غريبـه كيف آشتآق لك’’, ۈآنت تچرحنے !

[zizo0ou-x3]

يسلموو عالمرور حبايبي
و انشالله بحط لكم بارت باقرب وقت

 

[Miss MzajeYa]

اب اب اب اب اب

 

[3thab 2lroo7]

تسلم ايدج حبيبتي ننتضرج

 

[انات قلب]

وااااايد حلوه
يعطيج العافيه حُبي ناطرينج




 

[zizo0ou-x3]

بعد مرور أسبوع الأهل متيمعين حق الشاليه خل نشوف الوضع بكل بيت
( بيت بوعبدالله )
ام عبدالله : بوعبدالله هاذي موحالة مايصير ولدي بصوب وأنا بصوب ولا أدري عنا واللم مشتاقة لضناي مشتاقة حق ريحتة صوتة كل شي
بوعبدالله : خليه يبوج يرتاح الريال وايد عانى بهالفترة الي طافت بنت خالتة من صوب وأختة من صوب والبنت الي يبيها من صوب أنكسر قلبة
ام عبدالله دمعت عينونة : الله ينتقم منها اسرار كسرت قلب وليدي
بوعبدالله : لا تتحسبين عليه حرام ياحرمة
( غرفة شيماء )
شيماء بتجهز أغراضها ولا بين الأغراض تشوف صورتها أهيا وفرح عند بحر الشاليه .. رجعت لها الذكريات يوم سالفة فرح بالشاليه وحست بنفسها طايحة بالأرض ةتصارخ .. حطت أيدها عللى راسها وتصارخ : دن عني .. وخر عني .. فرح فرح
ريان ركضت غرفتها مسكتها وهدتها قرت عليها المعوذات ومسحت على راسها
وقالت : فرح حياتي شفيج خرعتيني عليج شصار
فرح تبجي وتشهق : ريان شفتها .. شفت فرح جدامي وأهيا تنذبح .. ماقدر أروح الشاليه ماقدر
ريان : تعوذي من أبليس قلبي تعوذي من ابليس خلاص الي راح مات
شيماء : لا ماقدر ماقدر حسي فيني ماقدر
ريان : خلاص أقول حق ماما تقعد معاج .. خل نروح نسألها ونشوف شتقول
راحت ريان وشيماء غرفة أم عبدالله وقالوا لها عن السبب الي يمنع شيماء من روحة الشاليه
أم عبدالله : يووه أحسن بعد أنا أصلن مالي خلق أروح بس عشان أبوج قلت أروح
بوعبدالله : هههههههههه طلع الكلام يعني مجاملتة بتيين مشكور ياأم عيالي
ام عبدالله : هههههههههههه
شياء حست مو طالعه من قلب أمها داست على ذكرياتها وقررت تروح : خلاص يما بروح أحس ظيقة خلق بالبيت
أم عبدالله : خلاص يما الي يريحج روحي سوي جنطتج
( غرفة هيثم )
هيثم : اي حياتي بنام يعني انا يحصلي أقعد بمكان انتي فيه أسبوع وماأنام
الجازي : يما فديتة لهالدرجة تحبني هيثم
هيثم : وأكثر .. أنتي حيل غالية يا الجازي .. اي بسويلج مفاجآة بالشاليه جدام الكل
الجازي : شنو قولي ماحب المفاجآت
هيثم : أذا قتلج ماراح تكون مفاجأة
الجازي : خلاص عيل ننطر شورانا .. أنزين هيثم شرايك نطقم الملابس
هيثم : ههههههههههه شلون يعني
الجازي : تذكر فنايل دير آند دير الي مرة كلنا شريناهم
هيثم : الي أذكرهم
الجازي : البس الفانيلة وأنا ألبسها وتصير السالفة صدفة
هيثم : هههههههه أنزين خلاص صار
( غرفة ريان )
ريان تجهز ملابسها بالجنطة وتحط الأغراض .. طلعت تريننق أسود وحجاب رمادي فاتح لبستة .. حطت شوي كحلة وماسكرا وقلوس وردي خفيف ولا تطالع روحها بالمنظرة : وااي والله أنا أينن حلاتي والله حلاتي .. أحمد أكيد راح يتنح أذا شافني .. أمبي لأ لأ شكو أفكر بأحمد أنا شكو .. أنا أفكر فيه وأهوا لاهي مع وحدة ثانية .. خلاص الله يلعن الشيطان
طلعت ريان من الغرفة ونزلت جنطتها .. سلمت على أمها وشيوم قبل لايروحون وحطت جنطتها عند الباب ولاتطلع تلفونها وتتصل على عبدالله
عند عبدالله)ه )
عبدالله : عاش من سمع هالصوت أنا صج زعلان عليج ألحين أسبوع أنا غايب عن البيت محد دق تطمن علي ولا شي ولا حتى مسج تدزون هاذي غلاتي عندكم
ريان : عبدالله حياتي أنت أخوي والله البيت بدونك مايسوى وأنت غالي وقدرك غالي .. الدنيا شوي شاغلتنة والله أنك على بالي وقايلة بدق بس أنشغلت
عبداله : ماعليه ماعليه .. شلون أمي وأبوي وهيثم وشي ( ولا يسكت
ريان : كملها عبدالله .. شيماء .. عبدالله شيوم ياهل وماتعرف مصلحتها ولين متى بتنام برا البيت عشانها ترى والله هاذي ياهل وأهيا حيل متحسفة على الي سوتة الله يسامح ويعفو وأحنا مانسامح .. البنت كل يوم تبجي تبيك ترضى عنها حرام والله تكسر الخاطر
عبدالله الدمعه بعينة وبصوت عالي : وانا .. وانا .. مافكرتوا بمشاعري مافكرتوا بلي جرا علي .. انا تعبان ريان والله تعبان .. محد بهالدنيا فاهمني .. كنت أعتقد أنج أكثر أنسانة قريبة مني بس الظاهر لأ .. محد قريب مني ياريان محد
ريان خنقتها العبرة : خلاص عبدالله خلاص سو الي تبيه بس لا تتظايق . المهم انا داقة عليك أقولك بنغير جو بنروح الشاليه وأبيك تيي معانا ترى أشتقنالك
عبدالله : أشوف أذا قدرت .. بعدين انا اليوم لازم أقط مساعد رفيجي المطار على الساعه 1 اذا قدرت أمر
ريان : لا رد البيت تشطف حبيبي وتعال الصبح موزين تسوق بالظلمة
**
( بيت بوسالم )
بوسالم : ياهيييي
ام سالم متخصرة وماسكة الملاس بيدها : أنا هيي ياا هاااا تبي أفلعك بالملاس الي بيدي
بوسالم : ههههه لايحوشك بس .. طبختي الغدا
أم سالم : اي طبختة .. بعرف ليش يعني حرمة أخوك ولا أختك يطبخون شمعنة آنا
بوسالم : أنا متبرع قلتلهم بنذوق طباخ أم سالم فيها شي
ام سالم : اي ألا فيها .. شعري صارت ريحتة طباخ اواريك بس خل أطلع من المطبخ
بوسالم : هههههههه خبلة هالحرمة
أم سالم كانت بالمطبخ لابسة دراعه حمرا وفيها تطريز أسود .. كانت لافة شعرها بحجاب .. طبخت الغدا من غير نفس زادت الملح عناد على بوسالم .. : هييهييهيي بشوف منو بيتغدى اليوم
( غرفة سالم )
سالم : انا ماراح أروح أذا الجحش مناك ماروح
هنوف : سلوم لاتفشلنا الكل متيمع وأنت شكو فيه خلاص
سالم : هالبزر يعطيني كف اذا شفتة يمكن ماتحمل وأفظح السالفة وانا مابي مشاكل
هنوف : خلاص عيل روح أذا ماتبي المشكال
سالم : اوووه بروح بس والله أذا شفتة قط كلمة منيه مناك مايشوف ألا شغلة
هنوف : الله كريم أنشاءالله يصير كل خير
( غرفة الجازي )
الجازي : واي شنو المفاجأة الي هيثم محضرها لي .. أم عيد ميلادي يمكن .. لا ماعتقد ليلحين ماصار .. شنو ياربي شنو
هنوف توها داخلة الغرفة : شفيج تكلمين عمرج
الجازي : كلمت هيثم وقالي بيسويلي مفاجأة
هنوف تظحك بأستهزاء : هيثم ويها ويه مفاجآت
الجازي : هيي لاتعيبين ماأرضى عليه
هنوف : هههههه أشوفج تغارين
ولا يرن تلفون هنوف .. جراح كان داق على هنوف : ولييه هاذا شعندة
هنوف : هلا حوبي
جراح بصوت تعبان توة قاعد من النوم : هلا حياتي
هنوف حست بشعر أيدها يكش : حياتي .. صج جراح أنا حياتك

 

[zizo0ou-x3]

جراح : اي حياتي وقلبي وعمري ليش شاكة بهالشي
الجازي تبوس ايدها وتقول : حمدالله والشكر صيدة أختي والله صيدة .. ( ولاتحذف عليها هنوف المخدة
هنوف : وااي جراح موقادرة أصدق أنك انت جراح ألي أنا أعرفة
جراح : ليش مومصدقة .. ترى الأنسان يتغير بين يوم وليلة
هنوف : الحمدالله على كل حال .. شلونك اليوم أنشاءالله أحسن من اليوم
جراح : اي أحسن بفضل رب العالمين ..
هنوف : اووه بفضل رب العالمين من وين متعلم هالكلمة
جراح : ههههه من قاموس الشيخ .. ههههه .. شعندج اليوم حياتي
هنوف : بنروح الشاليه والله مع الأهل بنقعد أسبوع
جراح فز من لفراش : أسبوع ..
هنوف : اي أسبوع ليش بتشتاقلي
جراح : اي أكيد .. هنوف لاتروحين وتخليني بروحي
هنوف : بس
جراح : بس شنو أهون عليج
هنوف : لا ماتهون .. خلاص راح أقعد
الجازي تبقق عيونها وتأشر : خبلة
هنوف : عيل أسكرة الحين عشان أقول حق أهلي بقعد
جراح : ماشي حوبي
الجازي : هيي ياخبلة من صجج بتقعدين عشان جراح
هنوف :اي ماقدر اخليه بروحة
الجازي : وشنو بتقولين حق أمي وأبوي
هنوف : بقولهم بحضر حق الأمتحان
الجازي : من صجج هيي الصيفي خلص والجامعه باقي عليها أسبوعين
هنوف : مالج شغل خليها عليي
راحت هنوف غررفة أمها وأبوها طقت الباب وبعدها دخلت
هنوف : ماما أنا مابي أروح الشاليه
ام سالم : وليش أنشاءالله
بوسالم : اي أحسن توفرين مكان هههه
أم سالم تخزة : أنت مابي أسمع صوتك .. اليوم تلذذ بالأكل يانظر عيني
هنوف : ههههه شكلها الوالدة بتسممك .. المهم ماما بحظر حق لبروجيكت الدكتور طالبة بداية الكورس وأخاف مالحق
ام سالم : اي خلاص دام عشان الجامعه خير يما قعدي وأخلي ميري معاج والبيبان كلها تتقفل اوكي حياتي
هنوف : لاتوصين حريص يما
**
( بيت أم يوسف )
أم يوسف : والله أنا ماعتمدت على طباخ أم سالم .. تذكرين أخير مرة طبخت
ام عبدالله بالتلفون : اييه من صجج العيش ملزق ومافيه ملح هالمرة مايندرة شنو بتهبب ههههه
أم يوسف : ماعليه أنا طبخت مجبوس دياي ومربين وأنشاءالله يكفي
ام عبدالله : يعطيج العافية عيل
ام يوسف : هههههه تدرين فيها تطورت طالع عندي عندها واتساب شرت آيفون
أم عبدالله : هههههههه زين عاد ويها مو ويه تطور .. سامحيني على هالكلمة بس جنتكم هيلقية وموذربة شلون بناتها طلعوا جذي مادري
أم يوسف : والله قلت حق أخوي بس شسوي الحب عمي
أم عبدالله : استغفر الله حشينة بالحرمة وايد .. يلا أنا أستأذنبوعبدالله يناديني بالسيارة
ام يوسف : الله وياج . قبل لاتسدين دزيلها واتساب أنج طبختي وانا أدز خل تنقث شوي ههههه
أم عبدالله : هههههههه ماشي

( غرفة أحمد )
أحمد لبس شورت أسود وبلوزة حفر رمادي ويتعطر ويعدل شعرة واهوا يتعطر يغني : يامعيريس عين الله ترعاك والشمس والنجوم تركض وراك
دخل عليه يوسف : ههههههه أقول شفيك شايف شكلك بالأول اي معرس أي بطيخ
أحمد : انت شتبي
يوسف : بعدين حق منو تتعطر .. الحب موموجودة
أحمد : حق نفسي يعني لازم الحب تكون موجودة
يوسف : ماعليه أبي لكروكس الأزرق
أحمد : يلا مناك أنا بلبسة أخذ الأسود
يوسف : مالت على الي يطلب منك بس ييبة بس ييبة

 

[zizo0ou-x3]

توقعاتكم و رايكم

 

[laco$te]

اب اب اب اب اب اب اب اب اب اب اب اب اب اب اب​

 

[Miss MzajeYa]

اب اب اب اب اب
اممم ماعندي توقعات!!!!!

 

[فجوره99]

نبي بارت

 

[Miss MzajeYa]

نااااااااطريييييينچ حبووووبة

 

[zizo0ou-x3]

( شركة بوجراح )
الساعه كانت 4 العصر وماكو أحد بالشركة ألا جم موضف .. بوجراح بمكتبة قاعد يقلب بأوراق الشركة ولا ينطق باب الغرفة
بوجراح : منو
سندس بصوتها الناعم والذرب : أنا بوجروحي
بوجراح أنقلب كيانة : هلا بنظر عيني دشي
سندس دشت المكتب ..وكانت لابسة نفنوف أسود قصير وظيج فوق الركبة .. ورافعه شعرها كلة وصابغتة أشقر والحمرا حمرا وصبغ أظافر أحمر .. قربت من مكتب بوجراج وقعدت عليه وتتدلع وأهيا تتكلم : بو جوجو
بوجراح قام من على الكرسي : يعيون بوجوجو أنتي
سندس تحط أيدها على حلجها وتظحك : هااهااهاا تسلملي عيونك حياتي .. شفتك بروحك بالمكتب قلت أسليك شوي
بوجراح : هاذي الساعه المباركة .. أنشاءالله مرتاحة بالشغل والمعاش شلونه
سندس قربت منة حيل ومسكت بلوزتة : مرتاحة ياعمري ( قربت شفايفها ولا تبوسة .. وبهاللحظة لوجين داشة المكتب
بوجراح تصروع : لوجين
سندس دنت بسرعه : انا أستأذن أستاذ
لوجين : أستاذ .. انتي منو وشنو تسوين منيه
سندس وقفت وبكل جرآة : أنا سندس وانتي
لوجين مسكتها من طرف ملابسها وتلت برا الغرفة : انا لوجين بنت صاحب الشركة ...بعدين أنتي صج زبالة شلون تشتغلين بالشركة
بوجراح : لوجين
لوجين : شنو تصارخ علي عشانها
سندس : أختي أحترمي نفسج دام النفس عليج طيبة
لوجين : يما خوفتيني تصدقين خفت
سندس : بوجراح انا بمكتبي
بوجراح : تقدرين تروحين البيت
سندس عصبت : ماشي عن أذنك
طلعت سندس وأهيا معصبة : أنا أواريك يالعيوز
بوجراح : لوجين بابا أنا
لوجين دمعت عيونها : انت يبا .. انت .. طحت من عيني يبا ليش .. ليش .. وأمي .. بعدين لو موآنا الي داشة لو أحد الموظفين شكنت بتسوي
بوجراح : لوجين هاذي ولا شي مجرد موظفة .. ( حط أيدة على كتفها
لوجين دزت أيد أبوها بقوة : مجرد موظفة .. انا أدري أنك معطيها فلوس وشفت الشيك .. ليش تجذب وتقول مجرد موظفة .. الي شفتة موشوي واكيد في شي أكبر
بوجراح : بابا ألي صار لايطلع براا .. ترى حياتنا راح تنتهي أذا أمج درت
لوجين : وبس هاذا همك .. بس واحنا مافكرت فيني وبجراح .. دام هاذي سوالفك .. ليش عيل طردت جراح .. مثل ماأنت تسوي ولدك يسوي ليش عصبت
بوجراح : بابا خلاص عاد أنا عطيتج ويه وايد .. اذا الحجي وصل حق ماما راح يصير شي موزين
لوجين طالعتة بنظرة وطلعت برا المكتب : ليش يبا ليش والله عيب كبر بنتك ليش
ريم : مشعل خلاص عاد
مشعل : هههههه فديت الي يستحون والله
أم حسن تصارخ : ريم يماا ريم بسرعه تعالي
ريم أخترعت : كاني يماا .. مشعل مادري شفيها أمي يلا شوي وأكلمك
ركضت ريم على الدري وراحت عند أمها : يما شفيج خرعتيني
أم حسن : يما حسن أخوج حرارته حيل مرتفعه أول مرة يصير جذي .. بسرعه ساعديني نشيلة نوديه المستشفى
ريم : وين أبوي
ام حسن : ابوج طالع بالدوام
ريم : يما شلون نروح ألحين من ويلنا سيارة .. وحتى لو كان عندنا سيارة منو يسوقها
ام حسن : يما بسرعه دقي على أيمن خل يمرنا ماكو ألا أهوة
ريم : يما فشلة كل ماصار شي أيمن وأيمن
ام حسن : بدقين ولا أنا أدق
ريم : خلاص بدق أوووف
..
( بيت أم أيمن )
أم أيمن : الفنجان يقولك راح يرن تلفونك وراح تتصل عليك وحدة تحبها تطلب مساعدتك
أيمن : هههههه من صجج يما وين قاعدين .. انتي الحين جذي تسوين حق الحريم ويدفعولج فلوس
أم أيمن : اي هاذا راس مالي .. بعدين أنا وحدة بوحدة كيفك أنت اذا مومصدق
ايمن : انزين كملي وبعدين
أم أيمن : اهوو الفنجان .. في تعقيد بحياتك .. والحظ وأخيرا راح يبتسم لك
أيمن : ياريت يما ..( ولا يرن تلفونة .. ويها تغير يوم شاف رقم ريم .. يطالع التلفون ويطالع الفنجان
أم أيمن تظحك : شفيك
أيمن بصدمة : لا ولا شي ولا شي .. عن أذنج
راح أيمن غرفتة ورد على التلفون .. صوته كان فيه لهفة : ألووو
ريم : أيمن بسرعه مرنا البيت أخوي حسن حرارتة مرتفعه حيل
أيمن : يلا كاني مسافة الطريج
أيمن لبس أي بلوزة وبنطرون وركض السيارة : ولييه مو وكتك حسن كلش مو وكتك أستغفر الله
وصل أيمن بيت ريم وشال حسن .. وأهوة يشيلة أيدة لمست أيد ريم .. ولا تشيلها بسرعه .. ركبوا السيارة وطاروا المستشفى .. الدكتور كان يفحص حسن .. ريم وأم حسن موقادرين يقعدون بمكانهم رايحين ورادين بالممر وأيمن يحاول يهدي الوضع .. بهالأثناء الدكتور طلع وويها كان مايبشر بالخير
ريم : دكتور بشرنا شصار
الدكتور : للأسف أخوج حسن المرض زايد عليه وأنا قلت لكم من قبل لازم يسوي عملية زراعه نخاع ولا أذا وصل عمرة 18 راح يموت لاقدر الله
ريم : والعملية تكلف وايد دكتور
الدكتور : بصراحة ماخبي عليكم .. لو يسافر أحين ويسوي العملية بمستشفى أيطالي مشهور بالزراعه أحسن من مستشفيات الكويت والعملية أكيد بتكلف .. ليش ماتفرونة على حساب الدولة
ام حسن دمعت عيونها : الله كريم دكتور .. الله كريم
ريم : يما شراح نسوي من وين بندبر لفلوس
أيمن : خالتي أنا بالشوفة
ام حسن : ماتقصر يما .. انت ماعليك زود .. انا راح أدبرها أنشاءالله وماكو شي على الله مستحيل .. أنشاءالله بيتدبر المبلغ
**
( بالشاليه )
ام سالم : شفت أختك وحماتك دازيلي واتساب أحنا طابخين الغدا شنو قصدهم يعني
بوسالم : مالج شغل فيهم يبا أنا راح آكل كل جدرج
ام سالم : أنا أدري أهم قاصدين الحركة هاذي ليش أني أخير مرة سويت العيش ملزق
بوسالم : هههههه اي والله عيل تستاهلين تذكرت لوعتي جبدي الله يلوع جبدج
ام عبداللة وأم يوسف : يعطيج العافية أم سالم
ام سالم : الله يعافيكم
ام يوسف : والله زين سويت يخوي شريت حق ام سالم أيفون عشان نعرف نتواصل معاها نفس الناس
بوسالم : اي هاذي ام سالم الغالية لو تبي عيوني المركبة أعطيها لها
ام يوسف : هههه عشتاو .. يلا أحنا داخل بننجب الغدا
ام سالم : شفت أختك بس تتحرش
الكل قعد على السفرة .. ام يوسف نجبت مجبوس الدياي والمربين وأم سالم نجبت مرق البطاط والفاصوليا ..
بوسالم : أنا ماراح آكل الا من طباخ مرتي
ريان : ههههههه من قدج خالة عيل أنا بعد بذوقة
دلال : انا باكل من أكل أمي
أحمد : أنا من أكل خالتي أم سالم

 

[zizo0ou-x3]

ريان بقلبها : وااي شيبي هاذا
يوسف : ألا وينة سالم
الجازي : بياكل برا بالهواء الطلق
بوعبدالله : ههههههههه ماعبر على الهواء الطلق
بويوسف : هههههه والله شكلي باخذ قشي وبطلع معاه
دلال : صج ليش ماننقل السفرة براا
ريان : نو انا مابي أخاف مكياجي يسسح
هيثم قرب منها يبي يتحرش فيها ولا يمسح حمرتها : جذي يعني يسيح
ريان : هييي هيثم لاتتميلق
الكل : هههههههههه
أم يوسف : أنا مادري ليش أنتوا البنات تترسون بهالمكياج والله حلاتج بدون مكياج ريونة تهبلين
أم سالم : بدينة نرفع من جوها
بوسالم قاعد ياكل من عيش أم سالم وصحن ورا صحن وأهيا مصدومة : بوسالم عجبك طباخي
بوسالم : اي أكيد
أم سالم : بس جنة الملح زايد
ام يوسف : هههههههه أنتي من عمر تترسين العيش ملح
ريان : الله ملح أموت على الأكل المالح
ام عبدالله : أنا عندي ريان وشيماء يموتون على الأكل المالح طالعين على عمهم
احمد بيرز ويها : وانا أحب الأكل المالح
دلال : عيارة أنت بس تشوف الملح شوي زايد تقلب الدنيا فوق تحت
الكل : هههههههههه
هيثم يطالع الجازي : جازي ناوليني طاسة الطرشي
الجازي أستحت وعطتة .. دلال كانت ملاحظة أنهم طول الوكت ماشالوا عينهم عن بعض
أحمد قاعد يتغصب بالعيش وريان مندمجة تموت على الأكل المالح
اما شيماء كانت تتمشى على البحر وتتذكر فرح
**
( بيت بوفهد )
فراس : شفيها أنفال صارلها جم يوم ماتنزل تتغدى
بوفهد قص باللقمة : كح كح
ام فهد عطتة قلاص الماي : حلو .. أشرب ماي الله يهداك بوفهد شوي شوي أكل
زينة : هههههه عمي موزين أخاف يصيرلك شي أذا كليت بسرعه لاسمح الله .. بعدين أفنان أكيد في أحد بالبيت مظايقها
فراس قاعد على السفرة ومايتلفت لا يمين ولايسار عشان لاتطيح عينة بعين زينة .. زينة لاحظت هالشي خاصة انا فراس حيل مؤدب وخلوق .. زينة : فراس بالعافية
فراس مارد عليها طنش : الحمدالله أنا صاعد غرفتي
زينة : يه فهودي حياتي شفيه أخوك ماقتلة شي هاذا أسلوب يطنشني
فهد : ماعليج منا أكلي بس أكلي
زينة : أقول خالتي
ام فهد من غير نفس : هلا يما
زينة : من وين لكم كل هلفلوس بنيتوا البيت فيهم
أم فهد : هاذا سؤال يما .. الله كريم .. وعمج كان يتشغل ليل نهار ويكد والله رزقنا
فهد : اي حبيبتي أبوي مسكين كل هاذا من عرق جبينة
زينة : اي صح ماشاءالله .. أقول عمي تبي أقولك قصة
بوفهد يبولع بريجة : اي يبا قولي
زينة : الفزورة تقولكم انا كان في واحد يسوي روحة متدين ويخاف من ربة .. يوم من الأيام كان محتاج فلوس وماكان عندة .. أتفق مع تاجر مخدرات أنهم يقوعون برفيجة .. وطيحوه بحفرة .. عاد رفيجة مسكين كان عندة عيال لبسوا بتهمة حيازة المخدرات وأنسجن وبناتة وايد عانوا بالدنيا والمشكلة رفيجة كان خوش ريال ماتكلم ولا برآ نفسة من القضية .. والمشكلة يتصنع الديانة
فهد : صج انا هالأنسان تافه ومايستحي على ويها والله لو يطيح بيدي أقطعه بأسناني
ان فهد دمعت عيونها : والله كسر خاطري
زينة دمعت : عيل أنا شقول .. انا شقول .. ( وقامت عن السفرة راحت الحمام وقعدت تبجي بشكل هستيري
أم فهد : فهد شفيها مرتك روح شوفها يما
فهد : حاضر يما
( غرفة أفنان )
أفنان قاعدة بالغرفة وتبجي ماتدري حق منو تشكي .. الكلام الي قطتة زينة موشوية .. قبل كانت تطلع الي بقلبها حق حمدان بس ألحين حمدان موموجود بحياتها .. دخل عليها فراس وقعد يمها
فراس : شفيج أفنان تبجين
أفنان : ولا شي
فراس : انتي اكيد قاعد تحسين بلي قاعد أحس فيه .. أحس مقموت بالبيت موقادر أعيش
أفنان : من شنو مقموت
فراس : مرت فهد .. ماني قادر أقعد بمكان أهيا فيه بس أشوف ويها أحس بقمتة بقلبي
أفنان : فراس بقولك شغلة بس توعدني بيني وبينك
فراس تشوق : اي بيني وبينج
أفنان : انا زينة أعرفها قبل لاتتزوج فهد كانت نسرة وشرية .. كان يحبها ويكلمها ويواعدها
فراس طق على راسة : أووله كل هاذا يطلع منة هاذا الي يصلي ويصوم وينصح اليهال بالمسجد يطلع منا كل هاذا .. وانتي شدراج
أفنان : تذكر مرة يوم خذاني معاه السوق
فراس : اي أتذكر
أفنان : كان مواعدها وركبت معانا السيارة وكانت تنتقدني وأهوا ساكت يقط علي كلام وأهيا تظحك
فراس : وانتي ليش ماتكلمتي
أفنان : لانة هددني لو تكلمت بيذبحني نفس ماأنت هددتني لو تكلمت عن علاقتك بسندس
فراس : خلاص صكي موضوع سندس ولي يعافيج
أفنان : وفيه شي بعد
فراس : شنو
أفنان : كنت واقفة عند الدري ولا أسمع زينة تصارخ على أبوي تقولة يالحرامي .. أبوي مدخل أبوها بالسجن عشان ياخذ فلوس ويبني بيتنا
فراس : كال هاذا يصير وانا مادري .. وأبوي يعني صج حرامي
أفنان : ماعتقد أهيا أكيد بس جذي تتكلم
فراس : وعشان جذي انتي ماتاكلين معانا بالصالة .. انتي أكيد مصدقة
أفنان : ماخفي عليك شي فراس يمكن زينة ماتجذب واليوم ولا باجر كل شي راح يبن
فراس : لا فهد متى بييب بناتة البيت ليلحين مادروا أنا تزوج
أفنان : والله مادري وداهم عند خالتهم مادري لين متى بيخش الموضوع
فراس : اهوا كيفة أختار حياته معاها وأهوة المسؤول عن الي يصير . ألا أفنان بسألج سؤال
أفنان : شنو
فراس : ماودج تتزوجين
أفنان ويها صار أحمر وأستحت : شنو هالسؤال فراس
فراس : عيل هالحيا كلة أكيد موافقة .. بيولج خطاب بالطريج
أفنان نزلت راسها وسكتت
**
( مطار الكويت الدولي )
الساعه كانت 1 بليل .. عبدالله بيقط مساعد المطار بيسافر جم أسبوع شغل
عبدالله : يلا مساعد تروح وترد بالسلامة حبيب قلبي
مساعد : الله يسلمك عبدالله .. وترى البيت بيتك أذا بتقعد أنت الداش وانا الي طالع
عبدالله : مشكور وماقصرت يخوك والله رايتك بيضة الدنيا ليلحين فيها ناس طيبة وقلبهم على قلبك تسلم وماقصرت يخوي
مساعد : ماسوينة شي .. والانسان الطيب بحياتة الله يرزقا بناس طيبة مثلة .. المهم انا راح يكون بيني وبينك أتصال ماشي يخوك عشان بعد أقولك متى راح أرد تمرني أدري ثقلت عليك
عبدالله : أستغفر الله ... أنت أخوي وهاذا واجب علي
مساعد : يلا عيل مع السلامة وأدعيلي الله يوفقني يخوك
عبدالله : موفق أنشاءالله والله يسهل عليك دربك أنشاءالله
مساعد ركب الطيارة وعبدالله راح الحمام قبل لايركب سيارتة .. عقب ماطلع من الحمام ولا يقعد بواحد من المطاعم ياكلة شي

 

[zizo0ou-x3]

توقعاتكم و رايكم بالبارت و بالقصه بشكل عام

 

[3thab 2lroo7]

امبيه حرام اكيد راح يشوف اسرار فذيته ما يستاهل


تسلم ايدج قلوبو ننتضر البارت

 

[Miss MzajeYa]

ᏔaaaaaaaaaaaaaᎳ
القصة روووووعة الصرااااحة ابداااع*ابداااع
توقعااااتي:
عبدالله راح يشوف اسرار يمكن <<<احساااسي
وافنان راح تنصدم ان حمدان اهو اللي خاطبها
وابو فهد ينفضح عند الأهل
واحمد راح يحب ريان بس ريان ماتعطي ويه
اما هيثم والجازي اهم عصاافير الحب مشاءالله عليهم
اما ريم ومشعل حاسة ماراح يتزوجون
وريم تتزوج ايمن ومشعل يتزوج لوجين
يسلموووو ع البااارت العجيييييب*

 

[Miss MzajeYa]

ᎳaaaaaaaaaaaaaaaaaᏔ
الصراحة القصة زووووغة ابداااع*ابداااع
توقعاااتي:
عبدالله راح يشوف اسرار مع زوجها<<<احساااسي
ابو فهد راح ينفضح عند العايلة
أفنان راح تنصدم ان حمدان اهو اللي خااطبها
واحمد يترك مشاعل ويحب ريان بس ريان ماتعطي احمد ويه
اما هيثم والجازي عصافير الحب ماشاءالله عليهم يهبلوووووون
وريم ومشعل ماراح يتزوجون
وايمن راح يتزوج ريم غصب وريم مو راضية
ومشعل بعد ماتتزوج ريم ايمن رح يتزوج لوجين
يسلموووووو ع الباااارت العجيييييب

 

[laco$te]

ᎳaaaaaaaaaaaaaaaaaᏔ
الصراحة القصة زووووغة ابداااع*ابداااع
توقعاااتي:
عبدالله راح يشوف اسرار مع زوجها<<<احساااسي
ابو فهد راح ينفضح عند العايلة
أفنان راح تنصدم ان حمدان اهو اللي خااطبها
واحمد يترك مشاعل ويحب ريان بس ريان ماتعطي احمد ويه
اما هيثم والجازي عصافير الحب ماشاءالله عليهم يهبلوووووون
وريم ومشعل ماراح يتزوجون
وايمن راح يتزوج ريم غصب وريم مو راضية
ومشعل بعد ماتتزوج ريم ايمن رح يتزوج لوجين
يسلموووووو ع الباااارت العجيييييب

انا بعد نفسج ​

 

[Miss MzajeYa]

اب اب اب اب اب
ناطريييييينچ!!!!!!

 

[zizo0ou-x3]

يسلمووو حباييبي عالردود
انشالله باجر بليل او الفير احط بارت
و سامحوني عالقصور