلحق خو أحنا راعين الحفلة وآخر ناس بندش شلون
جراح : اي والله على قولتك
((((((
( بيت بوفهد )
حمدان : انتي ليش ماقلتيلي من الاول انج أخت فراس والله عيب الي قاعد يصير ماقدر أطعن رفيجي بظهرة وألعب بشرفة
أفنان : حمدان أنا مثلك توني أدري عن الموضوع صدقني مادري توني أعرف من سندس . بعدين شنو تلعب بشرفة وتطعنة بنظرة أنت قصدك ماتحبني ولا شنو
حمدان : افنان انتي لاتاخذين الكلام بحذافيرة والله أحبج بس ماقدر أكمل معاج .. انتي نطريني بس أحسن وظعي وأوعدج أييب الاهل ونخطبج رسمي بس ماأكلمج من ورى أهلج تخيلي أخوج يدري شنو بيكون موقفي آنا معاج
أفنان : حمدان والله ماقدر ماأكلمك طول هالمدة أنا تعودت عليك بحياتي مايصير تنسحب بهالسهولة والله بدونك أموت أفهمني
حمدان : فاهمج والله فاهمج بس أنا موريال أذا كلمتج وانا أدري أنج أخت صاحبي بعدين وطي صوتج لاتنفعلين ويسمعج أحد
..
ريهام قامت من فراشها وراحت عند المطبخ التحظيري الي يم غرفة أفنان .. سمعت صوت أفنان تتكلم .. قعدت تتسمع عليها وسمعتها تقول حمدان أحبك
ريهام : امبيييه عميمة تكلم منو .. امبيي لازم أقول حق أبوي .. لا لا أذا قلت حق أبوي راح يذبح عميمة أدري .. خل أقول حق عمي فراس
ريهام ركضت غرفة فراس وتهزة بلفراش تقعدة من النوم .. فراس كان نايم بسابع نومة مايدري عن عمرة
ريهام : عمي .. فراس .. عمي فراس قوم
فراس ماحس بعمرة شال أيدة ولا يلت ريهام كف من غير لايحس
ريهام تعورت : آآي .. عمي فرااس
فراس أنتبه وبصوت خشن : هاا هاا شتبين .. أنتي شقاعد تسوين منيه ماتشوفين الساعه جم 2 الفجر ليش قايمة من فراشج
ريهام : عمي بسرعه قوم خالتي أفنان قاعد تتكلم مع واحد
فراس صحصح ونفس المينون ركض غرفة أفنان بطل عليها الباب طلع مقفول
أفنان : أويييليي حمدان أكلمك بعدين هاذا فراس أخوي ( وسكرت التلفون
أفنان : شسوي وين أحط التلفون .. شسوي ياربي .. أمبييه بسرعه خل أخشة تحت لفراش
خشت التلفون تحت لفراش وركظت الحمام لبست روب السباحة وغطت شعرها بالفوطة بترقع الموضوع
فراس يطق الباب بهدوء عشان محد بالبيت يحس .. وبصوت واطي : أفنان بطلي الباب ادري انج قاعدة بطلي بالطيب لا أكسرة على راسج
أفنان قربت من الباب وبكل خوف قلبها يرقع : لحظة كاني فراس شبغيت
فراس : بطلي لا أكسرة على راسج
أفنان بطلت الباب ولا يمسكها فراس ويدزها على الارض : وين التلفون طلعيه ألحين
افنان خايفة : اي تلفون .. مادري عن شنو تتكلم
ريهام : عميمة أنا سمعتج تقولين حق واحد أحبك
افنان تخز ريهام
فراس : لاتخزينها طلعي التلفون أقولج
أفنان : فراس والله ماعندي تلفون أنا كنت قاعد أتسبح وأقول أناشيد وأكيد ريهام سمعتني
فراس عصب وثارت أعصابة : انا ماني أهبل طلعي التلفون ..
أفنان : ماعندي تلفون بعدين كل من يرى الناس بعين طبعة حبيبي
فراس قعد يطق أفنان بكسات ولا تطيح الفوطة : شعرج ناشف .. موتوج قلتي أنج قاعد تتسبحين
أفنان تبجي : اي تسبحت وشعري نشف فراس أطلع برة قتلك ماعندي شي
فراس قلب الغرفة فوق تحت وآخر محطة رفع لفراش ولا يشوف التلفون تحت لفراش
ريهام قعدت تبجي .. فراس بقق عيونة وحس الارض موشايلتة قر من أفنان وعطاها كف : هاذي آخرتها بتنزلين روسنا بالارض