فطور رمضان 2012 بالصور

[نارنجه]

ام حسوون

بالعااااافية ^^




/


السينمووون

المقادير :

چيس صمون ميني بريد المربع من المطاحن
جوز على حسب الرغبة + قفشة وسط دارسين + ٣قفاش ككاو بودر + قفشة سكر بني
علبة جبن فيلادلفيا + حليب نستلة المحلى الحجم الكبير


الطريقة :

خلطي الحليب و الفلادلفياااا بالخلاط لين يصير عندج خليط متجانس مثل الكريمة

جرشي شوية من الجوز وخلطيه مع الدارسين و الككاو البودر و الشكر الاسمر << لو ماعندج الاسمر حطي الابيض

فتحي الصمونه بالسچين بس لا تفصلين القطعتين عن بعض
ادهنيها بخلطة الجبن و احشيها بخليط الجوز و الككاو و الشكر و الدارسين

صفي الصمووون بالبايركس
وصبي عليه خليط الجبن و الحليب غطي الصموون كله
و زيني كل صمونة بباقي الجوز المجروش و الكاكاو و الدارسين و حطي فوق كل وحدة حبة جوز صحيح

دخلي البايركس بالفرن لمدة ٢٠ دقيقة لين تتماسك الصلصة شوي
طلعيه و زينيه بكاكاو هيرشي السااااائل


وبالعاااااااافية

 

[Mjnont '3lay]

مذهله جني طلبت منج شغله ومارديتي علي ناسيه شنو اهيا بس انا متأكده اني طالبه منج شي بالصفحات اللي
طافت

وعليج بالعافيه اطباقج تهبل


,,

نارنجه بعد قلبي عاد قلت باجر بسويها حق حمولتي حدها رووعه بس يالله بنطرج ولمن تحطين طريقتج بسويها بالضبط
تسلمين حبيبتي

 

[Mjnont '3lay]

اليوم سويت كوسا بدبس الرمان مالت ننا تسلم ايدج يا ننا فديتج
عاد كان ودي اصورها لج عشان تشوفين شلون صارت بس الشرطي اللي فوق واقف لي مو راضي اصور < { رجلي }وتحت حمولتي فشله اصور جدامهم بس تهببببببببل وحمولتي استخفو عليها حيل حلوه عاد قعدت مرتزه طول اليوم تحت عشان اسمعهم بعد الفطور شيقولون عن طبقي
والله انج بيضتي وجهي يا ننا فدييييتج حبيبتي يعطيج الف عافيه
بس في شغله لاحظتها انه الحشوه طلعت شوي مالحه الحمدالله محد لاحظ ولاعلقو
انتي شلون طريقة حشوتج للكوسا بالضبط وامانه مو تنسيني ترى طلبت منج طريقة اطباقج لا فضيتي ان شاءالله حطي لي اياهم

,,

وسويت شاورما مع الطحينه مالت ريمه فديتج يا ريما طلعت حلوه تسلم ايدج يالغاليه الله يعطيج الف عافيه
بس بغيت اسألج الميني برقر من وين تاخذينه وشنو ماركته ولاهنتي ابي طريقة صلصه المشروم اللي سوتها بنيتج حق الصمون
عشان باجر بسويها حق حمولتي ان الله احيانا ان شاءالله وبسألج عن طريقة البطاط شلون احفر البطاط ماعرف اليوم كنت بسوي محشي البطاط بس ماعرفت شلون احفرها ماضبط وياي حسافه

 

[لمن اكون]

نارجه : مبدعهه حيااتي عيني عليج بارده انا متابعتج من زمان وعندي طلب صغيرونوو بغيت طريقه البيتزا شكلهه رووعهه
وتعرفيني انا مو حيل مع بيتزاا حووسههه يصير هههه
و سؤال ادري زودتها بس الزعتر بتوست سويتها والا بشنو ؟!

زعفرانهه_73 :: ماشااءالله عجيب
لوسمحتي بغيت طريقة الفته اللحم وصنوبر و سلطه الدجاج

ومذهلهه ممكن طريقه الشبزي لان الوالد يغيم عليها هههه

ريمهه ماشاءاللهه شكله بنتج شاطره طالع ع امها
ببغيت طرريقه العجيننه مالت البيتزا وشرايج بطحين المطاحن الجديد مال معجنات

وسمووحهه ع الازعاج ?

توني مبتدئهه وراح انشبلگ هههه ??

 

[كادي سويت]

تسلم الايادي
الله يسعدكم
اختي نارنجه
السلطه وطبق الباذنجان واختي زعفران لوسمحتي المسحب

 

[ابتهال الفجر]

خوش شغل ما شاء الله قواكم الله

 

[*~|لوٰڤ لندن|~*]

فيلسوفة تتفلسف عليج الف عافيه

يعافيج يارب جارة القمر
​

من عيوني لوٰڤ لندن هذي طريقه المحمر
http://www.q8yat.com/t1049140.html

العيش بالزرشك ممكن تدزيلي الصوره عشان اتذكره

الف عافيه tigerwoman) ماشالله فنانه بالبشمل وعجبني اللقيمات شغل عدل
وتعبج راحه ياقلبي


لمن اكون فناااااااانه ماشالله عليج



​

#

فديييت عيونج والله





امممم ماعرف شلوون انزل صووور

 

[نارنجه]

مجنونة غلاي

الله يسلمج حبيبتي ^^ يالله كل تاخيرة فيها خيرة هههههههه



لمن أكون
اهم شي عسى بيضتها معاكم ذبحتكم بمواضيع السمبوسة ههههههههههه
^^

البيتزا سويتها بخبز المطاحن الصغيررر اقولج الطبقات بالترتيب :
اول شي الصلصة / استخدمت صلصة بريقو الجاهزة تقريبا هذي احلى صلصة جاهزة چنها شغل بيت
و فوقها جبنة موزريلا
بعدين نتفة من الكتشب الحار و اخر شي جبن تشدر
دخليهم اما فرن حار او دقيقة بالمايكروويف

الزعترر
استخدمت التوست الاسمر بالحبوب
دهني التوسته كلها بالزعتر و رشي فوقها زيتون اخضر و بعدين موزاريلا و قصيها بالنص على شكل مثلث
و دخليها بالفررن عشان تتحمش من تحت شوي و يذوب الجبن

وبالعاااافية

 

[خوخة 90]

الشيف نانا ابي طريقته اذا ما عليج امر و يعطيج العافيه

 

[نارنجه]

تسلم الايادي
الله يسعدكم
اختي نارنجه
السلطه وطبق الباذنجان واختي زعفران لوسمحتي المسحب

اول صوورة
اقولج المقادير على حسب ترتيب الطبقات من تحت لي فووق :

تسلقين معكرونة حلزونية او فيونكات حمسيها مع ربع زبدة و شوية ريحااان مفروم
حطيها بالبايركس
خس الكمية الي تحبين قطعيه شرايح
ذرة حلوة
قطع نقتس مقليه و مقطعه لشرايح
وحطي صلصة الرانش و الصلصة الفرنسية
اخر شي اخذي بطاط نيس كسريه وحطيه فوق النقتس ورشي عليه شويه باربيكا

وبالعافية



السلطة الثانية
فتوووش <<< احلى سلطة فتوش بالطريقة الاصلية

ورق بربير على عداله
فجل احمر
خس
خيار
طماط
نعناع مفروم

والكمية على حسب الرغبة
الصلصة

نص فص ثوم صغيرررر مهروس
نص كوب زيت زيتون
نص كوب عصير ليمون
قفشة وسط سماق
قفشتين وسط شكر
قفشة كبيرة دبس الرماااان
خلطيهم مع بعض

صبيها على السلطة وزينيهها بالخبززز المحمص و رشة من السمااااق
وبالعااافية



البيذيان

هذا مرقووووق سويته بعجينة السبرينق رول مالت المطعم الهندي
حمست البصل مع الثوم و فلفل اخضر و زدتهم ماي ومعجون
البهارات كاري و كمون و فلفل اسود وليمون اسود صحيح و شوية صلصة الصويا << تعطي نكهه حلووة
ومن بدا يغلي الماي فججت العجينة وحدة وحدة وحطيتها بالمرق مع الجزر وقصرت ع النار

وبهالوقت قليت شرايح البيذيااااااان تكون سميكة << احب اقليه قبل ماا اضيفة للمرق او المرقوق ^^

ولما قرب يستوي المرقوق حطيت فوقه البيذيان من غير مااااخلطه عشان مايذوب
ويروح شكله

عاد وقت النچاب اخلي البيذيان فوق المرقوق وارش فوقه شوية كزبرة خضراااا تعطي شكل و طعم

ويحلات طعمه مايفرررق عن طريقة المرقوق الاصلية و بسررررعه يستوي

تجربينه بالعاااااافية ^^

 

[مذهلة 78]

مذهله طريقة السيزر لاهنتي

حبيبتي تفضلي
خس امريكي مقطع قطع كبيره صدرين دجاج تكون متبلتهم بليمون وملح وفلفل اسود وثوم عقب تاخذينهم وتشوينهم


تحطين طبقة الخس وفوقها الدياي وتالي جبن البراميزان المجفف اللي علبته حمرا

بعدين حطي الصلصله اللي أهي عباره عن

قفشه مسترده
قفشه ليمون مركز اللي يكون ببطل
قفشه صلصله وركسترشير

ملح/ فلفل اسود/فص ثوم. مهروس/

جبن بارميزان / خبز محمص من الجمعيه اي نكرهه تحبين

خلطي الثوم والليمون والمسترده وصلصله وركسترشير والملح والفلفل الاسود بخلاط كهرباي مال الكيك وبالتدريج ضيفي
الزيت لين يصير الخليط متجاسج
ضيفي عليه صلصله السيزر مالت ال wf تقريبا ربعه وخلطيهم تالي ضيفيهم علي الخس والدجاج وخطي فوقهم الخبز المحمص وبالعافيه

 

[كيفانية المنبع]

تسلم ايدينكم وماقصرتوا وسامحونا وايد نزعجكم بس انتوا خواتنا وحبايبنا ويعله بميزان حسناتكم يارب اختي الحبيبة نارنجة ممكن طريقة القرع المحشي وسامحيني عالازعاج حبيبتي

 

[مواصله]

مجنونة غلاي سوووري نسيت اكتب لج تحطين اللحم المفروم مع الحموس ولما يستوي تحطينه بصينية فرن بايركس

او صينيه متحركة الاطراف والبطاطس تكورينه وتصفينه فوق حمسة اللحم المفروم وتصبين البشاميل بعد ماتطبخينه فوقهم


اللي فوق سلطة الفواكه اسكريم فانيلا ومكسرا

 

[جارة القمر]

السلام عليكم




مساء الخير





شخباركم




نارنجه




ماشاء الله تبارك الرحمن خوش فطور ابداع عسي الله يحفظج:eh_s(17):




ريمه الكويت





تسلم ايدج وايد بنتج عسي الله يحفظها سنعه مثل أمها وان شاء الله اتشوفينها عروس:eh_s(22):

أم حسون





تسلم ايدج وبالعافييييييييييييييييية حبيبتي :eh_s(17):







مذهلة 78





تسلم ايدج وبالعافية:eh_s(17):




زعفرانة_73




تسلم ايدج حبيبتي وبالعافييييييييييييييييية:eh_s(17):




(TigerWoman)




تسلم ايدج



وبالعافيييييييييييييييييييية:eh_s(17):





لمن أكون




تسلم ايدج وبالعافية :eh_s(17):




فيلسوفة تتفلسف



تسلم ايدج حبيبتي :eh_s(17):​

 

[ريمه الكويت]

نارنجه تسلمين حبيبتي وبالعافيه عالاكلات الحلوه وعجبتني سلطه الشبس شنو تحتها غير الذره

بالعافيه مذهله وزعفرانة_73 هنييييييي

Mjnont '3lay يخليج يارب كلش ولازعلكم دزيته لج بالخاص والبيرغر الميني ماركه خزان وايد حلو والصلصه اولا قلت شرايح المشروم الطازج ورشته اوريجانو وحطت عليه مكعب المشروم مثل ماجي بس بنكهه المشروم اذا ماعندج حطي نص مكعب ماجي لانه مالح بعدين حطي قفشه كبيره طحين وقلبيهم وحطي كوب ماي بالندريج لما تصير ثقيله وبالعافيه

البطاط حفريه بحفاره الكوسه

TigerWoman شكرا ياعمري وانتو ماعليكم قصور فنانات

يسلمج إم بــــرٍآك حبيبتي

بالعافيه ام حسون

لمن اكون الطحين الجديد انا اخلطه مع الطحين الابيض حق المعجنات بس لاتجربينه حق الحلويات

عجينه البيتزا 3 اكواب طحين مع نص كوب حليب بودر وقفشتين شكر ونص قفشه وسط ملح قفشه كبيره خميره ثلث كوب زيت ذره وبيضه خلطي المكونات الجافه اولا بعدين السائله وحطي ماي لما تتماسك العجينه غطيها وخمريها

 

[ريمه الكويت]

*~|لوٰڤ لندن|~* بس نسخيلي الصفحه الي فيها الصوره

جارة القمر حبيبتي مشكوره

 

[مواصله]

فطورنا امس:

كيكة الايسكريم ولا باسكن روبنز

شكلها من داخل:

تشريبة دجاج:

مكرونه صينيه:

الباقي نغصه:

والحمدلله على النعمه

 

[مذهلة 78]

فطورنا امس:

كيكة الايسكريم ولا باسكن روبنز

شكلها من داخل:

تشريبة دجاج:

مكرونه صينيه:

الباقي نغصه:

والحمدلله على النعمه

حبيبتي ما عليج امر ابي طريقة الكيكه

وتسلم ايدج

 

[بنت الاحلام]

ريميه تسلم ايدج ياقلبي

 

[كوشيه فوشيه]

عوااافي بنات

كيكة ككاو

كيكة النوتيلا

مقلوبه

مولتن

سلطة بطاط