قآلـُـوا ينسّـــيڪـِ الڪُــبُــر ...شِفْـني ڪـِبرْتُ وْمآنسيتْ

[حديث الصمت]

كل ماهبّت رياح الشوق فاحوا

وين مايممت وجهي حاصروني


وان برَق نسيانهـم بالعين لاحوا

غير عن شوفي بصورتهم ملوني


ليتهم يوم ان دمعي طاح طاحوا

بس لو قلبي رضى عيَت عيوني

غافلوا قلبي مسا الفرقا وراحوا

كل شي اخذْوه لكن ماخذوني



​

 

[حديث الصمت]

هم يحسبون المسأله كلها سِلْك

إذا انقطع تقطع معاه المسالك


هـم مادروا إني بالاحساس أبادلْك

مو شرط أشوفك وأسألك كيف حالك


أحـس بك لوكنت ماني مقابلْك

وتحس بي لوكنت ماني قبالك


تدري وش اللي بس يقطع تواصلْك

الموت بس الموت يقطع وصالك



​

 

[حديث الصمت]

انكسرت امن الفراق وشوف عيني

شوف عيني وأنت تدري بانكساري


كل ما مديت لوصالك يميني

رحت تتجاهل يميني مع يساري


حتى صرت أشوف جرحك في يديني


في يديني لجور صداتك مواري


حس فيها ، لا بلاها حس فيني

لا تعبّرها لكن رد اعتباري



​

 

[حديث الصمت]

قولوا له اني خضعت وجيت منكسره

واني معه ماجنيت الا انكساراتي


لجله تركت العرب والعالم بأســـــــره

وجيته أقدّم عن البُعـــــــــد إعتذاراتي


في قلبي شيٍ من الحرمان والحسره

وفي عيني الشوق متخالط بعبراتي


قلت آخسر كبريائي بس ماخسره

في شوفته ربــح عن مجمل خساراتي


خلّــــــــوا حبيبي يحد القلب ويعسره

ويزيد في الظلم ويغيّـــــر مساراتي


أنا تحت إمرته من عسره ليســـــره

يفداه جــــــرحي وضيقاتي وحسراتي


وان كان حبه تحطم وانهدم جســـره

خلوه يرجع لي ويــــــرد اعتباراتي



​

 

[حديث الصمت]

مدري وش اكتب لك على شان تقرا

مدامني ماعدت أقدر أكلّمْك


أهم شي ان انت بشعوري أدى

سواءاً أعلّمْـك أوماأعلّمْـك


مدامك الجلاّد وأفراحي أسرى

مافيه داعي اشتكي واتظلّمْـك


الجرح دامه منْـك جعله مايبرى

يشفيني الله وانت الله يسلّمْـك



​

 

[حديث الصمت]

​

 

[حديث الصمت]

مسيّت بالخير يوم الخير مسّا بك

ياللى عليك المسا بالصبح يجمعني


هذي حقيقة كشفها الوقت بأسبابك

يامن على وصلك الأقدار تدفعني


أبطيت في جيّتك وأسرفت بغيابك

وعلّقتني بين تاصلني وتقطعني



​

 

[حديث الصمت]

الله يديمه راعي العقل الثقيلٍ

اللي مواري هيبته هيبة ملك


اللي الى مِنّي ذكرت انْه الخليل

أضحك وأقول الغيمه تحب الفلك


ياجعل يفدونه هل العقل القليل

أهل اللكاعه والتسكّع والكلك



​

 

[حديث الصمت]

راضي بحالي كذا واللي يجي عادي

لعيون منهو ركز في قلبي الحربه


صوته , شقاوته , مزحه , طبعه الهادي

يملا عليّ الفضا من شرقه لغربه


يكفيني أنه غدا هو شربي وزادي

أوتقدر تقول أنا اللي زاده وشربه



​

 

[حديث الصمت]

سلّم على العذال واحد واحد

وبلّغهم انّي خابره دعواهم


نمّام ومغفّل وخبْل وجاحد

الله يطيّح حظ من خاواهم



​

 

[حديث الصمت]

​

 

[حديث الصمت]

إطلع من القلب وارجع لي بعد بكره

اليوم ماني بحاجة شوفة عيونك


خذ معك نبض الحنين ودمعه وسكره

وشي ٍ يشابه جنون ٍ يشبه جنونك


يومين تكفي حزين القلب تفتكره

من بعدها ارجع لو انك ترجع بدونك


ياللي غيابك عن الغيّاب تحتكره

أنا لو اني نسيتك كني آخونك



​

 

[حديث الصمت]

على كيفـــــك على كيفك خــذ الدنيا بمزح وجد

علـــى كيفك تمـــادى في عــذابي لين تـــــــنهيني


انا قــــد الشقا قد الحـــزن قد احتمال الصــد

انا وان كــــان ماتــــدري يمـــوت الورد في يديـــني


انـــا ماقلت هـــذا واتــرجّا منك عطــــف وود

انــــا قلته لجــل تعرف وش اللـــي تجهله فـــيني



​

 

[حديث الصمت]

أحاول اخفي ضيقتي لاتضايقت

وتبين فـ إسلوبي وصوتي وعيني


وأحيان أحس اني بحبك توفقت

واحيان اقول الحب وينه وويني !



​

 

[حديث الصمت]

تبي تعرف وش أقسى من ألم بات بصدر مقهور

جفاف الضحكه بشفة جريحٍ في وسط فرحه


يجي والضحكه بعينه تغازل بالحنين شعور

ويرحل شايل بعينه دموع وفي يده جرحه



​

 

[حديث الصمت]

عجزت لاألقى غيرك انسان ثاني

أنسى معه وقتك بـ شرّك وخيرك


مدري عشانك غير والاعشاني

ماني بمتعوّد على انسان غيرك



​

 

[حديث الصمت]

تغيب .. والا ماتغيب الله يعين

انا تعوّدت المفارق من زمن


من كثر ماعاثت وسط جوفي يدين

حتى الفرح يطلب من شفاتي ثمن


اصعب من الفرقا وانا مُلْقى حزين

تساؤلي أقفى وخلاني لمن؟



​

 

[حديث الصمت]

تدري وش اللي بغيابك بس يشفع لك ؟

انك كثير بحضورك داخل اشعاري



​

 

[حديث الصمت]

إخترت درب الغياب وغبت كالعاده

وتركتني تحت وطأة ركني الهادي


آخلّـك بين قرّاءه ورواده

واصيح بإسمك على الاشهاد وانادي


ماهمني فيه ماجاني من اشاده

من حكي الألسن ومن تصفيق الايادي


يهمّني فيه أمدّ الجرح بضماده

وأجمّل البوح بالألماس والكادي


ياحضرة السيدات وحضرة الساده

قولوله إنّه أسرني وأوثق قيادي


أنا بكامل قواي أقدّم إفاده

من غير شخصه حياتي طعمها عادي


لو مال قارون وإلاّ حصان طرواده

في قبضتي مالها قدره على إسعادي


سعادتي رهن إشارة شخص ٍ أبعاده

في وادي ، وكل خلق الله في وادي


ليت ابن زيدون قبل يحب ولاّده

إستنتج الحب من موتي وميلادي


هذا شعوري وانا أضمِن صحّة إسناده

ايمتّع الناظرين ويرشد الغادي



​

 

[حديث الصمت]

جيت انزعك من جوف قلبي واستحيت

عشرة عمر مانيب ناسي دورها


كم رحت معها بالقصيد وكم جيت

وكم نازعتني عبرتي بسطورها


وإن كان عن بعض المشاعر مادريـت

الشمس بكره ينكشف لك نورها



​