غريبـه كيف آشتآق لك’’, ۈآنت تچرحنے !

[MiSs^^3OoBa]

يسلمــو عآلبآرت
آتوقع ابو فرح يموت وام فرح تنشل و فرح تربيها خالتها
وحمد يفل من اسرار ووووووبث *ــــ^​

 

[zizo0ou-x3]

Yslmoo all 3altwq3aat
W enshalla now anzl part

 

[zizo0ou-x3]

ام فرح تطالع عبدالله .. تكلم شفيها فرح
عبدالله غمض عيونة وأخيرا أستجمع قواه وقدر يتكلم .. مسك فرح من أيدها ودزها على الأرض .. : خالتي بنتج هاذي سودت ويهنا وحطت روسنا بالأرض
ام فرح تبجي من الصدمة .. وبو فرح مايرد
عبدالله كمل وصوتة يعلة : خالتي بنتج شفتها مع أختي شيماء بشاليه واحد .. والشاليه كلة مصخرة وعربدة وسكارة من كل صوب وبنتك بكل برود قاعدة مع هالسكران بالغرفة وهالشي خلاها تفقد شرفها .. بنتك .. بنتك .. بنتك .. عبدالله موقادر ينطق فيها : خالتي بنتج ..
شيماء تترجى عبدالله يسكت : عبدالله
موبنت يخالتي بنتج لازم تموت
ام فرح حطت أيدها على حلجها وشهقت .. : شنو
عبدالله : أي خالتي بنتج سلمت عمرها حق ريال .. صارت فريسة ووجبة جاهوة له للأسف يخالتي حسافة التربية فيها
ام فرح راحت عندها وعطتها كف الي خلاها تطيح من الأرض .. طقتها وكمشت شعرها وقعدت تسبها : حقيرة بذبحج ياحيوانة .. أنتي موبنتي مو بنتي .. ( وقعدت تطقها
فرح تبوس ريول أمها وأبوها : سامحوني واللة ماعيدها سامحوني
أم فرح تشوتها : يالنيسة لا تقوليلي يما ماني أمج ولاج بنتي .. انا ماعندي بنت
بوفرح غمض عيونة وأشر .. : خلاص كافي
ام فرح : بو فرح شنو راح نسوي بهاذي الفضيحة ماتقولي آآخ يالدنيا هاذ آخر التربية فيج
بوفرح هداهم بالصالة .. وراح عند المطبخ ..أخذ سكينة وحطاها ورى ظهرة .. وبكل هدوء رد الصالة مرة ثانية وقعد يكلم فرح بكل هدوء
بوفرح : يبا ليش سويتي جذي .. ليش حطيتي راسنا بالأرض ؟.. أنتي تدرين أنا ماعندي غيرج بهالدنيا .. لو كنتي بمشكلة ليش ماييتي قلتيلي انا ولا أمج نساعدج .. أحنا أهلج عزوتج
فرح : يبا آنا
أم فرح : لاتقولين يبا انتي ماعندج أبو
بوفرح حس قلبة بيوقف .. : يبا فرح تعالي لميني
فرح ركظت بحض أبوها .. تدري ماكو أدفى وأرق وأرحم من حضن الأبو .. تدري ماكو أحد بالدنيا بينسيها هالهم الثقيل غير أبوها
فرح ركظت ولمت أبوها : يبا أنا آسفة
بوفرح رد عليها : أنا الي آسف يبا بس أنتي مالازم تعيشين .. طلع السكين من ورى ظهرة وغرسها بقلبها .. فرح طاحت على الأرض ولفظت أنفاسها الأخيرة
أم فرح مهما يكون هاذي بنتها ركظت ولمتها : يما بنتي .. ( طاحت بالأرض وقعدت تبجي عليها
أما شيماء بدون لايلاحظ أحد طلعت من البيت .. وعبدالله كان لاهي مالاحظها كان لاهي مع هالمصيبة
عبدالله : خالي شراح نسوي ألحين
بوفرح مومستوعب الي سواه وقع يردد : كان لازم تموت .. لازم تمووت .. كان لازم تموووت
عبدالله : خالي
بوفرح : انا راح أبلغ الشرطة ..
· طبعا بوفرح ذبح بنتة بقضية شرف .. فراح يطلع منها وماراح يتحساب .. بلغ الشرطة عن الحادثة ونقلوها الطب الشرعي ..

@@@@@@@@@@@@@@@@@@@@

 

[zizo0ou-x3]

( بعد مرورأسبوعين )
الكل كان يسأل عن فرح وعن أحوالها وبوفرح كان يتحاشى الأجابة أما عبدالله دخل بحالة هستيرية وماينام الليل بس يحط راسة على المخدة يحلم بكوابيس وكملت عليه أسرار بعدم ردها على أتصالاتة ماعرف شلون يوصل لها خاصة مايعرف رقم أحد من اهلها ولايعرف عنوان بيتهم


يوم الخميس عايلة بوعبدالله وأم يوسف وبو سالم يتيمعون في بيت أمهم زيارتهم .. خل نشوف الوضع في بيت كل واحد فيهم
( بيت بوعبدالله )
غرفة ريان
ريان مستانسة حيل لانها هاذي أول أسبوع بتزور بيت يدها وأهيا لابسة حجاب وخاصة أنهم من زمان مورايحين بيت يدهم من صارت سالفة فرح .. طلعت بنطرون جينز ولبست فوقة قميص شيفون يوصل فوق ركبتها بشوي لونة بصلي وبالنص فيه حزام من لشوارفسكي وتحت القميص لبست بجي أبيض عشان أيدها لاتبين .. ولبست حجاب قطن سكري وفيه شوارفسكي بصلي وحطت كحل ماسكرا وشوية بليشر على ويها .. وحمرة لحمية طبيعية شكلها كان وايد حلو يشوق
ريان تطالع روحها بالمنظرة : هاذا أول يوم لي لاحجاب في بيت يدي أكيد أحمد راح ينصدم ويستانس .. بس أنا لازم أصير ثقيلة لايقول عني بعدين خفيفة ... وأهم شي أطيح الميانة مع عميمة بعد لزوم أخطف ولدها ( تبتسم : يما فديتني والله قمر 14 تف تف عليي
غرفة هيثم
هيثم محتار بعمرة شنو يلبس يطلع بنطرون جينز وقميص دير آند دير مخطط ولا يلبس شورت أسود وبدي ظيج صاك على جسمة
هيثم : لا جنة الشورت موعملي حق بيت يدي .. بس يمكن الجازي تحبة ... انا حاس أنها تحب هلستايل ... لا لا خلاص خل ألبس بنطرون وأتوكل على الله ( قلبة قام يرقع من يسمع أو يفكر بالجازي : شفيني أنا من أسمع أسمها أتخصبق وقلبي مادري شنو يصير فيه
غرفة عبدالله
عبدالله عايش بالدنيا بس موعايش .. كل مايحط راسة على المخدة يحلم بفرح والي صار .. ويفز من نومة من طعنة جراح له بقلبة .. وألي معذبة أكثر انا صارلة أسبوع يدق على أسرار وجهازها يامغلق يا ماترد
عبدالله : أنا ماقدر أعيش وانا بهالحالة لازم أعترف حق خالي وأقولة كل شي .. لازم أقولة أني ذبحت بنتة لانها سودت ويهنا .. الحين أهوا رافع عليها قضية تغيب صارلة أسبوع وانا أدري بلي صار وماتكلمت .. أنا شايل حمل ثقيل على ظهري مادري متى راح ينزاح .. وأسرار ثقلت هالحمل علييي .. ليش قاعد يصير فيني جذي ليش ( قعد يبجي نفس اليهال
غرفة شيماء
شيماء لا ليلها ليل ولا نهارها نهار .. من الحادثة الي صارت ومن شافت فرح مقتولة جدامها تغيرت حالتها 180 درجة .. ماتاكل ولاتشرب ولاتنام نفس الناس ولا تظحك ولا تتغشمر كلة قاعدة بغرفتها وتصارخ .. طبعا أهلها عرفوا عن كل ألي صار ...وقالهم عبدالله أنا خالهم ذبح فرح.... طبعا محد بالبيت يعامل شيماء بأحترام الكل يستحقرها ومايكلمها وأهيا دخلت بحالة نفسية .. صارت كئيبة حيل .. طبعا باب غرفتها مقفول مايتبطل .. وعندها حمامها وكل شي ... ابوها مفكر يوقف قيدها السنة الياية عشان ماتداوم بالثانوية بس خايف الناس تسأل ومايكون عندة جواب
شيماء تصارخ : مجرم ذبحها .. ذبحها .. ليشم حد راضي يصدقني ليش .. أنا مومينونة ذبحها أي ذبحها ياجماعه أخوي مجرم
بوعبدالله فتح الباب ولتها كف طيحها على السرير : اذا سمعت حسج ياسودة الويه أشنقج منيه سامعه
شيماء بصوت عالي وتشهق من البجي : أي طقني طقني بعد .. صرت طوفة هبيطة كل واحد فيكم بالبيت فيه حرة دش عليي الغرفة وكفخني .. جسمي ( تأشر على جسمها ) شوفة شوف صار أزرق من الطق .. عيوني ورمت ويهي أعتفس مستانسين جذي .. أكيد مستانسين .. بس لاتحاتون عن قريب راح تفتكون مني لاتحاتون
بوعبدالله طبعا قلبة كلش مومطاوعة على الي سواه بشيماء مهما يكون هاذي بنتة الدلوعه بس غصب عنة مطر .. راح الغرفة عند أم عبدالله والدمعه بعينة
بوعبدالله : ام عبدالله البنت راح تظيع من أيدنا شنسوي .. راح تين بقعدتها بالغرفة قاعد تسمعين الكلام الي تقولة تقول عبدالله ذبح فرح .. هاذي الحين لو تمشي وتتكلم بهالطريقة خوفج الناس تصدقها بعدين شلون وين نودي ويهنا
ام عبدالله متظايقة وتبجي : بوعبدالله موبيدي والله .. أذا هديناها راح تفتلت وبعدين لي فات الفوت ماينفع الصوت .. بنتك سوتها مرة وكسرتنا خانت ثقتنا وخانت شرفها .. في بنت عاقلة تروح هالأماكن الله ستر ماذبحها عبدالله .. وفرح بنت أختي أنحاشت .. أنا خايفة فرح تتصل عليها وتنحاش معاها
بوعبدالله : لاماراح تقدر بنتج ماعندها تلفون عشان تتصل لاتحاتيتن
ريان : عبدالله راح ناخذ شيوم معانة
عبدالله معصب : أكيد ناخذها شنوه السؤال الغبي .. يعني نخليها بالبيت عشان تنحاش
ريان : والله خوفك تفظحنا مناك
هيثم : أنا بعد أقول خلها بالبيت وحطها بغرفتي .. انا غرفتي مافيها دريشة وأقفل عليها الباب وأذا أحد سأل نقولة تعبانة
عبدالله : أي والله خوش حل
...
عبدالله قعد يدق على أسرار ماترد .. ( ماكو ألا أدق من تلفون ريان
عبدالله : ريون عطيني تلفونج شوي
ريان : حق شنو
عبدالله : بدق على أسرار صارليأسبوعين أدق وماترد عليي مادري شفيها شكلها سافرت ومالحقت تكلمني
ريان خنقتها العبرة .. تفضل
عبدالله دق على أسرار ومن الرنة الثانية ردت عليه أسرار ..
أسرار مخترعه : االووو هلا ريان عبدالله فيه شي
من ورى التلفون صوت حمد : انتي من قاعد تكلمين .. أحنا موقلنة شهر العسل مانبي أحد يزعجنا
أسرار : رفيجتي شفيك معصب أي شهر عسل أنت خليت فيها شهر عسل
عبدالله دمعت عينة وطاح النلفون بالأرض
ريان أنكسرت على حال أخوها : عبدالله شفيك
عبدالله طاح من طولة .. ريان صارخت : عبدالله .. عبدالله حبيبي شفيك
عبدالله : أسرار .. أسرار تزوجت
ريان قعدت بالارض يم عبدالله وقعدت تبجي .. خلاص حبيبي هونها وتهون لاتسوي بروحك جذي
عبدالله : أسرار راحت من أيدي .. راحت .. شلون بعيش .. انا احس أني جسد بلا روح .. أختج وبنت خالج دمروني أما أسرار عطتني الظربة القاظية .. وين أروح انا أنتهيت
ريان تبجي على حالة عبدالله وتمسح دموعه : عبدالله بس والله قطعت قلبي لاتسوي بروحك جذي
عبدالله : خلاص ريون .. انتي روحي بيت يدي أنا ماراح أقدر أروح وانا بهالحالة
***************************
( بيت بويوسف )
غرفة يوسف
يوسف قاعد بالغرفة ومتغطي بالكمبل والجو بارد حييل ويتكلم بالتلفون
رانيا : لا مايصير جذي انت قلت بس تتوظف راح تخطبني
يوسف : ههههههههه أي أدري قلت وانا ليلحيني عن وعدي .. بس شسوي رانيا تعرفين ديوان الخدمة يخلون الواحد يطحس على مايلاقيلة وظيفة أنا قدمت أوراقي وأنشاءالله الله يكتب الي فيه الخير
رانيا : انزين شرايك تشتغل عندنا بالقطاع الخاص .. ترى الشركة الي أشتغل فيها محتاجة موظفين وانت توك متخرج أكيد يقبلونك ..
يوسف : والله مادري .. القطاع الخاص كلش ماأشجعه ماحب القطاع الخاص بالمرة
رانيا : بس معاشهم قوي .. وانا أسويلك واصطة بعد شتبي .. أنا نائبة المدير ولا نسيت
يوسف : ههههههههههههه والله وطلعتي موهينة يا رانيا
رانيا : أظيطك .. بعدين انا أقولك تعال عندنا أشتغل عشان تستعيل ونملج على بعض .. ترى أنا رافضة فكرة اني أكلم بالتلفون أكثر
يوسف : أهون عليج يعني تخليني بروحي
رانيا : أكيد لأ .. بس شسوي
يوسف : الي تسوينة أنج تكلميني بدون لاتسدين التلفون
رانيا : لا والله ..
يوسف : أي والله
رانيا : ههههههههههه يلا عي لانا أستأذن
يوسف : وين على الله ماشبعت منج

 

[zizo0ou-x3]

توقعاتكم و رايكم

 

[laco$te]

اب اب اب اب اب اب اب​

 

[Miss MzajeYa]

الباااااارت عجييييييب حدددددددده
إمااا فرح كسرت خاطري هي وشيووم
والكريه جرااحو وحمد يبيلهم احد يعلمهم شلوون يلعبون ع بنات الناس
يسلموووو عالباااارت

 

[Miss MzajeYa]

اب اب اب اب اب

 

[3thab 2lroo7]

عبدالله يستاهل حرام فرح ترجته ولا رد عليها

ننتضرج قلبو بس نبي بارت طوييييل بليز

 

[Aloolah]

واااو ابدعتي
كسرت خاااطري شيماء
نااااطرييينج

 

[zizo0ou-x3]

yslmoo klkoom 3la elrdod w elmtab3a el7lwa;;**
w enshalla shwy w elpart ykon 3ndkum

 

[zizo0ou-x3]

رانيا : بس أحنا أتفقنة نكلم بعض بس ربع ساعه ألحين صارلنا ساعتين .. راح أحسبهم من المرة الياية
يوسف :لا رانيا من صجج أنتي بتذبحيني صح
رانيا : هههههههههههه يلا باي ( وسكرت الخط
يوسف : آخيييه عليج يارانيا كاملة والكامل الله سنع ودلع وأخلاق .. متى نكون في بيت واحد
غرفة أحمد
أحمد لاهي بالواتساب يكلم مشاعل ولا تدش عليه دلال بكل دفاشة
دلال : شقاعد تسوي .. بعدين ليش ليلحين مالبست ملابسك يلا ألحين أبوي يصارخ
أحمد : خو أنا مومرتبط فيهم .. أنا بروح بسيارتي
دلال : احمد بيي معاك
أحمد : لأ روحي مع أهلج
دلال : عفية بركب البورش .. أبي أحس بالمغامرة وأنت تدوس أبوي مركبنة بسيارتة لمكحينة موديل ألف وحطبة والمشكلة مايدوس .. يمشي 80 خايف عليها
أحمد : هههههههههههه والله وحش الوالد ..
دلال : يعني خلاص أركب معاك
أحمد : يلا حياج وايد تحنين على فكرة ..
دلال : أدري

..
غرفة أم يوسف
ام يوسف : يووووه الله يعيني ألحين على أم سالم .. هاذي الحرمة مادري متى تتسنع
بويوسف : شفيها بعد ام سالم
ام يوسف : أستغفر الله .. ماخذة ذنوب الدنيا كلها على راسها بس تجابلني أنا وأم عبدالله تتشكى من فلان وعلان ,, وتقعد تتكلم عن أخوي بطريقة موحلوة .. كلة تقولي بوسالم مايعرف .. بوسالم مايفعل .. بوسالم مايقول .. بوسالم ماعندة أسلوب
بويوسف : ههههههههه انتوا يالحريم مامنكم امان .. عاد بوسالم ماعندة أسلوب قوية بحقة والله
ام يوسف : الله يعيني بس والله
@@@@@@@@@@@@@@@
( بيت بوسالم )
سالم قاعد بغرفتة بيلبس ملابسة عشان يتجهظ حق بيت يدة .. طبعا سالم قدم أوراقه حق أكثر من شركه خاصة يدور شغل .. وحدة من الشركات كانت شركه ( البهاي والبدودري ) للأستشارات الهندسية .. طبعا هاذي وحدة من شركات بوجراح وشريكه بومشعل وطبعا الشركه مسجلة بأسم مشعل ولوجين ....
سالم : أخيييه يعني أنا متى أتزوج وأييب عيال أبي أستقر مليت من حاله العزابية بس مطاعم وطلعات صج زهقة .. بس وين أتزوج وانا الحين صارلي شهر أدور شغل ماصارت ذلوني ذل ..
سالم توة طالع من غرفتة ولا يرن تلفونة
السكرتيرة : الو السلام معاي الأخ سالم
سالم : اي نعم أختي منو معاي
السكرتيرة : معاك شروق سكرتيرة شركه البهاي والحميدين للأستشارات الهندسية
سالم :هلا أختي آمريني
السكرتيرة : أخ سالم أنت قدمت أوراقك لشركتنا قبل أسبوعين عدل
سالم : اي وىالله أختي وقدمت على أكثر من شركه وناطر الخبر عاد أنشاءالله بتبشريني بشارة حلوة
السكرتيرة : بصراحه أخوي سالم الشركه أطلعت على أوراقك وشهاداتك وبأجماع الأدارة قرروا يوظفونك وماشاءالله أنت مبين عليك من سيرتك الذاتية أنك وايد طموح والشركه تتشرف توظف أمثالك
سالم طار من الفرحه : صج يعطيج ألف عافية اختي على الخبر ماقصرتي وهاذا من ذوقج أنشاءالله أكون عند حسن ظنكم
السكرتيرة : أنشاءالله .. بس ألحين باقي تشرف عندنا الشركه يوم الأحد تستكمل باقي الاوراق وأنشاءالله يوم الاثنين اول يوم دوام لك
سالم : أنشاءالله يعطيج الف عافية
السكرتيرة : الله يعافيك .. مع السلامة
* سالم ليلحين مومصدق الخبر ركض الصالة ناطر خواته وأمة ينزلون ويبشرهم
....
غرفة الجازي وهنوف
الجأزي : هنووو البس النفنوف الاحمر القصير مع جيجي ولا النفنوف السكري مع الجليه البيج
هنوف كانت لاهية تدق على جراح بس ماكان يرد
الجازي صارخت : هنووو وصمخ يصمخ تلفونج أنشاءالله ماتسمعيني أكلمج
هنوف : ويعه تويع أبليس أنشاءالله شفيج تصارخين خبلة
الجازي : صارلي ساعه أكلمج ماتردين بشنو مشغولة
هنوف بوزت : جراح موراضي يرد أدق مايرد قمت أحاتيه
الجازي : وهاذا بعد ويها ويه واحد ينحب .. مومن صجج متكأبة عشان ولد البهاي مالت على البامية أم السناسين
هنوف : هييي عاد لاتتطنزين عيل هيثومج هاذا الي فالح يرفع خشمة .. جيكر ومليق ونصاب .. لا ومسمي روحه محمد قطع
الجازي حذفت المخدة : هييي جب على الأقل هاذا واحد منا وفينا باجر لاصار ماصار ماراح يفظحني ولا يعر مني مناك
هنوف : خلاص صكي الموضوع
الجازي : اوووف .. انزين شرايج ألحين شنو البس
هنوف بدون نفس : مادري
الجازي : يلا هنوو عاد عن الملاقة
هنوف : خلاص لبسي السكري والبيج
الجازي : تتوقعين يعني يلاحظ
هنوف : اييه بسج حنة
الجازي : أنزين آخر شي .. أخاف ألبس ومايشرف الحبيب
هنوف : لا لاتحاتين كل اسبوع اشوفة اول واحد راس فيسة لا والمشكله يقعد يتغزل بماما عوده وأهيا مصدقة.. تعطيه ٢٠ دينار ،. وشكثر تحبه مادري ليش
الجازي : هههههه حياتي والله .. ليش محترة أنتي
هنوف : لا ولاشي
.....
غرفة بوسالم وام سالم
ام سالم تشوت بوسالم : هيي بوسالم أقوول
بوسالم : نعمم
ام سالم : هنوف علمتني على الفيس بوك
بوسالم يساسر عمرة : ولييه والله بلشة ألحين شلون باخذ راحتي
ام سالم : خير بوي شقلت
بوسالم ؛ لا قلت سلامتج انزين حجية وشنو المطلوب مني مثلا
ام سالم : المطلوب أني بتطور نفس باجي خلق الله وأشتري لابتوب وآيفون
بوسالم يطالعها ولافجأه يفصل : كاااااااك أنتي وآيفون كلش مولايق
ام سالم وقفت على حيلها ولاتقرب من بوسالم وتقرصة ؛ تظحك هاا
بوسالم يبي يتحرش فيها ويطفرها : أقول لمن يصير عندج معاش صرفي على روحج وأشتري لابتوب وآيفون
ام سالم عصبت : شنو .. الشرها علي آنا الي قعد بالبيت وجابلتك أنت وعيالك .. تنازلت وماشتغلت عشانكم ألحين أنت بتذلني على قطيعه حديد على قولة السوريين يعيب الشوم ،. عصبت ونزلت الصالة وأهيا تتحلطم
سالم كان بالصالة يشوف أمه تتحلطم : أنا شلي بلاني وخلاني أتزوج هالدعلة سعودو والمشكله مقحط لوماخذة ولد البدران ولد لفلوس جان ألحين أنا فوق ماأطر منة عشان تلفون .. لا وكان يموت على لتراب الي أمشي عليه بس وين قلبي التعبان ماعرف يختار​

 

[zizo0ou-x3]

سالم يظحك على أمة : شفيج يما تتحلطمين الظاهر الوالد مزعلج
ام سالم : يولي أخوك هالشيبة مصدق عمرة كل ماطلعت شيبة صبغها يتشبب عبالة جورج كلوني
سالم : هههههه
بوسالم والجازي وهنوف نازلين من الدري : هههههههه
ام سالم : شرف جورج كلوني زمانة
بوسالم يطالع الهنوف : بابا هنوو مو آنا أحلى من جورج كلوني بذمتج
هنوف باست أبوها : والله تصك عليه مليون مرة
سالم بيربط عصاعص : اقول الوالد تعال شوف الحجية شتقول .. تقول متحسفة ليش ماخذتك لوماخذة ولد البدران أحسن
بوسالم : يخسي والله لاتييب طارية في بيتنا
ام سالم : اقول أشوفك تغار .. اي نسيت ولد البدران أحلى منك وأغنى
بوسالم : يخسي
الجازي وهنو : كاااك أهم شي
..
بوسالم رجع بذاكرتة وبذاك الوكت كان بوسالم ( سعود عمرة ١١ سنة .. وبدر البدران ١٢ سنة وحنان ( ام سالم ) ٩ سنين
سعود وبدر وحنان وسارة كانوا عيال فريج واحد يلعبون مع بعض بالفريج .. طبعا كانوا روح باروح ربع محد يقدر يفرق بينهم وكانت أم سالم معذبة قلوب شباب الفريج ( طبعا شباب يهال ) الكل يحاول يكسب قلبها .. حبهم طبعا كان حب بريء وطاهر بعد يهال .. ام سالم ( حنان ) كانت دايما تلزق في بوسالم وتختارة تلعب معاه .. صيدة مصية والحلية وغيرها من الألعاب
وكان في منافسة قوية بين بوسالم وبدر منو ياخذ قلب أم سالم ويتزوجها
بدر : أنا حاجزها قبلك سعود ومكلم ابوي اني أتزوجها ولمن نكبر راح أقول حق أمي تخطبها لي
سعود ( بوسالم ) : لا أهيا تحبني أنا مرة قالتلي بعد يبت لها وردة سوده
سارة : لا أنا بس أدري منو تحب قالتلي
سعود وبدر : أنا
سارة : ولا واحد ويك ويك
ام سالم توها طالعه من البيت لابسة نفنوف فوشي ومسوية عنقوصتين طيرت عيون الشباب ( ههههه شباب يهال ) عليها .. كانت دايما لمن يلعبون صيدة مصيدة ولا غميضة تلزق في بوسالم
وبعد ٩ سنين
ام بوسالم وأم بدر دقوا على أم حنان ( أم سالم ) بنفس الوكت بيخطبون حنان ( ام سالم ) وطبعا عقب ماخيروها اختارت بوسالم .. وعقب ماتزوجوا بدر كان دايما يظايقهم .. ويظايق أم سالم ويشيشها تتطلق وتتزوجة .. وبوسالم فل من فريجهم عشان يتحاشى بدر .. بدر دل فريجهم وبنشر سيارة بوسالم وبعدها أشتكى عليه مايتعدى على حقوقهم ومن يومها وبوسالم حاقد عليه لانه يحب أم سالم
...
نرد حق الوكت الحالي
بوسالم كان سرحان يتذكر
ام سالم :شفيك ساكت وين رحت هههههه آكيد تذكرت بدر
هنوف والجازي : شسالفتة بدر
ام سالم :كان يحبني
بوسالم عصب : يخسي الحيوان
سالم والجازي وهنوف : ههههههه الوالد طلع يغار على الوالدة
ام سالم : اصلن ابوكم يمووت عليي بس يكابر ويتغلى
بوسالم : اي خير
ام سالم بنظرة بريئة : قول الصج
بوسالم يعني أستحى : اي والله أحبج يا حنوني .. أرتحتي ألحين
هنوف : ههههههه والله انتوا عجيبين طيور الحب
@@@@@@@@@@@@
( بيت أسرار )
أم أسرار : ياحيالله من يانا
حمد : الله يحييج خالتي .. وين مرتي ماشوفها ودقيت عليها ماترد
ام اسرار : يمكن نايمة ماشافتة خل أروح أشوفها عن أذنك
حمد : والله يخالتي موماشافتة ألا ماتبي ترد بتكلم حبيب القلب بس والله لراويج ياأسرار والله لذل عيشتج
غرفة أسرار
أسرار كانت نايمه بالعسل ومحولة تلفونها سايلنت طبعا تلفونها
​

 

[zizo0ou-x3]

raaykom w tw83atkom ;*

 

[laco$te]

اب اب اب اب اب اب اب اب
بليييييز طولي الباارت​

 

[zizo0ou-x3]

enshalla mn 3yonii
w yslmoo 3almror

 

[Miss MzajeYa]

اب اب اب اب اب
بلييييييز نبي باارت اطوووووول
تسلم ايديييينچ ع الباااارت الرووووعه بس ع فكرة ترى قصيييير
يسلمووووو فدييييييتووووچ

 

[Miss MzajeYa]

اب اب اب اب اب
بلييييز لا تطولييييين نبي باااارت طوييييل
حدي متشوقة لما هيثم يشوف الجازي
لاتطوليييييييييين ادري اذيييييتچ بس تحملي
والله مااقول غير الله يعيييينچ علي بس لأني راح أأذييييچ بردوووودي الطويلة الللي ماتخلص
لاتنسييييين الباارت نبيه طوييييل ولاتنسييييين ((((((تحملي ردووووودي))))))
يسلموووو ع الباااارت حيااااتي

 

[Miss MzajeYa]

اب اب اب اب اب

 

[zizo0ou-x3]

Yslmoo klkm 3la elrdood
W enshalla a7awel anzl part bagrb waqt