فضفضه عروس وحيده ... تحتاج لخوات مخلصات ..!!

[حرم مومو]

رد : فضفضه عروس وحيده ... تحتاج لخوات مخلصات ..!!

اول شي الله يرحم والدتج

أختي غرور
كلنا معاج
بس للاسف توني داشه عالم سوالف الخطبه وزواج :/ لانه كوني اول بنت بالعايله الكريمه
اللي اقدر عليه
أني أدعي لج
الله يسهل عليج ويوفقج وسعدج من كل النواحي

 

[روحي ملك لغاليها]

رد : فضفضه عروس وحيده ... تحتاج لخوات مخلصات ..!!

غرور جيكي عالخاص

 

[bnt nas]

رد : فضفضه عروس وحيده ... تحتاج لخوات مخلصات ..!!

الله يوفقج ويكتب لج الخير
شوفي اقرب اخوانك لك وخليه معك احيانا الاخو يكون احسن من الاخت مثلا باختيار العطور الجناط ولبس الطلعات اسم انه معك
الحين ابدائي بالبجايم واللبس الداخلي لانه سيل عجيب
وبعدها اخذي فتره راحه وابحثي عن الزواج والحياه المستقره وطرق التعامل مع الزوج واهله
ثقفي نفسك
وبعدها ارجع للسوق عطر جنطه شي مايتفوت اخذيه الايام تركض
وعسى الله يوفقك ويرزقك من حيث لاتحتسبين

 

[مٍلإيٍـٍـٍنّ<~]

رد : فضفضه عروس وحيده ... تحتاج لخوات مخلصات ..!!

غرور حبيبتى خلى العلاقه رسميه احسسن لج ومها تسمعين من اهل زوجج سوى نفسج ماتسمعين احسسن لج واريح لان عند ى اختى رقله عطت اهل زوجها وجهه والله كنها اختهم بس مافيه فايده تجرؤ حتى انهم يدخلون غرفتها وياخذون من اغراضها بدون اذن ولمن تشره عليهم يزعلون ومايكلمونها عشان جذى خلى علاقتج رسميه

 

[روحي ملك لغاليها]

رد : فضفضه عروس وحيده ... تحتاج لخوات مخلصات ..!!

هلاا غروووور رديت لج بمواضيع حلوة

طريقه تقسيم المهر حلوة وبتفيدج ان شاء الله
http://www.q8yat.net/showthread.php?t=661431


وهذا بعد حلو على طريقه جدول

http://www.q8yat.net/showthread.php?t=636347

تجهيزج كامل وهذا مكتوب فيه كل احتياجات العروس
http://www.q8yat.net/showthread.php?t=746144

وهذا بعد حلو

http://www.q8yat.net/showthread.php?t=575576


وهذا حق افكار ترتيب شغلج وهيك شغلات

http://www.q8yat.net/showthread.php?t=325599

وبالنسبة للعنايه اشتركي مع صالون مرتين بالشهرعنايه شاملة
او وحده تجيلج بالبيت

 

[روحي ملك لغاليها]

رد : فضفضه عروس وحيده ... تحتاج لخوات مخلصات ..!!

الحين علاقتج مع زوجج
في مواضيع واجد عن فهم الزوج بس مثل ماثلت افهمي شخصيته اول ومو كل نصيحه تطبقينها يمكن تكون فايده غيرج بس ماتفيدج..

هذا حلو عن فهم نفسيه الزوج
http://www.q8yat.net/showthread.php?t=771749

وهذا للتعامل الصح مع المشاكل الله لايقوله
http://www.q8yat.net/showthread.php?t=775678

وهذا عشان تضمنين السعاده الزوجيه حلو وكلامها كله حلو
http://www.q8yat.net/showthread.php?t=766178

وهذا حلو حق الدلع

http://www.q8yat.net/showthread.php?t=773482

وفي بعد وحده دكتورة مواضيعها حلوة اسمها انعام او نعيمه الهاشمي بشولج مواضيع لها حييل حلو كلامها

 

[روحي ملك لغاليها]

رد : فضفضه عروس وحيده ... تحتاج لخوات مخلصات ..!!

أقوال مأثورة عن الاستاذة نعيمة الهاشمي ""حياكم متزوجات
http://www.q8yat.net/showthread.php?t=701764
يضايقونج البنات بالسوق لمن اتكونين مع زوجج شووفي راي د- ناعمه الهاشمي
http://www.q8yat.net/showthread.php?t=325679

برود ومطر قصة لناعمة هاشمي(صديقاتي الي تبغي سعادة زوجية تقراء القصة فيها نصائح رائعة

http://www.q8yat.net/showthread.php?t=280517


عامليه كالثوب الجديد ... ناعمه الهاشمي
http://www.q8yat.net/showthread.php?t=341092

 

[غ ــــرور]

رد : فضفضه عروس وحيده ... تحتاج لخوات مخلصات ..!!

روحي ملك لغاليها

اختي و صديقتي و كلللللللللل شئ بهالمنتدى
مشكوره ما تقصرييييين ... على كل شئ طرحتيه هنيه ... من العناوين امبين ان كلللللللللل شئ مشوق و فيه حماس ههههه
الله يسهل امورج و يرزقج من حيث تحتسبي و لا تحتسبي ... عسى ربي يعطيج على قد نيتج يالغاليه​

إن شاءالله كل يوم مشموله بدعواتي

eman12​

الله يسخرلج ناس طيبين يارب وتكون حياتج سعيده

هالدعوه القلبيه إن شاءالله لج مثلها ... و يارب تكون حياتج اسعد و اسعد

حرم مومو
اول شي الله يرحم والدتج

أختي غرور

كلنا معاج ​

بس للاسف توني داشه عالم سوالف الخطبه وزواج :/ لانه كوني اول بنت بالعايله الكريمه ​

اللي اقدر عليه ​

أني أدعي لج ​

الله يسهل عليج ويوفقج وسعدج من كل النواحي

​

​

الله يرحم اماتنا برحمته الواسعه رحمته التي وسعت كل شئ ... و واضح ان الكل معاي و كلنا على قلب واحد بهالمنتدى التعاوني هههه الكل متعاون و حاب يعطي كل لي عنده لغيره و هالشئ ان دل على شئ فهو يدل على التربيه و المعدل الاصيل و طيبه قلوبكم حبايبي ،،، هالدعوه إن شاءالله لج مثلها بعد عمري

bnt nas
الله يوفقج ويكتب لج الخير
شوفي اقرب اخوانك لك وخليه معك احيانا الاخو يكون احسن من الاخت مثلا باختيار العطور الجناط ولبس الطلعات اسم انه معك
الحين ابدائي بالبجايم واللبس الداخلي لانه سيل عجيب
وبعدها اخذي فتره راحه وابحثي عن الزواج والحياه المستقره وطرق التعامل مع الزوج واهله
ثقفي نفسك
وبعدها ارجع للسوق عطر جنطه شي مايتفوت اخذيه الايام تركض

وعسى الله يوفقك ويرزقك من حيث لاتحتسبين

​

​

يا رب يوفق الجميع و يكتب لنا الصالح إن شاءالله

الحمدلله اشتريت بجايم بس ما شبعت هههههه استغليت التخفيضات و ما قبل التخفيضات ههههه​

بخذ برايج و بصراحه كلامج سليم 100 % ماااااااااااااااا عليه

مٍلإيٍـٍـٍنّ<~​

غرور حبيبتى خلى العلاقه رسميه احسسن لج ومها تسمعين من اهل زوجج سوى نفسج ماتسمعين احسسن لج واريح لان عند ى اختى رقله عطت اهل زوجها وجهه والله كنها اختهم بس مافيه فايده تجرؤ حتى انهم يدخلون غرفتها وياخذون من اغراضها بدون اذن ولمن تشره عليهم يزعلون ومايكلمونها عشان جذى خلى علاقتج رسميه​

انا بعد اقول جذيه ............ الرسميات هي الاسلوب لي بنتبعه معاهم هههه

انا الحين و انا مالجه ما اااحب اعودهم انهم يشوفوني وااااايد
حتى بعدين ما يشرهون علي لما ما ااانزل لهم ............ بس الفشله ان ما عندي حجه لانه ساكنه معاهم يعني لازم اطللطل كل فتره او اسبوع هههه
مع اني ما ابي هالشئ ابي اريح راسي من كل شئ و من العلاقات بالاهل و الزحمه​

 

[~LiBrA~]

رد : فضفضه عروس وحيده ... تحتاج لخوات مخلصات ..!!

هلا حبيبتي

شوفي البنات ما قصرو

يمكن انا وضعي مثل وضعج لان امي بعد متوفيه ورغم اني اصغر خواتي بس للاسف فادوني بالتجهيز فقط

بس حياتي الزوجيه مع زوجي وحمولتي تعلمت منها بالعشره ومع الوقت

لان طبعي غير وطبعج غير وطبع كل واحد يختلف عن الثاني

فلا تمشين على كلام احد

خلي الدنيا تعلمج

ترا اذا سمعتي كلام فلان وعلان راح يضيعونج

دشي قسم الزوجيه ولو كان افضل اتحطين موضوعج اهناك لان المتزوجات اكثر وراح يفيدونج وايد اهناك

ولما تشوفين تجارب غيرج الي بالقسم تتعلمين منهم ومن مواقفهم وتاخذين الي يناسب اطباعج واطباع زوجج

يعني مو شرط يصير لج الموقف عقب تتعلمين


وبالنسبه لحمولتج

كووووووووووني رسميه بس لا تصيرين نفسيه

ترا كثرة الرسميه تبين عند غيرج انج وحده مغرورة ونفسيه طبعا هذا اكيد غلط بس الاغلب يشوف هالشي

عشان جذي حاولي اتكونين رسميه كثر ماتقدرين من ناحية خصوصياتج انتي وزوجج ماتطلع ابدا ابدا بره شقتج لو مهما كان حتى لو كان اقرب صديقه لج او اختج او حماتج

خلج اجتماعيه معاهم

انا مثلج مااحب انزل عند حمولتي كل يوم

بس على الاقل وانتي راجعه من الدوام او بتطلعين الصبح دشي سلمي عليهم قولي شلونكم شخباركم وطلعي مشوارج

ويوم الخميس يمعتكم قعدي معاهم طول اليوم وساعديهم وحطي الاكل معاهم وضحكي واستانسي على شان لا يقولون عنج مو اجتماعيه





امممم

بخصوص التجهيز اعتقد في موضوع مثبت اهني عن تجهيزات العروس بس نصيحه لا تكثرين بالتجهيز واايد حرااام مهرج يروح على ملابس وخرابيط

بعدين انشالله لي رحتي بيت زوجج تكملين الي ناقصج معاه

بس الحين اشتري الضروريات مثل قمصان نوم وملابس طلعه وبجايم وعطورات واغراض البيت



وخلصي شغلج من الحين لا تنطرين حزة الحزة


واهم شي حطيلج مذكرة كتبي فيها كل يوم شنو تسوين ترا انا مثلج مااحب هالسوالف بس والله اهو الي نظم شغلي وخلاني ما اتخربط

وخلي جدولج بس حق اسبوع وعقب ما تخلصين الاسبوع سوي حق اسبوع يديد وجذي



واممم مادري شنو بعد بس انتي سأليني شنو تبين وتستفسرين عنه على الخاص وانا حاظرة ومن عيوني لان يبيلج شغل واايد


وترا لا تحاتين ان تبين احد يروح معاج السوق وهالسوالف

اصلا حلات السوق بروحج هههههه محد يزعجج ويقولج اخذي هذا ولا تاخذين هذاك



واي شي حق اماكن سوق تبين تروحين او اشيء خاصه راسليني وانا حاضرة

وبالتوفيج

 

[غ ــــرور]

رد : فضفضه عروس وحيده ... تحتاج لخوات مخلصات ..!!

حبيبتي ام حيدر ... انا رسلت لج على الخاص رساله .........

 

[آبـلـہ نـونـو]

رد : فضفضه عروس وحيده ... تحتاج لخوات مخلصات ..!!


حيآتي بإذن الله سهآلآت ..

أنآ قبل من جم أكلم وحدة أقولهآ من قبل آلملجة عبآلي إني رآح أعرف أخطط و أنظم شغلي ؟

و هذآ أنآ من ملجت و مآ خليت أحد إلآ و أذيته و أمشي و أقوؤوول يآ نآآس ضآيعه .!

الله يعين ..

..

 

[الحنينه]

اب اب

وان شاءالله تشوفين ردي عالخاص

 

[غ ــــرور]

رد : فضفضه عروس وحيده ... تحتاج لخوات مخلصات ..!!

Planning a wedding is actually harder than getting into Northwestern ..ahhhh

 

[* بنت المطر *]

كلنا يمر علينا هالشعور وقت الفرح ووقت الحزن لان بهالحالتين انتي اكثر حاجه للي حواليج

وحبيبتي ياما بنات امهاتهم عايشات وخواتهم شكثر وجهزوا وضبطوا نفسهم بنفسهم

اخذي الامور بسهالات والحياة الزوجيه ماراح تعرفين متطلباتها صح الا لمن تعيشينها اعتمدي ع نفسج يقلبي

واخذي الامور بسهالات شيبيله العرس كل شي هين من الله ان شالله واذا خلصتي شغلج اخذي اختج الصغيره

واشتريلها وضبطيلها وكوني لها الام ماتدرين عن معاناتها اهيه بعد ..

والله يرحم امج برحمته ويصبر قلبج ويلهمج القوه والعزم ويعوضج ان شالله بالزوج الصالح والعيال الصالحين

وهالله الله بوخيتج لا تخلينها ولاتنسينها وكوني لها الام بترتاحين صدقيني

ومشكوره ع الخاص عسى الله يوفقج ويصبر قلبج واي شي تبين ياقلبي اكون لج اخت دنيا تواصلي معاي وحياج الرحمن

 

[سارووه الاموره]

شوفي حبيبتي اول شي مبرووك والله يتمم عليج

دقايق واعطيج العلوم الزينه لول ..

 

[گـحِـلْ |~]

رد : فضفضه عروس وحيده ... تحتاج لخوات مخلصات ..!!



حبيبتي اهل زوجج إذا ما ضروج ليش ماتقوّين علآقتج فيهم!!

بالعكس إكسبيهم وإذا صار ما صار لآ سمح آلله وصار شي وإلا مشكله إنسحبي بهدووء

وبخصوص التجهيز حيآتي ، ترى النت يعلّم إللي ما يتعلم ..
شكثر شغلات عرفتهآآ من المنتدى .. أهم شي ذوقج لو رحتي مع 10 بالآخير بتآخذين إللي يعجبج
وشوفي منو فآضي من ربعج وخليهآآ تروح معآج للشغلآآت المهمه > مثل نفنوف أول ليله وآلذهب .. إلخ

وآلله يوفقج ويبعد عنج وعن زوجج آلعين .

 

[جورية91]

رد : فضفضه عروس وحيده ... تحتاج لخوات مخلصات ..!!

هلا والله اختي شوفي اول شي حطي دفتر وكتبي طقم ذهب اصفر وطقم الماس وطقم ذهب ابيض او طقم فضه وحطيلهم مبلغ 3 الاف او 4 على حسب ميزانيتج وبعدين كتبي الفستان وحطيله الف وشي واستغلي العروض اللي يصورونها وحطي المصوره 500 دينار وصالون اول يوم من 250 الى 300 والمسكه وحطي مثلا الملابس للداخليه 300 دينار تشمل القمصان والملابس الداخليه و عندج البجامات 6 او 7 لا تكثرين لإنج بتشترين فساتين قصيره وشورتات الي معاها بدي حفر وجم قميص طويل غير اول يوم وحطي لج كم دراعه عاديه مثلا حزة الغدا غير دراريع الاستقبال وأشتري تنوره كشخه سوده او فصلي واشتري بدلات عمليه للدوام وبلات كشخه وغير الاكسسوارات والمعرب استغلي التنزيلات وغير المكياج والعطور روحي المعرض وغير مجاميع بدي شوب وكم محل ثاني وطبيب الأسنان والعبيوالملافع العملي والكشخه وغير عنايتج بجسمج وويهج وشعرج ونظافته واذا محتاجه اي شي قولي أنا اصلا قاعه اجهز حق عرسي شهر 4 وأي شي تبينه واقدر عليه بقولج إياه ...

 

[البتولً]

رد : فضفضه عروس وحيده ... تحتاج لخوات مخلصات ..!!

اهلينً حبيبتيً

....
اولً شيً اللهً يوفقكً ويسهلً دربكً يرزقكً الذريهً الصالحهً
ويغفرً لوالديكً الحيُ منهمً والميتً ..اللهــــــمً آمــــــينً

’
بقولكً شغلهً (يً حلو الغناةُ )
ما فيهً احلاً من الغناةً عزيً نفسكً عنً الناسً لا تخلينهمً يتشرفونً علىً شيً يخصكً
لا عمهُ ولا خالهُ يمكنً يساعدونكُ لاكنً لابدً بيومً راحً يمنونً عليكً ويذكرونً افضالهمً
ومو شرطً يساعدونكً من قلبً يمكنً يساعدوكُ بس مستحيلً يخلوكً افضل من بناتهمُ
ما ابيً احرضكً عليهمً بسً ابيً افتحً عيونكً يً ما ناسً انصدموً من اقربً الناسً لهمً.
.
.
لاتخليهمً يتدخلونً بأيً شيً يخصكً ولا تخليً احدً يتشرفً علىً اموركً الخاصهً انتيً
كبيرهً وفاهمهً وعاقلهً وبأستطاعتكً تحليً مشاكلكً وتديريً اموركً بنفسكً
مو كلً الناسً قلوبها عليكً
وغير كذا يمكن تلقين احد يسمعك مرة ومرتين لاكن الباقي لا ..

اذاً علىً المشاكلً والفضفضةَ
افرشيً سجادتكً واسجديً للمولىً سبحانهً ولا ترفعيً من السجده الا وانتيً طالبه منهً اليً تبغينً
وصدقينيً الله ما يردً عبده اذا احتاجهُ ..
مافيهً احد ارحم عليك من اللهً سبحانهً ..الله سبحانه نسب لنفسه 99 رحمه وانزل لنا فيً الدنيا رحمه وحدهً
الله عز وجلً ارحمً من الامً على ولدهاً سبحانهً جل جلالهُ ..

.
.
واذا علىً الزواجً وتجهيزاتهً البنات هنيً موجوداتً فيهً منهم المتزوجه وعندها عيال ومجربه وفيه منهم العروس وفيه منهم المخطوبه
وكلهمً عندهم خبرات ومارينً بتجاربً الي عليك بس تنزليً موضوع وماراحً يقصرونً ..

.
.
واذا علىً تجهيزكً هالفترة تصفحي النت وتثقفي بشغلات كثيره من ناحيه التجهيز ومن ناحيه
الملابس والميك اب والخلطاتً
وتثقفي من ناحيه الحياة الزوجيه لان هذا شي مهم

قبل لا يجي مهركُ تثقفي عشان اول ما يجي تصير عندك معلومات كثيرة الي عليك بس تطبقيً
والافضل اذا جاء تقسميه ولا تلعبي فيه ..
وانا جاهزة اعطيك خطط وتقسيمات تفيدك حيييلً احنا هني خوات

​

 

[ام شووووق]

رد : فضفضه عروس وحيده ... تحتاج لخوات مخلصات ..!!

اب اب

 

[حلمي الأمومة]

شوفي اسئلي ربج التوفيق في حياتج الجديدة وان زوجج واهله يكونون اكثر من اهلج

حاولي تخصصين جزء من مهرج لصدقة بنية التوفيق وتسهيل الامور في الحياة الجديدة


وادعي وادعي وادعي ترا الدعاء سلاح المؤمن



وبالنسبة لتجهيز سهاااااااااالات لا تحاتيين


والله يوفقج ويعوضج بحياتج الجديدة