فطور رمضان 2012 بالصور

[كوشيه فوشيه]

باشميل

ورق عنب

سلطه مالها اسسم ههههه

صمون

 

[كوشيه فوشيه]

دجاجه مشويه

 

[Mjnont '3lay]

مواصله ,, مذهله ,, ريمه
مشكورين فديتكم :*

ريمه بعد عمري ماينزعل منج ابد فديتج


كوشيه فوشيه ولا عليج امر ممكن طريقة الدجاج المشوي

 

[ريمه الكويت]

مواصله بالعافيه وكيكتج عجيبه نبي طريقتها شوقتينا

بنت الاحلام تسلمين ياقلبي

كوشيه فوشيه شوقتونا بالكيك هني

 

[ريمه الكويت]

Mjnont '3lay حبيبتي والله

وهذا قرقيعانا

​

اما الفطور​

​

​

شوربه عدس​

​

​

كور تمر بالفستق والبسكوت بالهيل والدارسين

​

سمبوسه نوعين​

http://www.gulfup.com/show/X34ni62xcox2cc8​

جبن​

​

وخظار​

بلاليط​

​

عيش​

​

ومرقه باميه​

​

​

والحلو مولتن طريقه نارنجه يهبل مشكوره فديتج​

​

​

​

بس حطيت ارو بدال الكادبري​

 

[نارنجه]

ريمة

بالعاااااااافية يارب
و يحلات قرقيعانكم حركاااات ^^ من وين ماخذته ^^

الحمدلله ان المولتن عجبچ ^^
عاد اليوم جربت صلصة ككاو عجيييبة تصفط كل الصلصااات
وكميتهاا راهية حييل تكفي كرتون كيك كامل ومقاديرها مافيها مخاسير هههههههههه


بكتبهاا بالرد الياي خل تجربها مجنونة غلاي و تكشخ فيها ^^ << قلت لج كل تاخيرة فيها خيرة :**


بخصوص السلطة حطيت طريقتها انسخها لج مرة ثانية ^^

اقولج المقادير على حسب ترتيب الطبقات من تحت لي فووق :

تسلقين معكرونة حلزونية او فيونكات حمسيها مع ربع زبدة و شوية ريحااان مفروم
حطيها بالبايركس
خس الكمية الي تحبين قطعيه شرايح
ذرة حلوة
قطع نقتس مقليه و مقطعه لشرايح
وحطي صلصة الرانش و الصلصة الفرنسية
اخر شي اخذي بطاط نيس كسريه وحطيه فوق النقتس ورشي عليه شويه باربيكا


وبالعاافية






/

مجنوووونة غلاي ^^

طريقة المولتن


تستخدمين كيكة الكاكاو الداكن من بيتي كوكر هذي احسن نوع
تخلطينه مع ٣ بيضات و ثلاث ارباع حليب و ثلث كوب زيت
و تسوينه بصينية قوالب الكب كيك الكبيرة
تمسحين كل قالب بزيت و ترشينه بككاو بودر و بعدين تصبين مقدار قفشة كبيرة في كل قالب

وعشان ما يحترق معاج الكيك
حرارة الفرن تكون مابين ١٥٠ و ١٨٠
وحطي الرف الشبك في الوسط مو قريب من النار

وماراح تاخذ وقت طويل تقريبا ١٥ لي ٢٠ دقيقة بالكثيررر

لما تستوي الكيكة راح تحطينها بقالب القصدير او السيراميك الخاص بالمولتن
الكيكة حطيها بالمقلوب
الجزء الي انتفخ يكون بالاسفل و المسطح لي فووق .. اوكي

تفرغين الكيكة
و تملينها بالصلصة الحاااارة
و المفروووض نحط فوقها كرة ايس كريم كتزيين او فراولة او اي شي تحبينه
ممكن مالتيزر مثل ماحطته ريمة او رشه من السكرررر البودر




الحين
طريقة الصلصة العجيبة ^^
صلصة الفدج

هذي للفاكهه و للمولتن و للكيك و للايس كريم

بجدر تحطين :
ربع كوب طحين + نص كوب سكر اسمر + ثلاث ارباع كاكاو هيرشي البودر المرر + كوب ونص سكرر بودر + نص ملعقة وسط ملح
وتضيفين لهم
علبة حليب نستلة المحلى المركز الحجم الكبير + قفشتين او مربعين زبدة او زيت + ماي بحجم علبة الحليب الفاضية

تخلطينهم على النار و تخلينها تطبخ لين تغلظ وتصير كثيفة مثل البشاميل
النار تكون وسط بالبداية و بعدين خليها هاادية عشان ما يحترق معاج الكاكاااو
ترفعينها عن النار و تضيفين لها قفشة صغيرة فانيليا
وبس تكون جاهزة للاستخداام


والي يزيد من الصلصة عبيه في غرشة و حطيها بالثلاجة
وقت ماتبين سخنيها واستخدميهااا

وبالعااااافية

 

[نارنجه]

تسلم ايدينكم وماقصرتوا وسامحونا وايد نزعجكم بس انتوا خواتنا وحبايبنا ويعله بميزان حسناتكم يارب اختي الحبيبة نارنجة ممكن طريقة القرع المحشي وسامحيني عالازعاج حبيبتي

حبيبتي ما طلبتي شي

المقادير
قرع كويتي الحجم الصغير يكون حجمة مثل حجم الفلفل الاخضر ينباع بالكيلووو
تغسلينه و تحفرينة بقفشة وسط و تالي تقشرينه بمقشرة البطاط
الجزء الخالي من البذور تقدرين تضيفينه لحشوة العيش ^^

الحشووة
عيش مغسول انا استخدم العادي مو المصري
شدة كزبرة خضرا
ربع شدة اشبنت
بصل اخضر عودين
نص علبة معجون للحشوة
قفشة كبيرة كاري
ملح و فلفل
قفشة كبيرة ثوم بودر
قفشة وسط كمون

تخلطينهم مع بعض وتحشين القرع فيه

تقشرين بطاط و تقطعينه لشرايح سميكة و ترصينها بقاع الجدر الي بتسوين فيه المحشي
رتبي القرع في الجدر
و جهزي هالصلصة

معجون طماط
چيس صبار منقوع ومصفى تشيلين منه شويه عشان تصبينه فوق القرع قبل التقديم
قفشة وسط بهار مشكل
فلفل و ملح
ثلاث فصوص ثوم مهروسة
وماي يكفي انه يغطي ثلاث ارباع القرع
خلطيهم و صبيهم فوق القرع

بالبداية تكون النار وسط لين يبدي يغلي بعدين قصري عليه
وخليه يستوي على نار هادية

و چيكي عليه اذا نشف مايه زيديه
وقت التقديم تصبين عليه الصبار الي شلتيه
وزينيه بالبطاط و رشة من الكزبرة الخضرااااا

وبالعااافية

 

[نارنجه]

جاارونة

تسلمين بعد عمرررري
دايمااا ترفعين معنوياااااتي فديتج :***

 

[نارنجه]

كوشية فوشية
تسلم ايدج على هالاطباااق
عليكم بالف الف عافية

 

[زعفرانة_73]

نارجه : مبدعهه حيااتي عيني عليج بارده انا متابعتج من زمان وعندي طلب صغيرونوو بغيت طريقه البيتزا شكلهه رووعهه
وتعرفيني انا مو حيل مع بيتزاا حووسههه يصير هههه
و سؤال ادري زودتها بس الزعتر بتوست سويتها والا بشنو ؟!

زعفرانهه_73 :: ماشااءالله عجيب
لوسمحتي بغيت طريقة الفته اللحم وصنوبر و سلطه الدجاج

ومذهلهه ممكن طريقه الشبزي لان الوالد يغيم عليها هههه

ريمهه ماشاءاللهه شكله بنتج شاطره طالع ع امها
ببغيت طرريقه العجيننه مالت البيتزا وشرايج بطحين المطاحن الجديد مال معجنات

وسمووحهه ع الازعاج ?

توني مبتدئهه وراح انشبلگ هههه ??

حياتي تسلمين الله يحفظج
فتة اللحم بالصنوبر
======
حبتين بديان وسط تقصصينهم مكعبات صغيره وتنقعينهم بماى وملح ، بعدين نشفيهم واقليهم( انا اشويهم عشان الرجيم)/حطيهم على ورق ماص للزيت
نص كيلو لحم مفروم( مغسول ومصفى)تحمسينه مع بصله مفرومه ب 3 ملاعق زيت زيتون
لين ينشف ماى اللحم تحطين شوية كمون وفلفل اسود وملح حسب الذوق وشوية بهار السفينه مع مكعب ماجى خضار وتحطين بالنهايه صنوبر محمس/تجيبين البايركس صفى البذنجان وبعدين حمسة اللحم المفروم ونثرى فوقهم ربع شدة بقدونس مفرومه، وصب الصلصه فوقهم وزينيه بالسماق.
الصلصة
=====
كوب روب
2 مايونيز
ملعقة زيت زيتون
فص ثوم مهروس
2 ملعقة طحينه( حسب الذوق)
عصير ليمونه.
اذا تحبين خبز لبناني مقصص مربعات وتقلينه تزينيه بعد.
​

 

[زعفرانة_73]

ريوم وناسه قرقيعانكم ياحليلهم الجدور مجكنمين
نارنجه عوافى عليكم، وخفى على شوى انا رجيم ليش التعذيب:eh_s(16):​

 

[زعفرانة_73]

تسلم الايادي
الله يسعدكم
اختي نارنجه
السلطه وطبق الباذنجان واختي زعفران لوسمحتي المسحب

ان شاء الله قلبى
مسحب الدياي
====
صدور دجاج تفوحينهم بورق غار وملح وفلفل اسود وتزلين الرغوه، لما يستوى اتسحبينه وتخلينه على جنب
نجى للحمسه نحمس بصله مقصصه جوانح بزيت زيتون ولما يذبل ، تضيفين الدجاج المسحب وتحمسين حطى مكعب ماجى واحمسيهم بعدها ب م صغيره فلفل اسود وكمون وثوم بودر وشويه سماق، ضيفى عليهم عصير ليمونه ، واذا برد ضيفى عليهم قفشتين مايونيز وخلطيهم
جيبي خبز الصاج وقصيه بالطول واحشيهم بالحشوه ولفيها مثل الرول وصفيه بصينيه مدهونه بزيت زيتون بعدها ادهنيهم من فوق بزيت زيتون ونثري سماق ودخليهم الفرن شوى بس حراره
وبالأخير زينيهم بالبقدونس والصنوبر المحمص.​

 

[نارنجه]

فطورنا اليوم

فطاير جبن

حشيتهم و كورتهم و حطيتهم بصينية الكب كيك الصغيررر و مسحتهم بحليب و رشيت عليهم جبن موزريلا و زعتر
استخدمت طريقه عجينة همبوش
ماشاااء الله طرية ومضبووطة
http://www.q8yat.com/t468563.html

طااجن دياي مغربي بطريقة الاخت ام خالد ^^ تسلم ايدينهااا
http://www.q8yat.com/t639518.html

عيش بالشعرية ^^

سلطة الجوز و التمر ^^ سلطتي المفضلة
صحية و خفيفة و بالنسبة لي اعتبرها وجبة كاملة كلشي فيهااا
اهل الدايت جربووووووها ^^


المقادير
شدة بقدونس مفروم
ربع ملفوف مقطع لشرايح رفيعه تخلطينها مع البقدونس

شدة جرجير << الورق على عداله
تمر عجوة الي من غير دبس مغسول و مقطع
جوز صحيح

الطريقة
تحطين الملفوف المخلوط بالبقدونس و فوقه ورق الجرجير
و ترشين على الويه الجوز و التمر و خبز محمص

الصلصة
قفشتين ماسترد
عصير ليمونة
نص حبة ثوم صغيرة مهروسة
زيت زيتوون ربع قلاص تقريبا
قفشة وسط شكر
خلطيهم و صبي فوق السلطة و استمتعي بالطعم ^^




الحلو

لقيمات و مولتن ^^

والحمدلله ع النعمة ^^

 

[نارنجه]

ريوم وناسه قرقيعانكم ياحليلهم الجدور مجكنمين
نارنجه عوافى عليكم، وخفى على شوى انا رجيم ليش التعذيب:eh_s(16):​

والله نفس الحالة زعفوورة
بس شسوي حرام اعذبهم معاااي
شادة حيلي بالسلطات
و اذوق لقمة لقمتين وبس

بس بديت اقتنع ان رمضان مايصلح فيه الدايت :eh_s(22):

 

[Mjnont '3lay]

ريووم بعد عمري فديتج قرقيعانكم يووونس ويشوووق يحليل الجدووور ميني يهبلووون عليكم بالف عافيه واطباقكم اليوم خفيفه وحلوه مطرح مايسري يمري فديت قلبج :*

,,

نارنجه وناااااااااااااسه شغل عدل يبيله اكشخ فيه عاد اليوم ماطبخت سويت فلم اني تعبانه وطايحه بالفراش ومسكينه خالتي صعدت لي تشوف شفيني وكل هذا لاني امس مواعدتهم بسويها عاد قلت اليوم انزل وانا ماسويتها مرح اخلص من لسانهم عشان جذي سويت كل هالفلم بس لا لا بااجر لااازم انزل ارتز بالمولتن اوريهم سنعي فديييتج تسلم ايدياتج وكيكة ككاو بيتي كوكر وين احصلها لو ماعليج امر

,,


مواصله لو ماعليج امر فديتج اشرحي طريقة الكيكه بالتفصيل ليش انه طريقة كيكة المثلثات شرحتيها عالسريع ومخي قفل مافهمت شي وماسويتها خفت تخترب وماتضبط ياليت تشرحين طريقة الكيكة المثلثات والثانيه بالتفصيل وماتقصرين حبيبتي كل يوم ابداعاتج احلى من اليوم اللي قبلها :*

 

[Mjnont '3lay]

عليكم بالعاااااااااااااافيه نارنجه حبيبتي حلو فطووركم واي جبن استخدمتي حق الفطاير شكلها حلو
بس انا لااحاتي شغله اخاف تحترق من تحت او تلزق لي بغيت اقلب القالب شسوي

 

[نارنجه]

مجنونة غلاي

يحليلج خوش فيلم جان سويتي اي شي وقولي ويي نسيت ههههههه

روحي صوب كراتين الكيك

بيتي كروكر علبتها حمرااا
في شوكولاته سودا و شوكولاته بالحليب
اخذي السوداااااااء الغامجة اقوى شي على قولت ملاك d:
واذا ماحصلتيها

اخذي من اي ماركة ثانية
العلالي او روبن هود
المهم ككاو اسووووووود

 

[نارنجه]

والله العجينة تهبل تسلم ايدين همبوش
موشرط تسوينها بقالب
سويها خلية نحل او اي شكل ^^

حشيتها بجبن فيتا وكورتها
و من برا رشيتها بموزريلا و زعتر ^^

 

[مذهلة 78]

السلام عليكم شلونكم شخباركم

ماشالله تبارك الرحمن اكلكم حده يشهي

فطوري اليوم كان عباره عن

سلطة خيار بالروب / وكوكتيل ربيان / سمبوسه / بف بستري بالاجبان والبصل الاخضر










بريوش / مجبوس لحم / ربيان ديناميت / جريش / افخاذ دجاج بصلصة الباربكيو والفطر












الحلويات كانت قيمات كيكة قدرة قادر وما مداني اصورهم

 

[زعفرانة_73]

تبارك الرحمن مذهله تسلم ايدياتج حياتي وسفره دايمه
قلبى ابى طريقة ديناميت الربيان اذا امكن:rerrerek:​