فطور رمضان 2012 بالصور

[زعفرانة_73]

مجنونة على الله يحفظج ويسلمج عالدعوه الحلوه
حياتى انتى ماانتبهت على طلبج:eh_s(17):
ان شاء الله اصور لج شربت الورد اهو جاهز مثل الفيمتو تسوينه.


طريقة سلطة الجرجير
====
تغسلين شدتين جرجير وتنشفيهم من الماى عدل
تقصين جبن حلوم شرايح وتشوينهم بمقله تحطين فيها ملعقة زيت زيتون.
الدرسينغ: قفشتين بلسيمك فينقر مع قفشتين عصير ليمون وقفشتين زيت زيتون ورشه خفيفه ملح وفلفل اسود.
تصفين الجرجير بماعون وتصفين فوقهم جبن الحلوم المشوى وتحطين فوقها الصلصه وتزينينها بشرايح لوز محمص.​

 

[زعفرانة_73]

اختى زعفرانه الله يخلي لج بنتج ويحفظها
وماشاء الله عليها
حبيبتى ابي طريقه البراونييز
وعساج من عواده

ياحياتي تسلمين، ان شاء الله اسألها وارد لج الجواب:eh_s(7):​

 

[كريستال]

عيدكم مبارك وعساكم من العايدين الفايزين

ومشكوووورين يالغاليات على تعبكم ومجهودكم طول رمضان ماقصرتوا

ريمه ومملوحه ونونا وهمبه ومواصله وزعفرانه وجارونه ونارنجه وام حسون وحبيبتي نهى وكل البنات اللي ماقصروا معانا والي ماسعفتني الذاكره باساميهم يسامحوني

جزاكم الله كل خير والله يرزقم باللي تتمنونه ويفرح قلوبكم ويبيض وجيهكم ويخليكم كل غالي

جربت كذا طبق وكلهم عجبوني الله يسلم هالايادي ويحرمها على النار *

 

[أحلى همبه كويتية]

عيييييييدكم مبارك حبيباتي
والله فرحت بتواصلكم بالقسم
نورتونا
ربي يتقبل منكم ويعوده عليكم



انا ما طبخت اليوم وداعية
طلبت دومينوز بيتزا والحمد لله


وان شاء الله دايم نشوفكم وما تقاطعون المطبخ

*

 

[Mjnont '3lay]

الله كل هالزين و منخشة :***
تسلم ايدج وايدين بنتج الله يبارك لج فيها
نيابة عني وعن مجنونة غلاي و عن كيفانية المنبع
نبي طريقة الاطباااق كلها كلها كلها

وتقبل الله منج صالح الاعمال :***

لوووووووول بعد قلبييييييييييي ياعمري عمرج قلبي على قلبج جنج كنتي حاسه فيني
كنت بطلب منها بس استحيت جان تقرين اللي بقلبي وطلبتي نيابة عني فديييتج :***
مشكوووره حياتي زعفوره تعبناج معانا يازين اطباقج زيناه
<شنسوي اذا الزين مايجي منه الا الزين عاد اطباقج ماتشهد الا بالزين
يازعفوره :eh_s(17):

ومشكوووووره على طريقه السلطه وناطره الشربت فديتج لا خلا ولا عدم

 

[Mjnont '3lay]

عيييييييدكم مبارك حبيباتي
والله فرحت بتواصلكم بالقسم
نورتونا
ربي يتقبل منكم ويعوده عليكم



انا ما طبخت اليوم وداعية
طلبت دومينوز بيتزا والحمد لله


وان شاء الله دايم نشوفكم وما تقاطعون المطبخ

*

عساج من عايدينه حبيبة قلبي
والله ينور لج دربج ان شاءالله بالايمان وطاعة الرحمن وحتى انا فرحت اني تعرفت على عضوات عسسسسسسسل من خلال هالموضوع الله يخلينا كلنا لبعض وعساه يجمعنا على الخير والموده
طمنيني عليج شلون اصبعج الحين عساه تحسن !! واذا ماتحسن عسى الله يشفيج الشفاء العاجل ان شاءالله :yaaaaaarb:

 

[زعفرانة_73]

كرستال حبيبتي أيامج سعيده
همبوش قلبي أيامج سعيده الله يحفظج..
مجنونة على لا تستحين وانا أختج تعبكم راحه حياتي.
هذ العصير اللى قلت لج عنه

اسمه أطياب الريف


​

 

[زعفرانة_73]

طريقته سهله مثل الفيمتو أو عصير البرتقال ، تحطين شوية سكر وازيد عليه ماى ورد
وبالعافيه عليكم مقدما.​

 

[جارة القمر]

ماشاء الله


تسلم ايدج



وبالعافيييييييييييييييييييييييييييية





وتقبل الله طاعتكم وعساكم من عواده وعيدكم مبارك

 

[هدفي الفردوس]

عسالله يعودة عليكم بصحه وعافيه

 

[أم حسون]

حبايبي كل عام وانتوا بخير وعيدكم مبارك وعساكم من العايدين والله يجمعنا ويبلغنا رمضان كل سنه لافاقدين ولامفقودين يارب

 

[كيفانية المنبع]

ههههههههههه اضحك الله سنك يا نارنجه ونت اذوني وأثاريج انتي ذاكرتني عاد تصدقين اطباق زعفرانة تهبل ما شاء الله عليها بس استحيت قلت غيري اكيد بيطلبها طلعتي انتي حبوبتي

كل عام وكل اخواتنا الغاليات ومنتدانا الغالي بخير وتقبل الله طاعتكم وعساكم من عوادة احبكم كلكم

 

[نارنجه]

مجنونة غلاي & كيفانية <<< ايه ربعن تعاونوا مااانحرجوا ههههههه

زعفرانة المنتدى
حياااتي ياعسى ربي يحرم هالايدين و راعيتهم من النار
بارك الله فيج مااقصرتي
بتفرغ انسسسخ الوصفات ولزمن اجربهم ^^


جارونة

همبوش

ريمة

ام حسوووون

كريستال << تسلمييين @^^@

تمرة

وكل من كانت هني

نبي صور ريوق العيد هههههههههه

 

[زعفرانة_73]

طريقة الستيك اللحم بصلصة الفطر

========​

تآخذين استيك من اللحام ( نآخذه من الهدى اللى بشويخ نظيف)
بالخلاط فصين ثوم وقفشتين ماسترد،وعصير ليمونه وقفشتين خل ابيض وبصله متوسطه قصيها ارباع، ملح وفلفل اسود ،ريحان مجفف وارجيانو وربع كوب زيت زيتون، واضربيهم بالخلاط ونقعى فيه الستيك من أقل شى أربع ساعات واذا كان يوم كامل بيكون أفضل.
اشويهم بالشوايه وحطيهم ابايركس، أنا سويته بالمقلاة العادية عشان استفيد من الخلاصة اللى تطلع بعد الشوى.
بعد ما تخلصين الشوى ،البقايا اللى بالمقلاة حطي فوقه بصله مفروم ناعم وشويه زيت وحمسه شوى بعدها ضيفى المشروم المفروم( الفرش أحلى) وحمسى بعدها تحطين قفشتين طحين( انا حطيت طحين اسمر منخول)وحركيهم مع بعض مع رشة فلفل اسود وملح ومكعب ماجى خضروات وربع كوب ماى حار

بعد ما تثقل معاج الصلصه ضيفيها فوق الستيك وغطيهم بقصدير ودخليهم بالفرن بس حراره من فوق لوقت التقديم وزينيهم بالبقدونس.​

كل عام وأنتم بألف خير،على قوله عبدالله الكويتى(العيد هل هلاله):eh_s(9):
بنات سقط سهوا بعد ما تحطين الماى الحار ضيفوا كريمه سائله( أنا حطيت علبة حليب كى دى دى خالى الدسم)
يا حياتي نارنجه الله يسعدج حياتي .:eh_s(17):
كيفانية المنبع يا عسى ربي يسعد قلبج ويحفظج.
​

 

[غرام 2009]

كل عام وانتوا بالف خير ويعطيكم الصحه والعافية ويعود رمضان عليكم يارب اختي زعفرانه ماعليج امر بغيت طريقة البراونز وتسلم ايدكم على الاكلات الحلوة

 

[نارنجه]

كرستال حبيبتي أيامج سعيده
همبوش قلبي أيامج سعيده الله يحفظج..
مجنونة على لا تستحين وانا أختج تعبكم راحه حياتي.
هذ العصير اللى قلت لج عنه

اسمه أطياب الريف


​

زعفرااانتناا

دام عندج هالطيب
جربي چاي الوررد ^^

حطي بمطارة الچاي
استكاانة من شراب الورد و قفشة وسط چاي ليبتون او چيس واحد << بوفتله
وترسيها ماي حار وخضيهااا شوي
وعلى شرط تشربين هالچاي باستكانة شفافة ^^



واذا ماعندج هالشراب
حطي قفشة كبيرة ماي ورد بمطارة الجاي مع الجااي الي انتي مسويته


وعليكم بالعافية




ومشكوووورة ع التوضيح فديتج
بس مو جنه جنه جنه البراوني و البان كيك سقط سهوا ^^



:***

 

[نارنجه]

كل عام وانتوا بالف خير ويعطيكم الصحه والعافية ويعود رمضان عليكم يارب اختي زعفرانه ماعليج امر بغيت طريقة البراونز وتسلم ايدكم على الاكلات الحلوة

:eh_s(7):
وانتي بصحة وسلامة

 

[زعفرانة_73]

نارنجه حياتي خطيره انتى عالوصفات الفنتك بجرب:rerrerek:
حبيباتي اللى طلبوا البروانيز:eh_s(7):


المقادير
=====
* 200 غ شوكولا سوداء مفرومة ناعم .
* 200 غ زبدة طريه .
* 3 حبات بيض .
* 100 غ سكر
* 100 غ سكر بني
* 120 غ طحين
* نصف ملعقة صغيرة بيكنج باودر ( خميرة الحلويات )
* رشه ملح
* 150 غ جوز محمص و مفروم خشن
* سكر ناعم منخول للتزيين وجوز محمص ومفروم
* صينية مربعة تقريباً 20 سم أو مستطيلة مدهونه و مرشوشه بالطحين
* ملعقة كاكاو بودرة ( اختياري )

ملاحظة: نستخدم الميزان الخاص للمطبخ.
طريقة التحضير

1. يسخن الفرن .
2. في حمام مائي تذوب الشوكولا المفروم ناعم مع الزبدة ثم تبعد من على النار و تترك لتبرد قليلاً .
3. يخفق البيض مع السكر ( الأبيض والبني ) ثم نضيف إليه خليط الشوكولا المذابه مع الزبدة ورشة الملح .
4. بواسطه ملعقة نضيف الجوز المحمص المفروم خشن ثم الطحين المنخول مع البيكنج باودر دون الاكثار من الخلط .
5. يسكب المزيج في الصينية و يدخل الفرن الساخن ليخبز تقريباً ما بين 20 الى 25 دقيقة .
6. تقطع مربعات وتزين بسكر البودره.​

 

[زعفرانة_73]

طريقة بان كيك
====
كوب طحين
كوب حليب
ربع م ص باكينج بودر
ربع م ص ملح
2 بيض

تخلط المقادير وتسكب بمقلاة ساخنه فيها زيت ،وتقلب من الجانبين حتى تصبح بلون ذهبي جميل
وركزوا عالجميل
تؤكل مع العسل أو النوتيلا .
​

 

[نعوومه الطيوبه]

تسلم ايد كل من شارك ها لسنه وينعاد عليكم كل سنه وكل عام ماقصرتو بالحلي كويتيات