قآلـُـوا ينسّـــيڪـِ الڪُــبُــر ...شِفْـني ڪـِبرْتُ وْمآنسيتْ

[حديث الصمت]

اللـيـل شـوقـي ووجــه الشـعـر محبـوبـي

يا نجمة الضيق عـن صـدر السمـا غيبـي


انــا الـلـي اخـطـيـت فـــي حـقــي ومـاجـوبـي

وانــا الـلــي ازريـــت فـــي طـبـعـي وترتـيـبـي


يـا شرهـة النفـس مـن صـرف النـدم تـوبـي

مــا عــاد فـــي جـيـبـي الا كـفــي . وجـيـبـي


لا هنـت يـا مــن عـكـس شـفّـي ومطلـوبـي

مــــن يـمـنــع الـحـبــر لا ســيّـــل مـكـاتـيـبـي


يـوم انـت محتـاج لـي مـا شـفـت عـذروبـي

والــيـــوم عــقـــب الـــرخـــا زادت عــذاريــبــي


كم شق في ثوبـك.. اللـي ساتـره .! ثوبـي

قبـل اغلـب الـنـاس تــدري بــك وتــدري بــي


تـغـيــب عــــن نــاظــري وتــعـــذرب دروبـــــي

وان جـيـت تسـبـق قــدم رجـلـك . تراحـيـبـي


عارف وش اللي خذاك ورجًعك صوبي .؟

خـــــذاك مــنّـــي رداك .! ورجًــعـــك طـيــبــي


يـا كـبـر ذنـبـك لــو ان مـاهـو مــن ذنـوبـي

كـنّــك تــقــول لـهـقـاويـي مــعــك .. خـيـبــي


طيـبـي بعـيـن الـزمـن مـاهـو مــن عـيـوبـي

معـك انـت بالـذات .؟ كانـت طيبتـي عيبـي


الــيـــوم لا جــيـــت لا تـسـتـنـكــر اســلــوبــي

العـام .. كنـت اكبـر مـن شكـوكـي وريـبـي



​

 

[حديث الصمت]

ارتاح من راحتك واسهر معك كل يوم

واضيق من ضيقتك وليا انسجمت أنسجم


وينك تراني زهقت من السما والنجوم

اظهر وخل النجوم تغيب ياأجمـل نجم



​

 

[حديث الصمت]

همس الفجر مع عصافيره طمأنينه

ذكرني بصوتك العذب وسواليفك


يافجر عمري صباح الحب وسنينه

يا رب دايم صباحاتك على كيفك



​

 

[حديث الصمت]

​

 

[حديث الصمت]

​

 

[حديث الصمت]

قلبي غلب طبعي وصاير موالفْك

واكبر دليل اشفاك لامن تحاكت


لاحظ عيوني يوم اتابع سوالفْك

تاخذ نفس واقول وش فيك ساكت ؟؟



​

 

[حديث الصمت]

​

 

[حديث الصمت]

غيابك آآآآآآه لوتدري يزيد الحرق عشر احرق

تلاحق مابقى منّي وحسّ برعشة أعمااااااقي


أشيل امن الغلا عالم كبير وضاق يامخلوق

حبيبي في غيابك دمعتي ماحنّت أحداقي


ترى لولا المحبه ياحبيبي ماسهر لي موق

ولاقامت هواجيسي تلاعب بأعذب أشواقي


أحبك إيه أحبك وأعشقك يابوالغلا والذوق

ولايطري على بالك تشكّ افـ يوم بأخلاقي



​

 

[حديث الصمت]

المشكله ماهيب وين انت وأبطيت

المشكله وش هو سبب هالقطيعه


شهرين والثالث وراهم ولا جيت

ومن عقبها ضاقت علي الوسيعه


ماتلتفت خلفك ليا منّك أقفيت

طبيعتك ياشينها من طبيعه



​

 

[حديث الصمت]

​

 

[حديث الصمت]

غيابك صعب والأصعب وجودك

وانا فالحالتين أتعب وأعاني


حبيبي لاتواخذني .. ولكن

أبيك تحط نفسك في مكاني


اذا جيتك وانا مشتاق تكفى

تجاهلني وكنّك ماتراني


انا ياسيدي دقــّـه قديمه

بغيت أخذ من الوقت وخذاني


قسم بالله لو موتي بيدّك

وأموت ألفيـن مره ما كفاني

وأذا باقي من الطلقات .. طلقه

دخيلك حطّها بين المحاني



​

 

[حديث الصمت]

الحب دمعه ذرفها حزني البارح

ما تقدر تمشّها باقي جوارحنا


كنت ألمحك في طريق الذاكره سارح

وأشوف شبّاكنا يبكي لمسرحنا


ما عاد ينفع نعود لبعض ونصارح

ونضحك وحنا يدين البُـعد تجرحنا


وش هوله نقول ما دام الحكي جارح

بلاش نبدا كلام ٍ مايريّحنا



​

 

[حديث الصمت]

عزالله إني يوم حبّيت حبّيت

ماكنت أحسب الحب هذي علومه


ضحيت وأخلصت وعطيت وتفانيت

لو إن نفسي من عطاي امحرومه


الظاهر إني طحت وأنا ما سمّيت

ولا أظن لي من بعد ما طحت قومه


ما جت لي الدنيا على ما تمنيت

حلمت والأحلام شبه امعدومه


عجزت وأنا اللي الى قلت سويت

حظي فتر حيله وبردت عزومه


ياما قطعت من الدروب وتعنيت

وسريت ليل ٍ ما تشعشع نجومه


كم ليلة ٍ روحي على كف عفريت

وأقول :محدٍ ميّت ٍ قبل يومه


وش عاد أخذت من المحبه وخليت

حبٍ مضى وقته وبقيت رسومه


عليه أجرّ مع الونين التناهيت

لا أخذت لي في جوّه الرحْب حومه


ذكراه حولي كل ما أصبحت وأمسيت

رحل ، والأصعب من رحيله قدومه



​

 

[حديث الصمت]

ياليت بعض الحكي ماجا على لساني

أوليتني ماهقيت الهقوه وخابت


واليوم لوأملك النسيان لأنساني

وأهز صملان عين ٍ بالبكا رابت


والله ماأسأل من المجني من الجاني

لكن هي شموعنا تندم إذا ذابت


مدري أنا أكبر بكم دمعه من أحزاني

بـس أدري بساعتي من عقربك هابت


والخوف أنسى من اللي فيهم أشقـاني

الحظ وإلاخفوق ٍ بالرجا سابت


من وين أنا جيت؟ مدري إسأل أوطاني

الظاهر أني مثل بعض الشجر نابت



​

 

[حديث الصمت]

طحتي ندم ولا فرح يالدمعه؟

اكيد ماطحتي كذا بالساهل


ياقلب والدنيا فراق وجمعه

كبير واللي كنت بيده جاهل


اشعلت له دفتر قصيد وشمعه

لكن قسم بالله مايستاهل

مايستاهل مايستاهل مايستاهل



​

 

[حديث الصمت]

أنا اللي ودي أبعد عنك يا هالنت بس أسبــــــــوع

وأعزل الشعر عني وأخفي أقلامي وأوراقــــــــــي


وأروح أسكن مكان الإتصال بساحته مقطــــــــــوع

وأجرب كيف عاش البدو وأتبع كـل برّاقـــــــــــــي


يجوز يطيب لي وقتي وأعيــش اهناك دون ارجوع

ويجوز أرجع على الديره اذا ماخاطــري ضاقــــــــي


مزاجي صار مثل الطقس له في كل ساعه نوع

يلوفه هاجسٍ يحرق عروق الخافق إحراقـــــي



​

 

[حديث الصمت]

وهذا الحال

وجع موال

في درب الغريب .. المتعب .. التايه

وصحرا تبتلع غايه

ونعش مقتول ووصايه

وكف من الجسد مبتور !!

وليل وعاصفه وخدور




وملامح شايبٍ ممطور

لا .. مقهور ..!

بقي من راس ماله

ركعتين

و

دمعتين

و

خطوتين

و

تتنه المصرور




وطفله خوف .. صاحت تلتجي من خوفها تنخاك !!

وصديق الأمس ملهوفٍ عليك

وجاك .. ما حيّاك !!

ومدينه فاضله وعظام

وقبايل ليل ما تنظام ..!

وحبل المشنقه ما همه الأيتام




وعذرى .. مَهرها .. حفنه تراب

ومبخره وكتاب

ومساحه تحضن .. الأطناب

وسجّاده

وركعه مالها تكبير

وحمْل بعـــير

ورجّال فصيح لسان

يجيد الغوص والترحال

يفضح للزمان الجاي

قصص وامثال واطلال ودموع رجال

حلفت بغيبة الغايب

ودمعه مجرمٍ تايب

حلفت براس كل انسان

الاّ امّي وابوي وبس

حلفت اني

أصب الحب مع دمّي

واطول الأمس

واسافر من وطن لاوطان

بلا توديع واستئذان

بلا تحديد أو عنوان

مسافر فى حشاه .. انتى

يخون الكل .. الاّ انتي

يهون الكل الاّ انتى

ويرحل بك

يطوف الأرض في يمناه

ماضيه وصُوَر قتلاه

وصحرا بالتعب .. تاطاه

وذنب ودمعتين وخوف

برق سيوف

ظماه اذن وسماه عيون

تصوّر له

بإشاعه عامه المليون

أو انه ماضىٍ ملعون


ولسان ما يعرف الحق

يسبه قبل ما ينطق

ومواقف تلعن النيّه

تحرم عقبها التخمين

ومواقف من شيمها الذل

تنثّر في الوجيه الطين

وشيخ ما يعرف البسمله

والتين والزيتون

كتب عقد النكاح

لطفله تصرخ بعالي الصوت

تموت ورفضها قايم

وتشمخ والجبال تموت

لها مليون رجال

وتعيش ليومها والفال

جماجمهم ثقوب ونيهٍ بيضا

وقلب شال

سواعدهم تمشّيهم

جهل وهبال




وماتت في بنات القوم

مزايا اسطوره الخيّال

بقاياهم ورق ابيض


وهيكل ما قوت تنهض

بقاياهم 00.. قصايد لوم

وأحلام بحلاة .. النوم

بقاياهم .. صهيل خيول واستنفار

وعزاوي فارسٍ وغبار

بقاياهم طفل تايه

ما بين النور والتنور

بقايهم ... ألم تحت الهدب دمعه

وموتٍ يرفع السمعه

كذب سبت سبق في موعده جمعه




وصدق من قال :

اذا النيه مطيّه صار حاديها عصا المحتال

ومن له حيلهٍ يحتال

عذابك يالنهار اللي

هدم حله معازيبه برمي عقال

يذكرنى شعاع اللي

تسل لسانها سيف طعن صدر وخثع رجّال

وسوالف نستحي تنقال

وحكايه عاشقٍ قالت عليه الناس

يا كذّاب

ومات بعزته والناس

من بعده تسف تراب



​

 

[حديث الصمت]

وجد دمعاتي اللي مع قصيدي حكن

ما ردّن اللي عشانه ينكتب كل بيت


لولاه ما كان لي في القسم هذا ركن

ولولاه ما مرت الذكرى علي وبكيت



​

 

[حديث الصمت]

حبيبي على الضلع القصيّر يعدّ خطاه

أهيم بغرامه وأطوي الشوق وأفلـّه


أحبّه وأودّه وأحشمه وأعشقه وأهواه

وأردّه وأصدّه وأقطع الوصل وأملـّه !


شعوري معه مجنون لا رحم أبو مجناه

بغيته على دليّ وأخذني على دلـّه


لو أن الحبايب كلـّهم .. مثله وشرواه

تميّز لو أنـّه يخلف الدين والملــّه


مفاتيـح قلبـي بعـد سلـّمتها يمنـاه

تلقـّى الخلا وأعطى المفاتيح عبدالله

تلقـّى الخلا وأعطى المفاتيح عبدالله

تلقـّى الخلا وأعطى المفاتيح عبدالله​

 

[حديث الصمت]

اليوم هذا يصادف عيد ميلادي

كيف أحتفل والسنين تروح من عمري









عشرين عمر التضحيه والمعاناه

عشرين تعني كل شي بحياتي


عشرين عمر الجرح ماحصّل أدواه

حتى ذبل ورده لحد المماتي


مرّت وعّدت بالصبر وإحتسبناه

والله كريم يعوض الماضياتي


عشـرين أضحّي بالخفا وأستر الآه

رغم أنها أحيان تاصل لهاتي


بالظلم قابلت الوفا حسبك الله

ليتك تفكّر من يسوّي سواتي


ماكنت أحسبك تهدم اللي بنيناه

ولا كنت أفكّر يوم ترخص غلاتي


الله وأكبر كيف ماصار تنساه

والبُعد هاجس يحتوي ذكرياتي


والا ترى جرحي على الله مشكاه

يلطف بحالي خالق الكايناتي


عزاي في دنياي مجدٍ ورثناه

من راس أبوي الشهم علمٍ ثباتي


اللي كسب كل المراجل بيمناه

وكلن شهد لفعوله الطيباتي


ولانيب مغروره أعدّد مزاياه

يكفيني التاريخ عن مدح ذاتي




​