قررت احط جهاز تسجيل وتنصت على زوجي لاني متوقعه يخوني

[حياتي ستستقر]

الصراحه خوفتوني من الجهاز وخفت ماابي مشاكل
البنات الي قالولي لاتروحين بيت اهلج؟؟بنات هو يوديني يقول بسهر برا باليل وماراح ارد الا بكره او بعده مايخليني انام يعني غصبن عني موبيدي علشان تقولون لاتروحين ولاتروحين
الان خلاص شلت فكره اني احطله جهاز تجسس صراحه خفت

وهو اليوم دزلي مسج طرشيلي رقمج المدني توقعون شنويبي فيه؟؟ بصراحه خوفني انا صارلي 6 ايام في بيت اهلي لاتقولون اتصلي عليه اتصلت عليه يكلمني كنه مغصوب ادعولي

 

[حياتي ستستقر]

توقعون شنو يبي بالرقم المدني ؟؟ليش يبيه؟؟؟؟؟؟؟

 

[انت غلاي]

ماانصح تتجسسين عليه لانك بتضرين نفسك اولا
هذي فرصتك عند اهلك افرشي سجادتك وادعي للي بخاطرك كللللله
والله يسسخره

 

[* Snow White *]

استغفرالله شهالوسواس اللي حايشج!
انه بعض الظن اثم =/ انا اخوي مو متزوج، و الحمدلله واحد مصلي ويخاف الله وماعنده اي علاقات الحمدلله
ومو دايما يطلع ويوميا ويانا ويونسنا وعائلي
وتلفونه فيه قفل ولما ينام يحطه تحت المخده! ولما ناخذه منه اذا نبي شي، عادي مايعصب ويخلينا نمسكه، ولي سالناه شلون نفتحه يعطينا الباس بكل ثقه!! ليش هالاحساس الي حايشج مايصير ترا .. يمكن هاذي طبيعته!

 

[أم حورية]

زين انج تراجعتي عن سالفة الجهاز لان اول شي التجسس حرام ثانيا حطي ابالج اذا سمعتي اللق يضايقج يا انج تصبرين وتحاولين بطرق ثانية انج تقربينه منج او تواجهينه ويمكن ينكر ويطنش ويمكن ياخذ الموضوع عادي ويتعرف ويعاند واحتمال قليل ان يعترف ويتاسف لان مبين عليه باسه قوي وبكل الاحتمالات انج تعرفين احسن من انج تسمعين باذنج لانج راح تتعذبييين واهو ولا راح يحس

وبالنسبة حص الرقم المدني ساليييه شوفي شيبي فيه بس لا تعطييينه مانصح ،، لا تأمنين باحد

الله يسخرلج اياه ويصلح حالكم يارب *

 

[شذى الحب]

مع ام كوثر

 

[حلا الطائف]

نصيحه مني طنشيه ومصيره يرد لك الله يهديه اذا كان على غلط

 

[ĎĩĄɱȬȵḒ]

لاا تحطين الجهاز

هالشي يمكن يكون عكسي عليج وعلى حياتج

برايي خليه لاا تسألين عنه اسبوع اسبوعين حاولي تصبرين وان جا كلمج قعدوا مع بعض وتفاهمواا

وان ماجا ,, ردي كلميه بهدوء وتفاهمي معاه وسأليه عن وضعكم وشاللي غيره

والله يسخره لج يارب.

 

[فركيته]

الله يسخره لج ويهديه

 

[ود=الحب]

حبيبتي ابي اكلج بالخاص*

 

[G0theka]

اول شي شنو راح تستفيدين من التسجيل غير القهر ،
تعوذي من ابليس و ابدي غيري من نفسج
شوفي زوجج ليش راح يطالع بره
انا ادري بنات ابليس وايد و يلعبون على الرياييل ..
بس انتي حاولي تغيرين من شكلج و لبسج و الاهم من هذا شخصيتج
طنشيه و لا تعطينه ويه جم يوم ..
كشخي و قعدي و خلج ساكته و غامضه
بيموت و يعرف شنو تحت راسج
و بيهد اسحيله ام الخلاجين و يقعد يجابلج
يشوف شنو الي غيرج عليه ...

و الله يصلح بينكم

 

[قلبي معه]

اكثر البنات قالووو لك لا تجسسين عليه وهذا الكلام السليم حبيبتي اتجهي لربك وستغفري وحاولي تغيري من نفسك وحاولي تعرفين وش مضايقه كلميه قربي منه

 

[انا هايدي]

حبيبتي
ان شاالله انها فترررره واتعدي باذن الله ويرجع زي قبل
واحسن بعد بس انتي خليه يشوف ان لك رايك وشخصيتك
يعني مو يقولك روحي وتروحين عطيني رقم السجل المدني وتسكتين وحتا ماتقوللين له
شتبي فيه خليك قويه ولك رايك اذاقال روحي لاهلك وظحيله الاستغراب الشديداهم شي الشديد ههههه
وقولي ليش اروح ماابي اروح واصررري بس بدون ماتنرفزين او قولي له حلو دامك بتطول برا البيت
بعزم رفيجتي فلانه ولا اييي احد للعشا واذاراحت بنام واليوم الثاني عندي شغل شكثثره باالبيت
ياليت يمديني اخلصه بتجي وانا ماخلصت قولي كذاااا وحلو انك تقعدين في بيتك تغرين فيه وتسوين حراكات
او تسوين له مفاجاه حتا لو مايستاهل ولايعه كبدك منه بس اهم شي يكون لك حظووور
مدري البنات معيييي في رائيي ولا لا

 

[دلوعة صلوح]

الله يهدى لج يارب العالمين.

 

[عطرالكلام]

الله يهديكم ويصلح حالكم

 

[جنون الهوى]

الله يسخرة لك ويهديه​

 

[بيتي بوب بس كويتيه]

حبيبتي قعدي ببيتج وان وداج لاهلج خليهم يردونج قوليله اهلي صارو يقطون نغزات علي
ودائم بالبيت لبسي اللبس الي يشد انتباهه مو شرط قميص نوم وتعطري دايم والشعر خليه دايم مسرح ومرتب
ولا تحنين عليه
واذا تاخر دقي عليه قوليله اشتقت لك

 

[بيتي بوب بس كويتيه]

على فكره اول ما تزوجت كان ريلي يسوي نفس ما يسوي ريلج
بس انا عرفت اسحبه صوبي
بس بعد معانات سنين

 

[دنيا ثانيه]

اختي بقولك نصيحه لوجه الله تعالى وبأذن الله تلقين الحل فيها

اول شي شيلي من بالك جهاز التنصت هذا لان الله تعالى يقول في كتابه العزيز (ولا تجسسو)

وبعدين ارجعي لبيتك ومهما اتهاوش معك بسطي الامر واعتذري منه وخليكي انتي الغلطانه

عشان مايلقى شي عليكي ويقولك روحي لاهلك او يطلع من البيت زعلان

واهم شي
اهم شي
اهم شي

وعن تجربه

الدعاء
معليش اطلبي من الاخوات والاهل يدعون لك لكن انتي لاتتركين نفسك

وتتكلين على الناس طيحي بين ايدين ربك في كل سجود يا اختي

واخر الليل والناس نياام طيحي بين ايدين الي عينه ماتنام
الي ينادي في اخر الليل ويقول هل من داعي استجب له هل من مستغفر اغفر له
الله رب العالمين الرحيم الغفور
ربي بيده يرد لك زوجك

صلي صلاة اخر الليل واخشعي في سجودك وابكي
وقولي اللهم رده لي ردآ جميلا
ياحي ياقيوم رده لي ردآ جميلا

وهذا الدعاء الي هز السماء
اللهم ياودود ياذا العرش المجيد يامبدء يامعيد
اسئلك بنور وجهك اللذي ملء اركان عرشك
واسألك بقدرتك التي قدرت بها على جميع خلقك
واسألك برحمتك التي وسعت كل شي
يامغيث اغثني
يامغيث اغثني
يامغيث اغثني

وبعدها اطلبي حاجتك


والله يا اختي عن تجربه اني انفكت كربتي


اسال الله الرحمن الرحيم ان يردلك زوجك عاجلا غير اجل



ولاتنسين تطمنينا عليك

 

[aljori]

شوفي دامج واثقه انه يخونج ليش تعبين نفسج وتحطين تسجيل
انا قبل شهر شريت جهاز التسجيل وجهزت كل حاجه عشان اتجسس عليه
بس بصراحه فكرت بعقل اكثر لو اكتشفت انه فعلا يخوني وش بستفيد
ماراح اقدر اواجهه لان اذا واجهته ماراح يحسب لي حساب ولا بيخاف مني
بيصير يكلمها جدامي ..وتذكرت قوله تعالي ولاتجسسوا ..وكلي امرج لله
واستودعيه قلبه وفرجه وجميع جوارحه وماله داعي النوم ببيت اهلج ازعلي ونامي
بسريرج تري بعيد عن العين بعيد عن القلب ومصيره بيتعدل عليج بالدعاء
تري هذا ابتلاء تصبري وتحملي ..هذي الدنيا دار شقاء والاخره دار بقاء
لو اكتشفتي شي بتكرهينه صدقيني وبتتعبين نفسيا ..انا رفيجتي رايحه مع زوجها شهر عسل
للبحرين توهم متزوجين تركها ليله كامله بالفندق وراح وجايها مبين اللي شارب ومخربط
تقول سكت ولاكني دريت وطاحت علي تليفونه صور واشياء ولاتكلمت ولا واجهته
وهذا هو رجع لها ..وترك الخرابيط
ادعي ربج بس ...ولاتحزنين مافي شي يستاهل تضيقين نفسج عشانه...الله يسخره لج
ويجملج بعينه