( صباح اليوم الثاني )
لوجين بعد ماعرفت انا يوسف بالشاليه مالهم حاولت تسوي أي شي عشان الصدفة تجمعهم .,
لوجين : الجود أنا بسوي شي أخلي يوسف يشوفني بس مادري شلون
الجود :" أممم وليش تبينة يشوفج ., سالفتكم ماأنتهت شنو الفايدة من شوفتكم لبعض
لوجين : ادري السالفة أنتهت ., بس شسوي الشوق يالجود الشوق
الجود : أممم ., تدرين عاد لقيتها
لوجين : شنو الي لقيتيها ., يلا قولي
الجود : شوفي أحنا نتمشى عند الشاليه مالهم ., ولمن نوصل تقريبا عند الشاليه سوي روحج طايحة ., يعني تعبانة ولا هيك .,
لوجين : وبعدين .,
الجود : بعدين أنا أذا شفت يوسف أناديه يعني يساعدنا ., وجذي الصدفة تجمعكم
لوجين : أممم جودو شنو هالأفلام الهندية ., دوري خطة ثانية .,
الجود تحك راسها : أممم والله مادري هاذا الي طلع معاي .,
لوجين : انا أقول أمشي نتمشى عند شاليهم وأذا شافني شافني .,
الجود : يلا على راحتج .,
الجود ولوجين قاعد يتمشون عند شاليه يوسف ., وبالصدفة ولا سالم طالع من باب الشاليه
سالم : اووووه هاذي الأنسة لوجين
لوجين أنبعصت : سس.. سالم ., شتسوي منيه
سالم : ياهلا آنسة ., والله ياي مع الأهل ., حياج تفضلي
لوجين : لا سالم فشلة
الجود ترفسها : ..
سالم : لا فشلة ولا شي أصلن أمي من زمان حابة تتعرف عليج
الجود : يلا خل ندخل
سالم انعجب بعفوية الجود : ههههههه ماتعرفنة
لوجين : هاذي رفيجتي وأختي الجود
سالم : تشرفنا
الجود : الشرف لي
دخلوا البنات وقعدوا مع العايلة وسالفة تجر سالفة ., الجود حيل حبت عايلة سالم وأهلهم بسرعه أندمجت معاهم وماحست بالوكت الا يركض ., أما لوجين كانت تطالع بين الحضور الكل موجود بس يوسف وينة مابين ., وين يوسف .,
أم سالم : يحليلج يما الجود ., عاد صج أسم على مسمى ماشاءالله عليج
الجود أستحت .: تسلمين خالتي هاذاا من طيب أصلج
الجازي : تصدقين حبيتج حيل بسرعه دشيتي قلبي
الجود : حياتي أنتي والله حتى أنا أرتحت لكم ماحسيت أني غريبة عنكم
هنوف توها نازلة من الدري وأهيا حدها معصبة لانة جراح مايرد عليها ., راحت الصالة ولا تشهق : لوووووووجين
لوجين : هنوف .. شهالصدفة الحلوة
سالم : أنتوا تعرفون بعض
لوجين : يعني معرفه سطحية .,
هنوف بنفسية : شتسوين منيه
لوجين : انا كنت مارة الشاليه وشفت سالم ., قالي تفضلي وتعرفي على الاهل
هنوف : وسالم ..
سالم : هنوف هاذي لوجين مديرتي بالشغل
هنوف : آآهااااا الحين فهمت ., ( عطت لوجين نظرة ولاتطلع من الشاليه : يعني جراح بالشاليه
لوجين : جود يلا أحنا نمشي
الجود : لا خل نقعد بعد
يوسف بصوتة الخشن : سلام عليكم
ريان شافت لوجين ولا تصعد فوق ماكانت فاهمة المضوع بس تظايقت ., أما يوسف ولوجين طاحت عينهم بعين بعض كل واحد منهم حس الدنيا موشايلتة ., لوجين تلت الجود وطلعوا من الشاليه ., لوجين كانت تبجي والجود ماتدري شفيها
الجود : شفيج لجون
لوجين : الي دخل هاذا اهوا يوسف
الجود : شنو هاذا يوسف والله طلع حلو
لوجين :أي حلو ., كل شي فيه حلو ., أمبييه جود والله مادري شصار فيني يوم شفتة مادري حسيت بشعور غريب
الجود : الحين خلينة من يوسف والله حبيتهم حيل خاصة هاذي أم سالم
لوجين / اي بعد سالم ولدها حبوب
الجود : اي صح ., ماشاءالله عليه لمن يتكلم أحسة فاهم الدنيا كلها
لوجين : اي صح كلامة منمق ., أنا أهد الدوام وأقعد أسولف وياه
الجود : والله ماتنلامين
..
/
\
/
\
يوسف : عبود قولي منو شفت
عبدالله : منو
يوسف : لوجين ., لوجين ياعبدالله
عبدالله : أحلف ., شلون أوين
يوسف :لاتسألني وين وشلون ., بس شقتها توها كانت بالصالة الظاهر لوجين رفيجة وحدة من البنات .,
عبدالله : صج كل شي جايز ., وبعدين شصار
يوسف : شصار ماصار شي ., طالعتني وطالعتها وبس
عبدالله : بس
يوسف : اي بس بعد شنو بيصير كل أهلنا قاعدين ., بعدين عبود أقولك الصج
عبدالله : اي قول
يوسف : انا خلاص نسيتها ., لمن شفتها ماقولك ماستانست ., بس قلبي مافز مادري ليش مافز لها
عبدالله : شنو هالتطورات يوسف قلبة مايفز حق لوجين
يوسف : اي عبدالله ., أنا كل ماتذكر أبوها شلون طردني من البيت أنقهر على نفسي وتتشوه صورتها جدامي ., بعدين أنا الحين أحب رانيا ., رانيا نستني لوجين وطوايف لوجين ., وترى أنا ناوي أخطبها بس ناطر الوظيفة وعلى طول بملج عليها
عبدالله : اي أحسن زين تسوي ., بعدين لوجين صج مومن مستوانا ولا طبايعها طبايعنا والي صار أكيد خيرة ., الله جمعك مع الأحسن منها
..
/
\
/
\
بوجراح : أم جراح انا باجر لازم أحدر الديرة وبحجزلي على أقرب طيارة لندن توة يتلي مكالمة يقولون في مشكلة بمخازن شركتنا بلندن
ام جراح : وييه وغبرة ,, شنو هالبلشة ., تبي أحدر معاك
بوجراح : لا لا ., مالة داعي قعدي مع لعيال
جراح : يبا أنا بسافر وياك ., أنت موكلة تقولي جابل الشغل وياي
بوجراح : انت بالأول جابل الشغل هني عشان تجابلة برا
جراح : وخلاص آنا من هاللحظة بجابل الشغل
بوجراح : الله كريم ., الا وين البنات
ام جراح : راحوا يتمشون على البحر
بوجراح : الا مشعل وينة
أم جراح : وع مادري شسالقتة مجابل ريمو ليل نهار
بوجراح : هههههههه
جراح : والله شكلة هاذا بيفلها ., بيتزوجها
بوجراح : هههههه ومالقة الا ريم ., مالكم شغل أبوه ماراح يرضى
ام جراح : والله حسافة عليه أنا حاطة عيني عليه حق لوجين
لوجين والجود توهم داشين
لوجين : شفيها لوجين
أم جراح : مافيها الا الخير ., قاعد أقول حق أبوج لو نزوج مشعل حق لوجين
الجود : اي والله خالتي ودي بس مشعل راسة مادري شلون مركب بالمقلوب هاد بنت العز وقاعد يركض ورى ريم
لوجين : اهوة قاعد مع ريم
جراح : اي عايشين الرومانسية على البحر
لوجين : أنا أواريها
..
/
\
/
\
مشعل : والله أحبج والله
ريم أستحت نزلت راسها : وانا أكثر مشعل بس لوجين واقفة بطريجنا
مشعل : مالج شغل فيها ., أنتي بس عطيني جم اسبوع بظبط أموري وبخطبج رسمي
ريم : صج مشعل ,. يعني بنكون مع بعض في بيت واحد
مشعل يمسك أيد ريم : اي صج حبيبتي
لوجين : بعد قعدي بحضنة ., (تلت ريم من أيدها : تعالي جدامي وان مرة ثانية شفت قاعدة مع مشعل ياويلج
مشعل بعصبية : أنتي شتبين ., الظاهر فيج نقص ., أنتي شكو بالبنت ريم بتصير مرتي وماأسمحلج تعاملينها بهالطريقة
لوجين : انا فيني نقص ., محد فيه نقص الا أهيا ., انت شلون تعطي هالاشكال ويه
مشعل : انا بكيفي انتي شكو شلي حارج
لوجين : الي حارني أني أحبك وأنت قاعد تركض ورا هالخدامة
ريم : انا موخدامة .,
لوجين : أمشي جدامي
..
/
\
/
\
( بيت حمد وأسرار )
حمد : أسرار جهزي جنطتي
أسرار بأستغراب / جنطتك ., حق شنو
حمد : بروح أبات جم ليلة عند صاحبي جراح بالشاليه
أسرار : ونااسة أخذني معاك بروح شاليه
حمد : لا مايصير فشلة الشاليه فيه رياييل
أسرار : أهاا عبالي رايحين عايلة كلهم
حمد : لا بس شباب ., وماوصيج على البيت
أسرار : البيت بعيوني ., راح أفقدك حمد
حمد قرب حيل من أسرار الي أنفاسة أختلطت بأنفاسها ., مسك أيدها وبصوت حنون : أسرار تحبيني
أسرار كالعادة من تسمع هالكلمة تغير الموضوع / حمد تبي أحطلك شورت السباحه
