قروب تحدي لعید الاضحی

[**روان**]

هلاااا فيج
الله يسمع منج واضعف لووول ,, :dddds:

بنات انا بغير رجيمي لان بصراحه الرجيم حيل حيل حيل متعب :\
فلقيت رجيم الكورن فليكس فقلت اجربه و على فكره انا من عشاااااق الكورن فليكس :tomato2:

رجيم الكون فليكس:
الريوق كورن فليكس + حليب قليل الدسم
الغداء كورن فليكس + حليب قليل الدسم
العشاء كورن فليكس + حليب قليل الدسم

وممكن توزعين واجباتج على 6 او 5 حصص يوميه والشي اللي اباكم تعرفون وهو المهم انه هذا الرجيم هو من رجيمات السعرات الحراريه المنخفضة ...

وممكن تتفننين في اختيار نوع الكورن فليكس اللي به مكسرات او فواكه او اي شيء وخاصه انه به كل الفيتامينات المفيدة مع حليب قليل الدسم

وممكن البراون او الحبوب الكامله ... يعني انتي وشو تحبين

ومن الاختيارات الموجودة :


الكورن فليكس ابو ديج
وكورن فليكس الرشاقة
والبراون كورن فليكس

بس بدون اي سكر والحليب لازم يكون قليل الدسم او ممكن تستفيدين من موضوع السعرات وتاخذين كامل الدسم

هذا حسابي ل4 وجبات كورن فليكس = 724 سعرة حرارية في اليوم وممكن تكملين على راحتج بالفواكه والخضروات والعصاير حسب جدول السعرات الحراريه اذا كان متوفر عندج واذا مش متوفر ممكن تحلينه على النت وتختارين براحتج ...

واشربي الماء اي وقت بالاضافة الى الاعشاب
والشاي بدون اي تردد اذا كنتي تراعين انه الحليب خالي الدسم وسكر خاص بالرجيم


الوجبة الوحدة = كوب كورن فليكس 95+ كوب حليب خالي الدسم 86 = 181 سعرة


السعرات الحراريه في كورن فليكس كوب (25 جرام ) = 95 سعرة حرارية وممكن تشوفين اللي موجود على الجدول اللي اي على العلبه وتحددين ...

السعرات الحراريه في حليب قليل الدسم 1%
1 كوب
102
السعرات الحراريه فيحليب قليل الدسم 2%
1 كوب
121

السعرات الحراريه في حليب خالي الدسم
1 كوب
86

------------------

حيل حلو الرجيم ومو متعب ، منو بيجربه معاي ...؟

 

[loly love]

روان وايد وايد الرجيم حلو احسن من قبل لووووووول هلا فيكم نورتوا الموضوع

 

[شيــوخه]

يلا بنات بتوفيق

 

[عرووس بحرينيه]

وااااي واايد كورن فليكس

بحاول اصير وياااكم بس ادري بروحي ماستغني عن اللحم والبروتيييين

 

[عرووس بحرينيه]

بنااات حاسبوووو يقولون الي نوع دمها اوو الكورن فليكس يمتنهااا


بس انا اليوم باسوي عشااااي كورن فلييكس وحليب قليل الدسمممم



انزين ياله كل وحده تققرر شنو نوع الريااضه الي بتسويها


امممم


انا بركب السيكل لمدة نص سااعه وبرقص ربع سااعه

 

[كرسبي كريم]

وانتي بخير عروووووس بحرينيه
اليوم غداي كباااااب
وعشاي كان شوربه البروكلي مع حبه نقيتس دياي حبه وحده عن الحلال والحرام
المغرب شربت حليب مع نسكافيه
وسلاااااااااااااااااااااااااااااااااااامتكم
انتو شخباركم شمسوين؟؟؟؟

 

[كرسبي كريم]

عاااااااااااااااااااااااااااااااشت عاااااااااااااااااااااااااااااااااااااشت عروس بحرينيه شدي حيلج اوووكي :ggdw:
انا عندي امتحان باجر جان طلعت مشيت رياااضه :eh_s(1):
بس انشاء الله باجر اروح امشي:ada:

 

[كرسبي كريم]

روان
رجيم الكورن فلكس جربته اختي تري صج اضعف بس يابيله استمرار ما تملين منه

 

[عرووس بحرينيه]

عاشت ايااااااامج


انا تعشيت كورن فليكس بوديج وحليب قليل الدسم وحدي فولت بس يمكن بعدين اذا يعت اكل تفاحه ولا شي

 

[ام شباصه]

عروس بحرينيه بالعافيه عليج
جان استخدمتي مايونيز لايت بس عاد مو تكثرين

 

[كرسبي كريم]

صباح الخير
شلونكم شخبااااااااااااااااااااااركم
امس بعد العشا الحمدلله ما كليت شئ ما خربطت الحمد لله
واليوم ريوقي بعد ما تريقت بس مزهبته
شابوره وحليب مع نسكافيه
وانتوااا شخباركم شمسوين؟؟؟

 

[ام شباصه]

انا ماقدر على رجيم الكورن فلكس حدي ملوله
انا بكمل على الشمري مع شوي اضافات من عندي لاني جمعت اكثر من رجيم بواحد بس السعرات ماتزيد عن 1200 وممكن اقل بعد
الرياضه انا ناويه اشتري جهاز المشي خلال هالاسبوع ان شاءالله وبلعب عالقرص الدوار 5 دقايق تهقون كافي؟
بنات امس خقيت واكلت فلافلتين على العشا مع تفاحه بس بشكل عام مرتاحه ماحس اني خربطت ولا ثقلت

انتو اشلونكم ؟؟!

 

[ام شباصه]

كرسبي هلا والله شلونج احنا تمام
عاشت والله كفو
اتصدقين انا مفكره اليوم بعد اتريق شابوره
انتي اي وحده تاكلين
انا احب مالت المطاحن الي بالحبوب

 

[كرسبي كريم]

والله عاااااااااااااااااااااااااااااااااااااشت ام شباااااااااااااااااااااااااصه الرياااضيه
تري الرياضه زين تشد الجسم وترتبه
وبالنسبه للشابوه شابوره المطاحن احلي شئ واخف شئ علي الاقل ما تكسر الضروووس اخخخخخخخخخ

 

[عرووس بحرينيه]

صباااااحكم عسل

تصدقوون امس صادني كسل ماسويت رياضه الا عشر دقااايق


ام شباااصه عسااج بخيير ؟؟
داام الجو حلووو ليش ماتتريضين برع في الممشى


كرسبي كريييييم شخبااارج؟؟

يعني شنو شابوووره ؟؟




يالله بنوتاااات قبل الريوووق شربوو قلاصين ماي

الماي وايد مفييد بس انا الله يهدااني ماشرب الا قلاص في اليوم والباقي كله عصااير

 

[ام شباصه]

كرسبي مو المشكله ندري ان الرياضه زينه بس لو ما الكسل جان اجسامنا تصك على كيم ههههههه

عروووس اتصدقين شيشتيني بروح اليوم بمشي عالبحر عشتو... الجو اينن
والشابوره اهي مثل التوست المحمص والله مادري ماعرف لها اسم ثاني
وافا عليج الحين اشرب بطل ..... لا يروح بالكم بعيد بطل ماي ههههههه

 

[كرسبي كريم]

لوووووووووووووووووووووووووووووووووووووووووووووووووول
عجبني احلي من كيم والله لو الجلو علي طول حلو جان كل يووووم امشي واركض بعض اخخخخخخخ
صح الشابور توست ناشف بس علي انواع في شئ معه حبه البركه ولا بالحبوب الكامله لووول خبره اكل
شلونج عروس بحرينيه شمسوووويه

 

[عرووس بحرينيه]

عاشووو البنااات



اي كثروو من الماااي


لحظه الشابوره يعني بقصم ؟؟ يكون ياااابس ؟


انا تريقت كورن فليكس وشرب لي جااااي

 

[**روان**]

هااي بنات شلونكم شخباركم ...؟؟

اليوم بالريوق شربت جاي

وبالمدرسه مت من الجوع واكلت جلكسي و عصير مانجوو بس هذي آخر مره اعيدها

و نسيت اشتري كورن فليكس فعالغدا أكلت همبرقر 2 بروحهم مع كتشب

و عشاي بيكون كورن فليكس

والحين بمشي نص ساعه وبسوي تمرين البطن 30 مره

وان شاءلله كل اللي بالقروب ينزل وزنهم

 

[صوتي وصل]

مرحبا صبايا سوري مادخلت من زمان كل من السخونه ذبحتني وصار الرجيم من ربي
مااشتهي شئ __بس الحمدالله اليوم احسن وراح نبدي من باجر رجيم الكورن فلكس عجبني حيل لاني احبه
وانشالله نستمر