قررت احط جهاز تسجيل وتنصت على زوجي لاني متوقعه يخوني

[love u 4ever]

الله يهديه ويسخره لج .. ويخيب ظنونج ..

مادري شقولج إذا قلتج لأ بتقعدين تحرقين بنفسج وبياكلج الشك والتحلطم ..

وإذا قلنا إيه ولقيتي شي .. الله يستر بتخربين بيتج ..

ليش ما تقعدون مع بعض .. وتتناقشون وتفتحين قلبج له بهدوء وبعقل وركاده جنج مو شاكه فيه بس قوليله ؟ مقصره بشي مزعلتك بشي ..؟ يعني فضفضه حتى لو اهو اللي غلطان اخذيه على قد عقله وسايريه .. عشان تكسبينه ..

وإن شاء الله تتصافون وتنتهي هالمشكلة ..

ربي يعينج ويصبر قلبج ..

 

[فوفو22]

انا ضد التصنت بانواعه

ولكن المساله مو طبيعيه

التسلسل بالتغييرات وراها إن

هو وانتي محتاجين وقفه وجلسه صراحه

مو ضروري يمرك بيت اهلك انتي رجعي بيتك

واجلسي فيه

وواجيه بظنونج

وجه بوجه

ومن ردوده ونظراته رح تعرفين سبب تغيره

فوفو

 

[انثى عاشقة]

حبيبتي نصيحة لاتحطين جهاز تسجيل انتي الي نفسيتك راح تتعب اهم شي لا تنامين عند اهلك مو بكيفه زوجك. والله يسخره ويهديه لج يارب

 

[فـراوله]

لا تطلعين من بيتج حتى لو اهو للي مزعلج قعدي بيتج
واذا قال بوديج عند اهلج قولي له ماني رايحه مو غصب
ابي اقعد بيتي وحاولي بالويكند اذا ما جا اخذج خلي اخوج ولا ابوج
يقطج البيت عشان يدري انج تبين بيتج وما راح تطلعين منه

وبالنسبه للجهاز وخري عنه يمكن بالمستقبل راح يكون سبب مشاكل بينكم







​

 

[اميره1980]

جهاز تسجيل = خراب بيتج + طلاق

اغلب اللي اعرفهم حطو جهاز تسجيل تطلقو و عندهم عيال بعد
شلون ريلج بيثق فيج من اليوم و رايح و شنو راح تستفيدين منه ؟ حتى لو كان يعرف وحدة الاحترام راح يكون معدوم بينكم و هذي مو عيشه
حاولي تغيرين من نفسج و تجذبينه ناحينج و خلي الريال يتنفس بره البيت شوي و يشوف ربعه

 

[بطوووطة$بيضة]

لو انا منج اتكشخ واتسنع واطلع مع رفيجاتي اخليه يعرف ان انا ابي وناستي ...ولا بعد اقوله انا بنام افبيت اهلي اخلي يشك ان في شي الريال مايحب اللزقه

 

[بنت_ابوها]

اذا اهو صج يخونج راح ينجك بيوم من الايام

اما اذا حطيتي تسجيل وطحتي عليه شنو بتقوليله راح يقلب السالفه عليج

و ان شاءالله ظنج مو بمحله و الله يهدي سركم

 

[ma7rooma]

الله يهديه ويوفقكم يارب

 

[غيابك حلم]

نصيييحه تركييه لين مايمل خلي حياتك تمشي طبيعي
مآاتوقع انه يحب ومغرم مجرد جو حديد ويتسلى ومصييره يمل
نصيحه اخيره ذكريه بمسج ارسليه قصه دقه بدقه ولو زدنا لازاد السقا

 

[Moim]

حبيبتي كلش ما انصحج بجهاز التنصت اذا حطيتيه فحطي فبالج راح تتطلقين لان كلش ماراح يثق فيج
بس خليه حاولي تكونين الشي اللي يريحه ولا تفكرين ان تنطرين منه شي
ريحيه بدون لا تنطرين كلمه حلوه منه
صدقيني مع الوقت بتتعودين
انا الحين جذي قمت اسوي والله ان يطلع الساعه 6 الصبح الدوام بعدها عند اهله لما الساعه 6 يرد البيت يغير ملابسه ويروح الدوانيه وبس ما اشوفه الا الساعه 12 او 1 بليل
عبالج مو شاكه؟ شاكه بس ساكته ومافي احاول كثر ما اقدر ابررله بعيني كل تصرف اييلي منه
قبل كنت لما اقعد من النوم ادزله صباح الخير واهو بالدوام
قمت لما ما ادزله يقولي ليش ما دزيتيلي ؟
خليه يتعود على اشياء حلوه وبسيطه
خليه يفقدج
وترى صج احس الريال مايتغير بيوم وله شهر يبيله وقت طويييييييل لي درجه انج تمليت اييلج وقت تقولين بس لاعت جبدي امثل الراحه وانا مضايقه منه
بس تصبري

 

[رقـة الاحسـآس]

ردي لبيتج ترا بيتعود ع البعد
و تفاهمي معاه بهدوء خليه يقول اللي عنده
صارحو بعض
وعن الطلعات لو مثل ما تقولين توه بادي يسوي هالحركه خلاص طوفي اللي فات
بس مره ثانيه لو بغا يبات عند ربعه لا تباتين عند اهلج
قوليله هذا بيتي و ما ابات الا فبيتي و ان بغيت تروح الله يحفظك
وبس

 

[*peace*]

انتي لو انج ذكيه جان عاملتيه بالضبط طبق الاصل مثل مايعاملج

طنشي

لاتدقين

طلعي مع رفيجاتج

مع اهلج

بس لاتنامين ببيت اهلج

اذا دش البيت طااااااف ولاجنه موجود لاتعطينه اي نقطة اهتمام

واهم شي خوفيه خليه يحاتي وضحيله باشياء بسيطه انج تدرين شنو عنده

قطي نغزات اللي ماخذ عقلك اذا شفتيه سرحان مثلا اذا شفتيه مندمج بالاي فون قوليله على ضحك

كما تدين تدان ترى المهم صرقعيه

تصرفي بذكاااااااااء صج قلبج بيعورج وبتبجين وبتعانين بس صبري وشوفي مع الوقت اذا ماتسنع

او تغير وطبعا لاتخلين الدعاء والاستغفار

 

[كـ غلا ــلي]

لا ترضين انج تنامين بيت اهلج كلش وان تحجج خلي احد يوصلج بيتج او اخذي سيارتج عشان

تروحين وتردين بكيفج والشغله الثانيه مو بالضروره يخونج مع بيت احتمال كبير يشوف افلام ويبي ياخذ راحته

لانه انا ريلي جذي ما يصدق على الله اطلع ودايما يطلع عقبي وتحسينه ناطر طلعتي نطره فجيكي على هالسالفه

اذا سوالف من هالنوع طنشي

 

[أم ميميتو]

الله يعينج حبيبتي ردي بيتج و لا تطلعين منه مو بكيفه كل شوي قاطج هناك انتي مو لعبه عنده قوليله بيت اهلي اروحه زياره وبس انا ما تزوجت عشان انام عندهم والله يهدي و يبعد عنج و عنه عيال الحرام

 

[جادل سبيع]

اذا اهو كل اشوي تزيعل وسوا سالفه انتي قلبي السالفه اللحين قفلي جهازك او لاتردين اذا دق طووووووووووولي فوق الاسبوعين خليه ايعرف مدى سخافته واذا جاء وطلب اتردون بيتكم ارفضي قوليله ماعندي بيت بقعد عند اهلي ولاترضين ابسهوله وخلك حيييييييييييييل رسميه وبيني له ان هالوضع سخيف ماتبيني طيب ليش متزوجني ؟؟؟؟؟؟؟؟؟؟؟

شلون يرضى تقعدين اببيت اهلك كل اشوي شنو مايخاف يسالونك مايخاف ايشكون مايخاف ايطيح من اعيونهم..؟

بس سالفة التجسس لااااااااااا مانصحك فيها الا اذا بايعتها واتدورين الزله اللي اتفكك منه..

بالتوفيق خيتي الله ايسخره لك واينولك مرادك تقبلي مروري..

 

[hooryah q8]

لا تحطين جهاز لانه اذا سمعتيه يخونج بتكرهينه وماراح تنسين الي سمعتيه
واضح انه يخون لانه يخشش تلفونه .. مافي الا تتفاهمين معاه و تقعدون قعدت صراااحة
ولا تروحين اتنامين بيت اهلج من الحين عودييه على هالشي
والله يهدي سركم و يحفظلج زوجج من عيال الحرام

 

[ạ7ạśêś ~]

يا قلبي يمكن صج اهو يحب يقعد بره وااييد شباب جذي مو شرط خاين
ولي بتسوينه ي قلبي يهددم اهم شي بالزواج ثقه بعد تسجيل صددددقيني ما عاد في ثقه
ف لا تسوينها
حاولي غيري نفسج سوي كل يومين ليله سهره او حطي لج فلم واجوا جربي يمكن يحب جذي*

 

[GaLaXii]

ياحياتي الله يفرج همج

 

[just meee]

ارجعي البيت واسفهيه يعني احقريه لا تعطينه اكبر من حجمه .. بس لا تسوين نفسك زعلانه ومبرطمه يعني مبوزه .. روقي عيشي لحظتك وخليه يحتار فيك ولا تفتحين اي نقاش معه وبس

 

[golnaz]

الله يهديه و يسخره لج يارب