قررت اني اصك حلجي بس هالمره صج !!!!(Season Tw0)

[فواصل]

شموع

مشكورة على الوصفة

بس 30 فص ثوم وايد !

 

[Jalowry]

وزنت اليوم ..
الوزن السابق: 96
الوزن الحالي:89
الحمد لله دشيت عاالم الثمانينات....

مبروووووووك عليج حبيتي فوااااصل.....

هلا وغلا ياشموووع أحس ان الوصفه صعبه خصوصا الثوووم واااايد صعب..
شلون طعم الثوووم وااااااضح؟؟؟
مشكوره حبيبتي على الوصفه ماقلتي كم صار وزنج؟؟؟

 

[oJgJI]

السلام عليكم بنات انا وزنننت

احم احم احم ٧٦ نزلت كيلوو بس

اليوم اكلت بس كلوب ساندوتش تونه مع بيبسي دايت يمه هل بيبسي اجرام وبسكر حلجي عقاب

 

[فواصل]

مساء الخير

كيف الحال ؟


الف مبرووووووووووووووك يا حلوين على النزول

 

[فواصل]

يومياتي (ماشاء الله تبارك الرحمن )


الريوق

كلت في الدوام لاني نسيت ريوق الشركة *_*

كلت حبتين فلافل ومسحة لبنه بالاعشاب و ربع خبز ابيض

و كابتشينو بدون حليب ولا سكر


السناك

حبتين شوكليت و فنجال قهوة


الغداء

كباب سمك و ودجز و سلطة

السناك

قهوة

ام علي ( مب حلوة وايد )

العشاء

كلت فطيرتين صغار وعقب تعشيت من عشا الشركة شاورما دجاج مع سلطة خضرا


شربت تقريبا 3او 4 اكواب ماء

اليوم تعبت من الحلوة علشان جذي حسيت شهيتي مفتوحة نوعا ما

 

[oJgJI]

انا شربت حليب قليل الدسم مع نسكفيه ان شاءلله من باجر يرد احاول اصور اكلي

 

[Jalowry]

مبروك النزول ياوله ....
وانا اليوم خذيت بريك من الرجيم لووول قلت خليي ارتاح شوي,,,

 

[oJgJI]

صباح الخير
جالوري الله يبارك فيج قلبي بس كيلو زعلني

اليوم قمت ٣ الفير مانمت من اليوووع هههههه كنت على غداي

ريوقي كان فطيرتين وحده حلوم وحده عكاوي مع عصير برتقال كيدي

ماني متغديه واذا يعت بسوي لي حليب قليل الدسم مع نسكفيه

 

[Jalowry]

هلا حبيبتي وله ماعليه هالمره نزلتي كيلو المره اليايه ان شاء الله تنزلين أكثر لووول أهم شي لاتوقفين..
عسى ماشر فواصل مادشت اليوووم ؟؟
اليووم كنت صايمه اخر يوم بالدين مالي والحمد لله ..
أفطرت على شوربه شوفان و3 تمراات..وبس

 

[Jalowry]

بنااات عاجبكم يوم الميزان كل شهر والا تبونه أقرب من جذي يعني ممكن نوزن كل أسبووع
أو كل اسبوعين شنو رايكم؟؟؟ أحس ان الشهر واايد ممكن نخبص وناخذ راحتنا أما اذا خليناه قريب نتحمس اكثر
ونلتزم بالرجيم......انتظر رايكم؟؟؟

 

[oJgJI]

قوووووه بنات

ان شاءلله جالوري الله يسمع منج بس ما اعتقد عقب الي سويتع اليوم

انا اليوم خبصت تخبيصه عجيبه غريبه فبسكر حلجي من الحين بس بظل عسوائل وبس
ماراح اكتب شنو اكلت عشان ما انزف بس بمشي بعد شوي او بلعب قاري

 

[Jalowry]

ماعليه ياوله حتى انا اليومخبصت سميته يوم التخبيص العالمي لووول
خايفه لا أخبص على طووول الله يستر ان شاء الله من بااجر رااح التزم..
اليوم بعد فواصل مادشت عسى المانع خير.

 

[فواصل]

صباحو

شخباركم

انا قريب اخلص اشتراكي

بسوي نظام التخفيف على الاسبوع الجاي ان شاء الله

وبخصوص الميزان

انا اشوف مرة في الشهر احسن وخاصة انا من النوع اللي يثبت وزنه

فلما خليت الميزان مرة في الشهر ارتحت لان كل اسبوع اتوتر

 

[Jalowry]

هلا وغلا حبيبتي فواصل...
اليوم : كليت مالذ وطاب زفوني بنااات صج اليوووم زودتهاا وااايد
خااايفه لاأخبص على طووول...
اليوم مادشت وله عسى المانع خير؟؟

 

[oJgJI]

عواااافي فواااصل حبيبتي وانا بعد اقول جذي لانه حلوو لما تشوووفين نفسج نازله وايد انا نزوولي بطيئ :'(

جالووووووووووووووووووووري اشووفج تبين تردين الي نزلتيه يلا عااااد بسسسسج بتنفجرين :q وملابسج مادش فيج
حلفي انج مابتخربطين وخلج قد حلفج وانتي قدها وقدود

 

[oJgJI]

يوووومي كان
الريوووق
نص خبزه لبنانيه بالنخاله مع جبنة اريش وتركي وطماط وخس + نسكفيه

الغدا ملفوف بدون عيش مطبوخ معا الملفوف العادي مافي دهن

العصر تفاحه خضرا

العشا مثل الريوق بس مع بربيكان

طلعت وحست وايد وما سويت شي بالبيت

 

[فواصل]

صباحو

شخباركم

امس كل شيء تمام

جالوري

حرام عليج تخبصين هالمرة سامحناج مرة ثانية يا ويلج !

 

[oJgJI]

السلام عليكم صباحكم ومساكم خير

الريوق
نص بقصمه + نسكفيه

الغدا
شورما دجاج لفيتها بخبز اسمر بالنخاله

العشا
عصير كوكتيل مع تفاحه

 

[فواصل]

مساء النور


شخباركم


اليوم ريوقي

كرواسون زعتر مع شاي حليب


السناك

مفن لايت


الغداء

نص سندويش روست بيف مدخن = ما حبيته

ولي عودة مع بقية يومي

 

[oJgJI]

السلام عليكم بنات شخباركم
فواصل حبي عوووافي مطرح مايسري يمري

يومي
الريوق نسكفبه

الغدا
نص خبزه ايرانيه فيها جبنة اريش قليلة الدسم ومافيها ملح
مع تركي وطماط وخس وجرجير وريحان

اكلت حبتين ككاو

ماتعشيت