فضفضة عرايس ,. حلي مشكلتي و بـ احل مشكلتج ( حياكم )

[دآهية مطييير]

يَ مرحباااا بكل اللي مرو علي موضوعي وردو

والله يتمم لي ولكم علي خير ان شاء الله

حلو ان كل وحده تقولنا شنو سوت وشنو تخطط تسوي عشان نستفيد

وانا ان شاء الله ماراح اقصر معاكم بـ شي

 

[دآهية مطييير]

الله يوفقج ويتمم لج على خير يارب

انا مابقى على عرسي الا ٩ ايام ان شاءالله


وكانت مشاكلي عندي خطوط بيضا بفخوذي وكنت متكله انه مع الحمامات المغربيه بتروح وخلطات الجسم


بس لااسف ماراح ومن الحمامات المغربي جشم صار احمر وطلعت لي حبوب حمرااا

وحيييل ضايق خلقي على هالشي

وبين فخوذي صار اسود بشكل مو طبيعي ماادري من شنو حدي متضايقه وفيني بجيه وماادري شسوي




قوليلنا عن عنايتج احب استفيد منج


موفقه يارب

مبروك يالغاليه والله يوفقج اهم شي ..

لا يضيق خلقج ولا تحاتين ريحي بالج

الحين خلاص خلصت ماكو وقت

بس استمري علي ترطيب .. وترا اول فتره الرجال مايلاحظ بيكون طاير فيج

بس ها نصيحه من اخت لأختها

لا تقولين عروس ومافي وقت اهتم

بالعكس من الحين سوي خلطاتج لو ساعه باليوم تخلينها علي جسمج لا تقولين ماتنفع لا تنفع

و سويلج صابونيه يعني عنايتج بتكون يومياً من خلال سبوحج

وصدقيني بتشوفين الفرق

ولا يضيق خلقج اهم شي التوفيق وماراح توقف حياتج عشان حبه وخطوط بيضاء

وهذي مو مشكله كبيره , نفس ماقلت لج خلي شغلج بـ حمامج وتفكري بالليفه المغربيه

وبعدها ترطيب اول بـ اول بس الترطيب انتي اخلطيه بيدج ليمون وجلسيوليد مثلاً

ترا والله الليمون والجليسوليد نتايجه مو طبيعيه من حيث النعومه والبياض وكل شي

 

[سندس 90]

وانا اشووف المنتدى ليش منووووور
كملي فديييتج

 

[يارب توفيقك 94]

قوه حبايبي حبيت انضم لكم انا عرسي ما تحدد بس بس ببدي اهتم من الحين اهتمام خفيف مجرد خلطه مون لايت من جراس للوجه وصابونيتها للجسم مع الترطيب اهم شي

لان احاتي يتحدد ومثل ماتعرفون تجهيز يبيله وقت وعلي ما تبين نتايج اي خلطه حق شعر او جسم يبيلج ٣ شهور التزام فيهم
وجسمي حساس مابي الوقت يضيع باني ادور الخلطه اللي تمشي معاه قلت ابدا من اللحين

ومفكره اسوي ليزر قاعد ادور ياده تناسبني وانا حاطه تقويم فمتي ما خلصت منه اسوي ان شاء الله تبيض

بس عندي مشكلتين اسمرار المنطقه الحساسه واثار حبوب شويه بظهري هذيلا اللي مادري شسوي فيهم ولاتقولون لي الرجال ما يلاحظ بالعكس يلاحظون كل شي

 

[على مودك]

داهيه وينك بليز ردي علي متعشمه فيك

 

[أحلى غمازة]

ريآنه
استخدمي جل وكريم نيفيا للسيلولات

 

[$ النيره $]

,

الف مبروك حبيبتي
وانصحج بصالون مع منار احلا للميك اب بشارع البلاجات مو منار شيك
مع مناااااااااااار احلا

وبتدعيلي ان شاءالله

 

[ريـ’ـآنـهـ‘]

مشكووووره حبيبتي وعسى ربي يتمم لنا على خير

 

[مولاي الفرج]

مو عروس بس حبيت اقولج مبرووك والله يوفقج يا رب

انا مشكلتي من تزوجت وزني حيل ضعيفه ومالقيت شي يمتن تعبت نفسيا

 

[بنفسج ..~]

السلام عليكم

عجبني الموضوووع حيل ركضت جبت دفتري حق العناية وقلم :ggdw:
أنا للحين ما تحدد عرسي بس ناوية ابدأ عناية دامني ملجت

بالنسبة لخبرتي بهالأمور فتقريباً صفر مقارنة بالخبيرات لكن اعرف الأساسيات وكلها ماره علي :eh_s(1):

بالنسبة للخلطات أنا أستعمل خلطة مكوناتها :

فيدأوت - فير أند لفلي - ديرموفيت - أيديال - بين -منيرفيا - بولي - فكس

هذي أستعملها من زمان بس جاتني مشاكل طفيفة ببشرتي بسبتها بس ماني لاقيه بديل لها لأني تعودت عليها شالحل ؟؟ :eh_s(2):

للركب والاكواع كنت أستعمل خلطة تتكون من :

أقراص فيتامين سي و جلوسيد وليمون وفازلين و زيت زيتون

يحسنن المشكلة بس ما يحلها تماماً يعني للأسف :eh_s(4):


المنطقة والفخوذ والأباط عندي كنت معطتهم أكبر طااااااااااف وألحين تورطت :krkrkr:
شنو الحل معاهم عندي سواد فيهم واقرأ شكثر خلطات وبلاوي بس ماني عارفه شنو المضمون
لأن مابي اخبص وأضيع فليساتي ع مامش بدون فايدة تذكر ! :eh_s(1):
اللي عندها شيء يفيدني متأكدة منه لا تقصر جزاكم الله خير :eh_s(22):


+

ما راح أسوي ليزر وعندي مشكلة عويصة تتلخص فاني ماعرف أشيل حلاوة لا أباط ولا وجه ولا منطقة وإذا سويت راح أشوه نفسي + مرتين سويتها وطلعت لي دمامل حشى مو حبوب فأكتفيت كل هالسنين بالتشقير لوجهي وللأبط والمنطقة نير >>> متفشلة

يعني بما اني طلعت ما فيه جعبتي مع ان كرامتي كانت تحلف علي أسكت بس حجيت فلا تقصرن معاي باللي عندكن :eh_s(22):


أكيد لي رجعة كل شيء فيه فايدة بذكره هني , فديتكم :eh_s(17):



​

 

[لاب توب فوشي]

داهيه مطير الله يوفقج يارب

ويوفق عرايس المنتدى كلهم يارب ويسخر لكم ازواجكم


\عواتكم بكرا عندي اختبار فانيل

 

[عذبـة الاطبآع]

دااهيه حتى انا احاتي المكيياج مااودي اطلع بهالليله مهولين فيني

اي في خبيرة تجميل تحط للعرايس مكياجها مو صج اسمها الطاف الخلف

حطي اسمها بقوقل تشوفين صور مكياجها وو في انستغرام عندها هم قوقل كتبي الطاف الخلف

انستغرام تطلع لج مااااادري انا ودي احط عندها احس بطلعني غير واحب نوع مكياجها يبرز مايخفي

واناا مشكلتي الركب وبالقدم في دائره سوده امبيه مسببتلي هوس نفسي ابي تروح باي شكل شسسوي ؟

 

[pink3sal]

السلام عليكم ..

حبيبتي مشكوره وماقصرتي على الموضوع الي صج ياابوقته اناا عرسي احتمال شهر 8 أو 9 الياي ومتوهقة بجم شغله و أولهم شعري مليت منه خفيف حيل شعرتين الي باقي فيه ): والطول ثابت من جم سنه موراضي يتعدى نص ظهري جربت كل شي سببلي أزمه واليوم رحت بوتس وشريت تونك وشامبو ماركة سويسرية اسمها رواش حيل مدحتلي فيه وقالت أفضل من السورسير وببدي استعمله من اليوم لانه مابقى وقت كبير اجرب و الشي الثاني مسامات ويهي الي ميننتني مفتوحه وحيل كبيره وتبين مالقيت لها حل وغير الهالات السوده والنقط السوده الي بخشمي والمشكله الثالثه سواد الركب والاكواع والسترجمارك والمفاصل السوده الي بايدي من الدوام زادت جربت جم خلطه ماكو فايده او انها تفتح شوي واخليها ترجع العن فالحين تكفون طالبتكم الي عندها حلول مجربه ومضمونه تقولنا نستفيد كلنا لانه ودي ابدي عناية من الحين لانه اعرف نفسي راح الهى بالتجهيز ويضيع الوقت واتوهق ..

لوووووول أدري قرقت وايد بس ان شاءالله القى الحلول عندكم وماتقصرون ;*

 

[راقية بذوقها]

مرحبا بنات شلونكم حبيت اسالكم عن الجسر اللي بالصاله البسه بقماش والا لا لان ايفه بالزفه لمى امشي لان ناس قالوا القماش يزلق وناس قالوا الرخام هو اللي يزلق وانا محتاره شتنصحوني فيه ويسلمووو اختي على الموضوع

 

[ببي جونسون]

بصراحه ودي اجرب ليزر بس اخااف

 

[مهههها]

جربي نظافه

 

[مجنونة غلاي]

انا مشكلتي بس الهالات تحت العين ما ادررري وش اسوووي :eh_s(11)::eh_s(11)::eh_s(11):
اذا ووحده جربت كريم حلوو تقوول لنا

والله يتمم لنا على خير

 

[ببي جونسون]

انا مشكلتي بس الهالات تحت العين ما ادررري وش اسوووي :eh_s(11)::eh_s(11)::eh_s(11):
اذا ووحده جربت كريم حلوو تقوول لنا

والله يتمم لنا على خير

حبوبه جربي رول غاارنيه مع كريم لوريال او اي نوع مع شويه جنين القمح وبيخف حيل:rerrerek:

 

[تبيني آرضى عليك]

الف مبرووووووووووووووووووووووووووووووووووووووووووووووك ي داااههههههيه

 

[cat_women]

حبيبتي داهيه الله يووووفقج يااااارب
و جربي صالون مع منار احلى
منار اللي كانت تشتغل برشا شيك فتحت لها صالون بروحها و جربي سوي بروفه للمكياج