فضفضه عروس وحيده ... تحتاج لخوات مخلصات ..!!

[جوري الغرام]

رد : فضفضه عروس وحيده ... تحتاج لخوات مخلصات ..!!

أول شي ترا التجهيز سهل لو خططتي له عدل وقسمتي مهرج بأظرف وسويتي ميزانيه حق كل شي على قد فلوسج عشان ماتتعبين بعدين ​

ثاني شي أنا سويت موضوع عن ( احتياجات العروس من الألف الى الياء ) رااااااااح يفيدج حيييييييييييييييييييييل ان شاء الله ​

وهذا الرابط http://www.q8yat.net/showthread.php?t=746144​

1- أهتمي بجسمج من الحين سوي خلطات للجسم والشعر ياكثر الخلطات بقسم البشره عشان من يقرب عرسج تكونين اعتنيتي بجسمج عدددددددددل ​

2- وبالليل قبل لاتنامين أدهني جسمج بزيت كل يوم زيت مثل ( زيت الجلسرين + زيت اللوز المر + زيت الزيتون + زيت السمسم + زيت البابايا ( ينباع بمكياج المنصور ) + فازلين ) عشان يطري جلدج وينعمه ​

3- وقبل عرسج بجم يوم سوي برنامج مكثف بصالون لبرنامج العروس ​

4- أهتمي بأكلج وشربي ماي واجد وعصاير فرش عشان بشرتج تكون أوكي ​

5- اذا متينه سوي ريجيم وضعفي واذا ضعيفه حاولي تمتنين وشوفيلج دكتوره تغذيه يكون أحسن عشان يكون تحت اشراف طبي ​

6- اذا ماتعرفين لطباخ يمديج تتعلمين من الحين ياقلبي لان الزواج مسؤليه ماراح تكونين مثل ببيت أهلج خصوصا انج بشقه بروحج يعني لكم مطبخ خاص وأكلكم بروح >>>>> عشان تكونين راعيه بيت وماتفشلين بعدين ​

وبالنهايه ربج يوفقج بحياتج الزوجيه ويرزقج الذريه الصالحه وان شاء الله ربي بعوض حرمانج عند زوجج بيرزقج أم وخوات عنده :yaaaaaarb:​

واحنا أهنيه خواتج لو أحتجتي أي شي لا يردج الا لسانج :sfg:​

 

[sea voice]

مرحبا حبيبت قلبي ارجوا اني افيدج وانج تتقبلين مروري لاني جديدة في المنتدى بس حبيت افيدج
ماشاء الله كل شي انطرح او افضل شي شغلج إصير امرتب بدون تشويش مثل ما قالو التجهيز سهل اوحلو
بس يبيله بذل جهد وسرعه لانه الايام اطوف بسرعه بس راح تكون ايام حلوه ...

1- العناية بالجسم وبصراحة اهم شي الليزر عشان تفتكين من المعانات وقالولي بالجابرية محمع مزايا شغلهم حلو واسعاره حلوه وشوفي شنو تحتاجين من دكاترة تحصلينه عندهم ، وإذا حابه تطولين شعرج في شامبو سوبر فاست بالصيدليات صراحه ماجربته بس وايد مدحوا ، غير برنامج العروس قبل العرس والمساج وغيره .

2- تحتاجين من الملابس 10 دراريع بين البسيط والفخم لاتتعبين ودورين بالسوق روحي العربيد بالفروانية وطبي وتخيري واسعارهم حلوة.

3- تحتاجين قمصان نوم افصل تاخذين من المواقع إلي بالنت احلى من السوق اووايد اسعارهم حلوه مثل
(mony-q8 + rainbow77store + sucara + wowstore + q8styleee + maremar-store omsalem-lingerie + a7lamsecret + viola + joly-fashion + ranastore + lamoda + dala3q8love )
وراح يعجبونج انشاءالله ووصلون لين البيت او ماننسى السندس و الايوب وماننسى الاطقم الداخليه بصراحة وايدمحلات بالافينيوز تحصلين عنده شغلات حلوه موشرط المحل خاص بالانجري.

4- تحتاجين ملابس حق البيت لانه موعلى طول بقمصان راح تقعدين عندج اوشو ، لاسينزا ،وغيره الافنيوز و المهلب وباقي المجمعات مايقصرون كل شي فيه .

5- تحتاجين بدلات وعودي زوجج على كل الستايلات عشان مايستغرب من لبسج .

6- تحتاجين عبايتين للطوارئ .

7- وملابس إذا نزاتي عند اهل زوجج دراريع ، تريننغات .....الخ .

8- شنط و ساعات نصيحة لاتاخذين غير ماركة في بالماسة عندهم تنزيلات والصالحية وغيرهم .

9-بدلة استقبال وبدلتين يمكن تصادفج حفلات .

10- عطورات 6-7 مع ونصحج من عند بوعوض اصلي وارخص من السوق ماعندي رقمة بس إذا دورتي بالنت انشاءالله تحصلين رقمه وهوه قريب من الافينيوز وانصحج تاخذين عطر الشعر من شانيل عند مراكز التجمميل والعطر مادموزيل من ابوعوض .غير كريمات الجسم حصلتهم صديقتي بالديره مثل مالوت بدي شوب واحلى من سوق البشوت بالسرداب شرتلي وجربته وااااو باول محل بالسرداب .

11-واخذيلج مكياج في ماركات وايد حلوه وآنه احب بعد محل مكياجي وعندهم خصومات بس لاتكثرين .

12- وتجهيز للعرس الفستان ، الصالون ، الشبكة واطقم خفيفة بعد ، والعدسات ضروري وآ نه ماخذه من محل بالسالمية القديمة 4عـدســات 20 د.ك من اي ماركة وآنه احب اللون الرمادي البلاتينيي من بيلا ، ومااحب غير اللون الطبيعي مااحب المبالغ فيه .

واهم شي تعودي زوجج انه يتحمل مسؤوليتج ودام اهوه معاج انسي انه بوكج معاج وكوني حلوه مع اهله بس بحدود ماراح تنفعج الميانه الزايده اوخلي شخصيتج قوية بس مو طرزان ديري باااااااالج وخليج دقيقة في اختيار اثاثج ويكون على ذوقج وشفت بالمنتديات من البحث في ستيكرات وايد روعة حق الغرف والصالة وايد حلوين انصحج فيهم او اي شي موعاجبج رفضي بس باحلى اسلوب او هم راعي ظروف زوجج بس لاتظلمين روحج نصيحة اخت ماره بتجربة قاسية

وانشاالله فدتج لانه اختي مثلج عروس بس مورضية تسمع الكلام وتاخذ إلي ننصحه فية

ســـــــــــــــامحيني طولت عليج :balo:

 

[don-3]

رد : فضفضه عروس وحيده ... تحتاج لخوات مخلصات ..!!

ياقلبي اي شي تبين تسالين عنه اسالي البنات مايقصرون

 

[Flower20]

رد : فضفضه عروس وحيده ... تحتاج لخوات مخلصات ..!!

يا بعد عمري الله يوفقج ويسهل عليج
والمؤمن سلاحه الدعاء
يعني ادعي ان الله يسهل امورج وراح تتيسر بإذن الله وما تحتاجين لاحد لا خالات ولا عمات- الله يغنينا ويغنيج عن خلقه
اهم شي اهم شيييييييييي دفعي من مهرج صدقة
وبعدين خططي مهرج وقسميه عدل
والبنات هني مو مقصرين حاطين مواضيع وايد لطرق تقسيم المهر ... الااماكن الحلوة لشغلات معينة - الاماكن الي فيها تنزيلات
كل الي عليج تسألين وهم يردون عليج
وبالنسبة للحمولة والتعامل معاهم مادري والله سألي المتزوجات
بس ادعي ان الله يسهل امورج وانهم يحبونج وتكونين زوجة صالحة

وبس

 

[غ ــــرور]

رد : فضفضه عروس وحيده ... تحتاج لخوات مخلصات ..!!

كل التفاصيل المذكروه هذي صج صج صج انا اخذت منها لي يناسبني و يناسب ظروفي و ميزانيتي و مستوى عرسي ......... و حتى تتوثق صج تحتاج لتخطيط و لدفتر و لشطب و ........... الخ
كل هالشغلات موجوده واضحه بالمنتدى ... و لي مو واضح تحتاج لسؤال .... حسيت نفسي اليوم مستقره و كل هذا بفضل رب العالمين و فضل دعمكم المعنوي و التشجيع .... صج انتوا اكثر من خوات لي و لبعض .... مشكوره احمد ربي اني اشتركت بهالمنتدى بفتره صج انا محتاجه لاني اخذ و اعطي مو بس اكون متابعه من بعيد .... خواتي كلكم و فرحتي بكم مااااااااااتنوصف بالكلمات بصراحه احرجتوني بكرمكم الزايد و الاهتمام و كللللللللل شئ ....



الحمدلله رب العالمين و مثل ما قالت الاخت البتولً الفضفضه و فشه الخلئئئ لرب العالمين صججججججج انا الحمد لله مو غافله عن هالشئ لكن ساعات الواحد يبي من يشاركه فرحته بهالدنيا الحمد لله رب العالمين على كل حال ... الله ييسر امورنا و يسهلها و يرزقنا كل خير يا رب ... الله يفتحها علينا و يغنينا و لا يخلينا محتاجين لمخلوق لانه عندنا الخالق ... الخالق لي رحمته وسعت كل شئ و هو ارحم الراحمين ... يا الله يـــا أهل الخيرات ، أنت الله رغبت اليك فيما قد علمت و أنت علام الغيوب ، أسئلك إن تصلي على محمد و آل محمد و يا رب تستجيب لي فقد رهقني من أمري عسرا ً ... اللهم إني أسئلك أن تجعل لي من عسري يسرا ً و تتم فرحتنا على خير انا و عروسات هالمنتدى و كل من يعز علينا يا رب​

 

[ام العثامين]

صباح الخير غرور
شلونج
انا قريت موضوعج ممن اول شي ومتابعته اول باول
وارسلتلج رسالة عالخاص من زمان بس مادري اذا قريتيها ولالا

 

[ام العثامين]

صباح الخير غرور
شلونج
انا قريت موضوعج ممن اول شي ومتابعته اول باول
وارسلتلج رسالة عالخاص من زمان بس مادري اذا قريتيها ولالا

 

[غ ــــرور]

رد : رد: فضفضه عروس وحيده ... تحتاج لخوات مخلصات ..!!

لا اختي ما وصلني شئ ... بس لو في شئ ردي بالعام حتى الكل يستفيد ... على العموم مشكوره على المتابعه...