ديوانية مساعد )
مساعد : عبدالله أنت وين غطيت قلت بتروح الفرع وترد أشوفك طولت
عبدالله : تذكرت شغلة ناسيها بالبيت رديت آخذها
مساعد : اي عبدالله .. ماقتلي شسالفتك مع جراح
عبدالله تنهد : ايييه .. تعرف لبرودكاست الي وصل عنة ..
مساعد : اي توة كان يقولي أهلة أطردوا من البيت بسبتة
عبدالله : البنت الي أعتدى عليها تصير بنت خالي .. وأهلها يوم دروا بالسالفة أذبحوها ,, وانا راح أذوق جراح طعم المر الي ذقتة انا وخالي بسبتة
مساعد : لاه لاه .. صج المظاهر خداعه وانا قايل بستظيفة في بيتي وبخليه يبات عندي أشوة بينت حقيقتة .. بس أنت شناوي تسوي
عبدالله : أنطر عليي بس يمساعد بأغلى ماعندة
مساعد : لايكون مفكر تتعرض حق شرفة وتصير نفسة
عبدالله : ماعاش الي يلعب بشرف الناس .. انا بذوقة أهوة الويل أهلة مالهم شغل بالموضوع
@@@@
نرد حق يوسف ورانيا ونشوف شنو الي قاطعهم بس خل نتذكر شوي شكان يصير بينهم
يوسف قرب منها .. وبكل خطوة أهيا تبتعد .. : آنا ياي أشوفج وأتأسف على الي صار
طبعا يوصف بخطواته وصل رانيا لي المطارح .. طاحت على المطرح .. ويوسف قعد يمها .. كل مالة ويقرب وأهيا تحاول تبعد بس ماتقدر تقاومة .. ريحة عطرة .. وأنفاسة خدراها .. قرب جسمة حيل من جسمها .. شال اللفة من على راسها .. حط ايدة على خدها .. غمضت عيونها وقربت أكثر منا .. قرب أكثر وكل مادقات قلبها وقلبة ترقع أكثر ولا ... ( يطق جرس باب البيت
رانيا بسرعه وخرت عن يوسف .. قلبها كان يرقع وأيدها ترتعش من الموقف .. يوسف عصب : منو هاذا الي طاق الجرس خرب علينا لحظتنا
رانيا : ههههههه خلني أروح أبطل الباب اشوف منو
بطلت رانيا الباب ولا سالم بويها
رانيا : سالم
يوسف لف ويها : سالم
سالم : يوسف
يوسف : أنت شقاعد تسوي منيه
سالم : انت الي شتسوي منيه
يوسف : رانيا منو هاذا
رانيا : هاذا سالم الي قتلك عنة .. سالم حبيبي القديم
يوسف : سالم أذا ماعليك امر تطلع برة
سالم : وانت شكو تامر وتنهي
يوسف : انت الي شكو
سالم / أنا خطيب رانيا السابق
يوسف : قلتها خطيبها السابق وألحين رانيا لي بس آنا .. فاهم وأتمنى أنك تطلع من حياتها وماتقرب منها ولا راح يصير ألي مايسرك
سالم : يوسف هاذي ترى بتخدعك نفس ماخدعتني والله راح تخليك تتعلق فيها وبعدها تقطك قطة الجلب
رغد نزلت من الدري
رغد تدز سالم : أطلع برا ماأسمحلك تتكلم عن أختي بهالطريقة
سالم دزها : أختج الي يابت الكلام حق نفسها
رانيا صارخت : بس ..مابي اسمع ولا كلمة
يوسف تل سالم وطلعه برا البيت وبصوت عالي : سالم والله ثم والله أذا شفتك مرة ثانية معتب باب البيت ولا ماس رانيا ورغد بكلمة والله أقص لك ريولك ياحيوان .. شلون تتكلم عن شرف بنت ماتخاف أحد يتكلم على خواتك
سالم : خواتي أشرف من هاذي راعية الرياييل
يوسف ماتحمل رفع أيدة وعطاه كف : جب
سالم حط أيدة على ويها وحس بحرارة الكف : تمد أيدك عليي عشان وحدة .. حسافة أنك ولد عمتي جان والله عرفت شلون أربيك
يوسف دزة : يلا مناك مناك ..
سالم : انا رايح بس راح أييك اليوم الي بتقول قال سالم
يوسف ركظ عند رانيا ,, رانيا كانت منهارة تبجي على حالها وعلى طريقة سالم بتجريحها .. مومستوعبة شقد أهوة حاقد عليها وشايل بقلبة .. يوسف ماتحمل لمها بحضنة وطبطب عليها .. مسح دموعها وحست بحرارة أيدة ., حست بلمساتة .. حست بدفى حضنة .. يوسف نسى رانيا كل الجروح الي جرحها سالم فيها .. حبتة بجنون وماتقدر تفارقة لحظة وحدة
@@@@@
ريم : مسكينة لجون والله ماتستاهل الي يصير فيها
مشعل : اي والله هاذا جراح انا كنت حاس راح يطيحهم بمصيبة مادري متى يعقل ويصيرريال بهذل أهلة ونزل سمعتهم بالأرض
ريم : استغفر الله بس لانتشمت مو زين
مشعل : انا ماتشمت قاعد أقول الصج
ريم : مشعل حبيبي متى أشتغل عندكم بالشركة
مشعل : الوكت الي تبين الشركة مفتوحة لج يعمري أنتي
ريم : ماتخاف لوجين تعصب
مشعل / وليش أنشاءالله .
ريم : مادري بس جذي .. أنا ماحبيت أفاتحها بالموضوع عشان حالتها
مشعل : مالج شغل انا أكلمها
ريم :يعني خلاص أعتمد عليك
مشعل : اي .. اقول ريم شعندج اليوم
ريم : ولا شي
مشعل : شرايج أمرج ونروح نتمشى على البحر .. من زمان موطالع معاج
ريم : خلاص صار حبيبي متى
مشعل : خليها على الساعه 10 البحر يكون شوي فاضي مو أزدحام
ريم : خلاص ماشي
@@@@@@@
لوجين طلعت من المستشفى وقاعدة بغرفتها تفكر بجراح .. جراح كان توأمها ماتقدر تخليه بروحة مهما يكون هاذا قطعه منها .. أتصت عليه تتطمن عليه
لوجين بلهفة : جراح
جراح : شتبين لجون مو أنتي هاذا الي تبينة
لوجين : حشى يخوي والله ماكنت أبي أبوي يطردك برا البيت
جراح : كلة منها هاذي فرح والله لعلمها
لوجين قامت تبجي : خلاص جراح لاتييب طاري البنت
جراح : ليش .. بعدين ليش قاعد تبجين
لوجين : فرح
جراح : شفيها
لوجين : اهلها ذبحوها .. فرح تصير حق ريون .. امس كنت عندهم وقالتلي كل شي
جراح أيدة قامت ترجف .. حس ريجة نشف موقادر يتكلم .. ويها صار أصفر من الصدمة : ششش.. شششنو
لوجين : جراح انت وين
جراح طاح تلفونة بالأرض موقادر يتكلم
لوجين : جراح انت وين
جراح قعد يبجي نفس اليهال أول مرة مشاعرة تتحرك ويحس بالندم على شي سواه ,, أول مرة يحس بتأنيب الظمير .. أول مرة يحس بالنار تشب بقلبة .. ماعرف حق منو يروح .. قعد يمشي نفس الأهبل بالشوارع ,, بعدها راح شقتة حط راسة على المخدة موقادر يغمض عيونة .. دموعه ماوقفت .. بعدها تلفونة رن ولا هنوف داقة عليه جنة قلبها حاس
جراح رد على التلفون وأهيا يبجي ويشهق : هنوف ذبحتها هنوف ذبحتها ماتت
هنوف : جراح أسم الله عليك شفيك خرعتني
جراح : ذبحت البنت البنت ماتت بسبتي
هنوف : اي بنت وانت شكو
جراح : ماوصلج البرودكاست
هنوف : اي برودكاست جراح أنت الظاهر حلمان
جراح / هنوف بشوفج .. ظروري بشوفج
هنوف : وين
جراح : انا ساكن بشقة بوحدة من عمارات ابوي تقدرين تمريني
هنوف أخترعت من سمعت شقة وعمارة .. أهيا ولا مرة ألتقت بجراح بمكان مسكر .. دايما كانت تشوفة بأماكن عامة : جراح ماقدر
جراح زادت نبرة صوتة بالبجي : هنووف والله محتاجج يمي .. والله محتاجج أحس أني مقموت موعارف حق منو أروح .. مالي غيرج هنوف
هنوف سمعت هالكلمات شعرها أقشعر ماعرفت شتقولة .. هنوف ماتقدر ترفض حق جراح طلب أستسلمت حق الوضع ووافقت تروح : خلاص بس أستأذن من أمي وأييك
جراح : أدزلج العنوان مسج
هنوف : حاظر
سكرت التلفون وقعدت تفكر
الجازي : شفيج هنوو
هنوف : جراح تعبان وقاعد يبجي
الجازي : وعوو ولد أبليس الله ياخذة أنشاءالله
هنوف : لاتدعين على الريال شنو مسويلج
الجازي : أنتي موعايشة بالكويت صح
هنوف : ترى مو وكت ملاقتج جازيو
الجازي : اي والله من صجي أتكلم .. ماشفتي لبرودكاست .. ولد البهاي يعتدي على بنت بسن الزهور .. هاذا وصخ شيبي فيج ألحين
هنوف : شنو ..
الجازي : كاهو لبرودكاست عندي
هنوف خذت تلفون الجازي ماتحملت الي شافتة قطت التلفون عليها وقعدت تبجي .. كانت حيرانة بين الجوانب الزينة الي تشوفها بجراح .. وبين الفيديو الي شافتة .. أفكارها تلخبطت . بعد الي شافتة غيرت رايها على روحتها للشقة .. جراح كان ينطر منها رد بس ماردت عليه .. دق عليها ماردت .. دز مسج ماردت .. ليلحين حايرة
الجازي : حجية شفيج متنحة
هنوف : جراح بيشوفني
الجازي : ويعه تويع العدو من صجج بتروحين حق هالسفاح
هنوف : ماقدر أخليه بروحة جازيو حسي فيني جراح محتاجني لازم أروحلة
الجازي : أنا مالي شغل بس أذا سوة فيج شي أنا مالي شغل برا الموضوع
هنوف تلت جاكيت من كبتها لبستة ولبست جوتيها الرياضة وركضت السيارة عند جراح .. ونست تقول حق أمها أنها طالعة
@@@@@
( بيت بوفهد )
بوفهد / شنو .. ماني قادر أصدق الي أسمعة وشلون يتزوج بدون لايعطينا خبر
ام فهد : هاذا الي صار
فراس :/ يبا لاتشوف شكل مرتة كاسية عارية ماتستحي على ويها والله عيب عليه عيب الناس راح تاكل ويوهنا بسبتها
بوفهد : وينة فهد وينة
ام فهد : بغرفتة
بوفهد : أفنان يبا روحي ناديه
أفنان : حاضر يبا
...
فهد قاعد بغرفتة مع زينة ويتظحكون .. ظحكهم واصل لي سابع جار
زينة تظحك بشكل هيلقي : هيييهههههههههه بس حبيبي فهود أستحي
فهد : يما فديت الي يستحون والله
أفنان ظحكت على فهد : ههههه والله مصخرة فهد .. فهد الي يهز الأرض بصوتة زينة قدرت تفر راسة والله دنيا ( طقت الباب ..
زينة : ولييه منو هاذا الي يبي يخرب جونا
فهد : خل أشوف ( راح بطل الباب ولا أفنان .. فهد : نعم خير يعني الواحد مايختلي بمرتة .. لازم تخربون مزاجنا
زينة كانت قاعدة على السرير لابسة نفنوف نوم فوشي ولافة حوالين رقبتها ريش فوشي .. نطت من السرير ويات عند فهد : فودي حبيبي شتبي هاذي
أفنان فصلت : فودي بعد .. هههههههه
فهد : انتي شتبين
افنان : الوالد يبيك تحت بيبارك لك على الزواج
زينة تبيها من الله .. : يالله حبيبي بسرعه خل ننزل خل يبارك لنا
فهد : يلا لبسي
زينة لبست توينز أسود على نفنوف النوم الفوشي ونزلت
أفنان : أنتي بتنزلين جذي
زينة : أي ليش عندج مانع
أفنان : أي أخوي فراس بالصالة وابوي عيب يعني هاللبس تلبسينة بغرفتج مو جدامهم
فهد : وانتي شكو .. الي موعاجبة يقلب ويها
زينة : أي والله يقلب ويها أحسن
أفنان : حمدالله والشكر .. الله يكمنكم بعقلكم
بوفهد كان بالصالة ناطر زينة وفهد ينزلون ... طبعا فراس ماتحمل الوضع .. صعد غرفتة بس بوفهد كانت علامة تعجب على ويها
زينة بكل شموخ مدت أيدها وصافحت بوفهد : السلام عليكم عمي
بوفهد أنصدم من شاف زينة .. ويها قام يقلب ألوان وأيدة ترجف : ههه..هلا فيج يبا
زينة بنبرة صوت حادة : شلونك عمي .. ماشاءالله اشوف بيتكم صار عامر .. من الخرابة صار قصر .. بس اليم حيرني من ويلكم هلفلوس عشان تبنون بيت بو 3 طوابق وسرداب وحديقة وحوض سباحة بعد .. ماذكر أنك تملك كل هلفلوس
بوفهد بيضيع الموضوع : ههههههه ماشاءالله عليج تنكتين بعد يبوج
أم فهد : يما زينة عيب عليج شلون نازلة الصالة جذي .. عمج وحماج بالصالة .. حتى فراس أستحى وصعد غرفتة
أفنان : أن لم تستحي ففعل ماشئت
زينة : خير حبيبتي شقلتي
أفنان : سلامتج
فهد : يبا مابركت لنا
بوفهد : مبروك بنيتي .. أنشاءالله منك المال ومنها لعيال
زينة قربت عند بوفهد .. وحطت حلجها بذونة وساسرتة : وأنت ياشيخنا ياشيخ الدين .. ترضى حفيدك يتربى بفلوس حرام .. ويه نسيت عيالك عاشوا بالحرام شلون حفيدك مايعيش
بوفهد بيرقع : ههههههه ولا يهم جيبا .. مرة ثانية مبروكين .. يلا أنا أستأذن
بوفهد صعد غرفتة وقلبة يرقع من الموقف : الله يالدنيا .. الدنيا صج دوارة .. وين كنا .. ووين صرنا .. بنت الحيالي صارت زوجة ولدي .. شهالصدفة .. هاذا أنتقام من رب العالمين .. وين بودي ويهي عند الناس وين .. زوجة ولدي كاسية عارية .. شيبون يقولون عني مشايخ المسجد .. يارب أهديها وأستر عليها يارب
أم فهد دخلت عليه الغرفة : بوفهد جنة البنت عجبتك .. ماكلمتها على لبسها .. انت عاجبك الوضع جذي .. الناس راح تاكل ويهنا .. جنتنا عارية والله عيب .. شفتها شلون نازلة بملابس النوم
بوفهد صرخ : ام فهد رجاءا مابيج تتدخلين بحياة فهد من يوم ورايح أهوة وحرمتة ينجازون وأحنا مالنا حق نتدخل دام الحرمة عاجبتة
أم فهد : انت شسالفتك .. بعدين شقصدها يوم قالت من ويلك فلوس تبني البيت .. أهيا شعرفها انا ماكان عندنا فلوس .. انت تعرفها بوفهد
بوفهد : هههههه شعلامج ام فهد .. هاذا ولدج أكيد قايل لها عن ظروفنا الله يهداج .. من وين بعرفها
@@@
فراس بغرفتة موقادر يعيش بالبيت وزينة فيه .. بعدين هالأيام صاير وحيد من سالفة حمدان وأفنان صارت حياتة فاضية .. سندس تركها .. وحمدان ماعاد يكلمة أشتاق لهم
فراس : أحس أني وحيد بهالدنيا .. مادري شسوي .. أدق على حمدان .. مهما يكون هاذا خويي مالي غيرة بهالدنيا والله أحس ظايع بدونة مادري شسوي
....
@@@@@
